ئەزالارغا ئۇقتۇرۇش

alip

   «3000توۋا» ئىسىملىك تورداش ئالپ تورىدىن قوغلىنىپ، بارلىق ئۇچۇرى ئۆچۈرۈلدى. سەۋەبى: قايتا-قايتا ئەسكەرتىشىمگە قۇلاق سالماي، ئىزچىل ئۇيغۇر مىللىتىنى تۆۋەن كۆرۈپ، باشقىلارنىڭ شەخسىيىتىگە ھاقارەت قىلدى. UyghurDeV دىكىلەرگە تەنە گەپ قىلىپ، كەينىدىن غەيۋەت قىلدى.

    ئالپ تورى كومپىيۇتېر، يانفون بىلىملىرىنى ئاساس قىلغان ئىلىم ماكانى. غەيۋەت سورۇنى ئەمەس. ئالدىنقى قېتىممۇ كاللىسى قىزىپ قالغاندىن بىرسى چۈشۈرۈشنى چەكلىۋەتكەن بىر كىنونى چۈشۈرەلمەي ياردەم سوراپتىكەن، بىر نەچچە كۈنگىچە جاۋاپ چىقماپتۇ. ئاندىن ئۇ ئۇيغۇر دېگەن مۇشۇنداق دۆتمۇ، بىر كىنونى چۈشۈرۈشنى بىلمەيدىكەن، ھېچكىم جاۋاپ بەرمەپتۇ دەپ ئىنكاس يېزىپتۇ. مەن ئۇنى چۈشۈرۈشنى بىلمىگەنلىكتىن ئەمەس چۈشۈرۈشنى چەكلىۋەتكەن كىنونى مەجبۇرى چۈشۈرسىڭىز ئوغۇرلۇق قىلغانغا ئوخشاش شۇڭا جاۋاپ يېزىلمىغان ئوخشايدۇ، ئۇيغۇرنى چىشلەپ تارتماڭ دېسەم، ئاغزىنى بۇزۇپ تىللاپ كەتتى، شۇڭا ئۇنىمۇ ئۆچۈرۋەتكەن ئىدىم.

    يەنە دىسەم، ئۇيغۇر سىزگە ھېچنىمە قىلمىدى. ئۇيغۇردىن رازى بولمايدىغانلار بۇ يەرگە كىرىپ قالايمىقان گەپ قىلىپ بەرمەي، نوپۇس دەپتىردىكى «مىللىتى» دېگەن يەرنىڭ كەينىگە ئۇيغۇردىن باشقا خالىغان مىللەت نامىنى يازدۇرۋالسا بولىدۇ. ئەمەلىي تۇرمۇشتىمۇ شۇنداق گەپلەرنى تولا ئاڭلايمىز. مەسلەن: ئۆتكەندە بىر سودا سارىيىدا كېتىۋاتسام ئىككى قىز ئالدىمدا كېتىۋېتىپ «بۇ چاپاننى ئاۋۇ ئۇيغۇر 250 يۈەندىن كېمى يوق دەپ تۇرۋالغانتى، ئاۋۇ يەردى بىر «يولداش»245 يۈەنگە بەردى. زادى بىز ئۇيغۇر خەق دېگەن مۇشۇنداق. شۇڭىمۇ ئۇيغۇردىن بىر نەرسە ئالغۇم كەلمەيدۇ» دېگىلى تۇرۇپتىكەن، بىر نەرسە دەي دېسەم ئاچچىقىمدا ئۇرىۋەتمەي دەپ توختاپ قالدىم.

    شۇڭا تورداشلار مەيلى توردا، مەيلى تۇرمۇشتا مۇشۇ گەپلەرگە دىققەت قىلايلى. سىز خەلقىڭىزنى، مىللىتىڭىزنى قانچىلىك سۆيسىڭىز ئۇلارمۇ سىزگە شۇنچىلىك قىلىدۇ. ئۇيغۇر ماڭا نېمە قىلىپ بەردى دىيىشتىن ئاۋال مەن مىللىتىمىگە نېمە قىلىپ بەردىم دېگەننى ئويلايلى.
     شۇ سەۋەبتىن ئاۋۇ 30000توۋىنىڭ ئىشى بىزگە ئىبرەت بولسۇن دەپ بۇ ئۇقتۇرۇشنى يېزىپ قويدۇم. ئالپ تورى بىر ئىككى ئادەمنىڭ تورى ئەمەس، ھەممىمىزنىڭ تورى.
     يەنە بىر ئىش، قالايمىقان ھەرپ-بەلگە بىلەن تىزىملاتقانلار، باشقا تىلدا تىزىملاتقانلار ئامال بار ئىسمىڭلارنى ئۆزگەرتىۋالغان بولساڭلار، ماڭا ئۇچۇر يازساڭلار ئۆزگەرتىپ قويىمەن.

