مىكروسوفت ئاتالغۇ ئامبىرى (ئۇيغۇرچە) ئېلان قىلىندى

مىكروسوفت ئاتالغۇ ئامبىرى (ئۇيغۇرچە) ئېلان قىلىندى
مەنبە: ئالىم ئەھەت بىلوگى

    يېقىندا ئاتالغۇ ۋە تەرجىمە ئىشلىرى بىلەن، ئۇنىڭدىن باشقا يەنە تەربىيەلەش ئىشلىرى بىلەن سەل ئالدىراش بولۇپ، بىلوگىمدا يېڭى تېما يېزىپ بولالمىدىم. مەن ئۈچۈن بىلوگىمدا تىل-يېزىقىمىزغا مۇناسىۋەتلىك خۇشخەۋەرلەرنى يەتكۈزۈش مۇھىم، ئەمما قىلمىغان ياكى قىلىپ بولالمىغان ئىشلارنى داۋراڭ قىلىش ياخشى ئادەت ئەمەس. بۇ ئىش مۇقىملاشقاندىن كېيىن، سىلەرگە بۇ خەۋەرنى يەتكۈزمەكچى بولۇۋاتىمەن.

يېقىنقى بىرنەچچە يىلدىن بۇيان نۇرغۇن تورداشلار كومپيۇتېر ساھەسىدە تىل-يېزىقىمىزنى بىرلىككە كەلتۈرۈش، قېلىپلاشتۇرۇشنىڭ ئەھمىيىتىنى چوڭقۇر چۈشەندى. بولۇپمۇ كومپيۇتېر ساھەسىدە ئىزدىنىۋاتقانلار بۇنى چوڭقۇر ھېس قىلدى، Microsoft شىركىتى Windows 8 نىڭ ئۇيغۇرچە تىل ئارايۈزى بولىقىنى ئېلان قىلغاندىن كېيىن، Microsoft شىركىتى يەنە ئۆز مەھسۇلاتلىرىنى يەرلىكلەشتۈرۈشتە ئىشلەتكەن (بۇنىڭدىن كېيىنمۇ داۋاملىق ئىشلىتىدىغان) ئاتالغۇ ئامبىرىنى تولۇقلاپ ئېلان قىلدى. بۇ بىز ئۈچۈن يەنە بىر مۇھىم خۇشخەۋەر ھېسابلىنىدۇ. بۇ ئاتالغۇ ئامبىرى مىكروسوفت مەھسۇلاتلىرى ئۈچۈن ئورتاق بولۇپ، ئىزچىللىقنى قاتتىق تەلەپ قىلىدۇ. ئۇزۇنغا قالماي يەنە تەرجىمە ئۇسلۇبى قائىدىسىنى ئېلان قىلىدۇ.

http://www.microsoft.com/language

Microsoft مەھسۇلاتلىرىنى يەرلىكلەشتۈرۈشتە ئالدى بىلەن تەرجىمە ئۇسلۇبى قائىدىسى تۈزۈلىدۇ، ئاتالغۇلار تەرجىمە قىلىنىدۇ، ئاندىن ئارايۈز ئۇچۇرلىرى تەرجىمە قىلىنىدۇ، ئاخىرىدا تەرجىمە سۈپىتىنى تەرجىمە ئۇسلۇبى ۋە ئاتالغۇ تەرجىمىسى بويىچە تەكشۈرىدۇ. شۇڭا تەرجىمە ئۇسلۇبى ۋە ئاتالغۇ ئامبىرى Microsoft ئۈچۈن مۇھىم ئۆلچەم ھېسابلىنىدۇ.

سىز بۇ تور بېكىتىدە Microsoft مەھسۇلاتلىرىدا ئىشلىتىلگەن ئاتالغۇلارنىڭ 100 نەچچە تىلدىكى تەرجىمىسىنى تاپالايسىز. بۇ ئاتالغۇنى قوغداش، قېلىپلاشتۇرۇش ۋە ئومۇملاشتۇرۇشتا مۇھىم ئەھمىيەتكە ئىگە. بۇ ئامباردا ئازدۇر-كۆپتۇر سەۋەنلىك بولۇشى مۇمكىن، ئەمما بۇ بارا-بارا تۈزىتىلىدۇ، تولۇقلىنىدۇ.

مەنبە: ئالىم ئەھەت بىلوگى http://www.alimahat.com/?p=2672

______________________________________________________
مۇناسىۋەتلىك سۈرەتلەر كۆچۈرۈپ ئېلىنمىدى، ئەسلى مەنبەدە كۆرۈڭ!
تەۋسىيەم: بۇ ئاتالغۇ ئامبىرىنىڭ دوستلىرىمىزنىڭ يۇمشاق دېتاللار، ئەپلەرنى تەرجىمە قىلغاندا، يازغاندا پايدىلىنىدىغان ياخشى بىر ئاتالغۇ ئامبىرى بولۇپ قېلىشىنى ئۈمىد قىلىمەن.

