(قىزىقارلىق ئەسەر) «ئوغلۇم، بۇ ئايفۇن سىنىڭمۇ؟»

بۇرۇن بۇرۇندىكەن، تېرىق تۇلۇمدىكەن، ھازىرقى زاماندا ئوسمان ئىسىملىك بىر ئايفۇن ھەۋەسكارى بولغانىكەن. رىۋايەت قىلىنىشىچە، ھەممە بوۋاق «ئىڭە، ئىڭە» دەپ يىغلاپ تۇغۇلسا، ئوسمان «ئايفۇن، ئايفۇن » دەپ بۇ دۇنياغا كۆز ئاچقانىكەن. لىكىن ئوسماننىڭ ئائىلىسى نامرات بولغاچقا، قىممەت باھالىق ئايفۇننى ئالالماي كۆڭلى بەكمۇ پەرىشان ئىكەن.

ئەنە شۇ كۈنلەرنىڭ بىرىدە مىكرو بىلوگدا ئىچكىرىدىكى بىر خەنسۇ بالىنىڭ ئايفۇن ئېلىش ئۈچۈن بۆرىكىنىڭ يېرىم تالاسىنى سېتىۋەتكەنلىك خەۋىرى تور دۇنياسىنى بىر ئاپتۇ. بۇ خەۋەرنى ئاڭلىغان ئوسماننىڭ كاللىسىغا دەررۇ بىر ئەقىل كەپتۇ ۋە ئوسمانمۇ بۆرىكىنىڭ بىر تالاسىنى سېتىپ بىر دانە iPhone5 ئاپتۇ.

«دىدەك مونچاق ئاسسا كىرمىگەن ئۆيى قالماس، يىتىم ئات مىنسە چىقمىغان دۆڭ قالماس » دەپ، يىپيىڭى iPhone5 قولىغا تەگكەندىن كىيىن، ئوسمان ئايفۇننى ئەل- ئاغىنە، ئۇرۇق- تۇغقان، تۇنۇش- بىلىشلىرىنى ئالدىدا تازا كۆز- كۆز قىلىپ دوست- دۈشمەنلىرىنىڭ كۆزىدىن ئوت چىقىرىۋېتىپتۇ. باشقىلار ئوسماننىڭ ئالدىدا «ۋاھ، يانفۇنىڭىز ئەجەپ ئىسىلكەن جۇمۇ » دەپ ھەۋەس قىلغانلىقلىرىنى بىلدۇرسىمۇ، ئارقىسىدىن ھەسەت ئۇچقۇنلىرىنى چاچرىتىپ «ھۇ ئۆزىنى چاغلىمايدىغان، بىر نان تاپسا داپ چالىدىغان تاز» تىللاپتۇ.

گۈللەر پورەكلىگەن باھار كۈنلىرىنىڭ بىرىدە ئوسمان ئايفۇنىغا لىق توك قاچىلاپ دەريا بويىدا ۋېيشىندا پاراڭلىشىپ ئولتۇرۇپتۇ. ئۇشتۇمتۇت بىر تېلېفۇن كىلىپ قاپتۇ، چۈچۈپ كەتكەن ئوسمان ئېھتىياتسىزلىقتىن ئايفۇننى دەرياغا چۈشۈرىۋېتىپتۇ. ئامراق ئايفۇنى دەرياغا چۈشۈپ كەتكەن ئوسمان ئۆكسۈپ- ئۆكسۈپ يىغلاپ كىتىپتۇ. دەل شۇ ۋاقىتتا، دەريادىن ئاپئاق ساقاللىق بىر بوۋاي چىقىپتۇ ۋە ئوسماندىن نىمىشقا بۇنچىلىك ئېچىنىشلىق يىغلىشىنىڭ سەۋەبىنى سوراپتۇ. ئەھۋالدىن خەۋەر تاپقان بوۋاي دەررۇ دەريادىن بىردانە iPhone 4 نى سۈزۈپ چىقىپتۇ ۋە ئوسماندىن «ئوغلۇم، بۇ ئايفۇن سىنىڭمۇ؟ » دەپ سوراپتۇ. ئوسمان بېشىنى چايقاپتۇ. بوۋاي يەنە بىر iPhone 4s  نى سۈزۈپ چىقىپتۇ  ۋە ئوسماندىن «ئوغلۇم، بۇ ئايفۇن سىنىڭمۇ؟ » دەپ سوراپتۇ. ئوسمان يەنە بېشىنى چايقاپتۇ. بۇ قېتىم بوۋاي دەريادىن بىر دانە  iPhone5 نى سۈزۈپ چىقىپتۇ ۋە ئوسماندىن «ئوغلۇم، بۇ ئايفۇن سىنىڭمۇ؟ » دەپ سوراپتۇ. ئوسمان «ھەئە، بۇ مىنىڭ ئايفۇنۇم! » دەپ جاۋاب بىرىپتۇ. بوۋاي ئوسماننىڭ بېشىنى سىلاپ تۇرۇپ: «ئوغلۇم، سەن ھەقىقەتەن سەمىمىي بالىكەنسەن » دەپ ماختاپتۇ. (ۋە «بۇ ئۈچ ئايفۇننىڭ ھەممىسىنى ساڭا بىرەي، سۇغا چۈشۈپ كەتكەن ئايفۇننى بەرىبىر ئىشلەتكىلى بولمىغاندىكىن » دەپتۇ.      )
مەنبە ئۆز بىلوگىم:    http://www.aplisin.com

