مەن ئەڭ كۆپ ئاڭلىغان مەڭگۈلۈك دېۋگاتىل

ablimitt

   90-يىللاردا تۇلۇقسىزدا ۋاختىمدا مەن بىلەن ئەۋرە تۇققان كىلىدىغان رىمونتچى ئاكامنىڭ ئۈيىدە ئۆزگىرىشچان توكنى تىرانسىفورماتور ئارقىلىق بىسىم ئاشۇرۇپ ئىشلەتكىنىنى كۆرگەندىن كىيىن بۇنىڭغا قىزىقىپ قالدىم.
ئاندىن بىر 5-نۇمۇرلۇق باتارىيەنىڭ تۇكىنى ئىلىكتىرماتورغا بېرىپ گىنراتورنى ئايلاندۇرۇپ توك چىقارسام، ئاندىن تىرانسىفورماتوردا بىسىم ئاشۇرۇپ لامپۇچكىلارنى ياندۇرسام، ئاھ!...
  نىمە دىگەن چوڭ بايقاش!...
يەنە چىققان تۇكىنى ئىلىكتىرماتورنى ئايلاندۇرۇشقا ئىشلەتسەم!...
پۈتۈن مەھەللىمىزدە بۇندىن كىيىن توك ئۈچمەيدۇ، ئاۋۇ توك ئىدارىسىنىڭ مەخپىيەتلىكىنى بىلىۋالدىم!...
بۇ نەرسىنى تىزرەك پۈتتۈرۈپ ئاۋۇ توك ئىدارىسىنى يىغىشتۇرە ئىسىل-سەڭگۈللېرىڭنى! بۇندىن كىيىن سىنىڭ تۇكۇڭنى ئىشلەتمەيمىز دەۋەتمىسەم!...
  قاتتىق ھاياجان بىلەن ئىشنى باشلاپ كەتتىم، ئۇ چاغدا تىرانسىفورماتور ئوراشنى بىلىپ بولمىغان بولساممۇ ئۆيدە 50 ۋاتلىق تىرانسىفورماتور، ئۇيۇنچۇقلارنىڭ باتارىيەدە ئايلىنىدىغان كىچىك ئىلىكتىرماتورلېرى بار ئىدى.
  شۇنىڭ بىلەن بىسىم ئاشۇرغۇچ ئارقىلىق 12 ۋولىتلۇق ئاكۇمۇلياتورنىڭ تۇكىنى تىرانسىفورماتور ئارقىلىق بىسىم ئاشۇرۇپ ئىشلەتمەكچى بولدۇم، ئەمما ئۇلىساملا تىرانسىفورماتوردىن چىققان توكقا ئۇلىغان لامپۇچكا لەپ قىلىپ يىنىپلا ئۈچۈپ قالىدۇ، شۇنىڭ بىلەن ئۈزۈپ-ئۇلىسام قايتىلانغاندىن كىيىن بىر ئامال تاپتىم. تۇراقلىق توكلۇق كىچىك ئۇيۇنچۇقلاردىن چىقارغان ئىلىكتىرماتورنىڭ چۇتكىسى ئۇلىنىدىغان تاكىتىنى چىقىرىپ يەنە بىر ئىلىكتىرماتورنىڭ ئوقىغا بىكىتىپ ئاندىن چۇتكىسىنى شۇنىڭغا تىگىشىپ تۇرىدىغان قىلىپ ، ئىلىكتىرماتور ئايلانسا توك نىڭ مۇسبەت ئۇچى يەنە بىر ئۇچقا ئۈزلۈكسىز ئۈزۈپ-ئۇلىنىدىغان قىلدىم، ئاندىن لامپۇچكىمۇ 10 سىكونتچە يانغاندىن كىيىن ئىلىكتىر چۇتكىسى بىلەن تاكىتنىڭ قىززىپ كىتىپ ياخشى توك ئۈتكۈزەلمەيۋاتقانلىقىنى بايقىدىم. 25 ۋاتلىق لامپۇچكا يىنىشى ئۈچۈن مۇشۇنداق قىزىپ كەتسە مەھەللىنىڭ بارلىق تۇكىنى ئۇلىسام قانداق بۇلار؟...
  شۇنىڭ بىلەن يەنە بىر تاكىت ئالماشتۇرغۇچنى يىڭىلاپ ئورنىتىپ قايتا سىنىماقچى بولدۇم، بۇ قىتىم لامپۇچكىنىڭ ئورنىغا 2 كىلوۋاتلىق توك ئۇچاقنى ئۇلىدىم. ئۇتۇق قازىنىش پەيتلېرى كەلدى دىگەن ھاياجانلىق ئىستەك ۋە قانداق بۇلار؟ دىگەن سۇئال كاللامدا تەڭلا مەۋجۈت ئىدى.
  تەييارلىق پۈتۈپ بولغاندا شېرىن خىياللار ئىلكىدە توكنى شۇنداقلا ئۇلىشىمغا پارس! قىلغان ئاۋاز بىلەن تەڭ تاكىت ئالماشتۇرغۇچ كۈيۈپ كەتتى...
  شۇ چاغدا ئاندىن چوڭ يۈككە چوڭ توك ئىقىمى، كىچىك يۈككە كىچىك توك ئىقىمى لازىم بۇلىدىغانلىقىنى چۈشەندىم...
   
