قۇياش ئاندرويد تەرجىمە ياردەمچىسى پۈتتى

quyash

ئەسسالامۇ ئەلەيكۇم تورداشلار.
ئۆتكەندە بۇ يۇمشاق دىتالغا مۇناسىۋەتلىك بىر ئۇچۇرنى يوللاپ نەچچە كۈن بولمايلا  خاتىرە كومپيۇتېرىمنىڭ سىنكارتىسى كۆيۈپ كېتىپ ھەممە نەرسىدىن ئايرىلدىم. كومپيۇتېرنىڭ ساقىيىشىغا كۆزۈم يەتمەي بۇ يازمىنى يېزىپ تۇرۇپتىمەن. بۇ يۇمشاق دىتالنى ئۆزگەرتىدىغان ئەسلى كودتىن ئايرىلدىم. نەچچە كۈندىن بېرى بۇ سېستىما بىلەن سەنشىڭ 9300نىڭ ئەسلى زاۋۇت رومىنى ۋە قولۇمدىكى سونىينىڭ رومىنى قىسمەن تەرجىمە قىلىپ بېقىپ خاتالىق چىقمىغاندىن كېيىن بۇ يۇمشاق دىتالنى سېتىش قارارىغا كەلدىم. يۇمشاق دىتال يېقىنقى بىرمەزگىل ئىچىدە يېڭىلانمايدۇ. ئىقتىدارىغا نىسبەتەن ئۆزگىرىش بولمايدۇ.ھەم پارچە-پۇرات خاتالىقلار تۈزۈتىلمەيدۇ.  بەلكىم كىيىنكى نۇسخىسى خېلى بىر مەزگىلدىن كېيىن كارخانا نۇسخسىى قىلىپ ئىشلىنىشى مۇمكىن.
يۇمشاق دىتالغا مۇناسىۋەتلىك چۈشەندۈرۈشنى بۇ بەتتىن كۆرۈڭ.
/thread-9163-1-1.html
قاچىلاش ۋە تەڭشەش
ئالدى بىلەن كومپيۇتېرىڭىزغا Microsoft SQL Server نىڭ 2005 ياكى يۇقىرى نەشىردىكى ساندان مۇلازىمېتىرى قاچىلانغان بولۇشى كېرەك. كومپيۇېترىڭزدا بولمىسا بۇ يەردىن چۈشۈرۈڭ.
http://www.microsoft.com/zh-cn/download/details.aspx?id=184
ساندان باشقۇرۇش ئۈچۈن بۇنى چۈشۈرۈپ قاچىلاڭ
http://www.microsoft.com/zh-cn/download/details.aspx?id=14630

يۇقارقى دىتاللارنى قاچىلاپ بولغاندىن كېيىن كومپيۇتېرىڭىزدىن SQL Server Management Studio Expressنى قوزغىتىپ يان تەرەپتىكى تىزىملىكتىن سانداننىڭ ئۈستىگە مائۇسنىڭ ئوڭ كونۇپكىسىنى چەكسىڭىز ساندان قوشۇش دەپ بىر تۈر چىقىدۇ.

قۇشۇشنى چەكسىڭىز ساندان تاللاش كۆزنىكى چىقىدۇ.

يۇمشاق دىتال مۇندەرىجىسى ئىچىدىكى dataنىڭ ئىچىدىن XmlEditor_Data.MDFنى تاللاپ جەزىملەشتۈرۈپ چېكىنىڭ.
Xml-Editorنى چېكىپ قوزغىتىمىز.پۇلنى تۆلەپ بولغان بولسىڭىز چىققان نومۇرنى ماڭا ئەۋەتىپ بېرىڭ . مۇنبەرگە قالدۇرۇپ قويسىڭىزمۇ بولىدۇ. سېتىۋالغان بولسىڭىز تىزىملاش نومۇرىنى ئەۋەتىپ بېرىمەن.(تىزىملاش نومۇرى پەقەت بىر قېتىملا ئەۋەتىپ بېرىلىدۇ.شۇڭا چوقۇم توغرا ئەۋەتىڭ ھەم كومپيۇتېرىڭىزغا ساقلىۋېلىڭ)
تىزىملاش نومۇرىنى توغرا كىرگۈزگەندىن كېيىن ساندانغا ئۇلاش كۆزنىكى چىقىدۇ.

