余额宝 ئارقىلىق پۇل تېپىش ھەققىدە

uzdil

كۆپچىلىككە مەلۇم بولغىنىدەك يېقىندا ئالىبابا شېركىتىنىڭ 3.تەرەپ ھەق تۆلەش مۇلازىمىتى تەمىنلەيدىغان توربېكىتى ئالىپاي (支付宝) نىڭ باش بېتىدە 余额宝 دەيدىغان بىر تۈر كۆپىيىپ قالغان، بۇ ئەسلىدە 天弘增利宝货币 دەپ ئاتىلىدىغان فوند شېركىتىنىڭ ئىقتىسادىي كىرىم قىلىدىغان فوند مەھسۇلاتى بولۇپ، ئالىپاي تورىغا قوشۇلغىلى تەخمىنەن ئۈچ ئايدەك بولغاندىن بېرى، بۇ ھەقتىكى بەس-مۇنازىرە توختاپ باقمىدى. كەمىنە بۇنىڭغا قىزىقىپ دەسلەپتە 1000 يەن پۇلنى ھېسابىمغا قويۇپ باقسام، راست دىگەندەك كۈندە نەچچە موچەن كىرىم كىرگىلى تۇردى، كېيىن بىراقلام 2 تۈمەن خەلق پۇلىنى قويۇپ ئۈنۈمىنى كۆرۈپ باقتىم، ئون كۈنگىچە ھەر كۈنلۈك كىرگەن كىرىم 3 يۈەندىن چۈشمىدى. ئويلاپ باقسام، بەزى كىچىك تىپتىكى توربېكەتلەرنىڭ كۈنلۈك ئېلان كىرىمى بىلەن تەڭلىشىپ قالغۇدەك. شۇنىڭ بىلەن بۇ ھەقتە بىرەر تېما يېزىپ قويۇشنى لايىق تاپتىم.

بۇ ئەسلىدە دۆلەت قانۇندىكى بەلگىلىمىسىدە  ئالىپاي تورىنىڭ ئالىپاي ھېسابىدا ساقلانغان پۇلنى (سىتاستىكىغا ئاساسلانغاندا ئالىپاي ھېسابىدا بىكار تۇرىدىغان پۇل ئوتتۇرا ھېساب بىلەن 3 مىليارد يۈەندىن تۆۋەن ئەمەس) ئالىبابا شېركىتى باشقا مەبلەغكە يۆتكەپ ئىشلەتسە بولمايدىغانلىقى ئۈچۈن، يەنە بىر فوند شېركىتى بىلەن ھەمكارلىشىش ئارقىلىق تاۋباۋدا مال سېتىۋالىدىغان ئابونتلارنىڭ ئالىپاي ھېسابىغا قاچىلاپ بىكار تۇرۇپ قالغان پۇلنى فوند شەكلىدە باشقا ئىشلارغا مەبلەغ قىلىپ، پايدىنى پاي قوشقان ئابونتلارغا كۈنلۈك پايدا نىسبىتى بويىچە بۆلۈپ بېرىدىكەن. بۇ فوندنىڭ ھەر تۈمەن خەلق پۇلىغا بېرىدىغان كۈنلۈك پايدىسىنىڭ يىللىق پايدا نىسبىتى 8 پىرسەنتكە يېتىدىكەن. دېمەك 100 مىڭ يۈەن مەبلەغ سېلىنسا بىر يىلدا 8000 يۈەن ئەتراپىدا پايدا بۆلۈپ بېرىدۇ.
بۇ فوندنىڭ ياخشى يېرى ئالىپايدىكى دەماللىققا ئىشلەتمەيدىغان پۇللارنى قاچىلاپ قويغاندا ھەر كۈنى ماس نىسبەتتە پايدىغا ئېرىشىش بىلەن بىرگە، ئۇ پۇلنى بىۋاستە توردا مال سېتىۋالغاندا ھەق تۆلەشكە، ياكى خالىغاندا بانكا كارتا ھېسابىغا پۇلنى چىقىرىۋېلىشنى ئىلتىماس قىلىشقا بولىدىكەن.
مېنىڭچە، ئېشىنچە نەچچە تۈمەن پۇلنى قويۇپ قويسا ئايلىق تېلفون پۇلى ۋە ياكى موتسېكلىت، ماشىنىنىڭ ماي پۇلى دېگەندەكلەر تېجىلىپ قالغۇدەك.