   دىمەك ‹‹ئۈژمە پىش، ئاغزىمغا چۈش›› بۇلىدىغان ئىش يوقكەن. ھازىرغا قەدەر ئەڭ كۆپ ئۇچرايدىغان مەڭگۈلۈك دېۋگاتىل مەن ئويلىغان ئىلىكتىرماتوردا گىنراتورنى ئايلاندۇرۇپ توك چىقىرىش، چىققان توكتا يەنە ئۆزىنى تەمىنلەش...
دېۋگاتىل ئۈچۈن سۆزۈمنى بۈلۈپ قويدۇم، داۋامىنى دەۋېرەي. 92-يىللېرى 10-ئاي ۋاقىتلېرىدىن ئىلىكتىر كەسپى ئۈگەنگەندىن كىيىن ئەڭ قىزىق تىما يەنە مەڭگۈلۈك دېۋگاتىل بولدى ، ئالدى بىلەن ئىلىكتىرماتور ۋە تىرانسىفورماتور ئوراشنى ئۈگەندىم، ئۇ چاغلاردا تىرانسىفورماتور ئاساسلىق توك مەنبە ئالماشتۇرغۇچ ئىدى، سۇ پومپىسىمۇ قىممەت ئىدى. 100ۋاتلىق بىر تىرانسىفورماتورنى ئوراپ بىر ياكى ئىككى دانە ئىككى قۇتۇپلۇق لامپا ئورنىتىپ موتو ۋە ماشنىلارنىڭ زەرەتلىگۈچى قىلىپ قويساقلا 100 يۈەندىن 150 يۈەنگىچە پۇلغا بېرەتتۇق. ئۇ پۇلغا ئۇ چاغلاردا خېلى كۆپ نەرسىلەر كىلەتتى. ئارلىقتا ئۇستام 150 ۋاتلىق تەتۈر ئۆزگەرتكۈچ ياساش قىزغىنلىقىغا چۈشۈپ كەتتى. شۇ چاغدىلا ئاندىن مەن ياسىغىنىمنىڭ پەقەت يەككە يۈنىلىشتە توك ئۈتكۈزىدىغانلىقىنى، نورمال بىسىم ئاشۇرۇش ئۈچۈن چىقىدىغان توكنىڭ ئۆزگىرىشچان 50گىرتىسلىق بۇلىشى كېرەكلىكىنى ۋايىغا يەتكۈدەك چۈشەندىم. شۇنىڭ بىلەن مەنمۇ ياندا تۇرۇپ لامپىلارنىڭ كۈيۈپ تۇرغىنىنى كۆردۈم، مەن سۇ پومپىلېرىنى ئوراۋاتقان بولسام ئۇستام باشقا نەرسە ياسىماقچى بولغاندا مىنى قىلىۋاتقان ئىششىمنى تۇختىتىپ يىنىغا كىلىپ كۆرۈشكە چاقىراتتى. ئادەتتە يەنە مەخسوس رادىئو قۇبۇللىغۇچنى چۈشەندۈرگەن بىر كىتاپنى ئۆيگە قايتقاندا تەپسىلى ئۇقۇپ دەپتەرگە كۈچۈرۈشۈم ئۈچۈن چوڭ بىر خاتىرە دەپتەرنى قۇشۇپ بەرگەن ئىدى. ئەلۋەتتە كەچلىكى خاتىرە يىزىپلا ئولتارمايتتىم، ئۇستامنىڭكىدە كۆرگەن نەرسىلەرنى ئۆيدە تەجىربە قىلىپ نەچچە كۈندە بىر ئىككى-ئۈچ سائات ئۇىلايتتىم.
