ئىككى كومپيۇتېرنى بىر- بىرىگە قانداق چاتىدۇ؟

heqyol

ئەسسالامۇ ئەلەيكۇم تورداشلار! مەن بۈگۈن يەنە بىر ئىشنى سوراپ كەلدىم. مېنىڭ بىر كومپيۇتېرىم بىر قانچە كۈن بولدى نورمال قوزغىلىدۇ، قوزغۇلۇپلا قېتىۋالىدۇ. سېستىمىنى قايتا قاچىلاي دىسەم كومپيۇتېرغا ساقلاپ قويغان بەك مۇھىم ماتېرىياللار بار ئىدى. سېستىمىنى قايتا قاچىلسام ماتېرىياللارنىڭ ھەممىسى ئۆچۈپ كېتىدۇ. شۇنىڭ بىلەن ئىككى كومپيۇتېرنى بىر- بىرىگە ئۇلاپ بىرىدىكى ھۆججەتلەرنى يەنە بىر كومپيۇتېرغا چىقىرۋالىدىغان ئامال بارمىدۇ دەپ بۇ تېمىنى يوللىشىم. بىلىدىغانلار بولسا ياردەم قىلغان بولساڭلار. ئامالى بولسا قانداق چاتىمەن ۋە قانداق سىم كېرەك بولىدۇ مەسلىھەت كۆرسەتسەڭلار.

alip

كومپىيۇتېرىڭىز قوزغىلىپلا قېتىۋالسا باشقا كومپىيۇتېر بىلەن چاتقان بىلەنمۇ پايدىسى يوق.
ئىككى كومپىيۇتېرنى چاتىمەن دىمەي مۇنداق قىلىڭ.
1. قېتىۋالغان كومپىيۇتېرنىڭ قاتتىق دېسكىسىنى ئاجىرتىپ ئېلىپ، نورمال كومپىيۇتېرغا چېتىپ، ئىچىدىكى مۇھىم ماتېرىياللارنى ساق كومپىيۇتېرغا كۆچۈرۋېلىڭ.
2. بارماق دېسكا ياكى نۇر دېسكا ئارقىلىق WinPe نى قوزغىتىپ، مۇھىم ماتېرىياللىرىڭىزنى باشقا يەرگە زاپاسلىۋېلىڭ.
مۇھىم ھۆججەتلىرىڭىز C رايوندىن باشقا يەرگە ساقلانغان بولسا، ۋىندوۋىسنى قايتا قاچىلسىڭىزمۇ ئۇ ھۆججەتلىرىڭىز ئۆچۈپ كەتمەيدۇ. شۇڭا ساقلاشقا تېگىشلىك ھۆججەتلەرنى C رايوندىن باشقا يەرگە ساقلاشقا ئادەتلىنىڭ.

ablikim

مەن ئالىپ ئۇستاز كۆرسەتكەن ئىككىنجى ئۇسۇلنى تەۋسىيە قىلىمەن.

heqyol

ئىنكاس قايتۇرۇش alip نىڭ يازمىسى

بەرگەن مەسلىھەتىڭىزگە كۆپ رەخمەت.
كومپيۇتېرنىڭ قاتتىق دېسكىسىنى ئالاي دەپ ئويلۇدۇم، لېكىن كومپيۇتېرنى تېخى يېقىندا سېتىۋالغان بولغاچقا ئىچىنى ئاچقاندىن كېيىنلا شېركەتنىڭ مۇلازىمەت دائىرسىدىن چىقىپ كېتىدىكەن. شۇنىڭ ئۈچۈن ئاچمىدىم.
كومپيۇتېرنىڭ رايۇنى پەقەت بىرلا C غا ئايرىلغان.
يېڭى كومپيۇتېرلارنىڭ ھەممىسى شۇنداق بولىدىكەن. مەن بۇرۇن رايۇننى بىر قانچىگە ئايرىيمەن دەپمۇ ئايرىيالمىغانتىم. سېستىمىنى بىر قانچە قېتىم قاچىلاپمۇ رايۇننى ئايرىيالمىدىم. xp ئارقىلىق رايۇنغا ئايرىپ بولۇپ كومپيۇتېرغا سەپلەنگەن windows 7 نى قوزغاتسام ئايرىغان پۈتۈن رايۇنلارنىڭ ھەممىنى بىر قىلىۋەتتى، شۇنىڭ بىلەن رايۇنغا ئايرىشتا ئامالسىز قېلىپ ماتېرىياللارنى C غا ساقلاشقا مەجبۇر بولدۇم.