بۇ فوندنىڭ كۈنلۈك بازار ئەھۋالى ۋە تەپسىلىي ئۇچۇرلىرى:
http://fund.eastmoney.com/000198.html

ئالاھىيدە ئەسكەرتىش:
بۇ فوند 货币型基金 يەنى پۇل تىپىدىكى فوند ھېسابلانغاچقا بىر قەدەر ئىشەنچلىك ۋە بىخەتەر، يەنە كېلىپ ئالىپاي تورى بىلەن ھەمكارلاشقانلىقى ئۈچۈن تېخىمۇ ئىشەنچىلىك دەپ قارايمىز، بىراق فوند بىلەن بانكىغا مۇقىم قويغان پۇل ئوتتۇرىسىدا قانۇن جەھەتتىن تۈپتىن پەرق بولغانلىقى ئۈچۈن، ئىشلەتكۈچىلەرنىڭ بەلگىلىك خىيم-خەتەرنى ئۆز ئۈستىگە ئېلىشىنى تەلەپ قىلىدۇ، شۇڭا ئىقتىسادىي بىلىملەردىن بەلگىلىك ئاساسىي بولمىغان تورداشلارنىڭ ئويلىشىپ ئىش قىلىشىنى ئالاھىيدە ئەسكەرتىمەن. بۇ فوندنى سېتىۋېلىڭ ياكى سېتىۋالماڭ مەن ئۈچۈن بىر تىيىنلىق پايدىسى يوق، بۇ تېما پەقەت 余额宝 دېگەن يېڭى شەيئىنى كەڭ ئۇيغۇر قېرىنداشلارغا تونۇشتۇرۇش مەقسىتىدە يېزىلدى، خالاس. چۈشەنمىگەن مەسىللەر بولسا ئوتتۇرىغا قويۇشىڭىزلارنى ئۈمىد قىلىمەن. بىرلىكتە پىكىرلىشىپ باقساق.

تېما مەنبەسى:
http://bbs.uzdil.com/read.php?tid=619

0997millitim

مىنىڭ بۇنداخ ئىشلاردىن خەۋىرىم يۇخكە،،  شۇڭا  مەن بىر چەتكە ئۈتۈپ تۇراي،،،

hutanjan

بۇ بىر ھېساپتا خەتەرلىك ، ئەگەر كىيىنچە ئەشۇ ئامانەت قويغان پۇلنى بانكا كارتىسىغا قايتۇرىمەن دىسىڭىز ھېلى ئىسىم ئۇدۇل ئەمەس دىگەن ، ئىشقىلىپ بەك جىق باھانە ، يەنە كىلىپ كۆپ سوممىىدىكى پۇلنى بانكا كارتىدىغا قايتۇرسىڭىز ئۇنىڭغا يەنە بىرمۇنچە رەسمىيەت ھەققىى تۇتۇپ قالىدىغان گەپ
ئالپ Android يانفون تېرمىنالىدا يېزىلغان ئىنكاس

TADBIR

پۇلنى ئۇنىڭغا يۆتكىسەك قاچان لازىم بولسا شۇ چاغدا ئالالامدىكەنمىز يا

nasridin

ئەسسالامۇ ئەلەيكۇم !  قىرىندىشىم، ياخشىمۇ سىز؟  ياخشى تىما ئىكەن  .  لىكىن، سىز بىر ئىشقا دىققەت قىلدىڭىزمۇ؟ پۇلنى ئۇلارنىڭ ھىساباتىغا قويسىڭىز، سىزگە ئاز مىقداردا پايدا كىلىدۇ. شۇنداقتۇ؟ لىكىن،  ئۇلار بۇ پۇللارغا نىمە ئىلىپ، نىمە سىتىپ كىرىم قىلىدۇ؟ نىمە ئىشلار ئارقىلىق بۇ پۇللارنى كۆپەيتىدۇ؟ بىلەمسىز شۇنى؟ باشقىلار ھەم بىلەمدۇ؟ سىزنىڭ مەخسىتىڭىزنى مەن ھىس قىلىپ بولدۇم  . ئازراق بولسىمۇ مۇنبەردىكى دوستلارغا پايدام يەتسە دەپسىز.  ئاللاھ چەكسىز ئەجىر بەرسۇن !!! لىكىن، بىر مۇسۇلمان پايدا باركەن دەپلا بىر ئىشلارنى قىلىۋىرىشى ئۇنىڭ ئاخىردا ئىماندىن ئىبارەت بىر گۆھەردىن ئايرىلىپ قىلىشىغا سەۋەپ بولۇپ قالىدۇ.

