Windows 8 مەھسۇلات قوللانمىسى

PengiYar

ئىلقۇتتىن ئىلاۋە:
ھەممىمىز كۆڭۈل بۆلىۋاتقان Windows 8 مۇ ئېلان قىلىندى. بۇ مەشغۇلات سىستېمىسى ئۆزىدىكى ئۆزگىچە يېڭىلىقلار ۋە ئالاھىدە ياخشى بولغان ئىقتىدارلار ئارقىلىق كەڭ كومپيۇتېر ھەۋەسكارلىرىنى ئۆزىگە تارتىپ كەلدى. ئەينى ۋاقىتتا Windows 7 ئېلان قىلىنغاندا نۇرغۇن تورداشلار بىراقلا Windows XP دىن Windows 7 غا كۆچۈشنى خالىمىدى. چۈنكى بۇ ېيڭىچە مەشغۇلات سىستېمىسىنىڭ Windows XP بولغان پەرقى زىيادە چوڭ بولغاچقا، كەڭ ھەۋەسكارلار دەماللىققا بۇ يېڭى سىستېما Windows 7 دا مەشغۇلات ئېلىپ بارالماي، گاڭگىراپ قالدى ۋە ئاخىرى كۆپ ساندىكى ھەۋەسكارلار سىستېمىسىنى يەنىلا Windows XP غا قايتۇرۇپ ئىشلەتتى. بۇ يەردە ھەۋەسكارلارنىڭ Windows 7 غا دەرھال كۆچەلمەسلىكى بۇ شاش ئاتنى قانداق مىنىشنى بىلەلمىدى. چۈنكى بۇ شاش ئاتنى قانداق كۆندۈرۈش، ئۆزىمىزگە قانداق خىزمەت قىلدۇرۇش ھەققىدە بىرەر جايدا سىستېمىلىق ماتېرىيال يوق ئىدى. شۇ ۋەجىدىن تا ھازىرغىچە ئارىمىزدا Windows 7 دىن ئىبارەت بۇ شاش ئاتنى مىنىپ باقمىغانلار نۇرغۇن. مانا ئەمدى نۇرغۇنلىرىمىز بۇ Windows 7 دىن ئىبارەت شاش ئاتنى مىنىشكە ئۈلگۈرمەي تۇرۇپ ئۇنىڭدىنمۇ چاپقۇر ئارغىماق ھېسابلانغان Windows 8 مەيدانغا چۈشتى. بۇ ئارغىماق ھەممىمىزنىڭ ئۇنى تېزدىن كۆندۈرۈپ ئۆزىمىزگە خىزمەت قىلدۇرۇشىمىزغا مۇھتاج. ھەممىمىز بىلىمىز، ئات ھەر قانچە ياخشى بولسىمۇ، ئۇنى مىنىشنى بىلمىسەك ئۇ ھالدا بىز ئۈچۈن ئادەتتىكى ئات بىلەن ئارغىماقنىڭ ھېچقانداق پەرقى بولمايدۇ. شۇڭا بلوگگىر تورداشلارنىڭ بۇ چاپقۇر ئارغىماقنى تېزدىن كۆندۈرۈپ، ھەقىقىي پەيزىنى سۈرۈشىگە پايدىلىق بولۇشىنى كۆزدە تۇرۇپ، بۈگۈندىن باشلاپ، مەزكۇر چاپقۇر ئارغىماققا ئائىت ئورگان تەرەپ تەمىنلىگەن «ئارغىماقنى كۆندۈرۈش قوللانمىسى (Windows 8 产品指南)» نى تەرجىمە قىلىپ، كەڭ تورداشلارغا سۇنۇشقا تۇتۇش قىلدى. تورداشلارنىڭ مۇۋاپىق تۈزىتىش پىكىرى بېرىشىنى ئۇمىد قىلىمەن.

———————————————————————–

ئەمىسە، تولا گەپنى ئاز قىلىپ، بۇ چاپقۇر ئارغىماقنى قانداق كۆندۈرۈش ھەققىدە ئاساسىي مەزمۇنغا ئۆتۈپ كېتەيلى!

Windows كۆركەم، تېز، راۋان بولۇپ، تور بېكىتىڭىز، كىشىلىك مۇناسىۋىتىڭىز، قوللىنىشچان ئەپلىرىڭىز شۇنداقلا تېخىمۇ كۆپ مەزمۇنلارنى ئۆزىگە مۇجەسسەملەپ، سىزنى «باشلاش»تىن ئېكرانىڭىزدا ئۆزىڭىز كۆڭۈل بۆلىدىغان بارلىق مەزمۇنلارنى كۆرۈش پۇرسىتىگە ئىگە قىلىدۇ. Windows 8 ۋە Windows RT ئىلغار بولغان قاتتىق دېتاللاردا يېڭىلىق يارىتىشقا كەڭ سۇپا تەمىنلەپ، يېڭى بىر ئەۋلاد تاختا كومپيۇتېرى، ئېلىپ يۈرۈشكە ئەپلىك كومپيۇتېر ۋە بىر گەۋدىلەشكەن PC قاتارلىقلارنىڭ مەيدانغا كېلىشىنى ئىلگىرى سۈردى. بۇ ئەسلىھەلەر سەزمە كونترول (触控)، مائۇس ۋە كۇنۇپكا تاختىسىنىڭ زور ئەۋزەللىكىدىن تولۇق پايدىلىنىپ، بۇ ئۈچ ئەسلىھەنى ھازىرقى ئەڭ تېز، ئەڭ ئىشەنچلىك بولۇش ئاساسىدا مۇكەممەل ماسلاشتۇرغان.
Windows خىزمەت ۋە كۆڭۈل ئېچىشنى تېخىمۇ ئازادىلەشتۈردى. Windows ۋە PC نىڭ تاشقى جەھەتتىكى ئەپچىللىكى، لايىھەلىنىشتىكى كۆركەملىكى ھەمدە يېڭىچە ماتېرىيال ئىشلىتىلگەنلىكى ئۈچۈن، ئىقتىدارى ۋە باتارىيەنى ئىشلىتىش ۋاقتى جەھەتتە يېڭى بىر پەللىگە كۆتۈرۈلدى. Windows 8 ئىشلەتكۈچىلەر ئۈچۈن كۆڭۈل ئېچىش ۋە قوللىنىشنى مەركەز قىلغان. سىز دوستلىرىڭىز بىلەن بىرگە ئويۇنلاردىن ھوزۇرلىنىش، سىن ھۆججىتى ۋە ناخشا چۈشۈرۈش شۇنداقلا ئۇلارنى تېلېۋىزوردا قويۇش قاتارلىقلاردىن ھوزۇرلىنالايسىز.
سىز Windows ئەپ بازىرىدىن Windows 8 ۋە Windows RT ئۈچۈن ئەپكە ئېرىشەلەيسىز. سىز ئەپ بازىرىدىن زور مىقداردىكى ئەپلەرنى بايقاپ، ئۆزگىچە ئالاھىدىلىككە ئىگە ئەپلەرنى كۆرەلەيسىز. ياكى ئۇلارنى چېكىپ زىيارەت قىلىپ ئەپلەرنى تېخىمۇ چوڭقۇرلاپ چۈشىنىش پۇرسىتىگە ئىگە بولالايسىز.
Windows ئۆزئارا باغلىنىشنى ئىشقا ئاشۇرغان بولۇپ، ئىچكى قىسىمغا ئورۇنلاشتۇرۇلغان كۆچمە بەلباغ ئىقتىدارى 3G ۋە 4G نى قوللايدۇ. كۆچمە ھالەتتە، PC ئاپتوماتىك ھالدا ئەتراپتىكى ئىشلىتىشكە بولىدىغان Wifi نۇقتىسىنى ئىزدەپ تاپالايدۇ، سىز ھەر قانداق جايدا بۇ كۆچمە بەلباغلارغا ئازادە ئۇلاپ، ھەر ۋاقىت خىزمىتىڭىزنى داۋاملاشتۇرالايسىز. شۇنداقلا ئۇرۇق-تۇققان، دوست-بۇرادەرلىرىڭىز بىلەن ئالاقىلىشەلەيسىز.

