MSN دا توپ قۇرۇش دەرسلىكى

alip

MSN Messenger نى ئۇيغۇرچىلاشتۇرغاندىن كېيىن ئىشلىتىدىغانلار كۆپەيسۇن دېگەن مەقسەتتە afrasyap@live.cn دېگەن ھەقلىق MSN توپنى قۇرغان ئىدىم. بۇ توپتا ھازىر 200 دەك ئادەم بار. بۇ توپتىكى بەزى تورداشلارنىڭمۇ ئۆز ئالدىغا توپ قۇرۇش ئارزۇسى بار ئىكەن. پات-پات شۇ ھەقتە سوراپ قۇيىدۇ. شۇڭا بۇ دەرسلىكنى تۈزۈپ قويدۇم.

MSN Messenger نىڭ ئۆزىنىڭمۇ بىۋاستە توپ قۇرۇش ئىقتىدارى بار، ئەمما ئۇ توپقا ئاران 20 ئادەم پاتىدىكەن، ھەم تورداشلار تىزىملىكىمىزدە يوق كىشىلەرگە توپ ئادىرسنى ئەۋەتىپ تەكلىپ قىلغىلى بولمايدىكەن. شۇڭا ئۈچۈنچى تەرەپ ۋاستىسى ئارقىلىق توپ قۇرساق خېلى قولايلىق، ئادەم سانى ۋە باشقا جەھەتلەردە چەكلىمە يوق. (ئۈچۈنچى تەرەپ دېتالىنى قوللاش MSN Messenger نىڭ باشقا ئالاقە دېتالىدىن پەرقلىندىغان ئالاھىدە ئىقتىدارى. بۇ ئىقتىدار بولغاچقا ئەسلىدە يوق ئىقتىدارلارنى ئۆزىڭىز خالىغانچە پىروگرامما تۈزۈپ قوشالايسىز)

توپ قۇرۇش ئۈچۈن بۇ ئادېرسنى ئېچىڭ. http://msngroup.cn  ئاندىن ئۈستىدىكى 创建MSN群 دېگەن يەرنى بېسىڭ.

بۇ رەسىمدىكىدەك چىققاندا MSN ئادېرسىڭىز ۋە پارولىڭىزنى كىرگۈزۈپ جەزملەشنى بېسىڭ. تۆۋەندىكى رەسىمدەك چىقىدۇ.

بۇ رەسىمدىكى  自由加入 دىگەن تۈر تاللانسا توپقا كىرمەكچى بولغانلار خالىغانچە كىرەلەيدۇ.
申请加入 تاللانسا باشقۇرغۇچى تەستىقلىسا ئاندىن كىرەلەيدۇ.
问答加入 تاللانسا ئالدىن بەلگىلەپ قويۇلغان سۇئالغا توغرا جاۋاپ بەرگەندە ئاندىن كىرەلەيدۇ.
限制加入 تاللانسا پەقەت باشقۇرغۇچى تەكلىپ ئەۋەتىپ ئەكىرسە ئاندىن كىرەلەيدۇ.

بۇلاردىن بىرسنى تاللاپ كېيىنكى قەدەمنى بېسىڭ. تۆۋەندىكىدەك چىقىدۇ.

بۇ ئورۇنغا توپ ئىسمى، خاراكىتىرى، ئورنى دىگەندەك ئۇچۇرلارنى تولدۇرۇپ كېيىنكى قەدەمنى باسىسىز.

بۇ يەردىكى 使用系统分配的群帐号（免费）دېگىنى ھەقسىز توپ بولۇپ، پۇل تاپشۇرمايسىز. توپتا سۆزلىشۋاتقاندا ئېلان كۆرۈندۇ ھەم توپنىڭ ئادېرسىنىمۇ سىز بەلگىلىيەلمەيسىز، group123456@msnzone.cn دېگەندەك ئىسىمنى سىستېما ئاپتۇماتىك بەلگىلەپ بېرىدۇ.
使用个性化帐号（价格：200ｉ币/终身） دېگەننى تاللىسىڭىز ھەقلىق توپ. ئېلان كۆرۈنمەيدۇ. ئادېرسىنى ئۆزىڭىز بەلگىلىيەلەيسىز. مەسلەن: afrasyap@live.cn  دېگەندەك.

