بىرتال تورسىمى

alshir

ئەسلى مەنبەسى ئەلشىر تورخاتىرىسىدىن بىرتال تورسىمى بۇ مۇنبەرگە قويسام تېخىمۇ كۆپ كىشى كۆرەلىگۈدەك. شۇڭا كۆچۈرۈپ قويدۇم.  باشقىلارمۇ كۆچۈرۈپ ئىشلەتسە بولىدۇ. ئەمما چوقۇم ئەسلى يازما ئادرىسىنى ئەسكەرتىپ ئۇلانما قىلىپ كۆچۈرۈڭ.  باشقىلارنىڭ يازمامنى باشقا يەرلەرگە قويۇپ تېخىمۇ كۆپ كىشىنىڭ كۆرىشىگە شارائىت يارىتىپ بەرگىنىدىن بەك خوشال بولساممۇ مەنبەسىنى ئەسكەرتمەي ئىشلەتكىنىدىن ئىچىم ئاچچىق بولىدۇ.
ئىشخانىلاردا ئادەتتە تور سىمى قۇرۇلۇش داۋامىدا تام ئىچىگە ئېلىنىپ تامغا تور توچكىسى ئورنىتىلغان بولىدۇ، ئەمما بەزى ئىشخانىلارغا بىر تاللا تور سىمى كىرگۈزۈلگەن يامان يېرى بۇ يەردە تورغا چىقىشقا ئېھتىياجلىق ئىككى كومپيۇتېر بار. ئەمدى قانداق قىلغۇلۇق يەنە بىر تال سىم تارتىلسا چىقىملا بولۇپ قالماي ئىشخانا مۇھىتىغىمۇ تەسىر يەتكۈزىدۇ. بۇنىڭ ئامالىنى ئاخىرى تاپتىم.
تور سىم بېشىنى ئۇلاش ئۇسۇلى
بىر تال تور سىمىدا تۆت گۇرۇپپا سىم بولۇپ ھەر گۇرۇپپتا ئىككى تال سىم بار جەمئى 8تال، بۇلار ئوخشىمىغان رەڭلەر بىلەن گۇرۇپپىلانغان بولىدۇ

ئالدى بىلەن رەڭلەرنى بىلىۋالايلا
橙 – قىزغۇچ سېرىق دىيىش كېرەك ئىدى ئەمما بىز ئۇنى سېرىق دەپلا ئالايلى.
橙白 – ئاق سېرىق (سېرىق ئارلاش كەلگەن ئاق رەڭلىك سىم)
绿 – يېشىل
绿白 – ئاق يېشىل (يېشىل ئارلاش كەلگەن ئاق رەڭلىك سىم)
蓝 كۆك
蓝白 – ئاق كۆك (كۆك ئارلاش كەلگەن ئاق رەڭلىك سىم)
棕 قوڭۇر
棕白 – ئاق قوڭۇر (قوڭۇر ئارلاش كەلگەن ئاق رەڭلىك سىم)
ئىككى خىل بولۇپ بىرىنجى خىلى 568B ئۆلچىمى بۇ خىل ئۆلچەمدىكى ئۇلاش ئۇسۇلى دۆلىتىمىز دە ئومۇملاشتۇرۇلغان، سىملارنىڭ رەڭ تەرتىبى سولدىن ئوڭغا بولىدۇ
568B标准：橙白，橙，绿白，蓝，蓝白，绿，棕白，棕
سول تەرەپ بىرىنجى سىم – ئاق سېرىق؛ ئىككىنجى سىم – سېرىق ؛ ئۈچىنجى سىم – ئاق يېشىل؛ تۆتىنجى سىم – كۆك؛ بەشىنجى سىم – ئاق كۆك؛ ئالتىنجى سىم – يېشىل ؛ يەتتىنجى سىم – ئاق قوڭۇر ؛ سەككىزىنجى سىم – قوڭۇر؛
يەنە بىر خىلى 568A ئۆلچىمى بولۇپ ئامرىكا ياۋروپالاردا ئومۇملاشقان، رەڭ تەرتىبى ئوخشاشلا سولدىن ئوڭغا بولىدۇ
568A标准：绿白，绿，橙白，蓝，蓝白，橙，棕白，棕
سول تەرەپ بىرىنجى سىم – ئاق يېشىل؛ ئىككىنجى سىم – يېشىل؛ ئۈچىنجى سىم – ئاق سېرىق؛ تۆتىنجى سىم – كۆك؛ بەشىنجى سىم – ئاق كۆك؛ ئالتىنجى سىم – سېرىق؛ يەتتىنجى سىم – ئاق قوڭۇر ؛ سەككىزىنجى سىم – قوڭۇر؛
تور سىم بېشىغا سىمنى كىرگۈزگەندە باشنى رەسىمدىكىدە تۇتۇپ تۇرۇپ كىرگۈزىمىز


