مۇرادىلسوفت كىرگۈزگۈچ 1.0 نۇسخىسى QQ دىمۇ ئىشلەيدۇ

  ئەسسالام ھۆرمەتلىك تورداشلار
  مەن دوستۇڭلار مۇرادىلجان.
  نەچچە كۈن تىرىشىش ئارقىسىدا يۇنىكودسىز يۇمشاق دېتاللار ئۈچۈن مۇرادىلسوفت كىرگۈزگۈچنىڭ 1.0 نۇسخىسىنى تۈزۈپ چىقتىم.
تورداشلارنىڭ ياقتۇرۇپ ئىشلىتىشىنى ئۈمىد قىلىمەن.
  كۆرۈنمە يۈز رەسىملىرى:






ئاساسلىق ئىقتىدارلىرى:
يۇنىكودنى قوللىمايدىغان يۇمشاق دېتاللارغا ئېنگىلىزچە ھەرپ-بەلگىلەرنى باستۇرمىغان ھالەتتە ئۇيغۇرچە، ئېنگىلىزچە، پەش-چېكىت، سان-سېفىرلارنى كىرگۈزگىلى بولىدۇ.

ئالاھىدىلىكى:
سىغىمى كىچىك، قاچىلاشنىڭ ھاجىتى يوق.
بىرەر يەرگە يېشىپ ئۈستەل يۈزىگە تېزلىتىش بەلگىسىنى چىقىرىپ قويسىڭىزلا كۇپايە.
باشقا يۇنىكودسىز كىرگۈزگۈچلەرگە ئوخشاش كۆزنەكلىك ئەمەس، بىر يېزىپ بىر كۆچۈرۈشتىن خالىي بولىسىز.
ئاپتوماتىك كىرگۈزمەكچى بولغان كۆزنەكنى تاپىدۇ.
ئۇيغۇرچە يۇنىكودلۇق خەت نۇسخىسىغا توغرىلانغان.
ئېنگىلىزچە ھالەتتە باشقا كىرگۈزگۈچلەر بىلەن ھەرپ تاختىسى كونتروللىقىنى تالاشمايدۇ.
يۇنىكودلۇق كىرگۈزگۈچلەر بىلەن بولغان ماسلىشىشچانلىقى ياخشى.
xp，win7，win8 قاتارلىق سېستىمىلاردا (32خانىلىق ۋە 64 خانىلىق) خىزمەت قىلالايدۇ.
QQقاتارلىق يۇنىكودنى قوللىمايدىغان ياكى ئۇيغۇرچىنى سۈزىۋېتىدىغان يۇمشاق دېتاللاردا ئۇيغۇرچە خەت يوللىغىلى بولىدۇ

بەلكىم QQ دا ئۇيغۇرچە خەت يوللاش تورداشلار بەكرەك قىزىقىدىغان تېما بولۇشى مۇمكىن.
  مەن بۇنىڭ ئىشلىتىلىشىنى چۈشەندۈرۈپ ئۆتەي.
  بۇ كىرگۈزگۈچ يېڭى ئېرا نىڭ تارقاتقان كىرگۈزگۈچىگە ئوخشىمايدۇ.
  يېڭى ئېرا نىڭ تارقاتقان يۇمشاق دېتالى ئۇيغۇرچە كونا يېزىقنى رەسىم شەكلىدە ئەۋەتىش ئارقىلىق نورمال كۆرۈنۈشنى ئىشقا ئاشۇرغان
لېكىن بۇنداق قىلغاندا ئەگەر سىزنىڭ كومپىيۇترېڭىز ئېقىم پۇلى ھېسابلىسا، رەسىم بەك كۆپ ئېقىم مىقدارىنى يەپ كېتىدۇ، ئۇنىڭ ئۈستىگە تور شارائىتى ياخشى بولمىغان ئەھۋال ئاستىدا رەسىم بارمايدىغان ئەھۋاللار يۈز بېرىشى مۇمكىن.

