بەش چوڭ ئىنتېرنېت كاتتابېشى بىرلىشىپ 360 قا ھۇجۇم قىلدى

karkaxboy

360 نىڭ قۇرغۇچىسى جوۋخوڭيى''360 بىر تال چوڭ بېلىق '' بۇ سۆزنى جوۋخوڭيى كۆپ قېتىم ئاشكارا سورۇندا تەكرارلىغان﯐ بۈگۈنكى كۈندە بۇ بېلىق جۇڭگو ئنىتېرنېت ساﻫەسىدىكى بەش چوڭ كاتتىباشنىڭ بىرلىشىپ تاشلىغان تورىنىڭ قورشاۋىغا چۈشۈپ قالدى.ئەسلىدە 360 بىلەن مۇناسىۋىتى خېلى ياخشى سوۋخۇ تېڭشۈننىڭ مەبلىغىنى قوبۇل قىلغاندىن كېيىن تېزلا مەيداننى ئۆزگەرتىپ 360 تىن يۈز ئۆرۈپ '' بېلىق تۇتۇش '' سېپىگە قېتىلىپ يېڭى بىر مەيدان ئىنتېرنېت ئۇرۇشىنىڭ پىلتىسىگە ئوت ياقتى.بەيدۇ﯐تېڭشۈن﯐سوۋگوۋ﯐ جىنشەن ۋە شىياۋمىدىن ئىبارەت بۇ بەش چوڭ شىركەت ئارقىمۇ ئارقا '' جەڭ '' گە قاتناشتى. توقۇنۇش يۈز بەرگەن كەسىپلەر تور كۆرگۈچ﯐ ئەپ بازىرى ﯐ خەرىتە﯐ ۋىروسخور قاتارلىقلار بولۇپ ﯐ بۇ كەسىپلەرنىڭ ﻫەممىسى كۆچمە ئىنتېرنېتنىڭ جان تومۇرى ﻫىساپلىنىدۇ.بەيدۇ نىڭ قۇرغۇچىسى لىيەنخوڭ20-سېنتەبىر ﯐ سوۋگوۋ CEOسى ۋاڭشىياۋچۈەن مىكروبلوگدا 360 نى خالىغانچە كىشىلەرنىڭ سۈكۈتتىكى سوۋگوۋ تور كۆرگۈچىنى باشقا تور كۆرگۈچكە ئالماشتۇرۋەتتى دەپ ئەيىپلىدى﯐ ئارقىدىنلا 360 بايانات ئېلان قىلىپ سوۋگوۋ شىركىتى سوۋگوۋ كىرگۈزگۈچنىڭ سۆزلۈك ئامبىرى ۋە نەشىرىنى يېڭىلاشنى باﻫانە قىلىپ ئارقا سەﻫنىدە كىرگۈزگۈچنى تور كۆرگۈچ بىلەن باغلاپ ئىشلەتكۈچىلەرنى قايمۇقتۇرۇپ ئازدۇرغان دەپ ئەيىپلىدى.شۇنىڭ بىلەن ئىككى تەرەپ كەسكىن ئاغزاكى ئۇرۇش قىلىشقا باشلىدى﯐ ئارىدىن بىر ﻫەپتە ئۆتكەندە ئۇرۇش ئوتى تېىخمۇ كۈچىيىپ ئاغزاكى ئۇرۇشتىن سوتقا ئەرىز قىلىشقا ئايلاندى.ﻫەر ئىككى تەرەپ قانۇنىي ئۇسۇل ئارقىلىق ئۆز مەنپەئەتىنى قوغدىماقچى بولدى. سوۋگوۋ 360 نى ناتوغرا رىقابەتلەشتى دەپ 45 مىليۇن تۈلەم بېرىشنى تەلەپ قىلدى ﯐ 360 مۇ سوۋگوۋنى ناتوغرا رىقابەتلەشتى دەپ ئەرىز قىلىپ 51 مىليۇن تۈلەم بېرىشنى تەلەپ قىلدى.