ئۆزگىچىلىكىڭىزنى نامايەن قىلالايسىز


«باشلاش» ئېكرانىدا ئۆزگىچىلىڭىزنى تولۇق نامايەن قىلالايسىز. ئەڭ دەسلەپ كۆرۈش پەردىڭىزگە بۆسۈپ كىرىدىغىنى جانلىق، كۆركەم بولغان «باشلاش» ئېكرانىدۇر. «باشلاش» ئېكرانىدىكى ھەر بىر بۆلەك مەلۇم بىر ئالاقىلاشقۇچى، قوللىنىش (ئەپ)، تور بېكەت، قويۇش تىزىملىكى شۇنىڭدەك سىز ئۈچۈن ناھايىتى مۇھىم بولغان مەزمۇنلار بىلەن باغلانغان. بۇ ھەرگىزمۇ تىنچ رەسىملىك ئادەتتىكى ئۈستەل يۈزى ئەمەس. ئەكسىچە، سىز: ھالەت يېڭىلاش، ھاۋارايىدىن مەلۇمات، تەۋسىيەلىك ھۆججەت، شۇنىڭدەك تېخىمۇ كۆپ مەزمۇنلارنى كۆرەلەيسىز. سىز ھەتتا بىر قوللىنىشنى ئېچىشتىن بۇرۇن ئۇنىڭ ھەرىكەتچان يېڭىلانغانلىقىنى كۆرەلەيسىز. «باشلاش» ئېكرانىغا قانچىلىك بۆلەكنى ئورۇنلاشتۇرغىڭىز كەلسە شۇنچىنى ئورۇنلاشتۇرالايسىز، سىز بۇ بۆلەكلەرنى تۈرگە ئايرىپ، رەتكە تۇرغۇزۇپ ۋە ئىسىم قويالايسىز. شۇڭا ئۇلار سىزنىڭ ئارزۇيىڭىز بويىچە گەۋدىلىنىدۇ.

مەخپىي نومۇرىڭىز رەسىمگە ئورۇنلاشتۇرۇلغان
ئۆتمۈشىڭىزدىكى بىر تالاي سان-سىفىرلىق مەخپىي نومۇرىڭىزنى ئېسىڭىزدە ساقلاپ، ئاندىن PC غا كىرىش ئادىتىڭىزنى ئۇنتۇپ كېتىڭ. ھازىر سىز پەقەت بىر پارچە رەسىم ئىشلىتىپلا مەخپىي نومۇر قىلالايسىز. سىز خالىغان بىر پارچە رەسىم تاللاپ، ئۆزىڭىزنىڭ ئۇسۇلى بويىچە رەسىم ئۈستىگە سىزىش ئارقىلىق مەخپىي نومۇر ھاسىل قىلالايسىز، بۇنداق بولغاندا، مەخپىي نومۇر بېرىكتۈرۈش چەكسىزلىككە ئىگە بولۇپ، رەسىمنىڭ ئۆزىڭىز ئەڭ ياخشى كۆرىدىغان قىسمى ئەتراپىغا سىزسىڭىزلا بولىدۇ. مەشغۇلات شۇنداق ئاددى. سىز مەخپىي نومۇر رەسىم ھالىتىنى قولىڭىز ئارقىلىڭ سەزمە ئېكرانغا بىۋاسىتە سىزسىڭىزمۇ بولىدۇ، ياكى مائۇس ئارقىلىق سىزسىڭىزمۇ بولىدۇ.


تەييارلىق: سىزگە زۆرۈر بولغان ئەپلەر
Windows 8 ۋە Windows RT ئۆزىدىن نۇرغۇنلىغان ئاساسىي ئەپلەر ۋە باشقا ئەپلەرنى ھازىرلىغان. مەسىلەن: كىشىلەر، ئېلخەت، رەسىم ۋە مەكتۈپ قاتارلىق ئەپلەر سىزنىڭ ئىش ئۈنۈمىڭىزنى يۇقىرى كۆتۈرۈشىڭىزگە ياردەم بېرىپ، خىزمەت ۋەزىپىڭىزنى تېزدىن تاماملىشىڭىزغا قولايلىق يارىتىش بىلەن بىرگە ھەمكارلىقنى قانات يايدۇرۇشىڭىزغا ئاسانلىق يارىتىپ، ھەممىنى ئاددىيلاشتۇرىدۇ.

كىشىلەر ئەپى   
ئەڭ يېڭى ئۇچۇر، ئېلخەت، يۈز دەپتىرى (Facebook) شۇنىڭدەك LinkedIn ،Messenger ،Twitter قاتارلىق ھېساباتىڭىزدىكى كىشىلەر بىلەن ئالاقىلىشالايسىز.
  
رەسىم ئەپى   
بىر ئورۇندا بارلىق رەسىم ۋە سىن ھۆججەتلىرىڭىز مەيلى Facebook ،Flickr ،SkyDrive ياكى باشقا PC دا بولسۇن ھەممىسىنى كۆرەلەيسىز.
  
مەكتۈپ ئەپى
Facebook ياكى Messenger دىكى دوستلىرىڭىزغا مەكتۈپ يوللىيالايسىز، يەنە نەچچە يۈز خىل چىراي ئىپادىسىنى تاللاپ ئەۋەتەلەيسىز.
  
مۇزىكا ئەپى  

مۇزىكا ساقلىغۇچىڭىزنى كۆرۈش، قويۇش تىزىملىكى قۇرۇش ھەمدە تەھرىرلەش، شۇنىڭدە ئەڭ مودا بولغان ئەڭ يېڭى مۇزىكىلارنى چۈشىنىش قاتارلىق مەشغۇلاتلارنى ئېلىپ بارالايسىز. رەسىم، كىشىلەر تەرجىمىھالى ۋە ناخشا پىلاستىنكىسىدىكى تىزىملىك ئۇچۇرى قاتارلىقلارنى كۆرەلەيسىز. Xbox غا تىزىملىتىپ، زور مىقداردىكى ناخشا-مۇزىكىلاردىن چەكسىز ھوزۇرلىنالايسىز.
  
خەرىتە ئەپى
Bing خەرىتە ئەپىدىن پايدىلىنىپ، كېسىشمە خەرىتىلەرنى كۆرەلەيسىز ھەمدە تارماقلارغا بۆلۈنگەن يول يۈرۈش لىنىيەلىرىگە ئېرىشەلەيسىز. قاتناش تەپسىلاتى، يول ئەھۋالى، كوچا خەرىتىلىرىنى، Multimap خەرىتىسى، سۈنئىي ھەمراھ رەسىمى ۋە يۇقىرىدىن كۆرۈنۈش خەرىتىسى قاتارلىقلارنى تەكشۈرەلەيسىز.
  
SkyDrive ئەپى  

Windows ئەپلىرىڭىز ۋە باشقا ئەسلىھەلىرىڭىز ئارا توسالغۇسىز زىيارەت قىلالايسىز ۋە ھۆججەتلىرىڭىزنى بىر تەرەپ قىلالايسىز.
  
ئېلخەت ئەپى  

ئوخشاش ئورۇندا Outlook.com ،Gmail ۋە Yahoo دىكى ھېسابات ئېلخەتلىرىڭىزگە ئېرىشەلەيسىز.
  

سىن ھۆججىتى (ۋىدېيو) ئەپى  
كىنو ۋە تېلىۋىزىيە تىياتىرلىرىنى كۆرەلەيسىز. PC رىڭىزدا ياكى تېلېۋىزورىڭىزدا كىنو ۋە تېلىۋىزىيە تىياتىرلىرىنى كۆرەلەيسىز.
  
ھاۋارايى ئەپى
ھاۋارايى ئەپىنى ئىشلىتىپ شۇ ۋاقىتنىڭ ئۆزىدىكى جەلپ قىلارلىق ھاۋارايىنى كۆرەلەيسىز. سىز يەنە ئەڭ يېڭى ئەھۋاللارنى تەكشۈرۈپ ھەر سائەت، ھەر كۈنى ۋە 10 كۈندىكى ھاۋارايى ئۇچۇرىغا ئېرىشەلەيسىز.
  
ئويۇن ئەپى
ئەڭ ئاۋات بولغان يېڭى ئويۇنلارنى بايقاپ، ئۇنى PC رىڭىزغا چۈشۈرەلەيسىز. تۇرمۇش ۋە ساياھەت ئەھۋالىڭىزغا ئاساسەن باش رەسىمىڭىزنى تەھرىرلەش بىلەن بىرگە دوستلىرىڭىزنىڭ ھالىتىنى كۆرەلەيسىز، شۇنداقلا ئۇلار ھەمبەھرلەنگەن ھەمبەھرلەردىن ھەمبەھرلىنەلەيسىز.
  
خەۋەر ئەپى
خەۋەرلەردىن خەۋەر تاپالايسىز. بۇ كۆركەم، كۆپ خىل رەسىملەرنى ئۆز ئىچىگە ئالغان خەۋەرلەر Bing دىن تەمىنلىنىدۇ. سىز بۇ خەۋەرلەر ئارقىلىق دۇنيادىكى ئەڭ يېڭى خەۋەرلەردىن خەۋەردار بولالايسىز.
  
چېسلا ئەپى
ئايلىق كۆرۈنۈش (月视图)، ھەپتىلىك كۆرۈنۈش ياكى ئىككى كۈنلۈك كۆرۈنۈش ئارقىلىق خىزمەت ئورۇنلاشتۇرۇشىڭىزنى تەكشۈرەلەيسىز. مۇۋاپىق ۋاقىتلاردا مۇناسىۋەتلىك كۆرۈشۈشكە پۈتۈشۈپ قويغان ئۇقتۇرۇشلارنى تاپشۇرۇۋالالايسىز. بۇنداق بولغاندا سىز ئۇچرىتىشقا دەل ۋاقتىدا كېچىكمەي يېتىپ بارالايسىز.
  