ئۈستىدىكى localhostنىڭ ئورنىغا .\SQLEXPRESSدەپ كىرگۈزۈپ جەزىملەشتۈرۈڭ.
ئۈستىدىكى مەشغۇلاتلىرىڭىز توغرا بولسا يۇمشاق دىتال قوزغىلىدۇ. بىرىنچى قېتىم قوزغالغاندا يۇمشاق دىتالدىن چېكىنىپ قايتا كىرىڭ. (بىرىنچى قېتىملىق قوزغىلىش مۇناسىۋەتلىك تەڭشەكلەرنى ساقلايدىغان جەريان بولغاچقا ئىككىنچى قېتىم قوزغاتقاندىن كېيىن قىلغان مەشغۇلاتىڭىز كۈچكە ئىگە بولىدۇ.)

ئىشلىتىش
تەرجىمە قىلىدىغان XMLھۆججىتىنىڭ تۈرلىرى بىرنەچچە خىل بولۇپ strings.xml نىڭ قىممىتى ئوخشاش ئەمەس. arrays.xml|گە ئوخشاش ھۆججەتلەرنىڭ پەرقلەندۈرۈش قىممىتى كۆپ ھاللاردا بىر خىل. شۇڭا ئەمىلى ئەھۋالغا ئاساسەن سانداندا ئىككى جەدىۋەل تەييارلاندى. بىرى tb_TranslateByName يەنى strings.xmlنىڭ تەرجىمىسى ساقلايدۇ. بۇنىڭدىكى سۆزلۈكلەر ئۆزگىرىشچان قىممەتكە ئاساسەن ساقلايدۇ. يەنە بىرى ئەسلىدىكى تىلنىڭ تەرجىمىسىنى ساقلايدۇ. يەنى - ئەسلى سۆزلۈك China بولسا بىز بۇنى جوڭگۇ دەپ تەرجمە قىلىپ ساقلىساق  بۇ تەرجىمە پەقەت Chinaدىگەن خەت بىلەن جوڭگۇ دىگەن خەتنىڭ مۇناسىۋىتىنى ساقلاپ بېرىدۇ. خەنزۇچە تەرجىمىلەردە بەزى ھاللاردا بىرەر خەنزۇچە خەتنىڭ يېنىغا بوشلۇق كونۇپكىسى بېسىلىپ كېتىپ قالسا تەرجىمىنى تاپالمايدىغان ئىش چقىدۇ.
دېققەت: چۈشەنمەسلىكتىن كېلىپ چىقىدىغان ئاۋارىچىلىق ۋە تەكرار ئەمگەكنىڭ ئالدىنى ئېلىش ئۈچۈن يەنە بىر قېتىم ئەسكەرتىمەن.  strings.xml،timezone.xmlلەرنى ئۆزگىرىشچان قىممەت بۇيىچە تەرجىمە قىلىپ ساقلاڭ. arrays.xml،plurals.xmlلەرنى سۆزلۈك بۇيىچە تەرجىمە قىلىپ ساقلاڭ. ئىككىسى ئارلىشىپ كەتسە تەرجىمە ئۈنۈمىگە ئېرىشەلمەيسىز. قايسى خىل ئۇسۇلنى تاللىغان بولسىڭىز ئۈستىدە قىزىل خەت بىلەن تەرجىمە ئۇسۇلى كۆرۈنىدۇ. تەرجىمە ئۇسۇلىنى ئالماشتۇرماقچى بولسىڭىز تەڭشەكتىن تەرجىمە ئۇسۇلىنى تاللاپ جەزىملەشتۈرۈپ يۇمشاق دىتالدىن چېكىنىپ قايتا ئاچسىڭىز تەرجىمە ئۇسۇلى ئۆزگىرىدۇ.
سېستىما بىلەن بىللە تەمىنىلەنگەن سانداندا پەقەت سىناق ئۈچۈن بىر قانچە قۇر سۆزلۈك تەمىنىلەندى. سېستىمىنى ئۆلچەملىك تەرجىمە قىلغاندا 2.2 دىن 4.2 گىچە بولغان سېستىمىلارنىڭ تەرجىمىسى ئوخشاش ئەمەس. بىرسى كۈن دەپ ئالسا بىرسى كۈنى دەپ ئالىدۇ. شۇڭا ئۆزىڭىزنىڭ تېلىفۇنىنىڭ سېستىما نەشىرىگە قاراپ لۇغەت تۈزىسىز. لۇغەت ساندىنى بىلەن تەمىنىلىمەيمەن.