سوۋگوۋ نىڭ قۇرغۇچىسى ۋاڭشىياۋچۈەن بۇ قېتىملىق ئىككى تەرەپنىڭ ئەرىز قىلىش ئىشى 360 باش بولۇپ ئاچقان جۇڭگو ئىنتېرنېت تور بىخەتەرلىك يىغىنىغا ئېغىر تەسىر يەتكۈزدى. يىغىن ئېچىلغان كۈنى بەيدۇ تۇيۇقسىزلا بازارغا چىققىنىغا ئاران 3 ئاي بولغان بەيدۇ ۋىروسخورىنى ئىشلەتكۈچىلەر سانىنىڭ 10 مىليۇندىن ئاشقانلىقىنى ئېلان قىلدى﯐ شۇنداقلا شۇ كۈنىلا بەيدۇ بىخەتەرلىك قاراۋۇلىنى ئېلان قىلىپ '' ئىشلەتكۈچىلەرنى مەجبۇرلىمايمىز﯐ ئىشلەتكۈچىلەرنىڭ مەخپىيەتلىكىنى ئوغۇرلىمايمىز '' دېگەن شۇئارنى توۋلاپ تىغ ئۇچىنى ئىلگىرى ئىشلەتكۈچىلەرنى مەجبۇرلىغان﯐ ئۇلارنىڭ مەخپىيەتلىكىنى ئوغۇرلىغان دەپ گۇمانلىنىپ ئەيىپلەنگەن 360 غا قاراتتى.تېڭشۈن شىركىتىنىڭ قۇرغۇچىسى ماخۇاتېڭئارقىدىنلا ﯐QQ تور كۆرگۈچى 360 يانفون قاراۋۇلىنى بىخەتەر ئەمەس دەپ ئەسكەرتتى﯐ 360 يانفون قاراۋۇلىمۇ ئىشەتكۈچىلەرگە QQ تور كۆرگۈچىدە بىخەتەرلىك يوچۇقى بار دەپ ئەسكەرتىش بەردى.شىياۋمى نىڭ قۇرغۇچىسى لېيجۈن بۈگۈن چۈشتىن بۇرۇن شىياۋمى شىركىتى ئاشكارا بايانات ئېلان قىلىپ 360 بىخەتەرلىك قاراۋۇلى ئىشلەتكۈچىلەرنى شىياۋمى ئەپ بازىرى ۋە بەيدۇ خەرىتە ئەپىنى يانفوندىن چىقىرۋېتىشكە كۈشكۈرتتى دېدى ﯐ شۇنداقلا 360 نىڭ بارلىق ئەپلىرىنى شىياۋمى ئەپ بازىرىدىن چىقىرىپ تاشلىدى.مۇخپىرنىڭ بايقىشىچە ﯐ بەيدۇ يانفون ياردەمچىسىدىن 360 نىڭ ئەپلىرىنى ئىزدىگەندە 360 نىڭ ئەپلىرىنى تېپىش ئىنتايىن قىيىنكەن ﯐ پەقەت '' 360 يانفون قاراۋۇلى'' دەپ تولۇق كىرگۈزۈپ ئىزدىگەندە ئاندىن 360 نىڭ ئەپلىرىنى تاپقىلى بولىدىكەن. 91 ئەپ بازىرى بولسا 360 يانفون ياردەمچىسى قاتارلىق360 نىڭ ﻫەممە ئەپلىرىنى چىقىرىپ تاشلىغان.بۈگۈن چۈشتىن بۇرۇن ﯐ بەيدۇ خەرىتىسىمۇ '' ئىشلەتكۈچىلەرنى بەيدۇ خەرىتىسىنى چىقىرۋېتىشكە كۈشكۈرتكەنلىكى'' ئۈچۈن 360 نىڭ ئۈستىدىن سوتقا ئەرىز قىلىدىغانلىقىنى بىلدۈرگەن.جىنشەن( ئالتۇن تاغ) مۇ تەڭلا ۋاقىتتا 360 نى ناتوغرا رىقابەتلەشتى دەپ ئەرىز قىلىدىغانلىقىنى بىلدۈرگەن. 360 يۇقىرقى ئەيىپلەشلەرنىڭ ﻫەممىسىگە '' بۇلارنىڭ ﻫەممىسى ئىشلەتكۈچىلەرنىڭ ئۆزىنىڭ تاللىشى '' دەپ ئىنكاس قايتۇردى.