راستىنى دېسەم مەن كۈلگىدەك بىرەر جاينى تاپالمىدىم ، يا مەن كۈلىدىغان جاينى ئۆتكۈزۋەتتىمۇ ئەبەي قىززىقچىدەك .

راستىنى دېسەم مەن كۈلگىدەك بىرەر جاينى تاپالمىدىم

ئېيتقىنىڭىزدەك بەلكىم كۈلىدىغان يىرىدىن ئۈتۈپ كەتكەنسىز

قىزىقارلىقكەن...ئايفۇن سۇغا چۈشۈپ كەتكەندىن كىيىن ئىشلىمەس بولۇپ قالامدۇ؟

xaydayi يوللىغان ۋاقتى  2013-2-16 15:28
راستىنى دېسەم مەن كۈلگىدەك بىرەر جاينى تاپالمىدىم ، يا ...

سوغۇق يومۇر ئوخشايدۇ ..

ئازراق ئۆزگەرتىپ ئىلان قىلسىمۇ بولاتتىكەن .

ھا ھا ھا ھا  نىمداق قىززىق دەيمەن

ushqol يوللىغان ۋاقتى  2013-2-16 16:20
ئازراق ئۆزگەرتىپ ئىلان قىلسىمۇ بولاتتىكەن .

مەسىلەن قانداقراق ئۆزگەرتىپ دىمەكچى؟ بۇ مىېنىڭ تۇنجى «قىزىقارلىق ئەسىرىم» ئىدى، تازا قىزىق چىقماقچىتى ئەسلىدە....

ئەسىرىڭىز ئەسلى قىززىقارلىق چىقماقچىكەن،   كۈلىدىغان جايلىرىنى قىزىل رەڭدە قىلىپ قويسىڭىز كۈلىدىغان جايىنى تاپالمىغانلار ئاندىن كۈلگىدەك.   يەنىمۇ تىرىشىڭ!

merdan يوللىغان ۋاقتى  2013-2-16 15:57
سوغۇق يومۇر ئوخشايدۇ ..

سىلىمۇ تاپالمىغان ئوخشىمامسىلەر ؟

ئېزچى يوللىغان ۋاقتى  2013-2-16 16:43
ئەسىرىڭىز ئەسلى قىززىقارلىق چىقماقچىكەن،   كۈلىدىغان  ...

ھەجەپ توغرا ئويلاپسىز ماڭا ئوخشاش

xaydayi يوللىغان ۋاقتى  2013-2-16 16:45
سىلىمۇ تاپالمىغان ئوخشىمامسىلەر ؟

قارىغاندا سوغۇق يومۇرمۇ ئەمەس ، تېپىشماق ئوخشايدۇ ...ھاھاھا ~

ئالدىرىماڭلار،ئەتە-ئۆگۈنلەتىن بىرەر ئىش قىلىۋاتقان چىغىڭلاردا بۇ يۇمۇر ئىسىڭلارغا كېلىپ كۈلۈپ كەتساڭلار ئەجەپ ئەمەس.

merdan يوللىغان ۋاقتى  2013-2-16 16:53
قارىغاندا سوغۇق يومۇرمۇ ئەمەس ، تېپىشماق ئوخشايدۇ ...ھ ...

بەلكىم شۇنداقتۇ ....ھا ھا ھا ھا ھا