تۆۋەندە ئاۋال بىر نەچچە پارچە QQ دا ئۇيغۇرچە پاراڭلاشقان سۈرەتلەتنى كۆرسىتىپ ئۆتەي:


http://bbs.muradilsoft.com/data/ ... dbyzb4qd2wdxvgf.png


ئەمدى بۇنى تەڭشەشنىڭ ئۇسۇلىنى سۆزلەپ ئۆتەي
---------------------------------------
1.بىزنىڭ فونتىمىز ئېنگىلىزچە بىلەن ئۇيغۇرچىنى تەڭ قوللىغاچقا ئاۋال ئەنسىرىمەي بۇ فونتنى كومپىيۇتېرغا قاچىلايمىز
xp1.1  غا قاچىلاشنىڭ ئۇسۇلى(win7 دىن كېيىنى نەشىرلىرىدە فونتنى ئېچىپ قاچىلاشنى باسسىلا كۇپايە)
مېنىڭ كومپيۇتېرېم يەنى 我的电脑نى ئېچىپ ئادرىس كۆزنىكىگە
C:\Windows\Fonts
دېگەن مەزمۇننى كۆچۈرۈپ ئېنتىرنى باسساق بىر كۆزنەك ئېچىلىدۇ
كىرگۈزگۈچ بار ھۆججەت خالتىسىنىڭ ئىچىدە muradilsoft.ttf ناملىق ھۆججەت بار، شۇنى ئوڭ تاق چېكىپ كۆپەيتىش يەنى 复制 دېگەننى سول تاق چېكىپ، ئابايىقى ئېچىلغان فونت كۆزنىكىنىڭ ئىچىگە چاپلايمىز يەنى 粘贴.
ئاندىن QQ نى قايتا قوزغىتىپ، پاراڭ كۆزنىكى ئىچىدىكى خەت نۇسقىسى تەڭشەيدىغان جايدىن muradilsoft دېگەن خەت نۇسقىسىغا تەڭشىسىڭىزلا ئىش پۈتىدۇ.
پاراڭ سالغاندا چوقۇم ئىككىلا تەرەپتە فونت ياكى كىرگۈزگۈچ بىلەن فونت بولۇشى كېرەك، شۇندىلا ئىككىلا تەرەپكە نورمال كۆرۈنىدۇ.
muradilsoft دېگەن فونتتا باشقا خەنچە ۋە ئېنگىلىزگە خەتلەتمۇرمۇ توغرا تونۇيدۇ، شۇغا ئەنسىرىمەي شۇ خەت نۇسخىسىغا توغرىلىسىڭىز بولىدۇ.
دېتال قوزغالغاندا ۋىروسخورلارنىڭ توسۇشىغا ئۇچرىشى مۇمكىم، بىز 360 قا يوللاپ قويدۇق، تېز ۋاقىتنىڭ ئىچىدە ھەل بولۇشىغا تىلەكداشمىز
يۇمشاق دېتالدا ھېچقانداق ۋىروس يوق، ئاق تىزىملىككە كىرگۈزۈپ خاتىرجەم ئىشلىتىڭ.
http://www.muradilsoft.com/down/down_01.html
بۇ جايدىن چۈشۈرۈڭ.

بىز ئەڭ ياخشى ئەمەس، لېكىن ئەڭ ياخشى بولۇش ئۈچۈن تىرىشىمىز!
-مۇرادىلسوفت
مۇرادىلسوفت كومپيۇتېر تېخنىكا مۇنبىرى
bbs.muradilsoft.com

كۆرۈپ باقايچۇ

ياخشى بوپتۇ  يۇنىكودلۇق خەتلەر نورمال كۆرۈنسە ،خەنزۇچىنىمۇ قوللىسا بۇخەت نۇسخىسىنى تىلفۇندا ئىلىتىشكە بولماسمۇ،  كىرگۈزگۈچتىن بىرنى ياساپ

ھەجەپ ياخشى بوپتۇ! رەھمەت سىزگە.

ئېزچى يوللىغان ۋاقتى  2013-1-14 21:08
ياخشى بوپتۇ  يۇنىكودلۇق خەتلەر نورمال كۆرۈنسە ،خەنزۇچ ...

مەن تېلىفوندىكى ئىشلارنى دېگەندەك ئۇقۇپ كەتمەيدىكەنمەن، مەنچە بولمايدۇ، شەخسەن كۆز قارىشىم.

ھەي ئىسىت تىلفۇدىمۇ ئىشلەتكىلى بولغان بولسا تىلفننى يېشىمەن دەپ ئاۋارە بولمايدىكەنمىزتۇق شۇنداقتىمۇ رەخمەت ئيتىىپ كومپىيۇتىردا ئىشلىتېپ تۇراي رەخمەت سىلەرگە

بۇ ناھايتى ياخشى ئىش بوپتۇ قوللايمىز

بەك ياخشى بوپتۇ .
كۈچەپ تەشۋىق قىلساق بولغىدەك!

