كومپيۇتېر ئىشلىتىشتە دىققەت قىلىشقا تېگىشلىك ئىشلار

︶ㄣMiHmaN︶

     1. كومپيۇتېرنى يۇقىرى تىمپېراتورلۇق، نەم، چاڭ- توزان يەردىن يىراق قۇيۇڭ، شۇنىڭ بىلەن بىللە يۇقىرى بېسىملىق ئېلېكتر رايونى، ماگنىت كۈچى كۈچلۈك بولغان يەرگە قويماڭ. ئەڭ ياخشىسى شامال ئۆتۈشۈپ تۇرىدىغان، تېمپېراتۇرا ئۆزگىرىشى ئانچە چوڭ بولمىغان، پاكىز مۇھىتتا قويۇڭ. قۇياش نۇرىنىڭ بىۋاسىتە چۈشىشىدىن ساقلىنىڭ، توك مەنبەسىنى چاتقاندا ستاتىك ئېلېكترغا قارشى توك ئۇلىغۇچ ئىشلىتىڭ.

     2. كۆپ ۋاسىتىلىك كومپيۇتېر بىلەن ئائىلىدە ئىشلىتىدىغان ئۈنئالغۇ قاتارلىق ئەسلىھەلەرنى چاتقان ۋاقىتتا، ماگنىتنىڭ قارشىلىقىغا دىققەت قىلىڭ. بولمىسا، كومپيۇتېر كۆيۈپ كېتىش ئېھتىماللىقى يۈز بېرىدۇ. كومپيۇتېرنىڭ توك مەنبەسى بىلەن ئائىلىدە ئىشلىتىدىغان ئېلېكتر ئۈسكۈنىلىرىنىڭ توك مەنبەسىنى ئايرىۋېتىڭ، ئورتاق بىر روزېتكا ئىشلىتىشتىن ساقلىنىڭ.

     3.كومپيۇتېرنى كۈچلۈك قۇياش نۇرى بىۋاسىتە چۈشىدىغان جايدا قويماڭ، چۈنكى كومپيۇتېرنىڭ كۈچلۈك قۇياش نۇرىغا ئۇچراش ۋاقتى ئۇزارغانسېرى، كومپيۇتېرنىڭ ئۆمرى قىسقىرايدۇ، ئېكرانمۇ ئاسان كاردىن چىقىدۇ. شۇڭا ئامال بار كومپيۇتېرنى قۇياش نۇرى چۈشمەيدىغان جايغا قۇيۇڭ ۋە قېنىق رەڭلىك رەختتە يېپىپ نۇرنىڭ كۈچىنى ئازلىتىڭ.

     4. كومپيۇتېرنىڭ كۆپلىگەن كاشىلىرى ئاساسلىق يۇمشاق دېتال تەرىپىدىن كېلىپ چىققان بولىدۇ، بۇنىڭ ئىچىدە ۋىرۇس بولسا ئەڭ ئاسان كومپيۇتېرىدا كاشىلا پەيدا قىلىدۇ، شۇڭا بىر قەدەر كۈچلۈك بولغان سىستېمىلىق ۋىرۇس تازىلاش يۇمشاق دېتالى ئىشلىتىڭ، ۋېروسنىڭ ئالدىنى ئېلىش بولسا ئىنتايىن مۇھىم.

     5. كومپىيوتىرنىڭ قېشىغا ئۇششاق- چۈششەك قالايمىقان نەرسىلەرنى دۈۋلەپ قويماڭ. بىر تەرەپتىن كومپىيوتىرنىڭ نۇرمال ئىسسىقلىق تارقىتىشىغا تەسىر يەتكۈزسە، يەنە بىر تەرەپتىن سىزنىڭ كومپىيوتىردا نۇرمال خىزمەت قىلىشىڭىزغا دەخلى قىلىدۇ.

     6. كومپيۇتېرنى ئارقىمۇ-ئارقا ئېتىپ ئاچماڭ. چۈنكى كومپيۇتېرنى توك بىلەن تەمىنلەيدىغان توك مەنبەسىمۇ تەڭ ھەرىكەت قىلىدۇ، ئەڭ ئاز بولغاندا يېرىم مىنۇتتىن كىيىن ئاندىن قايتا قوزغىتىش ئېلىپ بېرىڭ. ئەگەر توك بېسىمى نورمال بولمىسا تەكلىپىمىز UPS توك مەنبەسى ئىشلىتىڭ. بۇ ئارقىلىق كومپيۇتېرنىڭ زەخىمىگە ئۇچرىشىنىڭ ۋە ئاسان قېرىشىنىڭ ئالدىنى ئالغىلى بولىدۇ.