ئىشلەتكۈچىلەرنى چىقىرۋېتىشكە قايمۇقتۇردى دېگەن ئەيىپلەشكە قارىتا 360 '' زاۋۇتتىن ئالدىن قاچىلانغا ئەپلەرنى چىقىرۋېتىپ ئۈسكۈنىسىنىڭ سۈرئىتىنى تېزلەشتۈرىش ئىشلەتكۈچىلەرنىڭ ئۆزلىرىنىڭ تاللىشى '' دەپ ئىنكاس قايتۇردى. بەيدۇ بىلەن 360 نىڭ جېدىلى ئىزدەش﯐ بىخەتەرلىك﯐ خەرىتە ۋە ئەپ بازىرى سەۋەبىدىن بولغان.<<ئۆسۈملۈك- جەسەت ئادەم ئۇرۇشى 2>> ئېلان قىلىنغاندا چۈشۈرۈش سانى جەﻫەتتە 360 غا ئۇتتۇرۇپ قويغان بەيدۇ تەلۋىلەرچە پۇل خەجىلەپ 1مىليارد850مىليۇنغا 91 تورىنى سېتىۋالدى.بەيدۇنىڭ ۋىروسخور ياساش سېپىگە قېتىلىشىمۇ 360 دىن مۇداپىيەلىنىش ئۈچۈن. شۇنىسى ئېنىقكى ۋىروسخور PC ۋە كۆچمە ئۈسكۈنىلەردىكى ئەڭ ئۆتكۈر قورال. تېڭشۈن بىخەتەرلىك﯐ تور كۆرگۈچ ۋە ئەپ بازىرى جەﻫەتتە 360 بىلەن تىركىشىۋاتىدۇ. تېڭشۈن بىلەن بىر تەرەپتە تۇرىدىغان جىنشەن بولسا بىخەتەرلىك ۋە تور كۆرگۈچ جەﻫەتتە﯐سووۋگوۋ ئىزدەش ۋە تور كۆرگۈچ جەﻫەتتە ﯐ شىياۋمى بولسا ئەپ بازىرى جەﻫەتتە 360 بىلەن قارشىلىشىۋاتىدۇ. بۇلارنىڭ ﻫەممىسى كۆچمە ئىنتېرنېتنىڭ ئەڭ دەسلەپكە شۇنداقلا ئەڭ مۇﻫىم مۇلازىمىتى.بازار ئاساسى جەﻫەتتىن تويۇنغان بۈگۈنكى كۈندە رەقىبىنىڭ قولىدىن خېرىدار ۋە بازار ئۈلۈشى تالىشىش بىردىن-بىر چىقىش يولى بولۇپ قالدى. مانا بۇ جۇڭگو ئىنتېرنىېت ساﻫەسىدىكى كاتتىباشلارنىڭ ﻫەر خىل ئۇسۇللار بىلەن رەقىبىگە زەربە بېرىشىنىڭ سەۋەبى. بۇ قېتىملىق '' جۇڭگو ئىنتېرنېت جېڭى ''گە جۇڭگو ئىنتېرنېت ساﻫەسىدىكى يەنە بىر چوڭ كاتتىباش __ ئەلى بابا قاتناشمىغان.ئەلى بابا نىڭ قۇرغۇچىسى مايۈن يېقىندا 360 نىڭ گاۋدې(خەرىتە مۇلازىمىتى بىلەن شۇغىللىنىدىغان شىركەت) غا پاي قوشىدىغانلىقى توغرىسىدا خەۋەر تارقالدى. تېخى پات يېقىندىلا بەيدۇ بىلەن گاۋدې ئارىسىدا يولباشلاش مۇلازىمىتىنىڭ ﻫەققى توغرىسىدا تالاش-تارتىش يۈز بەرگەن ئېدى. 360 نىڭ گاۋدې خەرىتىسىگە پاي قوشۇش خەۋىرى بەيدۇ خەرىتىسىنى بۇ قېتىملىق جەڭگە تارتىپ ئەكىردى. ئەلۋەتتە 360 نىڭمۇ بەيدۇ بىلەن تىركىشىدىغان بۇ پۇرسەتتىن قۇرۇق قالغۇسى يوق ﯐ شۇڭا 360 نىڭ گاۋدې بىلەن بىرلىشىپ '' 360 بىخەتەر خەرىتىسى'' نى ئېلان قىلىشىنىمۇ مۇمكىن بولمايدىغان ئىش دېگىلى بولمايدۇ. 