MO ھۆججىتىنى تەرجىمە قىلىش

alip

بەزى يۇمشاق دېتاللارنىڭ تىل ھۆججىتى MO فورماتىدا بولىدىكەن. (كېڭەيتىلگەن نامى MO )                       ە
MO  ھۆججىتى Linux نىڭ ھۆججىتى بولۇپ، ئۇنى ئېچىپ تەرجىمە قىلىش ئۈچۈن ماشنا تىلىدىن تەرجىمە قىلىپ PO ھۆججىتىگە ئايلاندۇرۇشقا توغرا كېلىدۇ. (ئىنسانلار ئىشلىتىدىغان مەيلى ئېنگىلىز تىلى بولسۇن، مەيلى ئۇيغۇر تىلى بولسۇن، مەيلى ياپون تىلى بولسۇن كومپىيۇتېرنىڭ تونۇيدىغىنى پەقەت 01 دىن تۈزۈلگەن ئىككىلىك سىستېمىدىكى ماشنا تىلىدىن ئىبارەت. كومپىيۇتېر CPU نىڭ قوماندانلىقىدا ئىچكى ساقلىغۇچتىكى ماشنا تىلىدىكى 01 نى ئىنسانلار تونۇيدىغان ھەرپ، سان، رەسىم، ئاۋازغا ئايلاندۇرۇپ بىزگە كۆرسىتىپ بېرىدۇ)
بۇ نەزەرىيلەرنى ئالىي مەكتەپ ئوقۇغۇچىلىرى تەپسىلى ئۆگىنىۋالسۇن، بىز نەق گەپكە كېلەيلى
MO  ھۆججىتىنى PO گە ئايلاندۇرۋالساق PO ھۆججىتى تېكىست فورماتىدىكى ھۆججەت ئىكەن. ئۇنى خاتىرە دەپتەردە ياكى ئالدىنقى قېتىم تونۇشتۇرغان OmeaTدا ۋە ياكى تۆۋەندە مەن ماختىماقچى بولغان Poedit تا تەرجىمە قىلىۋەرسەك بولىدىكەن.
MO  ھۆججىتىنى PO گە ئايلاندۇردىغان دېتالنىڭ ئىسمى gettext . بۇ دېتالنى ئىگە تەرەپ تور بېتى
http://gnuwin32.sourceforge.net/packages/gettext.htm
دىن ياكى ئالىپ تورىدىن بىۋاستە چۈشۈرۈپ قاچىلسىڭىز بولىدۇ. ھەقسىز.
ئالىپ تورىدىن چۈشۈرۈش


gettext نى چۈشۈرۈپ قاچىلاپ بولغاندىن كېيىن تۆۋەندىكىدەك DOS بۇيرۇق قۇرىغا بۇيرۇق يازىدىكەنمىز. (كومپىيۇتېر ئىپتىدائى جەمىيىتىدىكى DOS نى ئىشلىتىپ باقمىغانلار بولسا مۇشۇ باسقۇچ سەل تەس توختىشى مۇمكىن)
C:\Program Files\GnuWin32\bin\msgunfmt.exe d:\default.mo -o d:\default.po
DOS بۇيرۇق قۇرنى ئېچىش ئۈچۈن 运行 غا cmd دەپ يېزىپ ئىجرا قىلدۇرساق بولىدۇ. 运行 نى ئېچىش ئۈچۈن كۇنۇپكا تاختىسىدىكى ۋىندوۋىسنىڭ بەلگىسى بار كۇنۇپكا بىلەن  R كۇنۇپكىسنى بىللە باسسا بولىدۇ.
بۇ يەردىكى C:\Program Files دېگىنى gettext قاچىلانغان سۈكۈتتىكى ئورۇن. باشقا يەرگە قاچىلىغان بولسىڭىز بۇ يولنىمۇ ئۆزگەرتىسىز.
d:\default.mo تەرجىمە قىلماقچى بولغان mo ھۆججىتى تۇرۇشلۇق ئورۇن، باشقا يەردە بولسا بۇ يەرنىمۇ ماس ھالدا ئۆزگەرتىسىز.
يۇقارقى بۇيرۇق ئىجرا بولۇپ بولغاندىن كېيىن d:\default.po دېگەن ھۆججەت قۇرۇلسا مەشغۇلاتىمىز مۇۋاپىقىيەتلىك بولغان بولىدۇ. ئەمدى default.po نى تەرجىمە قىلىشنى باشلىساق بولىدۇ.
PO نى تەرجىمە قىلىش دېتالى Poedit بۇ دېتالنى ئىگە تەرەپ تور بېتى
http://sourceforge.net/projects/poedit/
دىن ياكى ئالىپ تورىدىن بىۋاستە چۈشۈرۈپ قاچىلسىڭىز بولىدۇ. ھەقسىز.
ئالىپ تورىدىن چۈشۈرۈش


Poedit نى ماختىشىمدىكى سەۋەب، بۇنىڭ ئۇيغۇرچىسىمۇ باركەن. قارىغاندا لىنۇكىسنى تەرجىمە قىلىۋاتقانلار ئۇيغۇرچىلاشتۇرغان ئوخشايدۇ.

بۇ رەسىمدە كۆرۈنۋاتقىنى ooVoo دېتالىنىڭ ئەرەب تىل ھۆججىتى

PO ھۆججىتىنى Poedit تا ئېچىپ تەرجىمە قىلىپ بولغاندىن كېيىن "ساقلاش" نى بېسىپ ساقلىساق، PO تۇرۋاتقان يەرگە ئاپتۇماتىك ھالدا MO ھۆججىدىن بىرنى قۇردىكەن. ئىش تامام.
قارىغاندا مۇشۇ ئۇسۇلدىن پايدىلىنىپ Linux نىڭ بارلىق ھۆججەتلىرىنىڭ ئىچى-باغرىنى كۆرگىلى بولىدىغان ئوخشايدۇ.

programmer

تولىمۇ قولاي ئامال ئىكەن بۇنداق بولغاندا تىزرەك ئۇيغۇرچىلاشتۇرغىلى بولغۇدەك
ئەگەر LINUX ئەسلى كودىنى كۆرمەكچى بولسىڭىز بۇيەردىن چۈشۈرسىڭىز بولىدىكەن
http://www.kernel.org/diff/diffview.cgi?file=/pub/linux/kernel/v2.6/next/patch-v2.6.39-rc7-next-20110513.bz2