مالىيە ئەپى
بۇ ئەپنى ئىشلىتىپ ئاساسلىق بازار كۆرسەتكۈچلىرىنى كۆرەلەيسىز، «باشلاش» ئېكرانىدىن تېز سۈرئەتتە ئۆزگىرىۋاتقان بازار شارائىتىنىڭ ئەڭ يېڭى ھالىتىدىن خەۋەردار بولالايسىز.

Windows مەڭگۈ سىزگە ھەمراھ بولىدۇ
ساياھەت ئەپى
نەپىس رەسىملەر ئارقىلىق، دۇنيادىكى 2000 دىن ئارتۇق مەنزىرىلىك جايلارنىڭ چۆمبىلىنى قايرىۋېتەلەيسىز.
Bing تەمىنلىگەن ساياھەت ئەپى سىز ئۈچۈن: ساياھەت كۆرسەتمىسى، ئالدىن زاكاس قىلىش قورالى، شۇ ۋاقىتتىكى پۇل ئالماشتۇرۇپ ھېسابلاش شۇنىڭدەك ھاۋارايى ئۇچۇرلىرىنى تەمىنلەيدۇ. بۇ ئەپ سىز ئېھتىياجلىق بولغان بارلىق ئۇچۇرنى تەمىنلەپ، سىزنىڭ كېلەر قېتىملىق ساياھىتىڭىزگە قەلبىڭىزنىڭ كۈچلۈك تەلپۈنىشىنى قوزغايدۇ.

.

Windows ئەپ بازىرى



Windows 8 ۋە Windows RT دا Windows ئەپ بازىرى ھازىرلانغان بولۇپ، بۇ ئەپ ئارقىلىق PC رىڭىز ئۈچۈن زور مىقداردىكى ئەڭ يېڭى ئەپلەرنى بايقىيالايسىز.
پەقەت ”ئەپ بازىرى“ نى چەكسىڭىزلا زور مىقداردىكى ئەپلەرگە كۆز يۈگۈرتەلەيسىز. ھەمدە باھاسى (پۇلى)، باشقىلارنىڭ باھاسى (باشقىلارنىڭ باھالىشى) ۋە تېخىمۇ كۆپ شەرتلەر ئارقىلىق ئۆزىڭىز لازىملىق ئەپلەرنى تاللىيالايسىز. ئەلۋەتتە، نۇرغۇن ئەپلەر ھەقسىز تەمىنلەنگەن. ھەقلىق ئەپلەردىمۇ ۋاقىتلىق ئىشلىتىش مۇددىتى تەمىنلەنگەن بولۇپ، سىزنىڭ كۆرۈپ چىقىشىڭىز ۋە ئىشلىتىشىڭىزنى قارىشى ئالىدۇ.

مەيلى سىز قەيەرگىلا بارماڭ، Windows مەڭگۈ سىزگە ھەمراھ بولىدۇ
Microsoft ھېساباتىڭىزنى ئىشلىتىپ ھەر قانداق بىر Windows 8 ياكى Windows RT قاچىلانغان PC نى ئىجرا قىلالايسىز. بۇ PC دا ئۆزىڭىزنىڭ ئارقا كۆرۈنۈشىڭىز، ھالىتىڭىز ۋە ئورنىڭىزنى كۆرەلەيسىز.
سىز يېڭىدىن Windows نى ئاساس قىلغان PC غا ئېرىشكىنىڭىزدە، Microsoft ھېساباتىڭىزنى ئىشلىتىپ كىرىپ، كىشىلىك ئالاقە چەمبىرىڭىزدىكى ھەرىكەتچان ھالەت ئارقىلىق ئالاقىداشلىرىڭىزدىن كەلگەن ئۇچۇرغا ئېرىشەلەيسىز. قىسقىسى مەيلى سىز قەيەردە بولماڭ، Windows سىزگە ھەر ۋاقىت ھەمراھ بولىدۇ!


Windows 8 دېگەن نېمە؟
Windows 8 مىكروسوفتنىڭ Windows 7 دىن كېيىنكى يېڭى بىر ئەۋلاد مەشغۇلات سىستېمىسى بولۇپ، ئىلگىرىكى Windows بىر يۈرۈش نەشرى بىلەن ئوخشىماسلىقى، Windows 8 يالغۇز PC غىلا ئىشلىتىلىپ قالماي، يەنە تاختا كومپيۇتېرغىمۇ ئىشلىتىلىدۇ.

Windows 8 نىڭ ئورنى
مىكروسوفتنىڭ CEO سى سىتېۋ بالمېر: «مىكروسوفت تارىخىدا ئۈچ مۇھىم كۈن بولغان. بىرىنچىسى بېل گەيتىسنىڭ شىركەتنى قۇرغان كۈنى؛ ئىككىنچىسى
Windows 95 ئېلان قىلىنغان كۈن؛ ئۈچىنچىسى Windows 8 ئېلان قىلىنغان كۈن.» دەيدۇ.
مىكروسوفت Windows 8 دا «Win 95 دىن كېيىنكى ئەڭ چوڭ يېڭىلىق يارىتىلغان.» دەپ ئىپادە بىلدۈرىدۇ. يالغۇز ئەنئەنىۋىي PC مەشغۇلات سىستېمىسىنىڭ ئىقتىدارىغا ۋارىسلىق قىلىپلا قالماي، يەنە كۆپ نۇقتىلىق سەزمە كونترول ئەندىزىسىنى قوللانغان ۋە ARM قۇرۇلمىلىق سەپلىمىدىكى تاختا كومپيۇتېرلارنى قوللايدۇ، كەلگۈسىدە يەنە Windows Phone 8 بىلەن قىسمەن يادروسىنى ھەمبەھرلىنىش ئىشقا ئاشىدىغان بولۇپ، ھەتتا يىپيېڭى Xbox720 نىڭ ھەممىسىدە Windows 8 ئىشلىتىلىدۇ، ئۇنىڭدىن باشقا Windows 8 بىلەن بىرلا ۋاقىتتا بارلىققا كەلگەن Windows ئەپ بازىرى، Skydrive ،Office Store ۋە Xbox Live Store (مۇزىكا، كىنو، ئويۇن) قاتارلىق ئىكولوگىيەلىك زەنجىرى قاتارلىقلار بار. مىكروسوفت Windows 8 نى ئىشلىتىپ بىر PC، يانفون، تاختا كومپيۇتېر، ئويۇنچى (游戏机) ھەتتا تېلېۋىزور قاتارلىقلارنى بىر ئىكولوگىيەلىك سىستېما قىلىپ قۇرۇپ چىقماقچى.



Windows 8 مىكروسوفتنىڭ بارلىق مەھسۇلاتلىرىنى، سۇپىسىنى، مۇلازىمەت ئاساسىي لىنىيەسىنىڭ ھەممىسىگە ۋارىسلىق قىلغان

ئارقا كۆرۈنۈش ساۋاتلىرى



مىكروسوفتنىڭ Windows مەشغۇلات سىستېمىسىنىڭ لوگو تارىخى

Windows 8 تارىختىكى مۇھىم ئېچىش نەشرلىرى
1. Developer Preview يەنى (DP): ئاچقۇچىلار كۆرۈپ بېقىش نەشرى، 2011-يىلى 9-ئاينىڭ 14-كۈنى ئېلان قىلىنغان.
2. Consumer Preview يەنى (CP): ئىستېمالچىلار كۆرۈپ بېقىش نەشرى (Beta نەشرى)، 2012-يىلى 2-ئاينىڭ 29-كۈنى ئېلان قىلىنغان.
3. Release Preview يەنى (RP): تارقىتىلىدىغان كۆرۈپ بېقىش نەشرى، 2012-يىلى 6-ئاينىڭ 1-كۈنى ئېلان قىلىنغان.
4. Release to Manufacturing يەنى (RTM): رەسمىي نەشرى، 2012-يىلى 10-ئاينىڭ 26-كۈنى (دۇنيا مۇسۇلمانلىرىنىڭ ئۇلۇغ قۇربان ھېيتى كۈنى) تارقىتىلغان.