ئەگەر بىر تال سىمنىڭ بىر بېشىنى 568B يەنە بىر بېشىنى 568A قىلىپ ياسىساق بۇ سىم ئارقىلىق ئىككى كومپىيۇتېرنى ھىچقانداق ئۈسكۈنە ئىشلەتمەيلا ئۆزئارا تورلاشتۇرغىلى بولىدۇ، بۇ ئىككى كومپيۇتېردا تورخانىلاردىكىدەك ئورۇن ئوينىساق بولىدۇ.

ئەمدى نەق گەپكە كەلسەك ھەر ئىككى باش بىر خىل ئۆلچەمدە ئۇلانغاندا پەقەت ئىككى جۇپ سىم ئارقىلىقلا سىگنال ئالماشتۇرىدىغان بولغاچقا يەنە ئىككى جۇپ بىكار تۇرىدىغان گەپكەن. شۇنىڭ بىلەن بىكار قالغان ئىككى جۇپ سىمنىمۇ ئەسلىدىكى ئىشلەۋاتقان ئىككى جۇپنىڭ تەرتىبى بويىچە باش ياسىساق بۇنىمۇ ئىشلەتكىلى بولىدىكەن. ئۇلاش ئۇسۇلى تۆۋەندىكىچە:
568B ئۆلچىمى ئاساس قىلىنىدۇ.
1.  روتېر ياكى سىۋىچ قويغان ئورۇنغا بېرىپ بىزنىڭ ئىشخانىغا بارىدىغان سىمنى تاپىمىز (قانداق تاپاتتۇق؟ ئىشخانىدىكى سىمنى كومپيۇتېرغا چېتىپ قويۇپ تۇرۇپ، سىۋىچ ياكى روتېرغا ئۇلانغان سىملارنى بىر قېتىمدىن تارتىپ چىقىرىپ سورايمىز (ئىشخانىدا تۇرغان بىرىدىن) «تور ئۈزۈلدىمۇ؟» «-ياق»، داۋاملىق يەنەبىرسىنى تارتىپ چىقىرىمىز…. «تور ئۈزۈلدى» دىگەن جاۋاپ كەلگەندە ھە مۇشۇ سىم شۇ ئىكەن دەپ جەزىملەشتۈرسەك بولىدۇ. ئەلۋەتتە مەخسۇس ئۈسكۈنىسىمۇ  بار).
2.  تاپقان سىمنى چىقىرىپ تور سىم بېشىدىن ئون سانتىمېتىرچە قالدۇرۇپ سىمنىڭ پوستىنى 7-8 سانتىمېتىر يېرىپ سېرىق، ئاق سېرىق ۋە يېشىل، ئاق يېشىل ئىككى جۇپ سىمنى قويۇپ، كۆك، ئاق كۆك ۋە قوڭۇر، ئاق قوڭۇر ئىككى جۇپ سىمنى تور سىم بېشىدىن ئىككى ئۈچ سانتىمېتىر ئورۇندىن كېسىپ ئۈزىمىز سىمنى تۈزلەپ تەڭشەپ سول تەرەپتىن باشلاپ ئاق كۆك، كۆك، ئاق قوڭۇر بويىچە تىزىپ ئالدىنقى ئۈچ تال سىمنى تور سىم بېشىغا تەرتىپ بويىچە كىرگۈزىمىز، ئاخىرقى قوڭۇر سىمنى ئالتىنجى ئورۇنغا يەنى ئاق قوڭۇر سىمدىن كېيىن ئىككى بوش ئورۇن تاشلاپ كىرگۈزىمىز (مىدراتماي چىڭ تۇتۇپ ئامبۇر بىلەن قىسىڭ)
3.  ئىشخانىغا قايتىپ كىرىپ تامدىكى تور سىم توچكىسىنى بۇزۇپ توچكا بېشىنى كېسىۋاتىمىز
4.  ئىككى تال تور سىمى تەييارلاپ بىرىنجى سىمنىڭ بىر بېشىنى يۇقۇرىدا كۆرسىتىلگەندەك 568B ئۆلچىمىدە ياساپ كومپيۇتېرغا ئۇلاپ قويساق بولىدۇ، يەنە بىر ئۇچىغا باش ياسىماي سىملارنى ئاجرىتىپ تامدىن چىققان تور سىمىنىڭ رەڭگى بويىچە سېرىق، ئاق سېرىق ۋە يېشىل ئاق يېشىل ئىككى جۇپ سىمنى ئۇلاپ بىر بىرىگە تېگىشتۈرۈپ قويماي ئورايمىز. (ماۋۇ بىر كومپىيۇتېر تورغا چىققاچ تۇرسا بولىدۇ)
5.  يەنە بىر تال سىمنىڭ بىر بېشىنى ئوخشاش ئۇسۇلدا 568B ئۆلچىمدە ياسايمىز، يەنە بىر ئۇچىدىكى سېرىق، ئاق سېرىق ۋە يېشىل، ئاق يېشىل ئىككى جۇپ سىمنى تامدىن چىققان سىمنىڭ قېپ قالغان كۆك، ئاق كۆك ۋە قوڭۇر، ئاق قوڭۇر ئىككى جۇپ سىم بىلەن ئۇلايمىز. ئۇلاش تەرتىبى:
سېرىق بىلەن كۆك؛ ئاق سېرىق بىلەن ئاق كۆك؛ يېشىل بىلەن قوڭۇر؛ ئاق يېشىل بىلەن ئاق قوڭۇر
مانا ئەمدى بىر تال تور سىمى بىلەن ئىككى كومپىيۇتېر روتېرغا ياكى سىۋىچقا ئۇلاندى.