  شۇنداق قىلىپ بىر يىلغا يىقىن ئۈگەندىم،  1992-يىلى كۈزدە دادام يۈرەك كىسىلى بىلەن ئاغرىپ قىلىپ نەچچە ئاي داۋالاندى، بىزنىڭ بۇ يەر يىقىن بولغاندىكىن 2- دۇختۇرخانىغا ئاپىرىپ بىر مەزگىل داۋالاتتۇق. 93-يىل 3-ئاينىڭ ئاخىرىغا يىقىن دادام تۈگەپ كەتتى.
  ئۇ چاغلاردا ئىقتىسادىمىزمۇ يامانلىشىپ قالدى، ئۈگىنىشىممۇ ئۈزۈلۈپ-ئۈزۈلۈپ ماڭدى. 96-يىلى ئىچكىرىگە بېرىپ مال ئاچىقىپ سودا قىلماقچى ئىكەنلىكىمنى ئېيتىۋدىم ئۆيدىكىلەر ئەنسىرەپ تۇنۇشلار بىلەن ئۇقۇشۇپ ئۈرۈمچىگە شىنجاڭ سودا تېخنىك ئىشچىلار مەكتىۋىنىڭ ئائىلە ئىلىكتىر سىنىپىغا ئورۇنلاشتۇرۇپ قويدى. ئىككى ئاي بىر سىنىپتا ئۇقۇپ يۇقىرلاپ ئۇقۇماقچى ئىكەنلىكىمنى ئېيتتىم، بىر مەۋسۈم ئۇقۇپ چىققاندىن كىيىن مۇئەللىمنىڭ يەنە بىر يىل تۇرغىن دىگىنىگە قارىماي ‹‹ئۆيدە كىچىكلەر بار، ئانامغا ياردەملەشمىسەم بولمايدۇ›› دەپ قايتىپ كىلىپ كۈزلىكى رىمونتخانا ئاچتىم...
  شۇ يىللادا كىچىك بازىرىمىزدا رىمونىتخانا كۆپ بولغاچقا تاپقىنىمنى خەجلەپ بۇلۇپ ئۆيدىن ئاچىقىپ باج تۆلەپ يۈرۈپ نەچچە ئاي تۇردۇم، 7- ئايلاردا بىر كۈنى ئۇخلاپ قاپتىمەن، ئويغانسام دۈمبە تەرپىم ئىچىشىپ تۇرىدۇ، ئەينەككە قارىسام قىزىرىپ بەك كۆپ چىكىت بۇپ قاپتۇ، بىزنىڭ تۇرپاننى ئىسسىق دەپ ئاڭلىغانسىلەر بەلكىم، ئىسسىقتا شۇنداق پىشىپ قاپتىەن، شۇنىڭ بىلەن بىر ماشنىنىچاقىرىپ لاقا-لۇتقىنى بىسىپ ئۆيگە قايتتىم...
  ئۇنى-بۇنى قىلىپ يۈرۈپ 2008-يىل ئاخىرلېرىدا ماشنىلارنىڭ ئاكۇمۇلياتورىغا توك زەرەتلەيدىغان زەرەتلىگۈچنى مۇسبەت-مەنفى دەپ ئايرىماي ئاپىرىپ 12 ۋە 24 ۋولىتلىق ئاكۇمۇلياتورلارغا چاتسىلا ئۆز ئىچىدىن قۇتۇپ ئالماشتۇرۇپ ھەم 12،24 ۋولىتلىق بىسىمنى ئاپتۇماتىك ماسلاشتۇرىدىغان ‹‹ئاپتۇماتىك زەرەتلىگۈچ›› ۋە ماشنىنىڭ ئاچقۇچىنى ئىچىپ قۇيۇپ ئۇنتۇپ قالسا ئۆزلىكىدىن 10سىكونت ئىچىدە ئۈتىۋاتقان توكنى ئۈزۋىتىدىغان، ماشنىنى قوزغاتماقچى بولسا ماشىنىنىڭ توك مەنبەسىنى كاپالەتلەندۈرىدىغان گىنراتورنىڭ ياكورى ئايلانسىلا يەنە قايتا توك تەمىنلەيدىغان ئىقتىدارغا