Windows 8 نىڭ ئېچىش نەشرىدىكى «دەسلەپ ئاچقاندىكى كۆرۈنۈش» ئارايۈز سېلىشتۇرمىسى



Windows 8 نىڭ ئېچىش نەشرىدىكى «ئېكران قۇلۇپلانغاندىكى كۆرۈنۈش» ئارايۈز سېلىشتۇرمىسى



Windows 8 نىڭ ئېچىش نەشرىدىكى «باشلاش ئېكران» ئارايۈز سېلىشتۇرمىسى

Windows 8 نىڭ ئېچىش نەشرىدىكى «ئۈستەل يۈزى ۋە ئادەتتىن تاشقىرى ئىستون» ئارايۈز سېلىشتۇرمىسى

Windows 8 نىڭ ئېچىش نەشرىدىكى «پىروگراممىنى ئالماشتۇرۇش» ئارايۈز سېلىشتۇرمىسى


سىرتقى كۆرۈنۈشتىن شۇنى كۆرىۋېلىشقا بولىدۇكى، ئاچقۇچىلار كۆرۈپ بېقىش نەشرى (DP) دىن كېيىنكى ئۈچ نەشرىدە ئۆزگىرىش ئانچە چوڭ بولمىغان، ئەمما ئىقتىدارى جەھەتتە ئەڭ ئاخىرقى رەسمىي تارقىتىش نەشرى (RTM) نىڭ ئەڭ مۇكەممەل بولغان.
يۇقىرىقى سىناق ئەڭ ئاخىرقى تارقىتىش نەشرىنى ئاساس قىلىپ ئېلىپ بېرىلغان، نەشر نومۇرى: 9200


Windows 8 نى قاچىلاش، يېڭىلاش ۋە ئاكتىپلاش

Windows 8 نىڭ نەشرى

ئالدىنقى يازمىمىز «Windows 8 تولۇق قوللانمىسى–مەخسۇس تېما سۆز بېشى»دا Windows 8 نىڭ تۆت مۇھىم تارىخى ئېچىش نەشرىنى تونۇشتۇرغان ئىدۇق. ئەمما Windows 8 نىڭ تارقىتىش نەشرىگە نىسبەتەن Windows 8 نىڭ تۆت خىل نەشرى: Windows 8—ئادەتتىكى نەشرى، Windows 8 Professional—كەسپىي نەشرى، Windows 8 RT—ARM نەشرى ۋە
Windows 8 Enterprise—كارخانا نەشرى قاتارلىقلار بار.


ئىسمىدىن مەلۇم بولۇپ تۇرۇپتۇكى، ئادەتتىكى نەشردىكى Windows 8 ئادەتتىكى ئىستېمالچىلارغا يۈزلەنگەن؛ كەسپىي نەشرى تېخنىكا ھەۋەسكارلىرى ۋە كارخانا\تېنىك خادىملارغا يۈزلەنگەن بولۇپ، ئادەتتىكى نەشرىنىڭ ئىقتىدارلىرى ئاساسىدا شىفىرلاشتۈرۈش، مەۋھۇملاشتۇرۇش قاتارلىق ئىقتىدارلىرى قوشۇلغان؛ كارخانا نەشرى بولسا كارخانا ئىشلەتكۈچىلىرىگە يۈزلەنگەن بولۇپ، ئۇ كەسپىي نەشرىنىڭ ئىقتىدارلىرى ئاساسىدا يېڭىدىن Windows To Go قاتارلىق كارخانا بىلەن مۇناسىۋەتلىك ئىقتىدارلىرىنى ھازىرلىغان. ئەمما Windows RT نەشرى نىسبەتەن ئالاھىدە بولۇپ، ئۇ مەخسۇس تاختا كومپيۇتېرلارغا ئىشلىتىلىدىغانلىقتىن، يەككە سېتىۋالغىلى بولمايدۇ، پەقەت ARM قۇرۇلمىلىق بىر تەرەپ قىلغۇچلۇق PC ياكى تاختا كومپيۇتېرىغا ئالدىن قاچىلىۋېتىلگەن بولىدۇ. بۇ تۆت ئوخشىمىغان نەشردىكى Windows 8 نىڭ ھەر خىل ئىقتىدار جەھەتتىكى پەرقى تۆۋەندىكىچە:

ئىقتىدارى	Windows RT	Windows 8 (ئۆلچەملىك نەشرى)	Windows 8 Pro (كەسپىي نەشرى)	Windows 8 Enterprise (كارخانا نەشرى)
ھازىر بار بولغان Windows نەشرى بىلەن سىغىشىش	سىغىشمايدۇ	سىغىشىدۇ	سىغىشىدۇ	سىغىشىدۇ
سېتىۋېلىش يولى	ئەسلىھەگە ئالدىن قاچىلانغان	سېتىۋېلىش يولى كۆپ خىل	سېتىۋېلىش يولى كۆپ خىل	سالاھىيىتى دەلىللەنگەن ئىشلەتكۈچىلەر
قۇرۇلمىسى	ARM (32-bit)	IA-32(32-bit) or x86-64 (64-bit)	IA-32(32-bit) or x86-64 (64-bit)	IA-32(32-bit) or x86-64 (64-bit)
بىخەتەر قوزغىلىش	بىخەتەر	بىخەتەر	بىخەتەر	بىخەتەر
رەسىملىك شىفىر	بار	بار	بار	بار
باشلاش ئارا يۈزى، ھەرىكەتچان ئىتۇن ۋە مۇناسىۋەتلىك ئۈنۈملەر	بار	بار	بار	بار
سەزمە كونتروللۇق كۇنۇپكا تاختىسى	بار	بار	بار	بار
تىل بولىقى	بار	بار	بار	بار
يېڭىلىنىدىغان بايلىق باشقۇرغۇچىسى	بار	بار	بار	بار
ئۆلچەملىك پىروگرامما	بار	بار	بار	بار
ھۆججەت تارىخى	بار	بار	بار	بار
سىسېمىنىڭ قايتا تەڭشەش ئىقتىدارى	بار	بار	بار	بار
Play to ئارقىلىق «قويۇشقا» يوللاش ئىقتىدارى	بار	بار	بار	بار
Connetted standby  تورغا ئۇلانغان ھالەتتە پەيت كۈتۈش (待机)	بار	بار	بار	بار
Windows update	بار	بار	بار	بار
Windows Defender	بار	بار	بار	بار
كۈچەيتىلگەن كۆپ ئېكراننى قوللاش	قوللايدۇ	قوللايدۇ	قوللايدۇ	قوللايدۇ
يېڭى ۋەزىپە باشقۇرغۇچ	بار	بار	بار	بار
IOS تەسۋىرى ۋە VHD ئېسىش	بار	بار	بار	بار
كۆچمە ئالاقە ئىقتىدارى	بار	بار	بار	بار
Microsoft ھېساباتى	بار	بار	بار	بار
Internet Explorer 10	بار	بار	بار	بار
SmartScreen	بار	بار	بار	بار
Windows ماگېزىنى	بار	بار	بار	بار
Xbox Live پىروگراممىسى (Xbox Live Arcade نىمۇ ئۆز ئىچىگە ئالىدۇ)	بار	بار	بار	بار
Exchange ActiveSync	بار	بار	بار	بار
تېز سۈرئەتتە ئۇخلاش ھالىتىگە ئۆتۈش (Snap)	بار	بار	بار	بار
VPN گە ئۇلاش	بار	بار	بار	بار
Device encryption	بار	يوق	يوق	يوق
سىستېمىغا ئالدىن قاچىلانغان Microsoft Office	بار	يوق	يوق	يوق
ئۈستەل يۈزى	قىسمەن بار	يوق	يوق	يوق
ساقلاش بوشلۇقى باشقۇرۇش (storage space)	يوق	بار	بار	بار
Windows Media Player	يوق	بار	بار	بار
Windows Media Center	يوق	يوق	ئايرىم قوشۇش كېرەك	يوق
يىراقتىن كونترول قىلىنىدىغان ئۈستەل يۈزى	پەقەت ئابونتلار تېرمىنالى قىلىنىدۇ	پەقەت ئابونتلار تېرمىنالى قىلىنىدۇ	ئابونتلار تېرمىنالى ۋە مۇلازىمىتېر تېرمىنالى	ئابونتلار تېرمىنالى ۋە مۇلازىمىتېر تېرمىنالى
VHD دىن قوزغىتىش	يوق	يوق	بار	بار
BitLocker and Bitlocker To Go	يوق	يوق	بار	بار
ھۆججەت سىستېمىسىنى شىفىرلاش	يوق	يوق	بار	بار
Windows رايونىغا كىرىش	يوق	يوق	بار	بار
گۇرۇپپا تاكتىكىسى (组策略)	يوق	يوق	بار	بار
AppLocker	يوق	يوق	بار	بار
Hyper-V	يوق	يوق	پەقەتلار 64 بىتلىقى قوللايدۇ
Windows To Go	يوق	يوق	يوق	بار
DirectAccess	يوق	يوق	يوق	بار
تارقاقلاشتۇرۇپ بوففېرلاش (BranchCache)	يوق	يوق	يوق	بار
RemoteFX دا كۆرۈش ئۈنۈمى تەمىنلەش	يوق	يوق	يوق	بار
Metro ئۇسلۇبىدا پىروگرامما ئورۇنلاشتۇرۇش	يوق	يوق	يوق	بار

