|
|
ئەسسالامۇ ئەلەيكۇم ئەزىز قېرىنداشلار، ھەممىڭلارغا ئوتلۇق سالام !
بۈگۈن سىلەرگە «有道翻译官» نى ئېلىپ كەلدىم. بەلكىم كۆپ دوستلار بەيدۇ تەرجىماننى ئىشلىتىپ باققان بولىشى مۇمكىن، بۇ ئەپمۇ شۇ تەرجىمانغا ئوخشاش، بىر ئوخشىمايدىغان يېرى، مەزكۇر تەرجىماننىڭ خەنزۇچە-ئىنگلىزچە تورسىز تەرجىمە بولىقى دېتالنىڭ ئىچىدە تەييار بولۇپ، سىز دېتالنى تۇنجى قېتىم قوزغاتقاندا خەنزۇچە-ئىنگلىزچە تورسىز تەرجىمە سانلىق مەلۇماتىنى يانفۇن ئىچكى ساقلىغۇچ غول مۇندەرىجىسىدىكى youdao ناملىق مۇندەرىجىگە يېشىدۇ. (بۇ سانلىق مەلۇمات مۇندەرىجىسى 100MB تىن ئازراق چوڭ بوشلۇقنى ئىگىلەيدۇ). بۇ تەرجىمە بولىقى يەنە تېكىستىنى كامېرادا تەسۋىر ئېلىپ تەرجىمە قىلىش سانلىق مەلۇماتىنىمۇ ئۆز ئىچىگە ئالىدۇ. ئەپ تورسىز تەرجىمە ھالىتىدە بىرىكمە سۆز ۋە خېلى ئۇزۇن جۈملىلەرنىمۇ خېلىلا سۈپەتلىك تەرجىمە قىلىدىكەن، ئەمما بەك ئۇزۇن ئابزاس ياكى بۆلەكلەرنى تەرجىمە قىلالمايدىكەن ياكى خاتا تەرجىمە قىلىدىكەن. ئەمما ئادەتتىكى چۈملىلەرنى تەرجىمە قىلىشى ناھايىتى ياخشى.
يەنە ئەپ تەڭشىكىدە «كوپىيىلەپ تەرجىمە قىلىش» دەپ بىر تاللاش بولۇپ، بۇ ئىختىدارنى تاللىسڭىز، ھەر قانداق ئورۇندىكى خەنزۇچە ياكى ئىنگلىزچە تېكىست ياكى سۆزنى تاللاپ كوپىيىلىسىڭىز، مەزكۇر ئەپ ئېكراندا لەيلىمە كۆزنەكتە شۇ تاللىغان سۆزنىڭ تەرجىمىسىنى كۆرسىتىپ بېرىدۇ. (خەنزۇچە تېكىستنى كوپىيىلىسىڭىز ئىنگلىزچە تەرجىمىسىنى كۆرسىتىپ بېرىدۇ، ئىنگلىزچە تېكىستنى تاللىسىڭىز خەنزۇچە تەرجىمىسنى كۆرسىتىپ بېرىدۇ، ئىنگلىزچە تېكىستنى پەقەت ئاددىي خەنزۇچىغا تەرجىمە قىلىدىكەن، ئەمما تەرجىمە تېكىست رامكىسىغا ئاددىي خەنزۇچە ياكى مۇرەككەپ خەنزۇچە تېكىستنى كىرگۈزسىڭىزمۇ ئوخشاشلا ئىنگلىزچىگە تەرجىمە قىلاۋېرىدىكەن )، بۇ ئىختىدارى ئىنگلىزچە، مۇرەككەپ خەنزۇچە، ياپونچە ۋە كورىئان تىلىدىكى ئەپلەرنى تەرجىمە قىلىشقا بەك قولايلىق ئېلىپ كېلىدىكەن .
مەن مۇشۇ ئىقتىدارىدىن پايدىلىنىپ بىر كورىئانچە ۋە بىر ئىنگلىزچە ئەپنى تەرجىمە قىلماقچى بولىۋاتىمەن.
يەنە تېكىستنى ئوقۇش ئىختىدارىنى ئېچىۋەتسىڭىز، ئۈسكۈنىڭىز تورغا ئۇلاقلىق ھالەتتە تەرجىمە قىلىنماقچى بولغان ئەسلىي تېكىست ۋە تەرجىمە نەتىجىىسنى ئۆلچەملىك تەلەپپۇزدا ئوقۇپ بېرىدۇ.
قالغان خەنزۇچە-ياپونچە، خەنزۇچە-كورىئانچە ۋە خەنزۇچە-فىرانسۇزچە تورسىز تەرجىمە قىلىش ۋە تېكىستىنى تەسۋىر ئېلىپ تەرجىمە قىلىش سانلىق مەلۇمات بولىقىنى ئۆزىڭىز ئېھتىياجىڭىزغا قاراپ توردىن چۈشۈرۋالسىڭىز بولىدۇ. يەنە بىر قولايلىق ئىختىدارى بولسا تەرجىمە تېكىستىنى كىرگۈزۈش رامكىسىنى قول ئىشارىسىدا ئوڭ-سولغا سىيرىسىڭىز كېسىپ-چاپلاش تاختىسىدىكى مەزمۇننى بىۋاستە چاپلايدۇ.
ئەپ نامىنى ئۇيغۇرچە ئۆز ئەينى تەرجىمە قىلسا قاملاشمايدىكەن، شۇڭا ئاھاڭ تەرجىمىسى بويىچىلا «يوۇداۋ تەرجىمان» دەپلا ئالدىم. ئەپ نامى نامۇۋاپىق دەپ قارىغانلار ئۆزۈڭلار ئۆزگەرتۋالساڭلارمۇ بولىدۇ. يەنە بىر گەپ، تەرجىمە تىلى تاللاش ئاسما تىزىملىكتىكى 汉⇐英 ۋە 汉 ⇐ 日.... دېگەندەك سۆزلەرنى ئۇيغۇرچە قىلسا، بىرىنىڭ ئۈستىگە بىرى بېسىلىپ كېتىدىكەن، شۇڭا ئۇنى ئۆز پېتىچە قويدۇم، ئەمەلىيەتتىمۇ ئۇنى ئۇيغۇرچە قىلىشنىڭ ھاجىتىمۇ يوق.
قېنى ئەمىسە سىلەرمۇ سىناپ بېقىڭلار.
نەشرى: V 1.2.3 ، سىغىمى: 53MB
چۈشۈرۈش ئادرېسى :
http://caiyun.feixin.10086.cn/dl/105CpTA52JjjT
تۆۋەندە مەزكۇر دېتالدىن كەسمە رەسىملەر :
|
باھالاش
-
باھا خاتىرىسى
|
دېۋان تالىشىش
ئالپ يانفون تېرمىنالىدا يېزىلغان