بەك ياخشى بوپتۇ .
كۈچەپ تەشۋىق قىلساق بولغىدەك!

مەن ئانچە قوللىمايمەن....چۈنكى ئۇيغۇر ئۈچۈن پىداكارلىق كۆرسىتىۋاتقان بولغاندىكىن مۇرادىلسوفت دەپ ئەبجەش ئىسىم قويۇشنىڭ ئورنىغا باشقا يېقىملىقراق ئۇيغۇرچە ئىسىم تاپقىلى بولماسمىدى......

مەن ئەتە كومپىيۇتىردا سىناپ باقاي. ئەگەر چ چ دىمۇ  ئۇيغۇرچە يىزىقتا خەت يوللىغىلى بولسا بۇ ھەقىقەتەن كاتتا بىر ئىش بوپتۇ. چ چ دا  ئۇيغۇرچە خەت يوللاش ئۈچۈن قايسى كىرگۈزگۈچلەرنى ئىشلەتسەك مۇۋاپىق بولار.

مەن چۈشۈرۈپ ئىشلەتتىم .بەي ياخشىكەن.
ئەمما چ چ خەت  كىرگۈزگەندە دائىم ئۇيغۇرچە بېۋاستە قوللىماستىن،سىز تەمنىلەپ بەرگەن فۇنىتنىڭ ئورنىنى كۆرستىپ بەرگەندىن كىيىن ئاندىن ئۇيغۇرچە يېزىلدى.
بېۋاستە كىرگۈزگەندە ЙмхояЮγΔδδфмЗ مۇشۇنداق خەتلەر چىقىۋىلىپ،ھەر بىر جۈملە خەتنى يېزىپ بىر قېتىم فۇنىتنىڭ ئورنىنى تاللاپ كۆرسىتىپ خەت يازدىم.
شوڭا مۇشۇ توغۇرسىدا بىرەر چۈشەنچە بەرگەن بولساڭلار.

چ چ دا يوللانغان خەت قارشى تەرەپكە ھەقىقەتەن ئۇيغۇر يېزىقىمىزدا بارىدىكەن.
بەك ياخشى ئىش بولدى.
/blog-4825-104.html

دېتال بەك يارىدى ماڭا،لېكىن ئىسمى پەقەتلا يارىمىدى.ئىسىمغا كالگەندە باشقىچە ئىسىم قويساق بولماسمۇ،

بۇ كىرگۈزگۈچنى ياساپ ناھايتى ياخشى قىپسىز ،بارىكاللا ئەجرىڭىزگە !مەنمۇ مۇشۇ چ چ دىگەن بۇ كاساپەتكە مۇشۇنى ئىشلىتىشنى ئويلىشىپ باقسام بولغۇدەك ،بڭر ئىشنى سورىۋالسام :سىز يازمىڭىزدا «پاراڭ سالغاندا چوقۇم ئىككىلا تەرەپتە فونت ياكى كىرگۈزگۈچ بىلەن فونت بولۇشى كېرەك، شۇندىلا ئىككىلا تەرەپكە نورمال كۆرۈنىدۇ.» دەپتىكەنسىز ئەگەر قارشى تەرەپتە بۇ دېتال قاچىلانمىغان بولسا يەنىلا مەقسىدىمىزنى قارشى تەرەپكە سۆيۈملۈك ئانا تىلىمىزدا بىمالال ئېۋەتەلمەيمىز دىگەن گەپمۇ ؟ ئەگەر شۇنداق بوپ قالسا بۇ كىرگۈزگۈچنى ئىشلىتىشنىڭ ھازىرچە ئانچە زورۈرىيىتى يوق ،دەيمەن ،چۈنكى ھازىرقى چ چ دا ئىشلىتىپ كېلىۋاتقان يۇنۇكودلۇق كىرگۈزگۈچ بىلەنمۇ ئۇيغۇرچىنى بىۋاستە كىرگۈزگىلى بولىدىكەن ،ئەگەر قارشى تەرەپتە ئۇ ك ئى ج خەت نۇسىىسى بولسىلا قارشى تەرەپتىمۇ خەت نورمال كۆرۈنىدۇ ، باشقىلارمۇ ئۆز-ئارا سىناپ بېقىڭلار قېنى ...

بۇ دېتال 360 بېخەتەرلىك قاراۋۇلى تەرىپىدىن توسىۋېلىندى