Word دوكۇمېنتىغا خەت نۇسخىسىنى قوشۇپ ساقلاش

سۇۋادان

Word تا ئۇيغۇرچە ماقالىنى كىرگۈزۈپ بەت ياساپ بولغاندىن كېيىن، بۇ دوكۇمېنتنى باشقا كومپيۇتېرغا يۆتكەپ كۆرۈشكە توغرا كېلىدىغان ئەھۋاللار ئۇچرايدۇ. مەسىلەن، ئۆز كومپيۇتېرىمىزغا پىرىنتېر ئۇلانمىغان ئەھۋالدا، بۇ دوكۇمېنتنى U دىسكىغا كۆچۈرۈپ، پىرىنتېر ئۇلانغان باشقا كومپيۇتېردا ئېچىپ قەغەزگە بېسىپ چىقىرىشقا توغرا كېلىدۇ. ئەگەر ئىككى كومپيۇتېرنىڭ ھەر ئىككىلىسىدە ماقالىدە ئىشلەتكەن خەت نۇسخىسى بار بولسا، ئۇ ھالدا خىزمىتىمىز توسالغۇسىز بولىدۇ. ئۇنداق بولمىغاندا، بىرئوبدان تۈزۈپ قويغان بېتىمىز خەت نۇسخىسى ئوخشاش بولماسلىق سەۋەبىدىن بۇزۇلۇپ كېتىدۇ، ھەتتا ئۇيغۇرچە قاچىلانمىغان كومپيۇتېرلاردا بولسا قالايمىقان بىرنەرسىلەر كۆرۈنىدۇ. قانداق قىلىش كېرەك؟ بۇنى ھەل قىلىشنىڭ ئامالى ئەلۋەتتە ھەممىمىزگە ئايان بولغاندەك ئىككىنچى كومپيۇتېرغىمۇ شۇ خىل خەت نۇسخىسىنى قاچىلاشتۇر. تۆۋەندە يەنە بىر خىل قولايلىق ئامال − Word دوكۇمېنتىغا خەت نۇسخىسىنى قوشۇپ ساقلاش ئۇسۇلىنى كۆرۈپ ئۆتىمىز.
Word دوكۇمېنتىنى ساقلىغاندا دوكۇمېنتتا ئىشلەتكەن خەت نۇسخىسىنىمۇ قوشۇپ قاچىلاش ئارقىلىق، دوكۇمېنتىمىزنى ھەرقانداق كومپيۇتېردا نورمال ئاچقىلى بولىدىغان ھالەتكە كەلتۈرۈشكە بولىدۇ. ھەتتا بۇ دوكۇمېنتنى ئۇيغۇرچە قاچىلانمىغان كومپيۇتېرلاردىمۇ نورمال ئېچىشقا بولىدۇ (ئۇ كومپيۇتېردا ئۇيغۇرچە كىرگۈزۈش ئۇسۇلى بولمىغاچقا تەھرىرلىيەلمەيمىز ئەلۋەتتە). ھاسىل بولغان ھۆججەتنىڭ چوڭلۇقى نورمال ساقلىغان ھالەتتىن چوڭراق بولىدۇ. مەشغۇلات باسقۇچى تۆۋەندىكىچە: (تۆۋەندە Word2007 مۇھىتىنى مىسال قىلىمىز)
ماقالىنى تەھرىرلەپ بەت ياساپ بولغاندىن كېيىن «Office كۇنۇپكىسى» نى چېكىپ، ئېچىلغان تىزىملىكتىن تۇنجى قېتىم ساقلىغاندا، «ساقلاش» (保存) نى، بۇرۇن ساقلاپ بولغان بولسا «باشقىچە ساقلاش...» (另存为) نى چېكىمىز. تۆۋەندىكى رەسىمدە كۆرسىتىلگەندەك كۆزنەك ئېچىلىدۇ.

بۇ كۆزنەكتىكى «قورال» (工具) كۇنۇپكىسىنى چېكىپ ئېچىپ ئۇنىڭدىن «ساقلاش تاللانمىسى...» (保存选项) نى تاللايمىز. بۇ ۋاقىتتا تۆۋەندىكى رەسىمدە كۆرسىتىلگەندەك كۆزنەك ئېچىلىدۇ.

بۇ كۆزنەكتىكى «خەت نۇسخىسىنى ھۆججەتكە قىستۇرۇش» (将字体嵌入文件) كۆپ تاللانمىسىنى تاللاپ ئالدىغا توغرا بەلگىسى قويىمىز، ۋە «جەزملەشتۈرۈش» (确定) كۇنۇپكىسىنى چېكىمىز. بۇ ۋاقىتتا ئالدىنقى رەسىمدىكى «باشقىچە ساقلاش» (另存为) كۆزنىكىگە قايتىدۇ، بۇ كۆزنەكتىكى «جەزملەشتۈرۈش» (确定) كۇنۇپكىسىنى چېكىش ئارقىلىق ھۆججىتىمىزگە خەت نۇسخىسىنى قىستۇرۇپ ساقلىيالايمىز. شۇنىڭ بىلەن بۇ ھۆججەتنى شۇ خىل خەت نۇسخىسى يوق كومپيۇتېرلاردىمۇ بىلال كۆرەلەيمىز.

polo

  ماڭا ئاتاپ  يوللىغاندەكلا  .... كۆپ رەھمەت . ئەمدى ئىشلىرىم تېخىمۇ قولايلىق بۇلدىغان بولدى . . .

dilaram

ۋاي-ۋۇي ،نىمانچە  ياخشى. مەنمۇ تۇلا ئۇچرايتتىم بۇ ئىشقا. رەخمەت جۇمۇ !!!

ratna

ياخشى ئامالكەن بۇ!

xendan

ياشاپ كېتىڭ، مۇشۇنداق ئېسىل ئەسەرلىرىڭىزگە تەشنامەن، قولىڭىزغا دەرت كەلمىسۇن!!!