كومپيوتېر دىگەن نىمە ؟

dana

تورداشلار ئېتىپ بىقىڭلارچۇ؟ كومپيوتېر دىگەن زادى نىمە ؟

sanjar

ھازىرقى زاماندىكى جاھاننامە ئەينىكى،توكقا ئۇلايدۇ......

akkaptar

كومپىيوتېر(Computer )- بىرخىل ئېلىكتىر ئىلمى پىرىنسىپى ئاساسىدا بىرقاتار بۇيرۇقلار ئارقىلىق سان سېفىرلارنى بىر تەرەپ قىلىدىغان ئۈسكۈنە .
كومپىيوتېرنى قاتتىق دىتال قىسمى ۋە يۇمشاق دىتال قىسمىدىن ئىبارەت ئىككى قىسىمغا بۆلشكە ن  ، كۆز بىلەن كۆرگىلى ھەم قول بىلەن تۇتۇشقا بولىدىغان قىسىمنى قاتتىق دىتال قىسمى ،كۆرگىلى بولمايدىغان ئەمما كومپىيوتېردا ئىجىرا بولىدىغان قىسىمنى يۇمشاق دىتال قىسىمى دەيدۇ .
ئەڭ دەسلەپكى كومپىيوتېر ( E NIAC )   بولسا 1946-يىلى 2-ئاينىڭ 15-كۈنى بارلىققا كەلگەن بۇلۇپ 3 قەۋەتلىك بىنا بىلەن تەڭ ئىدى .

okughuchi

بۇ كومپىيۇتېر دىگەن بۇيرۇقلام تەلەپ قىلىدىغان بىر نەرسە....

alip

كومپىيۇتېر بۇرۇنلاردا لوگىكىلىق ھۆكۈم ئارقىلىق پروگراممىلارنى ئىجرا قىلاتتى. يەنى بىرگە بىرنى قوشسا ئىككى، قورساق ئاچسا تاماق يەيدۇ .... دېگەندەك. بۇنداقتا بۇ تۆمۈر بىز قانداق بۇيرۇق بەرسەك شۇنى ئىجرا قىلاتتى.
ئەمدى سۈنئى نېرۋا تورى دەپ بىر نەرسە چىقىپتۇ. كومپىيۇتېردا سۈنئىي نېرۋا تورى ئارقىلىق پروگرامما تۈزسە، كومپىيۇتېر ئۆگىنىش ئىقتىدارىغا ئىگە بولىدىكەن.
مەسلەن: سۈنئىي نېرۋا تورىدىن پايدىلىنىپ ئادەمنىڭ چىرايىنى تونۇش پروگراممىسى تۈزسە، پىروگرامما ئاۋال بىرەر يۈز ئادەمنىڭ چىرايىنىڭ ئالاھدىلىكىنى ئانالىزى قىلىپ ئۆگىنىۋالدىكەن. ئۆگىنىش باسقۇچى تۈگىگەندىن كېيىن باشقا خالىغان ئادەمنىڭ چىرايىنى تونۇيالايدىكەن.
تەرەققىيات مۇشۇنداق بولىۋەرسە بۇ تۆمۈر-تەسەك بىر كۈنلەردە بىزنىڭ بۇيرۇقىمىزغا بويسۇنماي، بىزنى باشقۇرۇپ كېتىدىغاندەك قىلىدۇ.

dana

يۇقۇرىدىكى تورداشلار.ناھايىتى ياخشى چۈشەنچىلەرنى بىرىپ ئۆتتى.خۇرسەن بولدۇم.
يەنە سۇئالغا جاۋاپ بىرىدىغانلار بارمۇ يوق قاراپ باقايلى.

jahankazdi

ماڭا ئۇستام،«كومپىيۇتېر دىگىنىمىز- ئارفىمىتكىلىق ۋە لوگىكىلىق ھىساپلاشلارنى تېز، ئاپتوماتىك ئېلىپ بارالايدىغان ئېلىكتىرونلۇق ئۈسكىنە.» دەپ بەرگەنتى...

sanjar

دوستلار ، ھازىر ياۋرۇپادا يېڭى بىرخىل كومپيوتېر مىڭىسى تەتقىق قىلىنىۋىتىپتۇ.ئۇخىل كومپيوتېر مىڭىسى توكتا ئەمەس نۇردا ھېسابلاش ئېلىپ بارىدىكەن ، ئۇ چاغدا ئۇنىڭ ھېسابلاش سۈرئىتى توكتا خىزمەت قىلغىنىدىن 1000ھەسسە تېز بولىدىكەن. ئەگەر ئۇ داۋاملىق تەرەققىياتلارغا ئېرىشەلىسە ھېسابلاش ماشىنىسى پۇتۇنلەي يىڭى باسقۇچقا كىرىدىكەن.مېنىڭچە ئۇخىل ھېسابلاش ماشىنىسى يەنە كومپيوتېر دەپ ئاتالسا تازا توغرا بولمايدىغۇ دەيمەن؟