ئىگە ‹‹ئاپتۇماتىك قۇغدىنىشلىق توك تەڭشىگۈچ›› (سەرەڭگە قىپىدەك كىلىدىغان نەرسە، رېل دەپمۇ قۇياتتى) نى لاھىيلەپ ئەۋرىشكە تەييارلاپ ماشنىدا سىنىغاندىن كىيىن پاتىنت ئىلتىماس قىلدىم. ئەلۋەتتە ئۆيدە تەييار ئىقتىساد يوق ئىدى، ئاپامغا دېۋدىم بانكىدىن قەرىز ئىلىپ ماڭا بەردى. شۇنىڭ بىلەن ئىككى پاتىنتتىممۇ 24 ياشقا تۇشمىغان ۋاختىمدا ئىلتىماس قىلىنىپ بولدى.
  پاتىنت ئىلتىماس قىلغان چاغلاردا بىرەر يەرنى ئىزدىسەم نىشان قىلغان ئەتراپتىكى بىرەر ئىدارىگە كىرسەملا شۇلار ئۇقۇشۇپ بېرەتتى، مۇئامىلىسىمۇ بەك ياخشى. جەمىيەت كۆزۈمگە گۈل كۆرۈنەتتى. ئۆزى يىنىۋالغان شىرىكىمنىڭ كىيىن ھاياجان بىلەن كىلىشىم بىلەن قارشى تەرەپ ئۆزىنىڭ تېخنىكى بىلەن ئىشلەيدىغان بۇلۇپ شىرىكلىكتىن چىكىنىپ بۇلۇپ ئىككى يېرىم يىلدىن كىيىن سوتقا بېرىشىدىن، كىيىن نەچچە يىل ئىچىدە بۇرۇنقى سوتتا ئىقرار قىلغان ئىقرالېرىنىڭ قىلچە نەزەرلەرگە ئىلىنماسلىقىدىن ئاندىن خەقنىڭ پارىخورلۇق ۋە چىرىكلىكتىن نىمە ئۈچۈن زارلانغىنىنى بىلدىم...
  ھازىر شى رەئىسنىڭ چىرىكلىكنى قاتتىق تۇتىۋاتقىنىدىن، ھەم يەنە داۋاملاشتۇرىدىغانلىقىدىن خەۋەر تىپىپ تۇرىۋاتىمەن. دىمىسىمۇ ئۇچۇق-ئاشكارە تەلەپ قىلىپ ئالىدىغان ئىشلارنى سەل ئوڭشالدى دەپ ئاڭلاۋاتىمەن! دۆلەتنىڭ قۇدرەت تىپىشىدا مۇشۇنداق بىر يول تۇتىدىغان باش بولمىسا زادىلا بولمايدۇ...
  ‹‹ئۆيدە كىچىكلەر بار، ئانامغا ياردەملەشمىسەم بولمايدۇ›› بۇ گەپلەرنى ھازىر ئويلىسام توۋا دەپ قالىمەن، ئاپامغا مەن ئەمەس ئاپام ماڭا قاراپ قۇيدى...
  مەن بولسام يىلدا نەچچە ئون مىڭنى ئۇنى ياسايمەن، بۇنى ياسايمەن دەپ سورىۋىتىمەن. خەجلىسەم كەسپىمگە خەجلىگەندىكىن دەپ كۈڭلۈمگىمۇ كېپ كەتمەيدۇ...
  ھازىر نەچچە كۈندە بىرەر قىتىم باللېرىمنى ئىلىپ چوڭ ئۆيگە بېرىپ يەتمىشتىن ئاشقان ئاپام تەييارلاپ قويغان تاماقنى يەپ چىقساممۇ يەنە ئاپام شۇنىڭدىن خوش، ھەپتىدىن ئىشىپ كەتسە چاقىرىدۇ...