Windows 8 سەپلىمە تەلىپى
Windows 8 نىڭ سىستېما قاتتىق دېتالىغا بولغان تەلىپى ئانچە يۇقىرى ئەمەس، Windows 7 نورمال ئىجرا بولالايدىغان قاتتىق دېتال سەپلىمىسىدە ناھايىتى راۋان ئىجرا بولالايدۇ.
تۆۋەندىكىسى ئورگان تەرەپ تەمىنلىگەن تەۋسىيە سەپلىمىسى:
CPU تەۋسىيەسى: 1 ھېرتىس (GHz) ياكى تېخىمۇ تېز بولغان؛
ئىچكى ساقلىغۇچ: 1GB RAM لىق (32 بەت) ياكى 2GB RAM لىق (64 بىت)؛
قاتتىق دېسكا: 16GB لىق (32 بىت) ياكى 20GB لىق (64 بىت)؛
كۆرسىتىش كارتىسى: WDDM قوزغاتقۇچى بولغان Microsoft DirectX 9 سۈرەت ئەسلىھەسى؛
ئەگەر بەزى ئالاھىدە ئىقتىدارىنى ئىشلەتمەكچى بولسىڭىز، تۆۋەندىكى قوشۇمچە تەلەپلەرنى ئورۇندىشىڭىز كېرەك:
1. ئەگەر سەزمە كونترولىغۇچنى ئىشلەتمەكچى بولسىڭىز، كۆپ نۇقتىلىق سەزمىلىك تاختا كومپيۇتېرى ياكى ئېكران بولۇش كېرەك؛
2. ئەگەر Windows 8 ئەپلىرىنى ئىشلەتمەكچى بولسىڭىز، ھېچ بولمىغاندا 1024*768 ئېنىقلىقتىكى ئېكران بولۇشى كېرەك؛
3. ئەگەر ئەپتىن تېخىمۇ ئۈنۈملۈك پايدىلانماقچى بولسىڭىز، ھېچ بولمىغاندا 1366*768 ئېنىقلىقتىكى ئېكران بولۇشى كېرەك؛
4. بىخەتەر قوزغىتى شئۈچۈن يېڭىدىن UEFI BIOS ھازىرلىنىشى كېرەك، ئەگەر كومپيۇتېرىڭىز قوللىمىسا BIOS ئارقىلىق تەڭشىسىڭىز بولىدۇ؛
5. Hyper-V ئىككىنچى دەرىجىلىك ئادرېس ئۆزگەرتىش (SLAT) ئىقتىدارى بولغان 64 بىتلىق سىستېما بولۇشى شۇنداقلا 2GB لىق ئىچكى ساقلىغۇچ بولۇشى كېرەك؛
6. بەزى ئويۇن ياكى يۇمشاق دېتاللار سۈرەتلىك ئىقتىدار بىلەن DirectX 10 ياكى تېخىمۇ يۇقىرى نەشرى بىلەن سىغىشىشنى تەلەپ قىلىدۇ؛
7. BitLocker To Go قاچىلىغاندا باھالىنىدىغان خاسلىق ئۆلچىمىدىكى USB چاقماقلىق ساقلىغۇچ قوزغاتقۇچىغا ماس كېلىشى كېرەك؛

Windows 8 نى قاچىلاش ۋە نەشرىنى كۆتۈرۈش
يەرلىكتە قاچىلاش
شۈنلېي قاتارلىق چۈشۈرۈش قورالى ئارقىلىق مىكروسوفت ئورگان تەرەپ تەمىنلىگەن Windows 8 نىڭ IOS ھۆججىتىنى كومپيۇتېرىڭىزغا چۈشۈرۈپ ياكى باشقا ساقلاش ۋاسىتىلىرىغا چۈشۈرگەندىن كېيىنكى قاچىلاش ئۇسۇلى ئىككى خىل بولۇپ، بىرىنچى خىلى ISO ھۆججىتىنى پىرىستىن يېشىپ بىۋاسىتە Setup.exe نى چېكىپ قاچىلاش (تەۋسىيەلىك)، يەنە بىر خىل ئۇسۇلى ISO ھۆججىتىنى USB، DVD ياكى باشقا ۋاسىتىلەرگە ئويۇپ سىستېما قوزغىتىش دىسكىسى قۇرۇپ چىقىپ، قاچىلاش ئۇسۇلىدۇر.
توردا نەشر كۆتۈرۈش
دەۋرنىڭ تەرەققىياتىغا ئەگىشىپ، Web دە ھەق تۆلەش ئۇسۇلىدا تەدرىجىي ھالدا يۈزلىنىش بولىۋاتىدۇ (مەسىلەن: ئالمىنىڭ Mac OS X سىستېمىسى)، ئۆتمۈشتىكى نۇر دىسكىسى سېتىۋېلىشقا قارىغاندا كۆپ قولايلاشتى. بۇنىڭ يەنە بىر ئەۋزەللىكى تەكشۈرۈپ ئىسپاتلاش (验证) ئۇسۇلىمۇ ئىشەنچىلىك بولدى.
توردا Windows 8 نىڭ نەشرىنى كۆتۈرۈشنى ئويلايدىغان تورداشلارغا نىسبەتەن، ھازىر ئىشلىتىۋاتقان سىستېما XP ۋە XP دىن يۇقىرى نەشردىكى سىستېمىنىڭ ھەممىسىنى بىۋاسىتە توردا ئەڭ يېڭى نەشرىنى Windows 8 غا كۆتۈرگىلى بولىدۇ. ئەمما ساقلىنىپ قېلىنىدىغان ھۆججەت، پىروگرامما ۋە تەڭشەكلەر ھازىرقى نەشرى تەرىپىدىن بەلگىلىنىدۇ. تەپسىلاتىنى تۆۋەندىكى رەسىمدىن كۆرۈڭ. (كۆرۈۋېلىشقا بولىدۇكى، ئەگەر Windows 7 ئىشلەتكۈچىلىرى بىۋاسىتە نەشر كۆتۈرگەندە، سىستېمىنى قايتا تەقسىملەشتىن سىرت، ئۈچىنچى تەرەپ يۇمشاق دېتاللىرىنى قايتا قاچىلاش ھاجەتسىز.)

ئالدىنقى نەشر Windows 7 دە بەلكىم بەزىلەر ھېس قىلغان بولۇشى مۇمكىن، ھەر قېتىم نەشر كۆتۈرگەندە، ئاۋۋال ئايرىم-ئايرىم ھالدا ئۈچ ئوخشاش بولمىغان مۇستەققىل پىروگرامما ”نەشر كۆتۈرۈش مەسلىھەتى“، ”ئەركىن يەتكۈزۈش“ (ھۆججەتنى ساقلاش ۋە تەڭشەش) ۋە ”پىروگراممىنى قاچىلاش“ ئىجرا بولۇپ، ئاندىن كېيىن بىر قېتىملىق ”ئەركىن يەتكۈزۈش“ (ھۆججەتنى ئەسلىگە كەلتۈرۈش ۋە تەڭشەش) ئېلىپ بېرىلاتتى. ئەڭ يېڭى نەشردىكى Windows 8 بۇ ئۈچ باسقۇچنى بىرلەشتۈرۈپ، تەكرار باسقۇچلارنى چىقىرىپ تاشلىغان ياكى ئاددىيلاشتۇرغان. بۇنداق بولغاندا، پەقەت ئىشلەتكۈچىلەرنىڭ مەشغۇلات قىلىشى تېخىمۇ راۋانلاشقان. شۇنىڭ بىلەن بىرگە ”ئەتراپلىق“ مۇلازىمەتلەرمۇ سىستېمىنىڭ مۇۋەپپەقىيەتلىك قاچىلىنىش دەرىجىسىنى يۇقىرى كۆتۈرگەن.

Win7 دىكى 60 قا يېقىن ئېكران تەڭشەش Win8 دىكى چېكىش قېتىم سانى ئاران 11 قېتىم بولۇپ، %82 ئازايتىلغان.

