|
ئەسسالامۇ ئەلەيكۇم ئەزىز قېرىنداشلار، ھەممىڭلارغا ئوتلۇق سالام !
بۈگۈن سىلەرگە «ئەقلىي ئىقتىدارلىق قوراللار» ناملىق ئەپنى تەرجىمە قىلىپ ئېلىپ كەلدىم. بۇ ئەپنىڭ ئۇزۇنلۇق ۋە بۇلۇڭ گىرادۇسىنى ئۆلچەش (بۇ يەنە تۈز شىكالىلىق گەز، تىكلىگۈچ تېشى، تەكشىلىك ئۆلچەش (شەيتان)، رېزبا ئارلىقى سېركۇلى قاتارلىق ئىختىدارلارنى ئۆز ئىچىگە ئالىدۇ). ئارلىق ۋە ئېگىزلىك ئۆلچەش (بۇ جىسىم ئېگىزلىكى، كەڭلىكى ۋە مەيدان دائىرىسىنى ئۆلچەش قاتارلىق ئىختىدارلارنى ئۆز ئىچىگە ئالىدۇ). ئاۋاز دولقۇنى ۋە تەۋرىنىش دەرىجىسىنى ئۆلچەش، كومپاس ۋە مېتال تەكشۈرۈش ۋە قولچىراق ( بۇ يەنە لوپا ئەينەك، سىنئەينەك... دېگەندەك ئويۇن خارەكتېرلىك قوشۇمچە ئىختىدارلارمۇ بار. ) ئىختىدارلىرى بار.
ئەسكەرتىش : بۇ ئىختىدارلار ئىچىدە كومپاس ۋە مېتال تەكشۈرۈش ئىختىدارى پەقەت ماگنىت سېنزورى بار ئۈسكۈنىلەردىلا نورمال ئىشلەيدۇ، مېتال تەكشۈرۈش ئىختىدارى تۆمۈر، ماگنىتلىق پولات... قاتارلىق ماگنىتلىق خۇسۇسىيەتكە ئىگە مېتاللارنى تەكشۈرەلەيدىكەن. مەسىلەن: كىيىم-كېچەك، كىگىز-گىلەم قاتارلىقلارنىڭ ئاستىدىكى پىچاق، قايچا دېگەندەك مېتال بۇيۇملارنى سېزەلەيدىكەن. كومپاس ۋە مېتال تەكشۈرۈش يۈزىدىكى گورزېنتال كۆرسىتىش قۇرى قىزىل رەڭ كۆرسەتسە ئەتراپىڭىزدا مېتال بۇيۇملارنىڭ بارلىقىنى بىلدۈرىدۇ. تەۋرىنىش ۋە ئاۋاز دولقۇنىنى ئۆلچەش ئىختىدارىنى قوزغاتسا، بۇ ئىختىدار ۋاقتىنچە جۇڭگو دائىرىسىدە ئىشلىمەيدۇ دەپ ئىجرا بولمايدىكەن، ئەمما تېلىفۇننى ئۇچۇش ھالىتىگە توغۇرلىسا ياكى سۆزلىشىش كارتىسى ئېلىۋېتىلگەن ھالەتتە نورمال ئىشلەيدۇ.
ئەڭ مۇھىمى جىسىم ئارلىقى ۋە مەيدان دائىرىسىنى ئۆلچەشتە ئۈسكۈنىنى تۇتۇپ تۇرغان قولنىڭ تەۋرىنىشىدىن ئىمكان بار ساقلىنىش كېرەك، چۈنكى ئارلىق ۋە مەيدان دائىرىسىىنى ئۆلچەش جەريانىدا يانفۇننى تۇتۇپ تۇرغان قولىڭىز ئازراقلا تەۋرىنىپ كەتسە، ئۆلچەش نەتىجىسىگە زور دەرىجىدە تەسىر كۆرسىتىدۇ، قولىڭىز بىر گىرادۇس تەۋرىنىپ كەتسە، ئۆلچەش نەتىجىسىنىڭ خاتالىق پەرقى كۆرۈنەرلىك چوڭىيىپ كېتىدۇ، بۇ خاتالىق پەرقى نىشان ئارلىقى قانچە چوڭ بولسا شۇنچە چوڭىيىدۇ. مېنىڭچە بۇنىڭ سەۋەبىنى ھەممىمىز بىلىمىز، تەپسىلىي چۈشەندۈرۈشنىڭ ھاجىتى يوق.
ھەر بىر ئىختىدارغا ئالاقىدار چۈشەندۈرۈشلەرمۇ تولۇق بېرىلگەن بولغاچقا بۇ قىسمىنىمۇ تولۇق ئۇيغۇرچە قىلىپ چىقتىم. ئۆزىڭىز ئىشلىتىۋاتقان ئىختىدار بېتىدە «باش تىزىملىك» كۇنۇپكىسىنى ياكى تېلىفۇنىڭىزنىڭ باش تىزىملىك كۇنۇپكىسىنى چەكسىڭىز شۇ ئىختىدارنى ئىشلىتىشكە ئالاقىدار چۈشەندۈرۈش بېتى ئېچىلىدۇ. قالغان تەپسىلاتىنى ئۆزۈڭلار كۆرۈۋالساڭلار بولىدۇ.
ئەپ تەڭشىكىدىن قىسمەن ئىقتىدارلىرىنى تەڭشىگەندىن كېيىن، بەزى تېلىفۇنلاردا ئەپ تۇيۇقسىز توختاپ قالىدىغان ۋە چېكىنىپ چىقىپ كېتىدىغان ئەھۋاللار كۆرۈلىدىكەن، بۇنداق ئەھۋال كۆرۈلسە ئەپنىڭ باش تەڭشىكىدىن «تەڭشەكنى دەسلەپلەشتۈرۈش» بۇيرىقىنى ئىجرا قىلىۋەتسىڭىز ، بۇنىڭدىمۇ بولمىسا تېلفۇننىڭ باش تەڭشىكىدىكى پىروگرامما باشقۇرۇش بېتىدىن مۇشۇ ئەپنىڭ سانلىق مەلۇماتىنى تازىلىۋېتىپ، ئەپنى قايتا قوزغاتسىڭىزلا نورمال ھالەتكە قايتىدۇ.
قېنى ئەمىسە سىلەرمۇ سىناپ بېقىڭلار.
چۈشۈرۈش ئادرېسى :
http://caiyun.feixin.10086.cn:7070/portal/dl/105CqlBHBbh5c
تۆۋەندە مەزكۇر دېتالدىن كەسمە رەسىملەر :
|
باھالاش
-
باھا خاتىرىسى
|