خىيالپەرەس

«مەڭگۈلۈك دېۋگاتىل» ئىنسانلار ئۇزۇن يىللاردىن بېرى ئېتىشۋاتقان تېما. ئەمما بۇنىڭ مۇمكىن ئەمەسلىكى ھەتتا ئالەم(ۋاكوئوم) بوشلىقىدىمۇ سەرىپ قىلىنغان ئېنىرگىيەدىن ئارتۇق ئېنىرگىيە ھاسىل بولمايدىغانلىقى ھەممىگە ئايدىڭ.
مانا بۇ ئىنرگىيەنىڭ ساقلىنىش قانۇنى.
ئاددىي قىلىپ ئېيتقاندا،ئىلىكتىر ماتورنى بىر كىلوۋات توك بىلەن  ھەركەتلەندۈرۈپ بىر گېنىراتۇرنى ئايلاندۇرغۇزساق ھەرگىزمۇ گېنىراتۇردىن بىر كېلوۋاتتىن ئارتۇق توك چىقمايدۇ، بەلكى 800w~900w ياكى ئۇنىڭدىن تۆۋەن بولىشى مۇمكىن. چۈنكى، ئوتتۇردىكى ھەركەت ئۇزتىلىش، ئايلىنىش جەريانىدىكى تۈرلۈك قارشلىق ئېنىرگىيىنىڭ خورىشىنى كەلتۈرۈپ چىقىردۇ.
ئىنىرگىيە يوقلۇقتىن پەيدا بۇلۇپ قالمايدۇ، ھەم بارلىقتىن يوقاپ كەتمەيدۇ، ئۇ پەقەت بىر خىل شەكىلدىن يەنە بىر خىل شەكىلگە ئايلىنىدۇ.
بەزىدە مۇشۇ مەھەلىدىكى چوڭلارغا چۈشەندۈرۈپ بولالماي ئىچىم سىقىلدۇ. ئۇلار « ئۈچ چاقلىق توك موتىسكىلتىنى نىمىشقا ماڭسا ئۆزى توك چىقىرىپ، ئۆزىنىڭ توكىدا ئۆزى ماڭىدىغان قىلمايدۇ؟ مۇشۇ ھۆكىمەت نېمە ئىشلارنى قىلالمايدۇ، شۇنچىلىك ئىش قولىدىن كەلمەسما؟ ياق! ئۇلار چوقۇم ئۇنداق ياسىساق خەققە توك سېتىپ تاپىدىغان پۇلدىن قۇرۇق قالىمىز، يا ھەممە ئادەم توكلۇقنى ئېلىپ ماي يەيدىغىننى ئالدىغان ئادەم چىقمايدۇ، دەپ شۇنداق قىلىدۇ» دېيىشىدۇ.
مۇشۇنداق سۆزلەرنى بەك كۆپ ئاڭلايمەن. ئەمما،ئۇلارغا بۇنداق ئىش يوق، موتوغا گېنىراتۇر ئورناتقان تەقدىردىمۇ ئۇ پەقەت ئارتۇق يۈك، سەرىپ قىلغان كۈچكە چۇشلۇق توك قايتۇرۇپ چىقىرىپ بېرەلمەيدۇ. دەپ نۇرغۇن نەرسىلەرنى مىسال قىلىپ سۆزلەپ بېرىمەن، ئەمما ئۇلار باش لىڭىشتقان بىلەن پىكىردىن ۋاز كەچكۈسى يوق. ئاخىرى چۈشەندۈرۈشنىڭ ئەھمىيتى يوقكەن دەپ بولدى قىلىمەن.

ablimitt

ataman138 يوللىغان ۋاقتى  2015-2-20 00:47
مەنمۇ 电器自动化 يەنى ئىلىكتىر ئاپتۇماتلاشتۇرۇش كەسپىنىڭ ئ ...

