16GB لىق يانفونلارنىڭ ئەمەلىي ساقلاش سىغىمى زادى قانچىلىك؟

BADBOY0998

سامسۇڭنىڭ ئەڭ يېڭى بايراقدار يانفونى بولغان Galaxy S4 نىڭ ئەمەلىي ئىشلىتىشكە بولىدىغان سېغىمى پەقەت ئەسلى ئۆلچەمدىكىنىڭ يېرىمىچىلىكلا بولغاچقا، نۇرغۇنلىغان ئىستېمالچىلارنىڭ كۈچلۈك نارازىلىقىنى قوزغىغان. مەزكۇر خۇلاسە ئەنگىلىيەدە چىقىدىغان «?Which» ناملىق بىر ژورنال تەرىپىدىن ئىلىپ بىرىلغان سىناقنىڭ نەتىجىسى بولۇپ، ئۇنىڭدا نۆۋەتتە ئەڭ ئالقىشقا ئېرىشىۋاتقان سەككىز خىل ئەقلىي ئىقتىدارلىق يانفوننىڭ ئەمەلىي ئىشلىتىشكە بولىدىغان ساقلاش بوشلۇقى ھېسابلاپ چىقىلغان. سىناق نەتىجىسىدىن كۆرۈۋىلىشقا بولىدۇكى، «Bloatware» (كېڭەيتىلمە پىروگرامما) دەپ ئاتىلىدىغان «كىرەكسىز» بىر سىستېما قورالى يانفونىنىڭ %46 ساقلاش بوشلۇقىنى ئىگەللىۋالغان. بۇنىڭغا نىسبەتەن ئېيتقاندا، ئايفون 5C نىڭ سىستېما ۋە باشقا ئەپلىرىنىڭ ئىگەللىگەن سېغىمى ئومومىي ساقلاش سېغىمىنىڭ ئاران %21 گە توغرا كىلىدىغان بولۇپ، سەككىز خىل يانفون ئىچىدىكى ئەمەلىي ساقلاش بوشلۇقى ئەڭ چوڭ يانفون بولۇپ قالغان.
ئۇنداقتا، «Bloatware» دىگەن زادى قانداق نېمە؟ ئىگەللىنىشىچە، Bloatware بولسا يانفون ئىستېمالچىلارنىڭ قولىغا تىگىشتىن بۇرۇن، كارخانىلار ۋە خەۋەرلىشىش شىركەتلىرى يانفون ئىچىگە قاچىلايدىغان بارلىق پىروگراممىلار ۋە ھۆججەتلەرنى كۆرسىتىدىكەن.
«?Which» ژورنىلى ئىلىپ بارغان سىناققا تۆۋەندىكى سەككىز خىل يانفون قاتناشتۇرۇلغان بولۇپ، بۇلارنىڭ ئۆلچەملىك ساقلاش سېغىمى 16GB ئىكەن:
iPhone 5C، iPhone 5S ، سامسۇڭ Galaxy S4، گۇگېل Nexus 5، سونىي Xperia Z1، قارا بۆلجۈرگەن Z30، ۋە HTC One Mini شۇنداقلا LG's G2 قاتارلىقلار.
بۇنىڭ ئىچىدە، سامسۇڭ Galaxy S4 يانفونىنىڭ ئەمەلىي ئىشلىتىشكە بولىدىغان سېغىمى پەقەت 8.56GB بولۇپ، بۇلتۇر 5-ئايدا ئىلىپ بىرىلغان ئوخشاش بىر تۈرلۈك سىناقنىڭ نەتىجىسىگە قارىغاندا يەنە 0.24GB بوشلۇق ئازىيىپ كەتكەن.
ئالما 5C يانفونىنىڭ سىناق نەتىجىسدە كۆرسىتىلىشىچە، 5C نىڭ ئەمەلىي بوشلۇقى 12.6GB گە يېتىدىكەن، 5S نىڭ بولسا 5C دىن سەل ئازراق بولۇپ، 12.2GB گە يېتىدىكەن.
LG G2 ۋە HTC One Mini يانفونلىرىنىڭ ئەمەلىي بوشلۇقى 11GB دىن سەل تۆۋەنرەك تۇرىدىغان بولۇپ، ئايرىم-ئايرىم ھالدا 10.37GB ۋە 10.44GB ئىكەن.

سامسۇڭ Galaxy S4 يانفونىغا قايتىپ كەلسەك، ئۇنىڭ ئەمەلىي ئىشلىتىشكە بولىدىغان بوشلۇقىنىڭ ئازىيىپ كېتىشىگە ئاساسلىقى سامسۇڭ شىركىتى يانفونغا ئالدىن قاچىلايدىغان بىر قىسىم يېڭىچە ئىقتىدارلىق ئەپلەر سەۋەبچى بولغان، مەسىلەن، كۆز قارىچۇقىنى ئىز قوغلاش، قول ئىشارىتىنى تونۇش ۋە ئاۋازلىق بۇيرۇق سىستېمىسى دىگەندەك. قاملاشمىغان يېرى شۇكى، بۇ ئەپلەرنى يانفوندىن چىقىرىۋىتىشكە بولمايدىكەن.

