يېشىللاشتۇردىغان سېھىرلىك دېتال VMware ThinApp

alip

VMware ThinApp مەشغۇلات سىستېمىسىدىن باشقا خالىغان يۇمشاق دېتالنى يېشىللاشتۇرالايدۇ. ئۇيغۇرچىلاشتۇرغان دېتال بولسۇن ياكى باشقا دېتاللار بولسۇن مۇشۇ دېتالدىن پايدىلىنىپ يېشىللاشتۇرۇپ بىرلا ھۆججەتكە ئايلاندۇرغىلى بولىدۇ. تىزىملاش جەدىۋىلى، سىستېما ھۆججەت قىسقۇچىنىڭ چەكلىمىسىگە ئۇچىرىمايدۇ.
شۇنداق بولغانىكەن، خالىغان دېتالنى مۇشۇ VMware ThinApp نىڭ ياردىمىدە بىر تاللا يېشىل ھۆججەتكە ئايلاندۇرۋېلىپ، بارماق دېسكا قاتارلىق ئۈسكۈنىلەرگە كۆچۈرۋېلىپ خالىغان ئورۇندا ئىشلەتكىلى بولىدۇ. ئىشلىتىدىغان دېتالنى قاچىلايمەن، تىزىملاش نومۇرنى كىرگۈزىمەن دەپ ئاۋارە بولمايمىز. VMware ThinApp  ئارقىلىق بىر ھۆججەتكە ئايلاندۇرۋەتكەن دېتاللارنى ئاسانلىقچە يەشكىلى بولمايدۇ، بۇنداق بولغانىكە باشقىلار بىز كىرگۈزگەن نەشىر ھوقۇقى ۋە باشقا شەخسى ئۇچۇرلارنى ئۆزگەرتەلمەيدۇ.  مەن ئۇيغۇرچە Photoshop CS4 Me نى مۇشۇ دېتال ئارقىلىق بىرلا ھۆججەتكە ئايلاندۇرۋەتكەن.
ئىزاھ: يېشىل يۇمشاق دېتال دېگىنىمىز_ قاچىلاش ھاجەتسىز، ۋىندوۋىسنىڭ تىزىملاش جەدىۋىلىگە بېقىنمايدىغان، ھۆججەت بار يەرنى ئېچىپ قوش چەكسىلا ئېچىلدىغان يۇمشاق دېتاللارنى كۆرسىتىدۇ.

VMware ThinApp نىڭ Windows7 دىمۇ ئىشلەيدىغان ئەڭ يېڭى نەشىرىنى تۆۋەندىكى ئادېرستىن چۈشۈرۈڭ
توك قېچىردا چۈشۈرۈش ئادېرسى


بىۋاستە چۈشۈرۈش ئادېرسى
ئىشلىتىش ئۇسۇلى
قاچىلاپ تەييار قىلغاندىن كېيىن Setup Capture نى ئىجرا قىلدۇرمىز.

next نى باسساق تۆۋەندىكى ھالەتكە ئۆتىدۇ.

Advanced settings نى بېسىپ يېشىللاشتۇرماقچى بولغان دېتالنىڭ قاچىلىندىغان دېسكا رايوننى تاللاپ بېرىمىز. تۆۋەندىكىدەك

دېسكىنى تاللاپ ok نى باسساق دېسكىدىكى ھۆججەتلەرنى ئومۇميۈزلۈك تەكشۈرۈپ چىقىدۇ. تەكشۈرۈش تاماملانغاندا next كۇنۇپكىسى يورۇيدۇ.

ئەمدى ئەڭ مۇھىم باسقۇچقا كەلدۇق.

مۇشۇ رەسىمدىكى ھالەتكە كەلگەندە next باسماي، بۇ كۆزنەكنى كىچىكلىتىۋېتىمىز. ئاندىن يېشىللاشتۇرماقچى بولغان دېتالنى قاچىلايمىز. قاچىلاپ بولغاندىن كېيىن ئىجرا قىلدۇرۇپ كۆرۈپ باقىمىز. نورمال ئىجرا بولغاندىن كېيىن چېكىنىپ چىقىپ ئاندىن يۇقارقى رەسىمدىكى next  كۇنۇپكىسنى باسىمىز.
قاچىلىغان ھۆججەتنى تېز سۈرئەتتە تەكشۈرۈپ چىقىدۇ

تۆۋەندىكى رەسىمدەك ھالەتكە كەلگەندە ئىجرا ھۆججىتىنىڭ ئىسمىنى تاللاپ بېرىمىز.