  رەقەملىك توك يۇلىنى كۆپ ئىشلىتىدۇ سىز تاللىغان كەسىپتە، يەنە كود يىزىشمۇ بار...
س تىلىدىن باشقا ھازىر ئاردىنو دەرىسلىككە كىرىپ بولغاندۇ؟ 2008-يىللېرى دۆلىتىمىزدە كود يازىدىغان شىركەتلەر بىلەن ئالاقىلاشسام ئاردىنو ئىشلىتىدىغانلار كۆپكەنتۇق.

xamxar2009

شۇنداق توغرا دەپسىز نۇر تۇرمۇش ئاشۇنداق مەڭگۈلۈك دىۋگاتىلغا ئوخشايدۇ. ئۇدۇللۇق تاپقىنىمىز يەنە تۇرمۇشقا ئۆيگە كىتىدۇ

1802721131

مەنمۇ بەك قىززىقاتتىم  بۇكەسىپكە ... ھەقىقەتەن ئادەمنى غەيرەتلەندۈردىغان تىما بوپتۇ ...ئاخىرسى بادۇ؟

xamxar2009

مەنمۇ شۇنداق قىزىقاتتىم فىزىكىغا ھازىر مەھەللىدىدكىلەر توكى بۇزۇلسا ئىنى ئىزدەيدۇ. ئەلۋەتتە مەنمۇ بەزىدە خىلى نەپكە ئىرشىپ قالىمەن.

bahit8

مەنمۇ كىچىك ۋاقتىمدا دەل سىزدەك ئىدىم، لېكىن ئازۇلۇروم تولۇقسىزدا ئاشۇ دۆت مۇئەللىمنىڭ مەن ياسىغان تىزگىنەكلىك پاراخۇتقا مەنسىتمەسلىك نەزىرىدە قاراپ قويۇپلا يۈرۈكۈمگە تەگكۈدەك گەپ قىلغانلىرى ساۋاقداشلىرىمنىڭ مازاق قىلىشى مېنىڭ ئارزۇلىرىمنى يوققا چىقاردى. شۇنىڭدىن كېيىن ياسىغان ئويلىغانلىرىمنى ياراتقۇچى بىلەن مېھرىبان ئاپاملا بىلىدۇ. ئىش قىلىپ توك سىمنى كۆرسەملا چىرايلىق قىزنى كۆرگەندەك قارشلىرىم تاھازىرغىچە ئۆزگەرمىدى.
ھەي سۆزلىسەم بەك ئاچچىقىم كىلىدۇ، لېكىن بۇ ئارزۇيۇم قانلىرىمنىڭ ئىچىدە يۇشۇرۇن ئاقماقتا. بۇ ئارزۇلىرىمنى ئەمەلگە ئاشۇرۇش ئۈچۈن ئالىي مەكتەپنىڭ ياخشى كۆردىغان كەسپىمنى تاللىدىم.

bengbash

سىز ھازىر نېمە خىزمەت قىلىۋاتىسىز؟

ئەرتۇڭا

ئەسسالامۇ ئەلەيكوم ئابلىمىت قېرىندىشىم ! بىزنىڭ ئۆي  چەتتىرەك بولغاچقا ئوت سىمنىلا تارتىپ ئاپپىرىپ نۆل سىمنى ھويلىدىكى نەم يەرگە گاڭجىڭ تۆمۈرنى كولاپ كۆمۈپ چىقارغان ئىدىم. ئەپسۇس ! بۇنىڭدا نۆل سىمنى بەيياچى تۈۋىدىدىن چىقارغان نۆل سىمگە ئۇلىغاندەك توك ئۇلۇغ بولماي ئاجىز چىقىدىكەن. يەنى توك ئوچاق قاتارلىق توك كۆپ كىتىدىغان ئەسلىھەلەرنى چاتقاندا توك ئاجىزلاپ لامپۇچكا قىزىرىۋالىدۇ .ھەتتا بۇتوك تىلىۋىزورنى سۆرىرىيەلمەيدۇ. قانداق قىلغاندا بۇ ئەھۋالنى تۈگەتكىلى بولىدۇ؟ بۇنىڭغا سىزنىڭ جاۋاب بىرەلەيدىغانلىقىڭىزغا ئىشىنىمەن.! جاۋابىڭىزنى كۈتىمەن......

ArpatKurban

ئېغىرلىق كۈچتىن پايدىلنىپ مەڭگۈلۈڭ دىۋگاتىللارنى ياساپتىكەنتۇق، بەك ھەيران قالدىم.

