QMV فورماتىنى دائىملىق فورماتلارغا ئايلاندۇرۇش
QMV فورماتى بولسا، QVOD قويغۇچىنى ياسىغان تەرەپ تەتقىق قىلىپ چىققان، بىر خىل توردا قويۇلغاچ، كومپيۇتېردىكى سىز بەلگىلەپ بەرگەن مۇندەرىجىگە چۈشىدىغان بىر خىل ۋىدىيو فورماتى. QMV فورماتىنىڭ سىغىمى كىچىك، سۈرئىتى تېز، سۈزۈك كودلاش قاتارلىق ئالاھىدىلىكلىرى بار.
خوش، QMV فورماتى بىلەن تونۇشۇپ ئۆتتۇق. (تېخىمۇ جىق تەپسىلاتلارنى بىلەي دېسىڭىز، بەيدۇ ‹www.baidu.com› تورىدىن ئىزدەپ كۆرسىڭىز بولىدۇ) ئۇنى بىر تەرەپتىن قويۇلغاچ، يەنە بىر تەرەپتىن كومپيۇتېردىكى سىز بەلگىلەپ بەرگەن مۇندەرىجىگە چۈشىدىغان ۋىدىيو فورماتى دېدۇق. ئادەتتىكى ۋىدىيو فورماتلىرىنى كۆپلىگەن قويغۇچلارنىڭ ھەممىسى نورمال قويالايدۇ. بىراق شۈنلېي تەرەپ تەتقىق قىلىپ چىققان XV فورماتىدىكى ھۆججەت، شۇنداقلا QMV فورماتى قاتارلىق شەخسى شىركەتلەر تەتقىق قىلىپ چىققان ۋىدىيو فورماتلىرىنى شۇ ئورگانلار ئۆزى بەلگىلەپ بەرگەن قويغۇچتىن باشقىلىرى دېگەندەك نورمال قويالمايدۇ. كومپيۇتېردا نورمال قۇيۇلمىغانىكەن، باشقا كۆچمە ئۈسكىنىلەردە نورمال قويۇشتىن ئېغىز ئېچىش ئەسلا مۇمكىن ئەمەس. ئۇنى ھەممە قويغۇچلار نورمال قويالايدىغان ھالەتكە ئەكىلىش ئۈچۈن، ئۇنىڭ فورماتىنى ئۆزگەرتىشىمىزگە توغرا كېلىدۇ.
خوش، ئۇنداق بولسا نۆۋەتتىكى دەرىسىمىز: QMV فورماتىنى باشقا فورماتلارغا ئايلاندۇرۇش
QMV فورماتىنى دائىملىق فورماتلارغا ئايلاندۇرۇش
تەييارلىق خىزمەتلەر:
كومپيۇتېرىڭىزدا QVOD قويغۇچىنىڭ 5.2.97 نەشىرى بولۇشى كېرەك(باشقا نەشىرلىرىدە بولامدۇ-يوق، بۇنى سىنىمىدىم، تورداشلار سىناپ باقسا بولىدۇ)، ئەگەر بولمىسا تۆۋەندىكى ئادرېستىن چۈشۈرۈڭ:
چۈشۈرۈش
2.ئايلاندۇرماقچى بولغان QMV فورماتلىق ھۆججەت نورمال بولۇشى كېرەك.
مەشغۇلات باسقۇچى:
ئاۋۋال توردىن چۈشۈرگەن QVOD نى قاچىلاپ قوزغىتىمىز (قاچىلاش، قوزغىتىش تەرتىپى قالدۇرۇلدى).
QVOD نى قوزغاتقاندىن كېيىن، «ئاساسى تېزىملىك主菜单»نى چىكىپ ئۇنىڭدىن «قويۇش播放»، چىققان تىزىملىكتىن «ۋىدىيو كودىنى ئۆزگەرتىش视频转码» نى ئىجرا قىلىمىز. رەسىمدىكىدەك:
ۋىدىيو كودىنى ئۆزگەرتىش كۆزنىكى ئېچىلىدۇ. بۇ كۆزنەكنىڭ سول تەرەپ ئۈستى تەرەپتىكى «ئېچىش打开» كونۇپكىسىنى چىكىپ، ئۆزگەرتمەكچى بولغان ھۆججەتنى تاللايمىز. ۋىدىيو كودىنى ئۆزگەرتىش كۆزنىكى رەسىمدىكىدەك: ھەممە تەييارلىقنى پۈتتۈرۈپ بولغاندىن كېيىن، ئوڭ ئاستى تەرەپتىكى «باشلاش开始» كونۇپكىسىنى چەكسەك ھۆججەت فورماتىنى ئۆزگەرتىشكە باشلايدۇ. (ئەگەر ئۆزگەرتىۋاتقان ھۆججەتنى توختاتماقچى بولساق، «باشلاش开始» كونۇپكىسىنىڭ يېنىدىكى «توختىتىش停止» كونۇپكىسىنى چەكسەك بولىدۇ). ئاخىرىدا، ئايلاندۇرۇپ بولغان ھۆججەتنى ساقلىغان مۇندەرىجىدىن ياكى «باشلاش» كونۇپكىسىنىڭ ئۈستىدىكى «ھۆججەت خالتا سىنبەلگە» سىنى چەكسەك بولىدۇ. (ناۋادا ئايلاندۇرۇپ بولغان ھۆججەتنى بىۋاستە يان ئۈسكىنىلەرگە كۆچۈرمەكچى بولسىڭىز، «ھۆججەت خالتا سىنبەلگە» سىنىڭ يېنىدىكى «تېلېفۇن» سىنبەلگىسىنى چەكسىڭىز بولىدۇ.
| 
دېۋان تالىشىش