uqkur132

باللادىققەت قىلايلى  بۇنىڭ بىلەن ئۇسۇم نىڭ نىمە پەرقى بار .بۇنىڭ شەرىئەتتىكى ئورنىغاقارايلى ،ئۇزىمىزنى مۇسۇلمان دەيمىزيۇ،ئالدىمىزغا،كەلگەن ئىشلارغا دىققەت قىلمىساق بولمايدۇ…
ئالپ Android يانفون تېرمىنالىدا يېزىلغان ئىنكاس

boptula

بۇنداق قىلىش ئۈچۈن  قانداق  قىلىدىكەنمىز ؟  مەندە ئالىپاي ھېساباتى  بار  بولمىسا  .  بىرەر يەرگە تىزىملىتامدىكەنمىز يا   ھازىرقى  مۇشۇ  ئالىپاي  ھېساباتىمغا  پۇل  قويساملا  سىز دىگەندەك پۇل ھېساپلاپ  ماڭامدىكە ؟  چۈشەنچە بەرسىڭىز
ئالپ Android يانفون تېرمىنالىدا يېزىلغان ئىنكاس

uran

ئالىپاي تېخىچە پېيىنى بازارغا سالىمىز دەپ سالامماي يۈرىدىغۇ،قارىغاندا بۇلارنىڭ دۆلەت ئىگىلىكىدىكى بانكىلارنىڭ كۆزىگە زىغمايدىغان يەلىرى با دىگەن گەپ،ۋاقتى كەسە بىر ھۆججەت بىلەنلا نەچچە ئادەمنى بىنادىن تاشلىغۇزىۋەتمىسىلا بولاتتىغۇ

♂〆☆ve

نەسىردىنىڭ گىپىگە قوشۇلمەن

elyar1025

خېلى ئۇزۇن بولغان مەنمۇ نېمە ئىكەنلىكىنى بىلەلمىگىلى ، مەن تېخى بىر نىمە فوندى دەپ تۇرسا ئىئانە قىلدىغان ئوخشايمىز دەپ كارىم بولماپتىكەن ، مانداق گەپ بولسا مەنمۇ سىناپ باقاي قېنى ، تېما ئىگىسىنىڭ خەۋەردار قىلغىنىغا كۆپتىن كۆپ رەھمەت

abliz0903

nasridin يوللىغان ۋاقتى  2013-9-28 11:06
ئەسسالامۇ ئەلەيكۇم !  قىرىندىشىم، ياخشىمۇ سىز؟  ياخشى ت ...

توغرا دەيسىز قېرىندىشىم،  بۇ ھەقىقەتەن ئويلىنىشقا تېگىشلىك...

uzdil

hutanjan يوللىغان ۋاقتى  2013-9-28 10:54
بۇ بىر ھېساپتا خەتەرلىك ، ئەگەر كىيىنچە ئەشۇ ئامانەت ق ...

سىزمۇ بۇ فوندقا پاي قوشقانمۇ؟

google

بانكىغا پۇل قۇيۇش بانكىدىن پۇل ئېلىش  ئۇسۈم ،رىبا ھەممىسى ھارام
ئالپ Android يانفون تېرمىنالىدا يېزىلغان ئىنكاس

ئەلشات110

uqkur132 يوللىغان ۋاقتى  2013-9-28 11:23
باللادىققەت قىلايلى  بۇنىڭ بىلەن ئۇسۇم نىڭ نىمە پەرقى  ...

مەنمۇ مۇشۇنى دەۇ دەپ تۇرغان سىز دەپسىز، بۇ ئۆسۈم بولۇپ قالامدۇ ياكى باشقىچە پۇل تىپىش ئۇسۇلىمۇ؟

iradam

بايۋەتچىلەرگە بولغۇدەك، مەندەك نامراتلار يەنىلا يانچۇغۇمدا ساقلىسام بولغۇدەك پۇلۇمنى.