ئىملا توغرىلاشقا مەن ياردەم قىلاي

abdulla74

ئەسسالامۇ ئەلەيكۇم، موتورولا ME865 ئىشلىتىۋاتقىنىمغا تۆت ئايدەك بوپتۇ، بۇ جەرياندا  بۇ مۇنبەردىكى ئۇيغۇرچىغا تەرجىمە قىلىنغان ئەپلەرنىڭ خېلى كۆپىنى يانفونۇمغا قاچىلاپ ئىشلىتىپ كۆردۈم، لېكىن، راستىنى ئېيتسام، دەسلەپتە «ئۇيغۇرچە ئەپ» دېگەن خەتنى كۆرۈپلا ئەپ تەرجىمە قىلغۇچىلارغا قوزغالغان مىننەتدارلىق تۇيغۇم، ئەپتىكى ئىملا خاتالىقلىرىنىڭ كۆپلۈكىگە قاراپ كۆپۈككە ئايلاندى. «نوچى بولساڭ ئاۋۋال ئۆزۈڭ ئەپتىن بىرەرنى تەرجىمە قىلىپ باق» دېگەندەك دوقلارنى قىلماڭلار، ئۇنىڭغا سەۋىيەم يەتمەيدىغانلىقىنى ئېتىراپ قىلىمەن. شۇنداق، ئەپ تەرجىمە قىلىشقا سەۋىيەم يەتمەيدۇ، لېكىن، خەنزۇچىدىن تەرجىمە قىلىش، ئىملانى توغرىلاش قولۇمدىن كېلىدۇ. ئەسلىدە خېلى بۇرۇنلا «ئى ئەپ تەرجىمانلىرى، تېخنىكا سىلەردىن، ئىملا توغرىلاش مەندىن!» دەپ خىتاب قىلىشنى كۆڭلۈمگە پۈككەن ئىدىم، ئەپسۇسكى، خىزمەتنىڭ زىيادە ئالدىراشلىقى تۈپەيلىدىن، ۋەدىنى بېرىپ قويۇپ كېيىنچە ئەمەل قىلالماسلىقىمدىن ئەنسىرەپ بۇنىڭغا جۈرئەت قىلالمىدىم. ھېلىھەممۇ ئالدىراشچىلىقلاردىن قۇتۇلغىنىم يوق، شۇنداق بولسىمۇ، ئالىپ ئەپەندىنىڭ ئىملا ھەققىدىكى چاقىرىقىغا قارىتا مۇنبەردە پەيدا بولغان ئىككى قۇتۇپنى كۆرگەندىن كېيىن، ئەپ تەرجىمە قىلغۇچىلارغا كۈچۈمنىڭ يېتىشىچە ھەمدەمدە بولاي دېگەن نىيەتكە كەلدىم. ئەپ تەرجىمە قىلغان، لېكىن ئىملاسىنى توغرىلاشتا قىينالغان بۇرادەرلەر بولسا تۆۋەندىكىدەك شەرتىمگە كۆنسە ئۇلارغا خىزمەتتە بولاي:
1. ئويۇن، مۇڭداشقۇ (QQ، MSN...) ياكى باشقا كۆڭۈل ئېچىش تىپىدىكى ئەپلەر بولمىسا؛
2. ماڭا تاپشۇرۇلغان ئىملا توغرىلاش ۋەزىپىسىنى ئورۇندىشىمغا كەم بولغاندا بىر ھەپتە ۋاقىت بېرەلىسە؛
3. تەرجىمە سۆزلىرىگە قارىتا تەكلىپ-پىكرىمنى قوبۇل قىلسا؛
4. سۆزلۈكلەرنى ماڭا يوللاشتىن ئاۋۋال ئۆزىمۇ بىر قۇر كۆرۈپ، خاتالىق بولسا تۈزىتىپ ئاندىن ماڭا يوللىسا؛
5. ئۆزئارا ئالاقە QQ ئارقىلىق ئېلىپ بېرىلىدۇ، ئالاقە جەريانىدا زۆرۈر بولمىغان گەپ-سۆزلەر («نەدىن؟ ئىسمىڭىز؟ نېمە خىزمەتتە؟...» دېگەندەك) يوللانمىسا.
QQ：125363712

abdulla74

تۇنجى مۇلازىمەتنى دىلچى ھاۋارايى قىستۇرمىسىدىكى ئىملا خاتالىقلىرىنى تۈزىتىشتىن باشلاشنى تولىمۇ خالايمەن، چۈنكى، بۇ ئەپنىڭ يانفونۇمنىڭ ئېكرانىدىن ماكان تۇتقىنىغا ئۇزۇن بولدى، «يوقىرى» دېگەن خاتا ئىملا كۆڭلۈمنى غەش قىلسىمۇ، بۇ ئەپنى ئۆچۈرۈۋېتىشكە چىدىمىدىم. بۇ ئەپنىڭ ئىملا خاتالىقىسىز نۇسخىسىنى ئىشلىتىشنى بەكمۇ ئارزۇ قىلىمەن.

alip

ماۋۇ تېمىدىن بىرمۇ ئىملا خاتالىقى تاپالمىدىم.

weli

ھەقىقەتەن ئەمىلى مەسىللەرنى ئوتتۇرىغا قويۇپسىز، بۇنى ۋاقتىدا بىر تەرەپ قىلىش زۆرۈر.
بىر قىسىم ئەپ تەرجىمانلىرىنىڭ تەرجىمىسى جانلىق بولماسلىق، ئىملادا ئىغىر مەسلە بولۇشتەك مەسللەر مەۋجۇت.
( توۋا بىز خەقلەرنىڭ ئىملا جەھەتتىكى سەۋىيەسى نىمانچە تۆۋەندۇر دەيمەن، ھەتتا مەن ئىشلەۋاتقان يەردە كۆپ كىشىلەر ئىملا دىگەن ئۇقۇمنى خەتنىڭ سەت-چىرايلىقلىقى دەپ چۈشىنىدۇ )

arwah

راستىنى ئېيتقاندا بۇنىڭغا ئىملاسىغا قەتئىيلا ئىشەنچ قىلالمايدىغان تەرجىمىچىلەر قوشۇلسا بولغۇدەك، كۆكلەم تەرجىمە گۇرۇپپىمىز بۇ شەرتلەرنى قۇبۇل قىلالمايدۇ ۋە ئىملاغا ئۆزى مەسئۇل بولالايدۇ.

dana

ياخشى پىكىركەن قوللايمەن.

abdulla74

arwah يوللىغان ۋاقتى  2012-4-24 03:50
راستىنى ئېيتقاندا بۇنىڭغا ئىملاسىغا قەتئىيلا ئىشەنچ ق ...

كۆكلەم گۇرۇپپىسىدىكىلەرنىڭ ئانا تىل ئۈچۈن سىڭدۈرگەن ئەجرىگە تەشەككۈرلەر بولسۇن.
تەكلىپ: ئىنكاسىڭىزدىكى «قۇبۇل»نى «قوبۇل» دەپ ئۆزگەرتسىڭىز.