ئالپ تورى بىلەن UyghurWeb تورى بىرلەشتى

UyghurWeb

    ئالپ تورىنىڭ قىممەتلىك ئەزالىرىغا، ۋە تور بېكتىمىزنى زىيارەت قىلدىغان بارلىق تورداشلارغا مەلۇم بولسۇنكى، دېتال ئۇيغۇرچىلاشتۇرۇش ۋە يانفۇن دېتاللىرى تەتقىقات تور بېكتى www.alip.biz تورى بىلەن ئەسلىدىكى www.UyghurWeb.comئۇچۇر تېخنىكا تور بېكتى بىرلەشتى. UyghurWeb.com توربېكتى 2007-يىلى قۇرۇلۇپ بېكەت باشلىقلىرى ۋە 5000 غا يېقىن ئەزالارنىڭ تېرىشچانلىقى بىلەن تەرەققىي قىلىپ، 2009-يىلىغا كەلگەندە ئۇيغۇرلارنىڭ ئۇچۇر تېخنىكا ساھەسىدە كۆزگە كۆرۈنگەن ئىدى. 2009-يىلى 6-ئايدا مەلۇم سەۋەبلەر تۈپەيلى تور بېكەتنى توختاتقان ئىدۇق. بىز مۇشۇ سەۋەب بىلەن UyghurWeb.com تور بېكتىنىڭ بارلىق ئەزالىرىدىن خىجىللىق بىلەن ئەپۇ سورايمىز.

    بۇندىن كېيىن تور بېكتىمىزنىڭ خارەكتىرى IT (ئۇچۇر تېخنىكا) ساھەسىنى ئاساس قىلىدۇ. ئالپ تور بېكتىنىڭ ھازىرقى ئەزالىرى ۋە UyghurWeb.com بۇرۇنقى ئەزالىرىنىڭ بۇندىن كېيىن تېخىمۇ قوللىشىغا مۇھتاجمىز. ھازىر تېما ۋە ئەزالارنى بىرلەشتۈرۈش ئىشلىرى مۇزاكىرە قىلىۋاتىدۇ. يىقىن ئارىدا UyghurWeb.com نىڭ بۇرۇنقى ئەزالىرىنىڭ ئۆز نامىدا بېكەتكە كىرىشىنى ئەمەلگە ئاشۇرىمىز. ئەزا ئىسمى ۋە ئىمىنى ئۇنتۇپ قالغانلارنىڭ يېڭدىن ئەزا بولۇشىنى قارشى ئالىمىز.

    بىر تور بېكەتنىڭ تەرەققىي قىلىشى تامامەن ئەزالارنىڭ قوللىشى ئارقىسىدا بولىدۇ. بۇ تور بېكەت ھەممىمزنىڭدۇر!  تورداشلارنىڭ ئويلىغانلىرى، تەكلىپ-پىكىرلىرى بولسا بىز بىلەن ئورتاقلىشىشىنى ئۈمىد قىلىمىز. تورداشلارنىڭ «ئىلىمنىڭ زاكىتى ئۈچۈن» بىلدىغانلىرىنى تورىمىز ئارقىلىپ باشقىلارغا بىلدۈرۈشىنى، ئۈگەنگۈچىلەرنىڭ تورىمىز ئارقىلىق بىلمىگەنلىرىنى ئۈگنىشىنى ئۈمىد قىلىمىز. بىزمۇ بۇندىن كېيىن تېخىمۇ كۆپ ۋە نادىر ماقالىلەرنى ۋە دېتاللارنى كۆپچىلىككە سۇنىشقا تىرشىمىز.

              http://www.uyghurweb.com

CIH

IT ساھەسىدىكى ئىككى باشلامچى تور بىكەتنىڭ بىرلەشكەنلىكىنى تەبىرىكلەيمىز ، شۇنداقلا ئالىپ تورىنىڭ بۇنىڭدىن كىيىن تىخىمۇ تەرەققى قىلىدىغانلىقىغا ئىشىنىمىز

