|
ئۇيغۇرئېدىت (UyghurEdit) بولسا Windows مۇھىتىدىكى ھەقسىز ئۇيغۇرچە تەھرىرلىگۈچ. ئۇيغۇرئېدىتتا Unicode ئۆلچىمى ئىشلىتىلگەن. ئۇيغۇرئېدىتنىڭ ئۇيغۇرچە ۋە باشقا تىللارنى ئارىلاش تەھرىرلەش ئىقتىدارى بولۇپلا قالماستىن، ھۆججەت قىلىپ ساقلاش، بېسىش، باشقا پروگراممىلار بىلەن ئۇچۇر ئالماشتۇرۇش، ئىملا تەكشۈرۈش، ئىزدەش ۋە ئالماشتۇرۇش، يېنىۋېلىش، يانغانغا پۇشايمان قىلىش، UKY يېزىقى بويىچە كىرگۈزۈش، ئۇيغۇر كونا يېزىقى بىلەن ئۇيغۇر كومپيۇتېر يېزىقىنى ئۆز-ئارا ئالماشتۇرۇش، باشقا سىستېمىلارنىڭ ھۆججەتلىرىنى ئوقۇش، ھەتتا ھۆججەتنى HTML قىلىپ ساقلاش قاتارلىق ئىقتىدارى بار.
1. ئۇيغۇرئېدىت ھەقسىز، ھەرقانداق ئادەم، ھەرقانداق ئورۇن ھەقسىز ئىشلەتسە بولىدۇ. سېتىشقا بولمايدۇ.
2. ئۇيغۇرئېدىتنى ئىشلىتىش جەريانىدا سىزگە زىيان يەتسە بۇنىڭغا مەن مەسئۇل ئەمەس. ئۆزىڭىز مەسئۇل. 3. ئۇيغۇرئېدىتتا Unicode ئۆلچىمى ئىشلىتىلگەن. شۇڭا Unicode ئۆلچىمىدىكى بارلىق يېزىقلارنى ئۇيغۇرچە بىلەن بىرلىكتە تەھرىرلەشكە بولىدۇ. 4. ئۆزىنىڭ كۇنۇپكىسى بولغاچقا Windows قايسى تىلدىكى نۇسخىسى بولۇشتىن قەتئىي نەزەر ئۇيغۇرچە كىرگۈزۈشكە بولىدۇ. 5. Windows نىڭ ئۆلچەملىك كۇنۇپكىسىنى قوللايدۇ. شۇڭا ئۇيغۇرچىدىن باشقا يېزىقلارنىWindows نىڭ كىرگۈزۈش سىستېمىسىدىن پايدىلىنىپ كىرگۈزۈشكە بولىدۇ. 6. ئۇيغۇرئېدىت تەھرىرلەۋاتقان تېكىستنى كۆچۈرۈپ باشقا يەرگە چاپلاشقا، ۋە باشقىسىدىكىنى ئۇيغۇرئېدىتقا چاپلاشقا بولىدۇ. 7. تەھرىرلەۋاتقان ھۆججەتنى HTML قىلىپ ساقلاشقا بولىدۇ. يەنى UyghurEdit نى ئۇيغۇرچە تور بەت تەھرىرلىگۈچ قىلىپ ئىشلەتكىلى بولىدۇ. 8.بوغدا، فاڭجېن سىستېمىسىنىڭ تەھرىرلىگۈچىدە كىرگۈزۈلگەن ھۆججەتلەرنى ئوقۇپ، ساقلىيالايدۇ. ھۆججەت Unicode ئۆلچىمىدە ساقلىنىدۇ. 9.پۈتكۈل ھۆججەتنى ياكى بىر قىسمىنى UKY يېزىقىغا ياكى UKY نى كونا يېزىققا ئايلاندۇرغىلى بولىدۇ. 10.ئوڭدىن سولغا، ياكى سولدىن ئوڭغا قاراپ تەھرىرلەش ئېلىپ بارغىلى بولىدۇ. 11.ئۇيغۇرچە بىلەن باشقا يېزىقلار ئۈچۈن ئايرىم ئايرىم خەت نۇسخىسى تاللاشقا بولىدۇ. 12. ئىزدەش، ئالماشتۇرۇش يېنىۋېلىش، يانغانغا پۇشايمان قىلىش قاتارلىق بىر تەھرىرلىگۈچتە بولۇشقا تېگىشلىك ئىقتىدارلار ھازىرلانغان. 13. ئىملا تەكشۈرۈش ئىقتىدارى بار بولۇپ،«سۆزلۈك ئامبىرى» دا 100 مىڭغا يېقىن سۆزلۈك بار. ئىشلەتكۈچى ئىشلىتىش جەريانىدا سۆزلۈكلەرنى ئۈزلۈكسىز كۆپەيتەلەيدۇ.
| 
دېۋان تالىشىش