dana

جاۋاپ:كومپىيوتىر دىگىنىمىز. كومپيۇتېر (COMPUTER ئېلېكترونلۇق ھېسابلاش ماشىنىسى، ئېلېكترونلۇق مېڭە) كۆپ مىقداردىكى ئارىفمىتىكىلىق ۋە لوگىكىلىق ھېسابلاشلارنى ئاپتوماتىك، تېز سۈرئەتتە بېجىرىدىغان ئېلېكترونلۇق ئۈسكۈنە. باشقا ئېلېكترون مەھسۇلاتلىرىغا ئوخشاش كومپيۇتېرنىڭ تۈرىمۇ ناھايىتى كۆپ. كومپيۇتېرنى تۈرگە ئايرىش ئۇنىڭ توك يولىنىڭ توپلاشتۇرۇش دەرىجىسى، ئىشلىتىلگەن تېخنىكا، ھەجمى، باھاسى، ھېسابلاش سۈرئىتى، ئىقتىدارى، ئىلىتىلىش ئورنى قاتارلىقلار بىلەن مۇناسىۋەتلىك بولغاچقا، ئۇلارنى تۈرگە ئايرىش ئۇسۇللىرىمۇ ئوخشاش ئەمەس. ھازىر بىر قەدەر كۆپ ئىشلىتىلىۋاتقان تۈرگە ئايرىش ئۇسۇلى تۆۋەندىكى ئىككى خىل.  قاتتىق دېتال قۇرۇلمىسى   ھازىر ئىشلىتىلىۋاتقان كۆپ ۋاستىلىك مىكرو كومپيۇتېرلار قاتتىق دېتال سىستېمىسى ۋە يۇمشاق دېتال سىستېمىسىدىن تۈزۈلگەن. قاتتىق دېتال بولسا كومپيۇتېرنى تەشكىل قىلىدىغان بارلىق ماددىي ئۈسكۈنىلەرنى كۆرسىتىدۇ. ئۇ كومپيۇتېرنىڭ ماددىي ئاساسى. يۇمشاق دېتال بولسا كومپيۇتېرنىڭ نورمال خىزمەت قىلىشى ئۈچۈن زۆرۈر بولغان پروگرامما ۋە سانلىق مەلۇماتلاردىن ئىبارەت. بۇ ئىككىسىنىڭ بىرسى كەم بولسا بولمايدۇ. يۇمشاق دېتال بولمىسا، قاتتىق دېتالنىڭ ھېچقانداق ئەھمىيىتى يوق، قاتتىق دېتال بولمىسا، يۇمشاق دېتال ئۆز رولىنى جارى قىلدۇرالمايدۇ. پەقەت بۇ ئىككىسى ئۈنۈملۈك بىرلەشتۈرۈلگەندىلا، ئاندىن كومپيۇتېر ئۆز رولىنى تولۇق جارى قىلدۇرۇلايدۇ. كومپيۇتېرنىڭ قاتتىق دېتال سىستېمىسى _ ئاساسى ماشىنا، كىرگۈزۈش ئۈسكۈنىسى، چىقىرىش ئۈسكۈنىسى، ماگنىتلىق ساقلاش ئۈسكۈنىسى ۋە كۆپ ۋاسىتە ئۈسكۈنىسى قاتارلىقلارنى ئۆز ئىچىگە ئالىدۇ. قاتتىق دېتال سىستېمىسىغا باش لىنىيە قۇرۇلمىسى ئىشلىتىلگەن بولۇپ، ھەرقايسى قاتتىق دېتاللارنى باش لىنىيە ئارقىلىق ئۆزئارا ئۇلىنىپ مۇكەممەل قاتتىق دېتال سىستېمىسىنى تەشكىل قىلىدۇ.   ئاساسىي ماشىنا   كومپيۇتېرنىڭ ئاساسىي ماشىنىسى كومپيۇتېر خىزمىتىنى كونترول قىلىدىغان مەركەز. ئۇ نۇرغۇن قىسىملاردىن تۈزۈلگەن بولغاچقا، كومپيۇتېر ئاساسىي ماشىنا قېپى ئىچىگە ئورۇنلاشتۇرۇلغان. ئاساسىي ماشىنا قېپى تىك شەكىللىك ۋە ياتما شەكىللىك بولۇپ، بۇ ئىككىسىنىڭ ماھىيەتلىك پەرقى يوق. پەقەت قېپىنىڭ ئالدى تەرىپىدە يۇمشاق دىسكا قوزغاتقۇچ، ئوپتىك دىسكا قوزغاتقۇچ، توك مەنبە كۇنۇپكىسى، قايتا قوزغىتىش كۇنۇپكىسى (REBET)، توك مەنبە كۆرسەتكۈچ چىرىغى، قاتتىق دىسكا كۆرسەتكۈچ چىرىغى قاتارلىقلار بار. ئاساسىي ماشىنا قېپىنىڭ كەينى تەرىپىدە ئۇلاش ئېغىزلىرى بولۇپ، بۇلار ئاساسىي ماشىنا بىلەن سىرتقى ئۈسكۈنىلەرنى بىر _ بىرىگە ئۇلايدۇ. ئاساسىي ماشىنا قېپىنىڭ ئىچىگە ئاساسىي تاختا، كۆرسىتىش كارتىسى، قاتتىق دىسكا قوزغاتقۇچ، ئوپتىك دىسكا قوزغاتقۇچ، يۇمشاق دىسكا قوزغاتقۇچ، ئىچكى ساقلىغۇچ، مەركىزىي بىر تەرەپ قىلغۇچ، توك مەنبەسى ۋە ھەر خىل كارتىلار ئورۇنلاشتۇرۇلغان.

omar

ماڭا  بەرگۈدەك  جاۋاب  قالمىدىمۇ  نېمە   ؟