alip

تور دۇنياسدىن بىلىم خاراكتىردىكى بىر تور بەت يوقالسا بىر مەكتەپ يوقالغان بىلەن باراۋەر. UyghurWeb.com نىڭ ئەينى ۋاقىتتا تاقىلىپ قېلىشى بىر ئەپسۇسلىنارلىق ئىش بولغان بولسا، ئەمدى ئالپ تورى بىلەن بىرلىشىپ، بۇرۇنقى يازمىلىرىنى ئەسلىگە كەلتۈرۈشى Chrome ئەپەندىنىڭ ئەينى ۋاقىتتىكى ئەزالىرىغا مەسئۇل بولغانلىقنىڭ ئىپادىسى.
ئەسلى Chrome ئەپەندى بوشلۇقتىن بىرنى ئېلىپلا بۇرۇنقى سانداننى ئەسلىگە كەلتۈرۈپ UyghurWeb.com نى ئايرىم ئاچسىمۇ بولىۋېرەتتى. UyghurWeb.com  تور نامىمۇ Chrome ئەپەندىنىڭ قولىدا ھازىرغىچە ساقلىنىغلىق ئىكەنتۇق. ئوخشاش تۈردىكى تور بەتنى كۆپەيتىكۈچە بىرلىشىشنى ئەۋزەل كۆردۇق.
بىرلىشىش تەرەقىياتتىن، يۈكسىلىشتىن دېرەك بېرىدۇ. بۇ بىرلىشىشنىڭ «ئۇيغۇر» سۆزى ئىپادىلەيدىغان «ئويۇشۇش» تەك مۇستەھكەم بولۇشىنى، ئىككى تور بەت ئىسمىنىڭلا ئەمەس، بارلىق ئەزالارنىڭ بىرلىششىنى ئۈمىد قىلىمەن.

abla123

شۇنداق دىگىنىڭز ئۇرۇنلۇق مۇشۇنداق تىرىشچانلىق كۆرسەتسەك ئۇيغۇر توردىكى بىر كۈچلۈك تۈرۈككە ئايلىنىپ  باشقا تور بەتلەرگە ئۈلگە بولغۇسى ، بۇنىڭدىن كېيىن ئالىپ تورىنىڭ تېخىمۇ گۈللەپ ياشنىشىنى ئۈمۈد قىلىمەن ۋە شۇنداق بۇلىدىغىنىغا ئىشىنىمەن غەلبە تىرشقانلارغا مەنسۇپ تىرشىڭلار دوسلار

[VIP]雪豹

بۇ تېمىنى كۆرۈپ خۇشال بولدۇم، ئەمدى بۇ مۇنبەر تىخىمۇ قىززىپ كىتىدىكەندە

elpida

نېمىدېگەن ياخشى.مەن ئەينى چاغدا Uyghurwebتورىنىڭ ئەزاسى ئىدىم ھەم بۇ مۇنبەردىن ناھايىتى كۆپ بىلىملەرنى ئۆگىنىۋالغان ئىدىم.ئەپسۇسكى بۇ مۇنبەر تاقىلىپ قېلىپ كۆڭلۈم بەكلا يېرىم بولۇپ،ھەسرەتتە قالغان ئىدىم.قارىغاندا بۇرۇنقى مۇنبەر تېمىلىرىنى قايتىدىن كۆرەلەيدىغان ئوخشايمىز.
ھەممىڭلارنىڭ تېنىڭلارغا مېھرىبان ئاللاھتىن سالامەتلىك،ئۇزۇن ئۆمۈر،ئائىلەڭلارغا ئىككى ئالەملىك بەخت سائادەت تىلەيمەن........

ئايتۈرك

ئشلىرىڭلارنىڭ ئوڭۇشلۇق بولىشىنى تىلەيمەن.......

تىرىش

ۋاھ!!! ھەقىقەتەن ياخشى ئىش بۇلۇپتۇ!!!

Nurdan

ئىسىل ئىش بوپتۇ

bughra

ئاچچىقىمدا سىلەرنى تىللىماقچىمۇ بولغان ئېدىم(سالامدىن بۇرۇن سەپرالىقىم تۇتۇپ قالدى)
جەسۇردىن نېمە ئىش بولغانلىقىنى ئۇققان ۋاقتىمدا تور بېكەت ئاللىبۇرۇن تاقىلىپ بولغان ئىدى..
ھەر نېمە بولسا قايتىدىن يۈز كۆرۈشىدىغان بوپتۇق... ئىگەم ئىشلىرىڭلارغا ئاسانلىق بەرگەي، مەن يەنىلا ھازىرقى مۇشۇ نامىمدا چىقاي