- جۇغلانما
- 308
UID49934
تىزىملاتقان2014-12-13
ئاخىرقى قېتىم2015-3-4
توردا39 سائەت
ئاكتىپ ئەزا
 
- نادىر
- 0
- جۇغلانما
- 308
- ئاقچا
- 0
|
بۇ يازمىنى ئاخىرىدا Erqal-Media تەھرىرلىگەن. ۋاقتى 2015-2-5 14:15
توردىكى نام ۋە باش سۈرەت قېلىپلاشتۇرۇلىدۇ
ئەرقال تاراتقۇسى تەرجىە قىلدى
www.erqal.com
دۆلەت ئىنتېرنېت ئۇچۇر ئىشخانىسى 2-ئاينىڭ 4-كۈنى «ئىنتېرنېت ئىشلەتكۈچىلىرىنىڭ ھېسابات نامىنى باشقۇرۇش بەلگىلىمىسى» نى ئېلان قىلدى. مەزكۇر بەلگىلىمە 3-ئاينىڭ 1-كۈنىدىن باشلاپ ئىجرا قىلىنىدىكەن.
دۆلەت ئىنتېرنېت ئۇچۇر ئىشخانىسى مەسئۇلىنىڭ بىلدۈرۈشىچە، جۇڭگودىكى تور ئەھلى دۇنيا بويىچە بىرىنچى ئورۇندا بولۇپ، ئىشلەتكۈچى ھېسابات سانى ناھايىتى كۆپ بولغاچقا ھېسابات نومۇرىنىڭ تەرتىپسىز بولۇشى كۈنسېرى گەۋدىلەنمەكتە ئىكەن. بەزىلەر پارتىيە ھۆكۈمەت ئورۇنلىرىنىڭ قىياپىتىگە كىرىۋېلىپ ئاممىنى ئالدىسا، بەزىلەر تاراتقۇلارنىڭ قىياپىتىگە كىرىۋېلىپ ساختا ئۇچۇرلارنى تارقىتىدىكەن؛ بەزىلەر باشقىلارنىڭ سالاھىيىتىدىن پايدىلىنىپ ئۇلارنىڭ قانۇنلۇق ھوقۇقىغا زىيانكەشلىك قىلىدىكەن؛ بەزىلەر داڭلىق كىشىلەر ياكى چەتئەل زۇڭتۇڭلىرىنىڭ قىياپىتىگە كىرىۋالىدىكەن؛ بەزىلەر ھېسابات نامى ۋە ھېسابات سۈرىتىگە شەھۋانىي ئۇچۇرلارنى كىرگۈزۈۋالىدىكەن، ھەتتا ئوچۇق ئاشكارا پاھىشىۋازلىق ئېلانى تارقىتىدىكەن، بەزىلەر قىسقىچە چۈشەندۈرۈشتىن پايدىلىنىپ ۋەھىمىلىك ئۇچۇر، قىمار، زەھەر سودىسى قاتارلىق قانۇنسىز ئۇچۇرلارنى يوللايدىكەن.
مەزكۇر مەسئۇل خادىمنىڭ دېيىشىچە، بۇ خىل قالايمىقانچىلىق تور مۇھىتىنى بۇلغاپ، ئاممىنىڭ مەنپەئەتىگە زىيان سالغان.
مەزكۇر مەسئۇل خادىمنىڭ تونۇشتۇرۇشىچە، «بەلگىلىمە» دە، ھېسابات نومۇرى ۋە ئىسمى، باش سۈرىتى ۋە قىسقىچە چۈشەندۈرۈشى قاتارلىقلاردا، ئىنتېرنېت كارخانىلىرى، ئىشلەتكۈچىلەرگە بولغان مۇلازىمەت ۋە ئىشلىتىش ھەرىكىتىگە قارىتا بىلوگ، مىكرو بىلوگ، ئالاقە قوراللىرى، مۇنبەر، يازمىخانا، ئەگىشىپ باھا يېزىش قاتارلىق ئىنتېرنېت ئۇچۇر مۇلازىمەتلىرىدىكى تىزىملىتىلغان بارلىق ھېساباتلار قېلىپلاشتۇرۇلىدىكەن. «ئارقا سۇپىدا ھەقىقىي ئىسىم قوللىنىش، ئالدى سۇپىدا ئىختىيارى بولۇش» پىرىنسىپى بويىچە، ئىشلەتكۈچىلەرنىڭ خاسلاشتۇرۇلغان ئىسىم قويۇش ھوقۇقىغا يېتەرلىك ھۆرمەت قىلغان ئاساستا، ئالدى سۇپىدىكى ئىسىملارنىڭ قالايمىقان بولۇش مەسىلىسى ھەل قىلىنىدىكەن.
|
|
دېۋان تالىشىش