ئەسكەرتىش:
ئەگەر پەقەت ھېس قىلىپ باقماقچى بولسىڭىز، VMware ياكى VirtualBox قاتارلىق مەۋھۇم يۇمشاق دېتال سەپلىمىسى ئارقىلىق مەۋھۇم كومپيۇتېر قۇرغاندىن كېيىن چۈشۈرۈپ تەييارلاپ قويغان Win8 نۇر دىسكا ISO ھۆججىتىنى يۈكلەپ ئىشلىتىش ئەڭ ياخشى تاللاشتۇر.
بىۋاسىتە Setup.exe نى چەككەندىن كېيىن، قاچىلاش جەريانىدا ھەقىقىي نەشرنىڭ مەھسۇلات ئاچقۇچىنى كىرگۈزۈش كېرەك.
ئەگەر توردا نەشر كۆتۈرمەكچى بولسىڭىز ئاپتوماتىك نەشر كۆتۈرۈش سىغىشچانلىقىنى تەكشۈرۈپ چىقىدۇ. ئەگەر يەرلىكتە قاچىلاش ئۇسۇلىنى قوللانغان بولسىڭىز، ئورگان بېتىدە تەمىنلگەن Windows 8 سىغىشچانلىق مەركىزىدىن تەكشۈرۈش قورال ئەسلىھەسى، قوزغاتقۇچ ۋە ئەپ يۇمشاق دېتاللىرى Windows 8 بىلەن سىغىشامدۇ يوق تەكشۈرۈپ كۆرۈشىڭىز كېرەك.
ھازىر ئىشلىتىۋاتقىنىڭىز 32 بىتلىق Windows 7 بولسا، ئۇ ھالدا پەقەت 32 بىتلىق Windows 8 گە نەشر كۆتۈرەلەيسىز؛ مۇناسىپ ھالدا ئەگەر ئىشلىتىۋاتقىنىڭىز 64 بىتلىق Windows 7 بولسا ئۇ ھالدا سىز 64 بىتلىق Windows 8 غا نەشر كۆتۈرەلەيسىز.
2012-يىلى 6-ئاينىڭ 2-كۈنىدىن 2013-يىلى 1-ئاينىڭ 31-كۈنىگىچە Windows سىستېمىلىق كومپيۇتېر سېتىۋالغۇچىلار ئېتىۋار قىلىش پىلانىدىن بەھرىمەن بولۇپ، پەقەت 98.00 يۈەن (خەلق پۇلى) تۆلەش ئارقىلىقلا Windows 8 نىڭ كەسپىي نۇسخىسىغا نەشر كۆتۈرەلەيدۇ.
Windows 8 نى يېڭىلاش ۋە نەشر كۆتۈرۈش
يېڭى يېڭىلاش پىرىنسىپى

Windows 8 دە يېڭى يېڭىلاش پىرىنسىپى قوللىنىلغان بولۇپ، سىستېما يېڭىلاش يامىقى ئارقا سۇپىدا چۈشۈرۈلىدىغان بولۇپ، قايتا قوزغىتىشمۇ ھازىرقى Windows 7 غا ئوخشاش ئۇقتۇرۇش كۆزنىكى چىقمايدۇ ياكى كېچىكىپ قوزغىتىش ئەسكەرتمىسى بەرمەيدۇ. ئۇ ئودا ئۈچ كۈن سىستېما ئارا يۈزى (ئېكران قولۇپلىما ھالىتىدىمۇ) ئەسكەرتىش بېرىدۇ. ئەگەر ئىزچىل قايتا قوزغىتىلمىسا، سىستېما ئۈچ كۈندىن كېيىن (72 سائەت) مەجبۇرى ھالدا قايتا قوزغىلىدۇ.

ئۇنىڭدىن باشقا، Windows 8 ئۇسلۇب تەڭشىكىدە يېڭىلاش ۋە ئۈستەل يۈزى كونترول تاختىسىدا يېڭىلاش ئاساسەن بىردەك.

توردا نەشر كۆتۈرۈش
ئەگەر ئەڭ دەسلەپتە Windows 8 نىڭ ئادەتتىكى نەشرىنى سېتىۋالغان بولسىڭىز، بىر مەزگىل ئۆتكەندىن كېيىن Windows 8 نىڭ كەسپىي نەشرى ياكى كارخانا نەشرىگە ئۆزگەرتمەكچى بولسىڭىز، بىۋاسىتە ”Windows 8 غا ئىقتىدار قوشۇش“ ئارقىلىق Windows 8 نىڭ ئوخشىمىغان نەشرىگە ئېرىشەلەيسىز. نەشرنى ئۆزگەرتىش بىلەن بىرگە (ئىقتىدارىنى ئاشۇرۇش) يەرلىكتىكى ئەپ، ھۆججەت ۋە تەڭشەكلەردە ئۆزگىرىش بولمايدۇ. سىزنىڭ قىلىدىغىنىڭىز پەقەت سېتىۋالغان مۇناسىپ مەھسۇلاتنىڭ ئاچقۇچ نومۇرىنى كىرگۈزۈشتۇر.

”كونترول تاختىسى\سىستېما بىخەتەرلىكى\يېڭى ئىقتىدارىغا ئېرىشىش“ تىن مەھسۇلات ئاچقۇچ نومۇرىنى كىرگۈزسىڭىزلا بولىدۇ

Windows 8 نى ئاكتىپلاش
Windows 8 ۋە ئىلگىرىكى Windows نەشرلەرنى ئاكتىپلاش ئۇسۇلى ئوخشاش، يەنىلا ئاچقۇچ نومۇرىنى تەكشۈرۈپ ئىسپاتلاش ئۇسۇلى قوللىنىلغان. ئوخشىمايدىغىنى Windows 8 دە ئىلگىرىكى ”تۈركۈم ئىجازىتى CD-KEY“ ئۇسۇلى بىكار قىلىنغان بولۇپ، ھەر بىر OEM كومپيۇتېرنىڭ BIOS ھەممىسىگە بىردىن بىر Windows ئاچقۇچ نومۇرى يېزىش تەلەپ قىلىنىدۇ. ئۇنىڭدىن باشقا، ئاكتىپلاشتىن ئىلگىرى Windows 8 UI ئارايۈزىنى خاسلاشتۇرۇش تەڭشىكى (ئېكران قۇلۇپلاش ھالەت رەسىمى، باشلاش ئېكرانى قاتارلىقلار) قۇلۇپلانغان بولۇپ، سىستېما ھەمىشە مەجبۇرى ”ئاكتىپلاش ئەسكەرتىشى“ كۆزنىكىگە ئاتلاپ، ئىشلەتكۈچىنىڭ ئاكتىلىپلىشىنى ئەسكەرتىدۇ.



————————

داۋامى داۋاملىق تولۇقلىنىدۇ…

مەنبەسى: ئىلقۇت بىلوگى

uyghur

Windows 8 نىڭ دەسلەپكى ئارايۈزى ۋە ئىقتىدارى (1)

ئەگەر ئاللىبۇرۇن Windows 8 نى قاچىلىغان بولسىڭىز، دەسلەپكى قەدەمدە Windows 8 نىڭ ئارايۈز UI نى چۈشەنگەن بولۇشىڭىز مۇمكىن، ئۇنداقتا، تۆۋەندە مەزكۇر ماقالە ئارقىلىق، تېخىمۇ ئىچكىرىلىگەن ئاساستا Windows 8 نىڭ بىر قانچە دەسلەپكى قەدەمدىكى ئارايۈز ۋە ئىقتىدارىنى چۈشىنىپ باقايلى:
Windows 8 نىڭ قۇلۇپ ئېكرانى\ئېدراكلىق ئېكران
قۇلۇپ ئېكرانى كومپيۇتېرنى قۇلۇپلىغاندا، سىستېمىنى قايتا قوزغاتقاندا ۋە ئۇيقۇ ھالىتىدىن ئويغاتقاندا كۆرۈنىدىغان ئېكراندىن ئىبارەت. ئۇ ئىشلەتكۈچى ئۆزى تەڭشەپ قويغان ئارايۈز بولۇپ، ھەم ئۇچۇر يەتكۈزۈش ھەم كومپيۇتېرنىڭ رۇخسەت بېرىلمىگەن ئاساستا ئىشلىتىلىشىدىن ساقلانغىلى بولىدۇ. Windows 8 نى قوزغاتقاندىن كېيىن، ئىشلەتكۈچى ئەڭ ئاۋۋال كۆرۈدىغىنى، قۇلۇپ ئېكران ئارا يۈزى بولۇپ، ئاندىن كېيىن كومپيۇتېرغا كىرگىلى بولىدۇ. كېيىن ھەر قېتىم سىستېمىنى قوزغاتقاندا، تىزىمدىن چىقىرىۋەتكەندە، ئىشلەتكۈچىلەرنى ئالماشتۇرۇپ كىرگەندە، بۇ قۇلۇپ ئېكرانى كۆرۈنىدۇ. ئەگەر PC ئىشلەتكۈچىسى بولسا، بىۋاسىتە ھالدا مائۇسنى چەكسە ياكى بوشلۇق كۇنۇپكىسىنى چەكسىلا بولىدۇ. ئەگەر سەزمە كونتروللۇق ئەسلىھە بولسا، بارماق بىلەن سۈرۈپلا قويسا بولىدۇ.
Windows 8 دىكى قۇلۇپ ئېكرانىنىڭ ئاساسلىقى ئۈچ خىل ئىشلىتىلىشى بار: سەزمە كونتروللۇق ئەسلىھەلەردىكى تويۇقسىز كىرىشنى سىناپ بېقىشنىڭ ئالدىنى ئېلىپ، ئىشلەتكۈچىلەر ئۈچۈن ئۆزگىچە ئارايۈز تەمىنلەپ، ئىشلەتكۈچى ئۈچۈن ئاددىيلاشتۇرۇلغان ئۇچۇر (چېسلا، ۋاقىت، تور ھالىتى ۋە باتارىيە ھالىتى، قىسمەن ئەپ ئۇقتۇرۇشى) تەمىنلەش.