كېيىنكى كۆزنەكلەردىكى تاللانمىلارنى ئۆزگەرتمەي next نى بېسىۋەرسەك بولىدۇ. تۆۋەندىكى ھالەتكە كەلگەندە

Build Now كۇنۇپكىسنى باسىمىز.
بىر ئاز ۋاقىتتىن كېيىن Build Complete دېگەن ئۇچۇر كۆرۈنگەندە مەشغۇلاتىمىز تامام بولىدۇ. ئاندىن Finish كۇنۇپكىسنى بېسىۋەتسەك بولىدۇ. ئۆزگەرتمىگەن ئەھۋالدا يېشىللاشتۇرۇپ بىر ھۆججەتكە ئايلاندۇرغان ھۆججەت VMware ThinApp دېتالى قاچىلانغان يەردىكى bin قىسقۇچىنىڭ ئىچىدە بولىدۇ.
بۇ ئىقتىدارى كۈچلۈك، مۇرەككەپ دېتال، بەلكىم بىر قېتىمدا مۇۋاپىقىيەت قازىنالماسلىقىڭىز مۇمكىن، يۇقىردا مەن كۆرسەتكەن قەدەم باسقۇچلارنى سەۋرىچانلىق بىلەن بىر نەچچە قېتىم قىلسىڭىز ئىشلىتىشنى ئۈگىنۋالالايسىز. بىرەر مەسلىگە يولۇقسىڭىز ئىنكاس يېزىڭ.

Nokiafun

ئوبدان نەرسىكەن. ئوفىس، چچ ، ئۇيغۇرچە سىكايىپ دىگەندەكلەرمۇ بۇلامدىكەن؟

alip

Nokiafun يوللانغان ۋاقتى  2011-4-23 21:47
ئوبدان نەرسىكەن. ئوفىس، چچ ، ئۇيغۇرچە سىكايىپ دىگەندەك ...

ئەلۋەتتە بولىدۇ.
Common Files دېگەندەك سىستېمىنىڭ يوشۇرۇن يەرلىرىگە ھۆججەت يازىدىغان مۇرەككەپ دېتاللارنىمۇ يېشىللاشتۇرۇپ سىناپ باقتىم.

intil

مەن سىناپ باقاي ...

gheiret

alip يوللانغان ۋاقتى  2011-4-22 20:10
VMware ThinApp مەشغۇلات سىستېمىسىدىن باشقا خالىغان يۇمشاق دې ...

بۇئىنگىلىزچە نۇسخىسىكەن . بۇنىڭدا يېشىللاشتۇرغان دېتاللارنى ئىجراقىلغاندا .ئېكراننىڭ ئوڭ تەرەپ ئاستى .تىزىملىك سىتونى غا كىچىك كۆزنەك چىقىۋالامدىكەن .دېتالنىڭ ئەڭ قاملاشمىغان ئىقتىدارى مۇشۇ بۇلۇپ قالدى.

alip

ئۇنداق بولسا نېمە بوپتۇ؟

xohmika

دوسلا ماڭا ياردەم قىلىپ بۇدىتالنى سۈرەتلىك دەرىس قىلىپ يوللاپ بەرگەن بولساڭلا رەخمەت

13345352419

مەن دەپ بىراي چ چ 1606120361

damollam

بۇ دىتالنىمۇ يېشللاشتۇرۇپ يوللاپ قويغان بولسىڭىز ، ئىشلىتىشمىزگە قۇلايلىق بۇلاركەن.

tiwep164

ھەرقىتىم دىتال يىشىللاشتۇرۇش ئۈچۈن بىر قىتىم قاچىلامدىكەنمىز ياكى بىر قاچىلاپلا قويساق قايتا سىستىما قاچىلىغىچە ئىشلتەلەمدىكەنمىز؟