360 نىڭ ئەلى بابا نىڭ گاۋدې خەرىتە كەسىپى بىلەن بىرلىشىشىپ بەيدۇ خەرىتىسىگە جەڭ ئېلان قىلىشىنىڭ ئىمكانىيىتى خېلى زور ﯐ چۈنكى 360 بىلەن ئەلى بابا نىڭ مۇناسىۋېتى ئەزەلدىن ياخشى ﯐ بۇ ئىككى شىركەت ئەزەلدىن تالاش-تارتىش قىلىپ باققان ئەمەس. يۇقىردا ئېيتىلغان ئىزدەش﯐ بىخەتەرلىك﯐ خەرىتە ۋە ئەپ بازىرى قاتارلىق بىر قانچە ساﻫەدە ئەلى بابا نىڭ ئىپادىسى ئادەتتىكىچە ياكى ئەلى بابا بۇ ساﻫەلەرگە چېتىشلىق ئەمەس بولغاچقا 360 بىلەن ئۆچ-ئاداۋىتى يوق ﯐ ئۇنىڭ ئۈستىگە ئەزەلدىن تېڭشۈن بىلەن تور كۆرگۈچ كەسىپىدە تىركىشىپ كېلىۋاتقان UC مۇ ئەزەلدىن 360 بىلەن قارشىلىشىپ باقمىغان﯐ UC نىڭ ئارقىسىدا تۇرۇپ ئۇنىڭغا يان باسىدىغىنى دەل ئەلى بابا .ئەلى بابا غا قارايدىغان بولساق ﯐ تاۋباۋ ئىلگىرى بەيدۇ بىلەن بىر-بىرىنى چەكلەپ تىركەشكەن﯐ تېڭشۈنمۇ تور سودىسى جەﻫەتتە تاۋباۋ بىلەن رىقابەتلىشىپلا قالماستىن يەنە تاۋباۋ بىلەن ئۈندىدار ئۆز ئارا بىر-بىرىنىڭ كىرىش ئېغىزىنى چەكلەپ قارشىلاشقان. دۈشمىنىمنىڭ دۈشمىنى مېنىڭ دوستۇم﯐ ئەلى باباغا نىسبەتەن 360 بىلەن دوسىت بولۇش ئاقىلانە تاللاشتەك قىلمىسىمۇ ﯐ لېكىن 360 بىلەن دوسىت بولۇش ئارقىلىق ئۆزىگە بىر ﻫەمراﻫ تېپىشتىن باشقا يەنە '' دۈشمەنلىرى'' دىن بۇرۇنقى ئۆچىنى ئالالايدۇ﯐ بۇ ئەلى بابا كەتكۈزۈپ قويسا بولمايدىغان پۇرسەت. توختىماستىن يۈز بېرىۋاتقان ''ئاغزاكى جەڭ'' لەرنىڭ ﻫەقىقىي زىيانكەشلىككە ئۇچرىغىچىسى بۇ ئىنتېرنېت شىركەتلىرى ئەمەس بەلكى بۇ شىركەتلەرنىڭ مەﻫسۇلاتلىرىنى ئىشلەتكۈچىلەر. بۇ كاتتىباش شىركەتلەر ئېغىزىدا '' بارلىقىمىز خېرىدارلار ئۈچۈن '' دېگەن شۇئارنى چۈشۈرمىگىنى بىلەن قىلىۋاتقىنىنىڭ ﻫەممىسى ئۆز نەپسىگە چوغ تارتىش ئۈچۈن.بەلكىم ئۇلار خېرىدارلارنىڭمۇ ئۆزلىرى بىلەن " جەڭ " قىلىپ قېلىشىنى ئويلاپ باقمىغان بولىشى مۇمكىن.            
مەنبە ：نۇر تورى

