MSN Messengerنى قىرغىزچىلاشتۇرۇش ھەققىدە ياردەم

Beles

       ئەسسالام-ئەلەيكۇم ئالىپ ئەپەندى ۋە ئالىپ تورىدىكى قېرىنداشلار :
       مەن ئالىپ تورىنىڭ ئەزاسى Beles بولىمەن ،ئوقۇغۇچى، مىللىتىم قىرغىز ،ئۇيغۇر قېرىنداشلارنىڭ ئارىسىدا چوڭ بولغان، باشلانغۇچ مەكتەپنى ئۇيغۇرچە ئوقۇغان .
       كۆپچىلىككە ئايان ، ھازىر ئۇچۇر دەۋرى ، رىقابەت دەۋرى ، غەرىپ مەدىنىيتى بىزگە ئىلغار پەن-تېخنىكا ، ئىلغار ئدىيەلەرنى ئېلىپ كېلىش بىلەن بىر ۋاقىتتا بىزنىڭ مەدەنىيتىمىزگە ،تۈرك مىللەتلىرى مەدىنىيتىگە ئورنىنى تولدۇرغىسىز يوقۇتىشلارنى ئېلىپ كېلىۋاتىدۇ ، ئەنە شۇلارنىڭ بىرى بىزنىڭ ئانا تىلىمىز ئېغىر خىرىسقا دۇچچار بولىۋاتىدۇ ، ھەممىمىز ئۆز مىللىتىمىزنى سۆيىمىز ، ئانا تىلىمىزنى سۆيىمىز ، مەدىنىيتىمىزنى ، تىلىمىزنى قوغداش ئۈچۈن قانچىلىك بەدەل تۆلىسەك ئەرزىيدۇ .
      ھازىر مەملىكىتىمىزدىكى ئاساسلىق تۈركىي مىللەتلەر بولغان ئۇيغۇر ، قازاق ، قىرغىز قاتارلىق مىللەتلەرنىڭ ئارىسىدا ئۇيغۇر قېرىنداشلارنىڭ ئقتىسادى ،مەدىنىي تەرەقىياتى ھەممىنىڭ ئالدىدا ، بۇنىڭغا كۆز يۇممايمىز ، ھەققىقەت ، شۇنىڭغا ماس ھالدا .ئۇچۇر تېخنىكىسىمۇ بىزگە قارىغاندا كۆپ ئالدىدا ،مەسىلەن بىر قاتار يۇمشاق دېتال شىركەتلىرى قۇرۇلدى، ساپ ئۇيغۇر تىلىدىكى يۇمشاق دېتاللار ئشلىنىپ چىقىۋاتىدۇ، ھەتتا بىز كۆپ ئشلىتىدىغان مەشخۇلات سېستىمىلىرىمۇ ئۇيغۇرچە تىلدا سۆزلەشكە باشلىدى ، شۇنىڭ بىلەن بىرگە بىز كۈندىلىك تۇرمۇشىمىزدا كۆپ ئشلىتىدىغان دېتاللارمۇ نامسىز قەھىرمانلار تەرىپىدىن ئارقا-ئارقىدىن ئۇيغۇرچىغا تەرجىمە قىلىنىشقا باشلىدى...  ئۇچۇر تېخنىكىسى جەھەتتە ئۇيغۇر قېرىنداشلار بىزگە باشلامچىلىق رولىنى ئويناۋاتىدۇ .
       ئەمدى مەقسەتكە كەلسەك ، مەنمۇ شۇ كۆپ قوللىنىدىغان بىر قانچە دىتالنى قىرغىزچىلاشتۇراي دېگەن ئدىم ، بىراق تېخنىكا ۋە ۋاقىتنىڭ چەكلىكلىكى سەۋەبىدىن كۆپلىگەن مەسىلىلەرگە ئۇچۇراۋاتىمەن ، كەتكەن ۋاقىت كۆپ ،بىراق ئەمەلىي ئۈنۈم بەك تۆۋەن بولىۋاتىدۇ (قىرغىزچە ئاتالغۇ، تەرجىمە جەھەتتە مەسىلە يوق). شۇنىڭ ئۈچۈن ئالىپ ئەپەندىدىن شۇنداقلا قېرىنداشلاردىن ياردەم سوراپ ئولتۇرۇپتىمەن ، كۆپىرەك يول كۆرسەتكەيسىلەر !
        بىرىنچى قەدەمدە MSN Messengerنى قىرغىزچىلاشتۇراي دېگەن ، تېخنىكا جەھەتتىن بەك قىينالدىم ، ئالىپ تورىدا سۆزلەنگەن بىر قانچە ئۇسۇل بويىچە تەرجىمە قىلىپ سىناپ باقتىم ،نۇرغۇن ۋاقتىم كەتتى،  بىراق ئۈنۈمى بولمىدى ، قىقىسى تېخنىكام يېتىشمىدى ، ئالىپ ئەپەندى ، بولسا مۇشۇ جەھەتتە يېتەكچىلىك قىلغان بولسىڭىز ، كۆپ رەخمەت سىزگە !

alip

ۋەئەلەيكۇم ئەسسالام. گۇرۇپپىمىزغا قوشۇلغانلىقىڭىزنى قارشى ئالىمىز.