مەنزىرە

پىگوردا ئىشتان يوق،ئىتىم ماجان بۈۋى دەپتۇدە،.،.،.،.،،.،.

暗香（维）

ياخشى قىپسىز ئالىپ ئەپەندى...موشۇ (ئالىپ تورىغا)ئامراق بولۇپ قېلىشىمغىمۇ سىزنىڭ شوئارىڭىزيەنى(ئۇيغۇرتىلى مېنىڭ ۋەتىنىم) دېگەن سۆزلەرسەۋەبچى بولغان ئىدى...ۋە شۇنداقلاسىزنىڭ باشقىلارتەرجىمەقىلىپ تارقاتقان ھەرقانداق يۇمشاق دېتالنىڭ تەرجىمىسىگە ئىملاخاتالىقىغادىققەت قىلسىڭىز دەپ ئەسكەرتىشڭىز دىققىتمنى بەكلا تارتىدۇ...شۇڭا مەن بۇتورغا بەك ئامراق..ھەركۈنى دېگۈدەك ۋاقتىم بولسىلا بۇ تورغا چوقۇم چىقىمەن..توغرا..ئۇيغۇرچە خەت يېزىش سەل ئاۋارىچىلىق..لېكىن ئاشۇ خەنزۇچە خەتنى ۋە ياكى پىنيىنچە خەتنى يازغان دىققىتىمىزنى ئۇيغۇرچە خەتكە مەركەزلەشتۈرسەك ئشىنىمەنكى ئۇيغۇرچە خەتنى يېزىش ھەرگىزمۇ ئاۋارىچىلىق توختىمايدۇ...موشۇ باھانىدا ئۇزۇندىن بېرى دېيەلمىگەن بىر گەپنى تۆۋەنچىلىك بىلەن قىستۇرۇپ قويسام...موشۇ (چېچەن)ئەپەندى ئۇيغۇرچە ئاندىرويىد دېتاللىرى ئۈچۈن ئنتايىن ياخشى كۈچ چىقىرىۋاتقان تورداشلىرىمىزنىڭ بىرى..بىراق چېچەن ئەپەندى بىرگەپنى دەي قەتئى كەچۈرۈڭ...سىزدە ئىملا خاتالىغى بەك كۆپ..مۇمكىن بولسا تەرجىمە قىلغان دېتاللىرىڭىزنى قايتا قايتا كۆرۈپ چىقىپ ئىملاسىنى توغۇرلىسىڭىز....بولۇپمۇ سىز تارقاتقان (چېچەن ئۈستەل يۈزى ئۇسلۇبى)دېگەن دېتالدا موشۇ مەسىلىلەر ئنتايىن جىق...مۇمكىن بولسا موشۇ تەرجىمە ھۈنىرىڭىزنى دەرسلىك قىلىپ تارقاتقان بولسىڭىز بىزمۇ ئۆگىنىپ ئۇيغۇر ئاندىرويىد ئشلىرى ئۈچۈن ھەممىمىز بىركىشىلىك ھەسسىمىزنى قوشقان بولاتتۇق...ئۇچاغدا ئۇيغۇرچە ئاندىرويىد دېتاللىرىمۇ ناھايتى كۆپلەپ بارلىققا كەلگەن بولاتتى...راسىت گەپ قىلسام سىز تارقاتماقچى بولغان mb525 نىڭ ئۇيغۇرچە2.37رومى ئىچىمنى بەكلا ئېچىشتۇردى..مەنغۇhd2 ئشلىتىۋاتىمەن..موشۇ تەرجىمە قىلىدىغان ھۈنىرىڭىزنى دەرسلىك قىلىپ بىر يوللاپ قويغان بولسىڭىز ئۇيغۇرچە ئاندىرويىد ئشلىرى ئۈچۈن ھەممىمىز تەڭ ئەسسىمىزنى قوشقان بولاتتۇق...چېچەن ئەپەندى..موشۇ ئنكاسىمنى چوقۇم كۆرۈڭ...لېكىن قەتئى خاپا بولماڭ...موشۇ تېمامغا قايىل بولغۇدەك ئنكاس يېزىشىڭىزنى ئۈمىد قىلىمەن..مۇمكىن بولسا ھەممىزنى نائۈمىدتە قويماڭ...

