LG شىركىتى سۇ ۋە سوپۇن كەتمەيدىغان كىرئالغۇ ياساپ چىقتى

يانفۇن

پەن-تېخنىكا دائىم بىزنى كۈتۈلمىگەن نەتىجىلىرى بىلەن ھەيران قالدۇرىدۇ. كىرئالغۇ يوق ۋاقىتلاردا كىشىلەر كىيىملەرنى قولدا يۇياتتى، كىرئالغۇ بارلىققا كەلگەندىن كىيىن، ئۇ نۇرغۇنلىغان كىشىلەرنى جاپادىن قۇتۇلدۇرۇپ، ئۇلارغا خۇشاللىق ئىلىپ كەلدى؛ ھالبۇكى، ھەممە يەردە مۇھىت ئاسراش قاتتىق تەكىتلىنىۋاتقان بۈگۈنكى كۈندە، سۇ ۋە سوپۇن ئىشلىتىش ھاجەتسىز بولغان يېڭىچە كىرئالغۇلار ئوتتۇرىغا چىقىپ، كىشىلەرنى يەنە بىر قېتىم ھەيران قالدۇردى.
LG شىركىتى ئائىلە ئېلىكتىرون ئۈسكۈنىلىرى تارمىقىنىڭ مەسئۇلى يىقىندا ئاخبارات ئېلان قىلىپ، LG شىركىتىنىڭ نۆۋەتتە سۇ ۋە سوپۇن پاراشۇكى ئىشلىتىش ھاجەتسىز بولغان مۇھىت ئاسراش تىپىدىكى كىرئالغۇ تەتقىق قىلىپ چىققانلىقىنى ئاشكارىلىغان. بىراق، ئۇ بۇ كىرئالغۇنىڭ تەپسىلىي ئۇچۇرلىرىنى ئاشكارىلاشنى رەت قىلغان بولۇپ، بۇنىڭ پەقەت تەتقىقات باسقۇچىدا تۇرۇۋاتقان مەھسۇلات ئىكەنلىكىنى شۇنداقلا بۇنىڭ بىر سودا مەخپىيەتلىكى ئىكەنلىكىنى بىلدۈرگەن. ئەمەلىيەتتە، بۇ يىل ئېچىلغان CES يىغىنىدا LG شىركىتى بىر خىل يېڭى تىپتىكى كىرئالغۇ ئۇقۇمىنى ئوتتۇرىغا قويۇپ، ئۇنىڭ ئەڭ چوڭ ئالاھىدىلىكىنىڭ كىيىملەرنى يۇيغان ۋاقىتتا سۇ ياكى سوپۇن پاراشۇكى ئىشلىتىشنىڭ ھاجىتى يوق ئىكەنلىكىنى تىلغا ئالغانىدى. ئىشىنىمىزكى، بۇ خىل كىرئالغۇ بازارغا سېلىنسا نۇرغۇن كىشىلەرنىڭ ياقتۇرۇشىغا ئېرىشىپلا قالماستىن، بەلكى كىرئالغۇ ئۇقۇمىغا قايتىدىن ئېنقىلىما بىرىشى مۇمكىن.
مۇھىت ئاسراش تىپىدىكى كىرئالغۇدىن باشقا يەنە، LG  شىركىتى يەنە مۇھىت ئاسرايدىغان توڭلاتقۇ ياساپ چىقىشنى پىلانلاۋاتقان بولۇپ، بۇ خىل توڭلاتقۇنى توكقا ئۇلانمىغان ئەھۋال ئاستىدىمۇ 6 سائەت ئىشلىتىشكە بولىدىكەن.
مەنبە:نۇر تورى

parlak/889

بۈگۈن كىرىسلودا مەن ئولتۇراي، ھې ھې، چەتئەل شىركەتلىرىنىڭ بەزى پەن تېخنىكىلىرى ئادەمنى بەكلا ھەيران قالدۇرىدۇ،  پەن تېخنىكا تەرەققىي قىلىپ قەيەرگە باراكىن؟

bengbash

LG بوش ئەمەسكىن جۇما !!!

abdulla5

دورا  ئشلەتمەي  ،يىڭنە  سانجىماي  ،ئوپراسيە  قىلماي  كىسەل  داۋالايمىز  دىگەندەك گەپ  قىپتۇ  ماۋۇ  خەقلەر،

ئوۋچى

سوپۇن پاراشۇگى ئىشلەيدىغان زاۋۇتلارغا چوڭ تەسىرى بولدىغاندەك تۇردۇ

karwanqi

ئەلجى شىركىتى بوش ئەمەسكەن باللا نۇر تورىدىن كۆردۈم بۇ يىلقى ئەلجى نىڭ يانفۇن سېتىپ چىقىرىش مىقدارى دۇنيا بويىچە 3 - ئورۇندا تۇرۇپتۇ 1- سامسۇڭ 2-ئايفۇن 3-ئەلجى 4-5- لىرى خۇاۋى بىلەن جوڭشىن ئىكەن

arturuk

   LG شىركىتى  ئشەنچىلىك مەھسۇلات ئىشلەپ قويىدۇ ،  مىنىڭ يانفۇنۇممۇLG،  

ئەپ

مېنىڭچە سۇ ۋە سوپۇن ئىشلەتمىگەندىكىن ئادەملەر كۈندە ئىچىدىغان سۇيۇقلۇق بىلەن كىر يۇيۇش پاراشوكى ئىشلىتەمدىكىن