hudhaifi

يەنىلا 电脑管家  ياخشىكەن مەن شۇنى ئىشلىتىۋاتىمە مۇشۇنى قاچىلىغاندىن بېرى كومپىيوتۇرۇم خېلىلا يەڭگىللەپ قالدى تور سۈرئىتىمۇ كۆرۈنەرلىك تىزلەشتى

asliya816

مىنىڭچە بۇلارنىڭ ھىچقايسىسى ياخشى ئەمەس،پەقەت بىز تېلفۇنغا قاچىلايدىغان دىتاللارنى مەخسۇس ۋىرۇسخوردا تەكشۈرتۈپ ئاندىن ئىشلەتسەك شۇ ئەڭ بىخەترمىكىن.

يۇمشاق دىتال

مەن شۇنى ھىس قىلدىم،    كومپىيۇتىردا ھىچقايسى بىخەتەرلىك قاراۋۇلى ئىقتىدار جەھەتتە يەنىلا 360 قا يەتمەيدىكەن!    لىكىن سەل ئىغىر،  ھەقىقەتەن ئىشلەتكۈچىلەرگە بىر خىل زورلۇق ئىلىپ  كىلىدۇ!   تور كۆرگۈچتىمۇ 360 يۇقىرى سۈرئەتلىك تور كۆرگۈچ كە يەتمەيدىكەن!    لىكىن قاپلانمۇ قىلىشمايدىكەن تور كۆرگۈچ جەھەتتە،   
ئەمدى ئىزدەش ماتورىغا كەلگەندە   مەن 360 نى قوللايمەن!   چۈنكى 360 ئۇيغۇرچە ماتىرىياللارنىمۇئىزدەپ تاپالايدۇ!   باشقىلىرى ئۇيغۇرتىلىمىزغا خىلى يىراق!
بەيدۇ بىخەتەرلىك قاراۋۇلى  360 بىلەن رىقابەتلىشىش ئۈچۈن خىلى ئۇزاق پىشىپ يىتىلمىسە بولمايدىكەن!   كۆرۈنمە يۈزى بەك ئاددىي،   ئاساسلىقى ئەخلەتنىلا تازىلايدىكەن!

tekin

ھا ھا ھا بۇمۇ بوپتۇ، بۇلۇپمۇ مۇشۇ تېڭشۈننىڭ قىتىغىرلىقى بىلەن ئۆزىگە زىيان كەلتۈرمىسىلا بۇلاتتىغۇ

uqkun77

ماڭا بەرىبىر:-P

imerjan

asliya816 يوللىغان ۋاقتى  2013-9-28 20:50
مىنىڭچە بۇلارنىڭ ھىچقايسىسى ياخشى ئەمەس،پەقەت بىز تېل ...