يېڭى نەشرنىڭ قۇلۇپ ئېكرانى: ئارقا سۇپىدىكى ئەپ ۋە ھالەت ئۇقتۇرۇشى، مەسىلەن: ئېلېكترونلۇق خەت (ئېلخەت)، ئالاقە ئەپلىرى (مەسىلەن: QQ، Skype قاتارلىقلار)، ئىجتىمائىي ئالاقە تورى قاتارلىقلار (ئەپ سانىنى يەتتىدە چەكلىنىدۇ، يەنى يەتتىدىن ئېشىپ كەتمەسىلىكى كېرەك.) بار، يۇقىرىدىكى رەسىمدە كۆرسىتىلگەندەك.

ئۆزگىچىلەشتۈرۈلگەن قۇلۇپ ئېكراننى تەڭشەش: قۇلۇپ ئېكران كۆرۈنمە يۈزى، ئارقا سۇپىدا ئىجرا بولىۋاتقان ئەپ ۋە تەپسىلىي ھالەتنى كۆرسىتىدىغان ئەپلەرنى ئۆزى تەڭشەشكە بولىدۇ.

ئارقا سۇپا ئۇقتۇرۇش تەڭشىكى: ئەپ ئۇقتۇرۇشىنى ئېچىۋېتىش ياكى ئېتىۋېتىش، ئۆزگىچىلەشتۈرۈش ماس قەدەملىنەمدۇ يوق قاتارلىقلار.

باشلاش ئېكرانى
«باشلاش تىزىملىكى»دىن «ۋەزىپە ئىستۇتى» غىچە
«باشلاش تىزىملىكى» Windows 95 دە ۋۇجۇدقا كەلگەندىن بىرى ئىزچىل ھالدا ئۈستەل يۈزىدە تېزلەتمە كۇنۇپكا شەكلىدىن باشقا، ئىشلەتكۈچى پىروگراممىلىرى ۋە سىستېما ئىقتىدارىنى تېز قوزغىتىش ئۈچۈن قوللىنىلىپ كېلىنگەن ئىدى. ئەمما ئىزچىل ھالدا ئارايۈزى بەك كىچىك بولغانلىقتىن، ئىشلەتكۈچىلەرنىڭ ئۆزى بەلگىلەش ئاۋارىچىلىقى كۆرۈلگەندىن كېيىن، XP دە «ئەڭ كۆپ قوللىنىلىدىغان پىروگراممىلار»نى قوللاندى. Vista دا «ئىزدەش رامكىسى» قوللىنىلىپ، بۇ مەسىلىلەرنى ھەل قىلىشقا ئۇرۇنۇلدى. ئەمما سىستېمىنىڭ ئاساسلىق ھېسابلاش ئۇسۇلىنى ئۆزى بەلگىلەشكە ئامالسىز قالغانلىقتىن، ئۈنۈمى ئانچە ياخشى بولمىغان. ئۇنىڭدىن كېيىن Windows 7 دە يەككە تىزىملىك ۋە دەرەخسىمان كونترول ئارقىلىق گۇرۇپپىلاش مەسىلىسى ھەل قىلىندى. ئەمما بۇنداق بولغاندا دومىلىما تاياقچە پەيدا بولۇپ، ئەسلىدىنلا كىچىك ئارايۈزدە كۆپلىگەن تىزىملىكلەر پەيدا بولۇپ، چېكىلىش قېتىم سانى ئېشىپ كەتكەنلىكتىن، تېزلىك بىلەن مەلۇم بىر پىروگراممىنى ئىزدەپ تېپىش ناھايىتى تەس ئىدى.

(XP نىڭ يايما پىروگرامملىرى ۋە Windows 7 نىڭ دومىلىما تاياقچىسىنىڭ ھەممىسى تېزلىك بىلەن ئورۇن بەلگىلەشنىڭ توسقۇنلىرىدۇر. بۇ دەل مۇقىم ۋەزىپە ئىستونىنىڭ تېزلىكتە قوبۇل قىلىنىشىنىڭ سەۋەبى)

ئەمما بۇنىڭ بىلەن بىرگە Windows 7 دە يېڭىدىن قوللىنىلغان ئالاھىدە ۋەزىپە ئىستونى بەلگىلىك دەرىجىدە زور ئالقىشقا ئېرىشتى، نۇرغۇنلىغان ئىشلەتكۈچىلەر دائىم ئىشلىتىدىغان قوللىنىشچان پىروگراممىلىرىنى ھەتتا كونترول تاختىسىنى قوزغىتىشقا قولايلىق بولۇشى ئۈچۈن ئېكران ئاستىدىكى ۋەزىپە ئىستونىغا مۇقىملاشتۇرۇپ ئىشلەتتى. نۇرغۇن كىشىلەر ئۈچۈن ئېلىپ ئېيتقاندا، ۋەزىپە ئىستونى باشلاش تىزىملىكىنىڭ ئورنىنى ئالدى. ئەمما ۋەزىپە ئىستونىنىڭ بوشلۇقى يەنىلا چەكلىك ئىدى.
The New Start Screen\يېڭى «باشلاش ئېكرانى»
يۇقىرىدا بىز نۇرغۇنلىغان ئۈنۈمگە ئەھمىيەت بېرىدىغان ئىشلەتكۈچىلەرنىڭ تەدرىجى ھالدا باشلاش تىزىملىكىنى نەزەردىن ساقىت قىلىشقا باشلىغانلىقىنى، ھەمدە دائىم قوللىنىدىغان پىروگراممىلارنى قوزغىتىشقا قولايلىق بولۇش ئۈچۈن ئېكران ئاستىدىكى ۋەزىپە ئىستونىغا مۇقىمداپ ئىشلىتىدىغانلىقىنى تىلغا ئالدۇق.
ئۇنىڭدىن باشقا يەنە نۇرغۇن ئىشلەتكۈچىلەر Rainmeter، XWindows Dock، قالتىس بېلىق (酷鱼) ئۈستەل يۈزى، 360 ئۈستەل يۈزى، كىچىك Q كىتاب ئۈستىلى قاتارلىقلارنى ئۆز ئىچىگە ئالغان كۆپ خىل قوللىنىشچان پىروگراممىلارنى باشلاش تىزىملىكىنىڭ ئورنىغا دەسسىتىپ ئىشلەتتى. ئەمما، Windows 8 نىڭ يەنە تاختا كومپيۇتېرنىمۇ قوللايدىغانلىقىنى كۆزدە تۇتۇپ، ئىلگىرىكى باشلاش تىزىملىكىگە ئۆزگەرتىش كىرگۈزۈشكە ئامالسىز قالغانلىقتىن، مىكروسوفت باشلاش تىزىملىكىنى يېڭى باشتىن قايتا لايىھەلەشنى قارار قىلدى. كۆرسىتىش رايونى، كۆرسىتىش سىنبەلگىسى بەك كىچىك بولغان ئىكەن، ئۇنداقتا ئۇنى چوڭايتىش كېرەك. شۇڭا، ھازىرقى باشلاش ئېكرانى ۋۇجۇدقا كەلگەن.

ئىشلەتكۈچىلەر ئۈچۈن ئېيتقاندا، ئىشلىتىش پىرىنسىپى، ئەڭ كۆپ قوللىنىلىدىغان قوللىنىشچان پىروگراممىلارنى ئەڭ قولايلىق جايغا قويۇپ ئىشلىتىشتۇر. شۇڭا نىشان قانچە يېقىن، قانچە چوڭ بولسا شۇنچە ئاسان تاپقىلى بولىدۇ. يۇقىرىقى رەسىمدىكى باشلىنىش ئېكرانىدىن شۇنى كۆرۈۋېلىشقا بولىدۇكى، ئاستىنقى بۈرجىكىدىكى 17 ئەڭ ئاسان ئىشلىتىلىدىغان، مائۇس تېزلا يېتىپ بارىدىغان «باشلاش»دىكى ھەر قانداق تۈرگە تېز يېتىپ بارغىلى بولىدۇ.

