دىللار سۈيۈنسە، يېزىقنىڭ سەكرىشىدىن

seyyare

سالام قېرىنداشلار.
    بىرمۇنچە ئوي خىياللارنىڭ بايانىنى قىسقارتىپ رەسمىي گەپكىلا ئۆتتۈم. ئوي خىياللارنى ئاڭلاشنى خالايدىغانلار ئىنكاس يېزىڭلار بايان قىلىپ بىرەي.
   
      ھەممىمىزگە مەلۇملۇق ھازىر پۈتۈن دۇنيادا WebOS ۋە بۇلۇتلۇق ھېسابلاش دىگەن سۆزلەر IT ساھەسىدىكى كۆپ ئىشلىتىلىدىغان سۆزلەرنىڭ بىرىگە ئايلىنىپ قالدى. ئۇنىڭ بار، بۇنىڭ بار، پەقەت مىنىڭ يوق دەپ ئانىمىزغا ياكى دادىمىزغا يىغلاپ بازاردىنلا سېتىۋىلىدىغان ئويۇنچۇققا ئوخشىمايدىغان بۇ IT نىڭ مەھسۇلاتلىرى ۋە پىروگراممىلىرى جاپاكەش پىروگراممىچىلار تەرىپىدىن ۋۇجۇدقا كىلىدىغان بولغاچقا پىقىر ئالىپ ئەپەندى، Chrome ئەپەندى ۋە باشقا ئوت يۈرەك قىرىداشلارغا تۆۋەندىلەرنى ۋۇجۇدقا چىقىرىشقا كۈچ چىقارسىكەن دىگەن مەقسەتتە.

1. تور يۈزدە ئۇيغۇرچە كىرگۈزۈچ (قازاقچە، قىرغىزچە يەكلىۋىتىلمىسە).
    ئاساسلىقى ئۇيغۇرچە بىۋاستە قوللىمايدىغان يۇمشاق دىتاللارغا ئۇيغۇرچە كىرگۈزۈشنى نىشان قىلىدۇ. يەنى Photoshop  دىگەندەك. شۇڭا كىرگۈزگۈچتە. كىڭەيتىلگەن رايونغا ئايلاندۇرۇش، كىڭەيتىلگەن رايوندا تەتۈر ئايلاندۇرۇش ئىقتىدارى ھازىرلىسا.كىرگۈزگەن مەزمۇن كىرگۈزگۈچتە نەچچە قۇر كۆرۈنگەن بولسا ئايلاندۇرۇلغاندىكى نەتىجىسى ھەم شۇنداق بولسا، بىرلا قۇر بولۇپ قالمىسا.
ئەلۋەتتە بۇنىڭ ئۈچۈن يۇلغۇن تەھرىرلىگۈچ ۋە ئەلكاتىپنى تەۋسىيە قىلىدىغانلار نۇرغۇن، ئەمما Windows تىن باشقا مەشغۇلات سىستېمىلىرىغا ئۇيغۇرچە كىرگۈزۈش، رەسىم بىر تەرەپ قىلىدىغانلار ئۈچۈن قايسىنى تەۋسىيە قىلىش  كىرەك؟
2. مەخسۇس Android لىق يانفونلار، تاختا كومپيۇتېرلار ئۈچۈن تەييارلانغان پىروگراممىلار، ئويۇنلار ئۈچۈن مەخسۇس بىر APK بىتى ئىچىلىپ، يەنى ئالىپ تورى ئاستىدا تارقىتىلسا، يانفونلاردا ياكى تاختا كومپيۇتېرلاردا بىۋاستە شۇ بەتكە چىقىپلا چۈشۈرۈپ ئىشلىتىش ئۈچۈن. apk.alip.biz ياكى www.alip.biz/apk دىگەندەك. كۆرنۈشى بازار تۈسىنى ئالسا ئەڭ قولاي ۋە ئەڭ ياخشى.



ئەسلى 5 تۈرلۈك ئىش ئىدى. ئەمما قالغان ئۈچىنىڭ ۋاقتى باردەك ھىس قىلىپ قالدىم. شۇڭا ئۇلارنى كەينىگە سۈردۈم.  ھەممىڭلارغا ئامانلىق ۋە خاتىرجەملىك تىلەيمەن.

alip

بىرىنجى تەكلپىڭىزدە تىلغا ئېلىنغان مەسلە ھەل قىلىنىپ بولۇنغان. فوتوشوپقا ئۇيغۇرچە كىرگۈزۈشتىمۇ مەسلە يوق. مەسلەن /thread-4-1-1.html ماۋۇ ئادېرستىكى فوتوشوپنى ئىشلەتسىڭىز ئۇيغۇرچىنى بىمالال، بىۋاستە كىرگۈزەلەيسىز.
كېڭەيتىلگەن رايونغا ئايلاندۇرۇش ئامالنىڭ يوقىدىن، ۋاقتىلىق قىلىۋاتقان ئىش. ھەممە يۇمشاق دېتال يۇنىكودنى تولۇق قوللايدىغان بولغاندا كېڭەيتىلگەن رايونغا مەجبۇرى ئايلاندۇرۇشنىڭ ھاجىتى قالمايدۇ.