بۇلاردىن بىرسنى تاللاپ كېيىنكى قەدەمنى باسىمىز. مەن سىناق ئۈچۈن ھەقسىزنى تاللىدىم. تۆۋەندىكىدەك كۆرۈنسە توپ مۇۋاپىقىيەتلىك قۇرۇلۇپ بولغان بولىدۇ.

ئاندىن بۇ يەردىكى 点击以添加 نى بېسىپ قۇرۇلغان توپنى MSN گە قوشىمىز.

بۇلاردىن جەزملەش ياكى كېيىنكى قەدەم دېگەنلەرنى بېسىۋەرسەك بولىدۇ. مۇشۇ يەرگە كەلگەندە توپنى قۇرۇش ۋە ئۆزىڭىزنىڭ MSN گە قوشۇش مەشغۇلاتى تاماملاندى. ئەمدى تورداشلارنى تەكلىپ قىلىپ ياكى ئادېرسىڭىزنى تورداشلارغا ئەۋەتىپ ئۇلار كىرگەندىن كېيىن سۆھبەتنى باشلىۋەتسىڭىز بولىدۇ. تۆۋەندىكى رەسىمدىكىسى توپتا سۆزلىشۋاتقاندىكى ھالەت.

ئاخىردا تورداشلارنىڭ سەمىگە سېلىپ قويىدىغىنىم: مەيلى كىيۇكىيۇدا بولسۇن ياكى MSN دا بولسۇن باشقىلار بىلەن پاراڭلاشقاندا سەمىمي بولۇڭ، باشقىلارنىڭ ۋاقتىنى ئالماڭ. قارشى تەرەپنىڭ سىزنىڭ سۇئالىڭىزغا جاۋاپ بېرىش مەجبۇرىيىتى يوق. خالىسا، ۋاقتى بولسا جاۋاپ بېرىدۇ، بولمىسا ئارتۇقچە زورۇقۇشنىڭ ھاجىتى يوق. بىلەلمىگەن يەرلەر بولسا مۇشۇ ئالىپ تورىنىڭ ياردەم سەھىپىسىگە يازسىڭىز بولىدۇ. بىر ئادەم بىلمىگەننى يەنە بىر ئادەم بىلىدۇ.
بىلىمنى نىمىشقا ئۈگەنگەن، ئۇيغۇر دىگەنغۇ زادى بىلىمنى يۇشۇردۇ، ئەپەندىم دىسەم جاۋاپ بىرەمسىز يا... دەپ قويىشى باركەن بەزىلەرنىڭ.

MSN نى قاچىلاش، ئۇيغۇرچىلاش، ئىشلىتىش دەرسلىكى بۇ يەردە

MSN توپى ھەققىدە ھەر قانداق گەپ-سۆزلەر بولسا مۇشۇ يەرگە ئىنكاس شەكىلدە يازساڭلار بولىدۇ.

borayar

iltebir107

بەك ياخشى بوپتۇ. مەنمۇ بىر توپ قۇرغان، لىكىن ئىشلىتەلمىدىم.

taranqi217

رەھمەت ئالىپكا .....
سورىغان سۇئالىمغا بۇنچىلىك تەپسىلى جاۋاپ بەرگەنلىكىڭىزدىن ناھايىتى خوش بولدۇم !
رەھمەت دىيىشتىن باشقىسى قولامدىن كەلمەيدىكەن ....
رەھمەت......

bilimsiz

بۇ بەك ياخشى تېما بوپتۇ ،ھەممىمىزنىڭ ۋەتىنى بولغان ئۇيغۇر تىلى ئۈچۈن ،تىرىشىپ كىلۋاتىسىز ئالىپ ئەپەندىم .رەھمەت سىزگە!

veros

مەندە بۇmsnتوپى قوشۇقلۇق بولمىسا لىكىن بىرە قىتىم گەپ سۆز پاراڭ بولغىنىنى بىلمەيمەن.مەن بىر يەلىرىنى ئاچالمىدىممۇ يا؟ بولسا مىنىمۇ قوشىۋىلىڭ شۇ چاغدا ئوڭشىلىپ قالامىكى   veros214@msn.cn