ئۇنداقتا، ئالما شىركىتىنىڭ ئىككى خىل يانفونىنىڭ ساقلاش بوشلۇقىدا نېمە ئۈچۈن پەرق كىلىپ چىققان؟ بۇنىڭدىكى ئاساسلىق سەۋەب سامسۇڭ يانفونىدىكىسى بىلەن ئوخشىشىپ قالىدىكەن. چۈنكى iPhone 5S يانفونىنىڭ ئىقتىدارى ۋە ئىجرا بولۇش سۈرئىتى iPhone 5C دىن يۇقىرى بولۇپ، بۇنىڭ ئۈچۈن بىر قىسىم قوشۇمچە پىروگراممىلارنى ئالدىن قاچىلاشقا توغرا كىلىدىكەن، خۇددى بارماق ئىزىنى پەرقلەندۈرۈش دىگەنگە ئوخشاش.
خۇددى داڭلىق تېخنىكا تەتقىقاتچىسى Jon Barrow نىڭ بىلوگىدا ئېيتىلغانغا ئوخشاش، « ئەمەلىيەتتە ھەربىر دانە يانفون چوقۇم بىر قىسىم ساقلاش بوشلۇقىنى قۇربان قىلىپ، ئۇنىڭغا مەشغۇلات سىستېمىسى قاتارلىق بىر يۈرۈش ھۆججەتلەرنى قاچىلايدۇ. بۇندىن باشقا، نۇرغۇنلىغان يانفون كارخانىلىرىمۇ يەنە يانفونغا بىر قىسىم ئەپلەر، سىستېما ئۇسلۇبلىرى ۋە باشقا پىروگراممىلارنى ئالدىن قاچىلىۋىتىدۇ. بىراق، ھىچقانداق بىر يانفون سامسۇڭنىڭ Galaxy S4 گە ئوخشاش، ئۇنچە كۆپ پىروگراممىلارنى ئالدىن قاچىلىمايدۇ.»
ئىستېمالچىلارنىڭ Galaxy S4 يانفونىغا بولغان نارازىلىقىغا قارىتا، سامسۇڭ شىركىتى پەقەت ئابونتلارنىڭ سېغىمى چوڭراق كارتىسى سېتىۋىلىش ئارقىلىق بۇ مەسىلىنى ھەل قىلىشىنى تەۋسىيە قىلغان. سامسۇڭ شىركىتى مۇنداق دىگەن:
«ئىستېمالچىلارغا تېخىمۇ يۇقىرى ئېنىقلىقتىكى كۆرسېتىش ئۈنۈمى ۋە باشقا كۈچلۈك ئىقتىدارلارنى تەمىنلەش ئۈچۈن، 16GB لىق نۇسخىدىكى سامسۇڭ Galaxy S4 يانفونىغا 6.85GB ئەتراپىدىكى چوڭ-كىچىك پىروگراممىلار قاچىلانغان، بۇ جەھەتتە Galaxy S3 يانفونىغا قارىغاندا 1GB دىن كۆپرەك بوشلۇقنى ئارتۇق ئىگەللەيدۇ. شۇنىڭ ئۈچۈن، ئىستېمالچىلار Galaxy S4 يانفونىنى سېتىۋالغاندىن كىيىن، ئەڭ ياخشىسى microSD تىپلىق سېغىم كارتىسىدىن بىرنى سېلىش ئارقىلىق، يانفوننىڭ ئەمەلىي ئىشلىتىشكە بولىدىغان سېغىمىنى ئاشۇرسا بولىدۇ.»
بىراق، يۇقاردا تىلغا ئىلىنغان سەككىز خىل يانفون ئىچىدىكى ئەمەلىي ساقلاش بوشلۇقى ئەڭ چوڭ بولغان ئالدىنقى ئۈچ يانفون يەنى iPhone 5C、5S ۋە گۇگېل Nexus 5 قاتارلىقلارنىڭ ھىچقايسىسى سېغىم كارتىسى سېلىش ئىقتىدارىنى ھازىرلىمىغان، يەنى ئەگەر يانفون سېغىمى يېتىشمىسە، ئۇنىڭغا باشقا ئامال يوق. بۇ نۇقتىدىن ئېيتقاندا، سامسۇڭ Galaxy S4 يانفونىغا ھەرھالدا سېغىم كارتىسى سېلىشقا بولغاچقا، سېغىم يېتىشمەسلىك مەسىلىسىنى يەنىلا ھەل قىلىشقا بولىدۇ.
                                           مەنبە ؛ نۇر تورى

ARKA0998

ھازىر نۇر تورىدا ئوقىغانتىم ...بالىلار بەك ئىشتىك ھە
ئالپ Android يانفون تېرمىنالىدا يېزىلغان ئىنكاس

BADBOY0998

ARKA0998 يوللىغان ۋاقتى  2014-1-29 19:57
ھازىر نۇر تورىدا ئوقىغانتىم ...بالىلار بەك ئىشتىك ھە

ھە دەيمە

omak007

مىنىڭ شىياۋمنىڭ سىغىمى ئاران 10.3گ  چىقىدىكەن !