adl2052103

ئۆز- ئۆزەڭنى قەدىرلىمىسەڭ خەق بىر يەردىن كىلىپ  قەدىرلەپ قويمايدۇ   
نىمدىگىلۈك ئالىپكا  ئاچچىقىڭىزغا ھاي بەرگىنىڭىز ياخشى بوپتۇ
پەيغەمبەر ئەلەيھىسالامغا ساھابىللىرىدىن ئەزيەت يەتكەن چاغدا جىبىرىل ئەلەيھىسالام كىلىپ ئۇلانىڭ ئۈستىگە تاغنى باسۇرۋىتەيمۇ دىسە ئۇزات ئۇنىماي  ساھابىللىرىغا ئىنساپ تىلگەن
كۆپسۆزلەپ قويدۇم   ئەڭ ياخشىسى ئىنساپ تىلەيلى
ھەراس  ئالىپكا سىلگە ئەۋەتىپ بېرمەن دىگەن نەرسىنى ئەۋەتەي دىسەم  سىغىمى بەك چوڭكەن ئېلخەتتە  نەچچىگە بۈلۈپ ئەۋەتسەم بولغىدەك  شۇڭا  مۇقىم بوشلىقتىن بىرەنى تەۋسىيە قىلسىڭىز شۇنىڭغا يوللاپ  ئادىرسىنى ئەۋەتىپ بەرسەم  

ataman005

ماۋۇ تېمىنى بەك ئوبدان يوللاپسىز ئالپ ئەپەندى.
دېمىسىمۇ بىز مەدەنىيەتلىك ئۇيغۇر مىللىتى تۇرۇپ ئۆز تىلىمىزنى، مەدەنىيىتىمىزنى ئۆزىمىز قوغدىمىساق باشقىلاردىن قانداقمۇ ئۈمۈد كۈتكىلى بولسۇن ؟

 www.uyghuracademy.com تور بېتىنىڭ شۇئارى (( مەدەنىيەت ئۇيغۇردىن )) ! ! !

قاۋۇل

بەك كۆپ سۈزلىگىم بارئىدى بۇ ئۆزىنى،ئۆز مىللىتنى تۇنالمىغان گۈدەكلەرگە،مىسران تور بىتىدىن كۆرگەن ماۋۇ شېئىرنى شۇلارغا سۇندۇم.
بۇ يەردىن كۆرۈڭلار!!

نۇر0997

ئالىپ ئەپەندى ،بولدى ئاچچىقلانماڭ ، ئۇنداقلارغا بۇنچىلىك قىلىشمۇ كەتمەيدۇ ،سىز ۋە بىز (بارلىق ئەزالار ۋە ئالىپ تورىنىڭ ئىشتىراكچىلىرى)بولساق  ھامان  بىر كۈنى مۇشۇ يانفون ساھەسىدە چۇقۇم بەزى ئىشلارنى ۋۇجۇتقا چىقىرىشىمغا ئىشەنچىم كامىل.

alip

adl2052103 يوللىغان ۋاقتى  2011-10-18 03:29
ئۆز- ئۆزەڭنى قەدىرلىمىسەڭ خەق بىر يەردىن كىلىپ  قەدىرل ...

ھەراس  ئالىپكا سىلگە ئەۋەتىپ بېرمەن دىگەن نەرسىنى ئەۋەتەي دىسەم  سىغىمى بەك چوڭكەن ئېلخەتتە  نەچچىگە بۈلۈپ ئەۋەتسەم بولغىدەك  شۇڭا  مۇقىم بوشلىقتىن بىرەنى تەۋسىيە قىلسىڭىز شۇنىڭغا يوللاپ  ئادىرسىنى ئەۋەتىپ بەرسەم  

qq ئېلخەتتە ئۇنچىلىك سىغىمدىكى نەرسىنى بىرلا قېتىمدا ئەۋەتكىلى بولىدۇ. يا بولمىسا 115 تور دېسكىسىغا يوللىسىڭىزمۇ بولىدۇ. ئادېرسى:
http://www.115.com

mutallipjan

ئالىپكا ،ياخشى قىپسىز ، خاپا بولماي مىنىڭ ئەزا نامىمنى ئۆزگەرتىۋەتقان بولسىڭز ! ئۆزۈمنىڭ ھەقىقى ئىسمىغا ئۆزگەتىپ كويۇڭ . (مۇتەللىپجان)  رەخمەت سىزگە !

tapakkur

  يەنە بىر ئىش، قالايمىقان ھەرپ-بەلگە بىلەن تىزىملاتقانلار، باشقا تىلدا تىزىملاتقانلار ئامال بار ئىسمىڭلارنى ئۆزگەرتىۋالغان بولساڭلار، ماڭا ئۇچۇر يازساڭلار ئۆزگەرتىپ قويىمەن.
               مىنىڭ .ئسمىم بۇلدىغاندۇ؟ TAPAKKUR