سېتىۋېلىش
يۇمشاق دىتالنىڭ بىر تال تىزىملىتىش ھەققى 100 يۇەن. بىرلا ۋاقىتتا 5تالدىن يۇقىرى سېتىۋالغانلارغا 60يۈەندىن سېتىپ بېرىلىدۇ. تىزىملاش نومۇرى تولۇقلاپ بېرىلمەيدۇ.

quyash

quyash Android Translate Tools.zip (500.77 KB, چۈشۈرۈش سانى: 339)

2013-6-2 03:01 چىقىرىش

ھۆججەت ئىسمىنى بېسىپ قوشۇمچىنى چۈشۈرۈش

سېتىۋېلىش ، تىزىملاش نومۇرىنى ئەۋەتىش ئۈچۈن QQدا 147110029غا تاۋباۋدا quyashjanغا ئۇچۇر ئەۋەتىڭ. ھەر ئىككىلا نومۇر يانفۇندا ئوچۇق. ئىشلىتىش جەرياندىكى مەسىلە بولسا مۇشۇ بەت ئاستىغا سۆز قالدۇرسىڭىز،ياكى خەت يازسىڭىز ھەل قىلىشقا ياردەم قىلىمەن.

azak

9300نىڭ ئەسلى زاۋۇت رومىنىڭ تەرجىمىسىنى قاچان تارقىتىسىز ؟

alim3152

بۇ بەكلام ياخشى بوپتۇ. قىرىندىشىم باشقىلار مەيلى 1 تال ئالسۇن مەيلى 5 تال ئالسۇن باھانى بىر خىل قىلسىڭىز بولمامدۇ؟ بۇنداق قىلسىڭىز ھەممەيلەنگە ياخشى بولاتى!

arman007

ئالاقىلىشىش تېلفۇن نۇمۇرۇڭلارنى قالدۇرۇپ قويۇڭلار. ئالاقىلىشايلى

elpida

سىنكارتا كۆيۈپ كەتسىمۇ ماتېرىيالدىن ئايرىلىپ قالامدىكەن؟ماتېرىيالىڭىز سىنكارتىدا ساقلىنامدۇ ياكى قاتتىق دىسكىدىمۇ؟

مەن سىنكارتىنى كۆرسىتىشنى ماسلاشتۇرغۇچ دەپلا بىلىمەن.

halis1987

elpida يوللىغان ۋاقتى  2013-6-2 11:28
سىنكارتا كۆيۈپ كەتسىمۇ ماتېرىيالدىن ئايرىلىپ قالامدى ...

بەلكىم قاتتىق دېسكىسى ئاجرىمايدىغان تاختا كومپوتېردۇ surface pro غا ئۇخشاش.

alip

قانداق سېتىۋالىدۇ؟ يا ئاقچىلىق قىلىماپسىز يا ئالاقىلىشىش ئۇسۇلىنى تەمىنلىمەپسىز.

intizar88

ئاقچىلىق قىلىڭە تائىنلىق ، ئاقچىمۇ نەق پۇلنىڭ ئورنىدا ماڭىدىغۇ،

ＴＡＮHＡboy77

بۇ دىتالدا رومدىكى ئەپلەرنى تەرجىمە قىلىشقا ئىشلىتەمدۇق
ئەگەر شۇنداق بولسا  چاقماق روم لۇغىتىدىن نىمە پەرقى بار