خاقانى

ئاخىرنى  تىزەك  يىزڭ

ataman138

مەنمۇ 电器自动化 يەنى ئىلىكتىر ئاپتۇماتلاشتۇرۇش كەسپىنىڭ ئۇقۇغۇچىسى.. ھەر بىر يازغان تېمىڭىزنى ئۇقۇۋاتمەن ...يەنە مۇشۇنداق ئېلىكتىر كەسپىگە مۇناسىۋەتلىك تېمىلىرىڭىزنىڭ داۋاملىق يېزلىپ تۇرشىنى ئۈمۈد قىلمەن...ھەم بۇندىن كىيىنكى ئىشلىرىڭىزنىڭ ئۇتۇقلۇق بۇلشىغا تىلەكداشمەن

ArpatKurban

بۇنى بىر  كۆرۈپ  قويۇڭ،  بەلكىم  كۆرۈپ بولغانسىز.

ablimitt

bengbash يوللىغان ۋاقتى  2015-2-19 23:58
سىز ھازىر نېمە خىزمەت قىلىۋاتىسىز؟

مەن بۇرۇن كەلگەن خىزمەت پۇرسەتلېرىنى تۇتمىغانتىم، چۇنكى مەن قىزىقىدىغىنىم باشقا خىزمەت باشقا...

ablimitt

ئەرتۇڭا يوللىغان ۋاقتى  2015-2-20 00:28
ئەسسالامۇ ئەلەيكوم ئابلىمىت قېرىندىشىم ! بىزنىڭ ئۆي  چ ...

تىرانسىفورماتوردىكى يەرسىمى ياخشى يەرلەشمىسە بولمايدۇ، سىز سىم كۈمگەن يەرگە تۇز سۈيى قۇيۇڭ.

ablimitt

بىلال.ئې يوللىغان ۋاقتى  2015-2-20 01:14
«مەڭگۈلۈك دېۋگاتىل» ئىنسانلار ئۇزۇن يىللاردىن بېرى ئې ...

   بىر يىلى بىر بالا ئىزدەپ كەپتۇ، سىم ئورام ئورالغان ئۈزەك ماگىنىت بۇلۇپ تۈمۈرنى تارتىدىكەن، شۇنىڭدىن پايدىلىنىپ ماشنىنى بىرلا قوزغاتسا كەينىدىن گىنراتورىدىن چىققان توكتا داۋاملىق ماڭىدىغان تېخنىكا كەشىپ قىلدىم دەپ...
بەك تەستە دىدى تىخى ئۇ گەپنى، شۇنىڭ بىلەن قەستەن چۈچىەەن بۇلۇپ ئەتراپقا بىر قارىۋىتىپ، ‹‹ئايرۇپىلاننى ياسىغان ھۈكىمەت شۇنى ياسىيالماسما؟ بۇ گەپنى باشقا يەردە قىپ سالماڭ، بولمىسا ياش تۇرۇپلا نەگە كەتكىنىڭىزنى بىلگىلى بولماي يۇقاپ كىتىسىز›› دىۋدىم يىغلامسىراپ تۇرۇپ‹‹ ئەگەر چەت ئەلدە بولغان بولسام›› دىيىشىگىلا ‹‹ چەتئەللىك پۇلغا ئۆچمىكەن، ھەممىسى مۇشۇنداق ماشنىنى بىكارغا ماڭدۇرسا ئۇلار كىمدىن پۇل تاپىدۇ›› دىسەم، بەك ئەلەم بىلەن‹‹ ئىنسانىيەتكە تۆھپە قۇشاي دىسەم›› ... دەپ كەتكەنتى، كەينىدىن چۈشەندۈرۈپ قۇياي دىسەم سەۋىيسى بەك تۈۋەنكەن، شۇڭا بىر كىچىك ئىلىكتىرماتور، بىر 3شەكىللىك تىرانسىفورماتورنى تۇتقۇزۇپ مۇشۇنىڭدا قىلسىڭىز ئاسان بۇلىدۇ، بۇنىڭدىن ماۋۇ ئىلىكتىرماتور ياخى دەپ يولغا سېپ قويدۇم...