alip

لەپتوپ ئەمەس، ئۈستەل كومپىيۇتېرى بولسا ئىچىنى ئاچسىڭىز بولىدۇ. ساتقۇچى تەرەپ چاپلاپ قويغان كىچىك قەغەز بەلگىلەر بار. شۇ قەغەز سويۇلۇپ كەتمىسىلا سۈپەت كاپالىتى ئۆتۈپ كەتمەيدۇ. يەنى قاتتىق دېسكىنىڭ ۋىنىتىسنى بوشۇتۇپ، ئىچىنى ئاچمىسىڭىزلا...
ھىچقانداق بىر كومپىيۇتېر ساتقۇچى ياكى كومپىيۇتېر مەشغۇلاتچىسى قاتتىق دېسكىنى پەقەت بىر رايونغا ئايرىپ قويمايدۇ.

abla123

ئۇناق قىلمايمەن دىسىڭىز   xin pe  ئاچقاندىن كېيىن   移动硬盘  دىن بىرسىگە قاچىلىۋېلىپ ئاندىن قاتىق دىسكىنى رايۇنغا ئايرىپ سېستىما قاچلاپ ئىشلىتىڭ

EnQa

يېڭى سېتىۋالغان بولسىڭىز ھەم كاشىلا سەۋەبى يۇمشاق دېتاللارنىڭ بۇزۇلىشى تەسىرىدىن بولسا ئەڭ ياخشىسى سىرتقى قېپىنى ئاچماڭ.
مۇنداق قىلىڭ:
چوڭراق سىغىمدىكى ياندېسكا ياكى بارماق دېسكا تەييارلاڭ، ئاندىن دېسكىدىن قوزغىلالايدىغان WinPe مەشغۇلات سېستېمىسى (ئادەتتىكى Ghost Xp دېسكىلىرىدا بار) ئارقىلىق كومپيۇتېرنى قوزغىتىپ كېرەكلىك ماتېرىياللارنى يان دېسكا ياكى بارماق دېسكا ئارقىلىق باشقا كومپيۇتېرغا يۆتكەڭ (يان دېسكىڭىز چوڭ بولسا يان دېسكىغا كۆچۈرۋالسىڭىز كۇپايە) ئەمدى يېڭى كومپيۇتېرىڭىزدىكى ماتېرىياللارغا ئېرىشىپ بولغان بولسىڭىز قاتتىق دېسكىنى قايتا رايۇنغا ئايرىپ يېڭىدىن سېستېما قاچىلاڭ. كەم دىگەندىمۇ 2 رايۇنغا ئايرىڭ، Win7 قاچىلىماقچى بولسىڭىز C دېسكىغا چوڭراق ئورۇن بېرىڭ 150 گىگابايت بولسا مۇۋاپىق، قالغان رايۇننى ئۆزىڭىزنىڭ ئېھتىياجى بويىچە بۆلىۋالسىڭىز بولىدۇ.

heqyol

تورداشلارنىڭ مەسلىھەتىگە كۆپ رەخمەت. مەسىلىنى ھەل قىلدىم. بۈگۈن ئۆزەمچە كومپيۇتېرنى قوزغاتتىم، بىر قانچە قېتىم قوزغاش ئارقىلىق ئاخىرى قېتىۋالمىغان ۋاقىتتا ماتېرىياللارنىڭ ھەممىنى  500 GB لىق يان دېسكامغا يۆتكىۋالدىم.