Windows 8 دىكى باشلاش ئېكرانى ھەرگىزمۇ يەككە ھالدىكى باشلاش تىزىملىكىنىڭ ئالماشتۇرما مەھسۇلى ئەمەس، ئۇ پۈتكۈل ئېكراننى ئىگىلەپ، ئىلگىرىكى ئۈستەل يۈزى ۋە باشلاش تىزىملىكىنىڭ ئورنىنى ئېلىپ، كۈچلۈك بولغان قوللىنىشچان ئەپلەرنى قوزغىتىش ۋە ئالماشتۇرغىلى بولىدىغان، بىر ئۇقتۇرش، ئۆزى بەلگىلەش مەشغۇلاتى ئېلىپ بېرىشقا بولىدىغان، ئىقتىدارى كۈچلۈك بولغان ھەرىكەتچان ئارايۈز بولۇپ قالدى.
باشلاش ئېكرانىدىكى ھەر قايسى سىنبەلگىلەر ھەرگىزمۇ ئاددىي ھالدىكى جىمجىت سىنبەلگە ئەمەس، بەلكى ھەر ۋاقىت ھەرىكەتچان يېڭىلىنىدىغان ماگنېتلىق چاپلانما (磁贴 Tiles) دىن ئىبارەت. . باشلاش ئېكرانىدا ئىشلىتىلىدىغان يەككە جەريان Windows ئۇقتۇرۇش مۇلازىمىتىدىن ئۇقتۇرۇشقا ئېرىشىدۇ ۋە رەسىمنىڭ ئەڭ يېڭى ھالەت بىلەن بىردەكلىكنى ساقلايدۇ. شۇڭا كۆپ ۋاقىتلاردا يەككە ھالدا قوللىنىشنى چەكمىسىمۇ، بىۋاسىتە رەسىم ئۈسىتىدىن ھاۋارايى ئەھۋالى، پاي چەك باھاسى، باش خەۋەر، دوستلار مىكرو بلوگى قاتارلىقلارنىڭ يېڭىلىنىشىنى بىلگىلى بولىدۇ.
بۇ جەھەتتە Windows Phone ئىشلەتكۈچىلىرىنىڭ بۇنىڭغا چوقۇم تېخىمۇ پىششىق بولۇپ كېتىدىغانلىقىغا ئىشىنىمىز.

ماگنېتلىق چاپلانما (磁贴 Tiles) ئۈلگە كۆرسىتىش سىن ھۆججىتى

ماگنېتلىق چاپلانما (磁贴 Tiles) ھەققىدە چۈشەنچە:
ماگنېتلىق چاپلانما (磁贴 Tiles) دېگەن نېمە؟ ماگنېتلىق چاپلانما Windows 8 UI نىڭ «باشلاش» ئېكرانىدىكى ئىپادىلىنىش شەكلى. ماگنېتلىق چاپلانمىنىڭ ئىككى خىل رازمېرى بولۇپ: كىۋادىرات شەكىلىك چاپلانما ۋە كەڭ چاپلانمىدىن ئىبارەت. ئۇ يېزىق، رەسىم ياكى رەسىم-يېزىق ئارىلاشمىسىدىن تۈزۈلىدۇ. ماگنېتلىق چاپلانما جىمجىت بولۇپلا قالماي، يەنە ھەرىكەتچانمۇ بولىدۇ. ئۇ ئۇقتۇرۇش ئارقىلىق يېڭىلىنىدۇ. ماگنېتلىق چاپلانما يەنە ھالەت قۇلۇپ ئېكران ئەسكەرتمىسىنىمۇ كۆرسىتىپ بېرىدۇ. بۇ ۋاقىتتىكى ماگنېتلىق چاپلانما رەقەم ياكى خەت شەكلىدە بولىدۇ

uyghur

داۋامى ئۈچۈن قالدۇرۇلدى

uyghur

داۋامى ئۈچۈن قالدۇرۇلدى

uyghur

داۋامى ئۈچۈن قالدۇرۇلدى

uyghur

داۋامى ئۈچۈن قالدۇرۇلدى

uyghur

داۋامى ئۈچۈن قالدۇرۇلدى

serdax

نىمىشقا بۇ win8  بەزى ئويۇنلارنى قوللىمايدۇ ؟ بۇنىڭغا بىرەر ئامال بارمىدۇ ؟ مەن سىتىۋالغان بىلەن QQ نىڭ ئويۇنلىرى زادىلا قوزغىلالمىدى ،ئامالسىز يەنە win7 نى قاچىلاپ ئىشلىتىۋاتىمەن ، بولمىسىغۇ ھەممە ياماقلىرىنى چۈشۈرۈپ قاچىلاپمۇ باققان ، ئەپسۇس بولمىدى ، مۇشۇنىڭغا ئامال بولسا مەنمۇ win8  قاچىلاپ ئىشلەتسەم ، ياردەم قىلغان بولساڭلار ....

mutallipjan

ئەسىلامۇئەلەيكۇم  تورداشلار ، ياخشىمۇ سېلەر ، ماڭا بىر ياردەم قىلساڭلار بوپتىكەن .
مەن win8  نىڭ 248 يۇئەنلىك نەشېرنى سىتىۋالغان ، ھەمدە قاچىلاپ .ئىشلەتتىم  ، ھەھىقەتەن ياخشى ئىكەن ،
مۇشۇ يەرگە تولدۇرىدىغان ئاچقۇچنى ئىلتىماس قىلسام بولمايۋاتىدۇ ، مۇشۇ ئاينىڭ ئاخىرغچە ھەقسىز ئىكەن ، تۆتكۈن ۋاقىت قالدى ، مۇشۇ ئاچقۇچتىن زاپاس ئىلىپ قويغانلار بولسا ،ئالاقىلىش ئادىرسىنى قالدۇرۇپ قويساڭلار سىلار بىلەن ئالاقىلىشپ مۇۋاقىپ ئۇسۇل ئارقىلىق ھەل قىلساق بولاتتى . چ چ نۇمۇرۇم 314508714  تىلغۇن نۇمۇرۇم 13899178652

iltebir107

مەنمۇ يۇقارقى تورداش ئوتتتىغا قويغاندەك مەسلىگە يۇلۇقتۇم. مۇمكىن بولسا ،مۇشۇ توغرىسىدا بىر چۈشەنچە بېرىلسە بۇلاتتى.

525103

xpقوللايدىغان ھەرقانداق  سېستىمىنى قوللامدۇ...مەسلەن   zte v880 USB驱动 دىگەندەك....بولسا مەن ئالااي.

Hald

مۇشۇ يەرگە تولدۇرىدىغان ئاچقۇچنى ئىلتىماس قىلسام بولمايۋاتىدۇ ، مۇشۇ ئاينىڭ ئاخىرغچە ھەقسىز ئىكەن ، تۆتكۈن ۋاقىت قالدى ، مۇشۇ ئاچقۇچتىن زاپاس ئىلىپ قويغانلار بولسا ،ئالاقىلىش ئادىرسىنى قالدۇرۇپ قويساڭلار سىلار بىلەن ئالاقىلىشپ مۇۋاقىپ ئۇسۇل ئارقىلىق ھەل قىلساق بولاتتى .

بۇخىل ئەھۋالغا مەنمۇ ئۇچرىدىم، لېكىن كېيىن قارىسام، بۇ ئىقتىدار قوشۇش _ئومپيۇتېردىكى سىستېمىنى ئوخشاش بولمىغان نەشىرگە ئالماشتۇرۇپ بېرىدىغاندەك قىلىدۇ، شۇنىڭ بىلەن ئېتىشمايلا قويدۇم.
بولمىسا شۇ يەردىكى چۈشەندۈرۈشكە دىققەت قىلىپ بېقىڭلار، ياكى مەن خاتا چۈشەندىممۇ؟

asad

ئەسسالامۇ ئەلەيكۇم     بەك ياخشى  بوپتۇ   ھارمىغايسىلە   

ＤａㄒＭａＮｙ

بۇ ھەقىقەتەن ياخشى بىر سىستىما مەنمۇ بىرنى سىتىۋىلىپ ئىشلەتكىلى نەچچە ئايلار بوپ كەتتى بۇ سىسىتىمىغا بولغان كۇزقارشىممۇ ياخشى ئۇيغۇر چىنى100%تونۇيدۇ . بولسا ئۇيغۇر دوسلىرىم 248يۇەننى قىممەت كورمەي سىتىۋىلىشىڭلارنى ئۇمۇت قىلىمەن .خازىر نۇرغۇنلىغان كومپىيۇتىر ساتىدىغان ۋە مۇلازىمەت قىلىدىغان ئۇرۇنلارمۇ win8ئىلىپ قاچىلايمىغانلارغا ھەقىسىز قاچىلاپ ئۇيغۇرچىنى نورمال تونۇتۇپ بىرىۋىتىپتۇ  يەنە بۇ سىسىتىمىنى ئالماسلىققا يەنە نىمە باخانىڭىز با  دەپ بىقىڭ

ＤａㄒＭａＮｙ

بۇ ھەقىقەتەن ياخشى بىر سىستىما مەنمۇ بىرنى سىتىۋىلىپ ئىشلەتكىلى نەچچە ئايلار بوپ كەتتى بۇ سىسىتىمىغا بولغان كۇزقارشىممۇ ياخشى ئۇيغۇر چىنى100%تونۇيدۇ . بولسا ئۇيغۇر دوسلىرىم 248يۇەننى قىممەت كورمەي سىتىۋىلىشىڭلارنى ئۇمۇت قىلىمەن .خازىر نۇرغۇنلىغان كومپىيۇتىر ساتىدىغان ۋە مۇلازىمەت قىلىدىغان ئۇرۇنلارمۇ win8ئىلىپ قاچىلايمىغانلارغا ھەقىسىز قاچىلاپ ئۇيغۇرچىنى نورمال تونۇتۇپ بىرىۋىتىپتۇ.
  يەنە بۇ سىسىتىمىنى ئالماسلىققا يەنە نىمە باخانىڭىز با  دەپ بىقىڭ