مەن 360نى ئىشلىتىۋاتمە بۇ ھەقىقەتەن بوپ قويدىغان دىتال بۇ.،،، ،كومپىياتۇردا360نى قوزغىتىپ قۇيۇپ باشقا مەشغۇلات قىلىساق بۇرۇنقىدەك نۇرمال ئىشلەۋىردۇ، بىراق باشقا ۋىروسخور دىتاللارنى قوزغاتساق  كومپىياتۇر ئېغىرلىشىۋالىدۇ ھەتتا قېتىۋالدىغان ئەھۋالمۇ بۇلىدۇ ، بۇلۇپمۇ金山杀毒[ئالتۇن تاغ ۋىروسخورىدا] مەن يەنلام360نى قوللايمەن ،،،غەيرەت قىل360

غازى

بوسا بىر بىرىڭنى يەپ تۇگەت
ئالپ Android يانفون تېرمىنالىدا يېزىلغان ئىنكاس

يۇمشاق دىتال

مەن بەيدۇنىڭ يانفۇننىڭ كىرگۈزگۈچىسىنىڭ ئۇيغۇرچە كىيىمى بارلىقى ئۈچۈنلا بەيدۇنى ئىشلىتىدىكەنمەن!      360 نىڭ ئىزدەش ماتورىنىڭ ئۇيغۇرچە قوللىشى ئۈچۈنلا ( نىمىلا بولمىسۇن بەيدۇدەك ئىچى قوتۇر ئەمەس)  360 نى ئىشلىتىدىكەنمەن!    لىكىن ئالتۇنتاغ نىڭ يۇمشاق دىتاللىرىنى پەقەت ئىشلەتمەيدىكەنمەن!    باللىنىڭ ھەممىسى تىڭشۈنگە چاپلىشىۋىلىپ مەنمۇ ئامال يوق تىڭشۈننىڭ نىمىسىنى ئىشلىتىدىكەنمەن!

ئەزىز دىيارىم

hudhaifi يوللىغان ۋاقتى  2013-9-28 20:32
يەنىلا 电脑管家  ياخشىكەن مەن شۇنى ئىشلىتىۋاتىمە مۇشۇنى قا ...

ئەڭ  قوتا نەرسە مۇشۇ  كومپىيوتىرنى ئەخلەتكە توشقۇزۋىتىدۇ ،

uyghur-boy

قاچانمۇ ئۈزمىزنڭمۇ بۇلا

chongbazar

مەن ھېچقايسىغا ئىشەنمەيمەن.
jinshan بىلەن baidu نىڭ ۋىروسلىرىنىمۇ نەچچە قېتىم بايقىغان. baidu يەنە ئىزدەش ماتۇرى جەھەتتە مۇستەبىت، زوراۋان. بۇنى google ئىزدەش ماتورىنى كۆپىرەك ئىشلىتىدىغانلا ھېس قىلالايدۇ.
QQ بولسا، شەخسلەرنىڭ بىخەتەرلىكىنى، مەخپىيەتلىكىنى ساقلىيالمايدۇ.
بۇلارنىڭ مېنىڭ ھېس قىلغانلىرىم.

qinar120

مەن ھىچقانداق ۋىرۇسخۇر ئىشلەتمەيمەن مىكروسوفىتنىڭ ئەڭ بىخەتەر جاھىل ئەخلەتەرنى تازلاشقا
CCleaner مۇشۇ ئەپ بوپ قويىدۇ.

كۆك ئارال

مېنىڭ يانفۇنۇمدا ھېچقايسىنى ئىشلەتمەيمەن ..
يانفۇننى تىزلىتەي دىسىڭىز يەنىلا DX Toolbox نى سىناپ كۆرۈڭلا .. ئۆزى يىنىك ئەپچىل . يانفۇن تىلىنى ئىنگىلىسچە قىلىپ ئىشلەتسەم ئۇ دىتالمۇ ئاپتۇماتىك ئىنگىلىسچىگە ئۆزگىرىدۇ .

hudhaifi

ئەزىز دىيارىم يوللىغان ۋاقتى  2013-9-28 21:20
ئەڭ  قوتا نەرسە مۇشۇ  كومپىيوتىرنى ئەخلەتكە توشقۇزۋىت ...

مىنىڭ ئۇنداق ئەمەس مەن بۇرۇن 360 نى ئىشلىتەتتىم شۇنداق ئېغىر ئىدى ھازىر شۇنداق يەڭگىل