ئىككىنجى تەكلىپىڭىز ئورۇنلۇق بوپتۇ، بىز ئويلىشىپ باقايلى.
يەنە تەكلىپ-پىكىرلىرىڭىز بولسا بېرىشىڭىزنى قارشى ئالىمىز.

seyyare

مىنىڭ نەزەردە تۇتقىنىم.  Macintosh, WebOS, LInux مەشغۇلات سىستېمىلىرى ئىدى. گەرچە  Photoshop نىڭ ئۆزىگە بىۋاستە ئۇيغۇرچە كىرگۈزۈش ئەمەلگە ئاشۇرۇلغان بولسىمۇ، ئەمما ئۇ پەقەت  Windows نەشىرىدىكىدىلا. ئۇيغۇرچە قوللايدىغان ۋاقىتنى ساقلاپ ئولتۇرۇغۇچە بار ئىمكانىيەتتىن ياخشىراق پايدىلانغاننى ئەبزەل دەپ ئويلايمەن. ھازىر Apple نىڭ مەھسۇلاتلىرىنى ئىشلىتىدىغانلارمۇ كۆپۈيۈپ قالدى. شۇڭا بىرىنچى تەكلىپ يەنە ياخشىراق ئويلىنىپ باقسىڭىز. رەھمەت.

alip

Macintosh, WebOS, LInux مۇھىتىدىكى سىز كۆزدە تۇتىۋاتقان دېتاللار ئۇيغۇرچىنى قوللىمىسا بىز ھەرقانچە ئىلغار كىرگۈزگۈچ ياسىغان بىلەنمۇ بىكار. بىلىشىمچە linux ئۇيغۇرچىنى قوللايدۇ. ئۇيغۇرچە لىنۇكىسمۇ پۈتۈش ئالدىدا.
بۇ يەردىكى گەپ ئۇيغۇرچە كىرگۈزگۈچتە ئەمەس شۇ يۇمشاق دېتالدا. ھازىر بىزگە ئۇيغۇرچە كىرگۈزگۈچ يېتەرلىك.

seyyare

قارىغاندا مەن مەقسەتنى چۈشۈنۈشلۈك دىيەلمىگەن ئوخشايمەن.
مەسىلەن: بىر Mac ئىشلەتكۈچى كومپيۇتېرىغا Photoshop قاچىلاپ ئۇيغۇرچە مەزمۇن كىرگۈزۈپ رەسىم بىر تەرەپ قىلماقچى بولسا ئۇنى كىرگۈزگىلى بولمايدۇ. يۇلغۇن تورىدىكى مۇھەممەدجان ئابدۇللا ئەپەندى ئەينى ۋاقىتلاردا ياساپ تارقاتقان ئۇيغۇرچە كىڭەيتىلگەن رايوندا خەت كىرگۈزۈگۈچتە كىرگۈزۈپ Photoshop قا چاپلىغاندا خەتلەر تەتۈر چىقىپ قالىدۇ. ئۇنى تەتۈر ئايلاندۇرغاندا ئاندىن ئىشلەتكىلى بولىدۇ. مىنىڭ ئاساسلىق كۆزدە تۇتقىنىم مۇشۇ ئىدى.
كومپيۇتېرغا Photoshop  قاچىلانمىغان ئەھۋال ئاستىدىمۇ http://www.webps.cn/ دىن پايدىلىنىپ بىرەر رەسىم ياسىماقچى بولسا ھەم ئۇيغۇرچە كىرگۈزۈشتە مەن يۇقىردا بىر تەرەپ قىلىشقا توغرا كىلىدۇ.

alip

مېنىڭ دېمەكچى بولغىنىممۇ شۇ.
Mac تا ئىشلەيدىغان فوتوشوپنىڭ ME (ئوتتۇرا شەرق) نۇسخىسنى تېپىپ ئىشلىتىڭ، ئۇ مەسلە ھەل بولىدۇ.
مۇھەممەتجان ئابدۇللا ئەپەندىنىڭ كېڭەيتىلگەن رايونغا ئۆزگەرتىدىغان كىرگۈزگۈچى ئامالنىڭ يوقىدىن، ۋاقىتلىق قوللانغان چارە. ئۇ خەلقئارا يۇنىكود ئۆلچىمىگە خىلاپ.
كېڭەيتىلگەن رايوندا كىرگۈزگەندە قۇر ئالماشقاندا جۈمىلىنىڭ بېشى ئاستىنقى قۇرغا چۈشۈپ كېتىدۇ.
قارىغاندا سىزنىڭ يۇنىكود ۋە كىرگۈزگۈچ ھەققىدىكى چۈشەنچىڭىز ئانچە چوڭقۇر ئەمەسكەن، شۇ ھەقتىكى ماتېرىياللارنى ئىزدەپ كۆرۈپ بېقىڭ.