MSN Messengerنى  قىرغىزچىلاشتۇرۇشقا تېخنىكىلىق ياردەم بېرىشنى خالايمەن. مەن تېخنىكىلىق جەھەتتىن يېتەكچىلىك قىلاي، سىز خېتنى قىرغىزچىغا تەرجىمە قىلىڭ (مەن قىرغىزچىنى بىلمەيمەن شۇڭا تەرجىمىدە ياردەم بېرەلمەيمەن) . پۈتكەندە ئالىپ ئۇيغۇرچلاشتۇرۇش گۇرۇپپىسى نامىدىن ۋە سىزنىڭ شەخسى نامىڭىزدىن ئالىپ تورىدا ھەقسىز تارقىتىمىز. ئېلان تەشۋىقات، تارقىتىش ھوقۇقى ئالىپ تورىدا بولىدۇ. قوشۇلسىڭىز تۆۋەندىكى ئىككى ئادېرستىن Sisulizer دېتالىنى ئىشلىتىشنى ئۆگىنىڭ.  (ئۆگىنىپ بولغان بولسىڭىز تېخى ياخشى) قالغىننى ئاندىن سۆزلىشەيلى.

دېتال ئۇيغۇرچىلاشتۇرۇش تېخنىكىسى

Sisulizer2010 دەرىسلىكى

Beles

     بولىدۇ ، مەن تەلىپىڭىزگە قوشۇلىمەن ، شۇنداق بولسۇن ، قوللىغىنىڭزغا كۆپ رەخمەت ئالىپ ئەپەندى
     Sisulizer2010  بۇ دىتال بىلەن ئالدىنقى مەزگىللەردە خېلى ھەپىلەشكەن ھازىرمۇ كومپىوتىرىمدا ئورنىتىغلىق، ئشلىتىشنى يامان ئەمەس بىلىمەن .

iltebir107

بۇ قىرغىز دوستۇمىزنىڭ غەيرىتىگە ،ئىشلىرى تىزراق ئەمەلگە ئاشسۇن.

Shahdiyar

بولىدىغان پىكىركەن.
بولسا گورۇپپىدا باشقا قېرىنداش مىللەتلەرمۇ قېتىلسا تېخىمۇ ياخشى بولاتتى. ئوتتۇرا ئاسىيا بازىرىدىكى قىرغىز، قازاق، تاتار، تاجىك ... قاتارلىق مىللەتلەرنىڭ تىل - يېزىقىنى بىز بىلمىگەندىكىن، ئۇشۇلاردىن ئۇيغۇرچىنى بىلىدىغان ئادەملەر بولسا دېتال ئۇيغۇرچىلاشتۇرۇش تېخنىكىسىغا بىز يېتەكچىلىك قىلساق، تىلىنى ئۇلار تەرجىمە قىلسا بولىدىغان گەپكەن.

alip

ئوتتۇرا ئاسىيادىكى دۆلەتلەر سىلاۋيان ياكى لاتىن ھەرپلىرىنى ئىشلىتىدۇ. ئۇنداقتا يۇمشاق دېتاللارنى شۇلارنىڭ تىلىغا ئۆرۈش تېخىمۇ ئاسان دېگەن گەپ.

iltebir107

ئۇيغۇرلار ئوتتۇرا ئاسىيادا،  كومپيۇتىر تېخنىكىسىدا خىلى ئالدىدىكەن جومۇ.

alip

Beles ئەپەندى، Messenger نى قىرغىزچىلاشتۇرۇش ئىشلىرىڭىز قانداق بولىۋاتىدۇ؟

Beles

ئىنكاس قايتۇرۇش alip نىڭ يازمىسى

ئەسسالام-ئەلەيكۇم ،  يېرىمى پۈتۈپ قالدى ، تەرجىمە سۈرىتى بئر قەدەر ئاستا ، ئمتىھان يېقىنلىشىپ قالغاچقا كۆپ ۋاقىت چىقىرالمايۋاتىمەن ، ئمكان قەدەر تىزىراق پۈتۈرۈشكە تىرىشىمەن !

alip

پۈتكەن قىسىمىنىڭ رەسىملىرىدىن بىر نەچچە پارچە يوللىۋەتمەمسىز. كۆرۈپ باقايلى.