ئۈزۈم ئولتۈراي

چۈشۈرۈپ كۆرۈپ باقتىم. tbx ھۆججىتىنى ئېكسېلدا ئاچسا ئېچلدىكەن. 8700 دەك سۆزلۈك باركەن.  ئۇيغۇرچىلاشتۇرۇشتا مۇشۇ سۆزلۈكتىن پايدىلانسا بىردەكلىكنى ساقلىغىلى بولىدىكەن.
بەك ياخشى بوپتۇ.

ھەقىقەتەن ياخشى بولۇپتۇ، بۇ ئاتالغۇلارنى بىرلىككە كەلتۈرۈش زۆرۈرىيىتىنىڭ تەقەززاسى ......

ئاتالغۇلاردىكى قالايمىقانچىلارنىڭ ئالدىنى ئېلىشتا ياخشى ئۆرنەك بولغۇدەك .

بەك ياخشى بوپتۇ،موشۇنداق بولغاندا ئېملا خاتالىقىدىن ساقلانغىلى بولىدۇ،
قېرىنداشلار بولسا موشۇ ئاتالغۇ ئامبىرىدىن پايدىلنىپ،ھەممىباپ كىرگۈزگۈچنىڭ سۆز ئامبىرىنى قايتا بىر تۈزۈپ چىقساڭلار،

ئەپ تەرجىمە قىلىدىغانلارغا بەك ياخشى ئىش  بوپتۇ

ۋاھ نىمىدىگەن ياخشى خەۋەر بۇ

خۇداغا شۈكرى،مىكرو سوفىتقا رەھمەت.بەزىلەر ئۇيغۇر تىلىنى تىل قاتارىدا كۆرگۈسى يوق مۇشۇ زاماندا بۇ ئېسىل ئىش بوپتۇ....

alip يوللىغان ۋاقتى  2013-4-27 23:20
چۈشۈرۈپ كۆرۈپ باقتىم. tbx ھۆججىتىنى ئېكسېلدا ئاچسا ئېچل ...

مەن چۈشۈرسەم ئەرەپچە نۇسقىسى چۈشۈپ قالدى
خاپا بولماي مۇشۇ سەھىپگە ئۇيغۇرتىلى نۇسقىسىنى يوللاپ بەرگەن بولسىڭىز

alip يوللىغان ۋاقتى  2013-4-27 23:20
چۈشۈرۈپ كۆرۈپ باقتىم. tbx ھۆججىتىنى ئېكسېلدا ئاچسا ئېچل ...

يانفۇندىن زىيارەت قىلىۋاتقاچ گەرچە تولۇق مەزمۇنىدىن خەۋەردار بولالمىغان بولساممۇ ، بۇمۇ كۆزنەك 8 نىڭ تىل بولىقى ئېلان قىلىنغاندىن كېيىنكى ئەڭ خۇشاللىنارلىق خەۋەر بوپتۇ .
ئۇيغۇر سوفىت تورى ۋە ئالىم ئەھەت…… ئەپەندىلەردەك باشلامچىلىرىمىز ئاتالغۇ ئىشلىرىمىزدىكى باشلامچىلىق رولىنى تېخىمۇ ياخشى جارى قىلدۇرىشىنى ئۈمۈت قىلىمەن .

مەنچە مۇشۇ ئاتالغۇلارنى 《ئۇيغۇر سوفىت ، ئاناتىلىم ، ئوكيانۇس ، ھەرقايسى تور لۇغەتلىرى ……》 قاتارلىق بارلىق لۇغەتلەرگە ۋاقتىدا كىرگۈزۈپ  مۇشۇ ساھەدىكى كەم قالغان بوشلۇقنى تولدۇرۇپ ئۆتسە ياخشى بولاتتى .
ئويلاپ باقسام  تەرجىمە ئاتالغۇلاردا بوشلۇق شۇنداق كۆپكەن ، شۇ سەۋەپ تىل مەدەنىيىتىمىز بارغانسىرى پۈچەكلىشىپ كېتىۋاتقاندەك .
مەسلەن ئاپتومبىل ماشىنا ساھەسىدىمۇ  تەرجىمە قىلىپ بىرلىككە كەلتۈرلۈشىنى كۈتىۋاتقان ئاتالغۇلار بەك كۆپكەن.
شۇ توغۇرلۇقمۇ بىر مۇنبەر قۇرساق قانداق بولا ياكى قۇرلۇپ بوپ مەن خەۋەرسىز قالغان بولسام تەۋسىيە قىلساڭلار .

alip يوللىغان ۋاقتى  2013-4-27 23:20
چۈشۈرۈپ كۆرۈپ باقتىم. tbx ھۆججىتىنى ئېكسېلدا ئاچسا ئېچل ...

مىكروسوفىت چۈشۈرۈش بېتىدە چۈشۈرگىلى بولمىدى، خاپا بولماي ماڭا يوللاپ بەرگەن بولسىڭىز، سىزگە رەھمەت