uqkun77

پايدىلىق بىلىم ئىكەن، ساقلاپ قوياي.

ئالىپچى

بۇ بىلىۋېلىشقا تېگىشلىك ياخشى تېمىكەن. تېما ئىگىسىگە رەھمەت.  مەن ساقلىۋالدىم.
ئالپ Android يانفون تېرمىنالىدا يېزىلغان ئىنكاس

جۇندۇللا

رەھمەت سىزگە قېرىندىشىم ئىنكاسىم بىلەن ساقلىۋالاي

hudhaifi

رەخمەت مەنمۇ ساقلاپ قۇياي

ئوماق

رەھمەت ياخشى بىلىملەركەن بىلىۋىلىشقا تىگىشلىككەن
ئالپ Android يانفون تېرمىنالىدا يېزىلغان ئىنكاس

sazguri0998

بەك مۇرەككەپكەن بولدى 50سومنىڭ بېشىغا  سۇ قۇيۇپ 交换器ياكى 路由器ئالايچۇ ....شىركەت ئاتچوت قىلغاندىكىن

veros

تېمابىشىدىكى ئەسلى مەنبەسى دىگەندىكى ئەسلى نى ئەسسەلامۇئەلەيكۇم دەپ ئوقۇپتىمەن ئالدىراپلا.ئۆزەمدىن ئۆزەمگەبەكبىي خىجىل بولدۇم خاتائوقۇۋالغانغا.

amqi

veros يوللىغان ۋاقتى  2014-1-27 13:26
تېمابىشىدىكى ئەسلى مەنبەسى دىگەندىكى ئەسلى نى ئەسسەلا ...

: ، ماۋۇ گەپنىڭ تىگىدە  گەپ بار جۇمۇ ، ھەممەيلەن دىققەت قىلساق ،يەنى بىر تېما يىزىشتىن بۇرۇن كۆپچىلىككە ئاللاھنىڭ  سالىمنى يەتكۈزىۋىتىپ يوللىساق بولغۇدەك

begmurad

رەڭلەرنى ئالدى بىلەن خەنچە ئىلىپ ئاندىن ئۇيغۇرچە يازغىنى نىمىسى ئەجىبا رەڭلەرنى خەنلەر ئىجاد قىلغانمۇ？ تېما ئىگىسى دۇشمەن قاتارىدا كورمەي تۈزىتىۋىشىڭىزنى تەۋسىيە قىلىمەن.

AHSA_520

بۇ بىلىۋېلىشقا تېگىشلىك ياخشى بىلىم ئىكەن. تېما ئىگىسىگە رەھمەت. 

habar0903

ماڭا بەكمۇ لازىم ئىدى،رەخمەت
ئالپ Android يانفون تېرمىنالىدا يېزىلغان ئىنكاس

mosajan

پايدىلىق بىلىم ئىكەن، رەخمەت