|
ئالما شىركىتىدىكى ئەمەلدارلارنىڭ مائاشى قانچىلىك؟
ئەرقال تاراتقۇسى تەرجىمە قىلدى
ۋاڭيى تورىنىڭ خەۋىرىگە ئاساسلانغاندا، ئالما (Apple) شىركىتىنىڭ ئامېرىكا ئاكسىيە بازىرى كومىتېتىغا تاپشۇرغان ھۆججىتىدە ئالما شىركىتىنىڭ باش ئىجرائىيە ئەمەلدارى (CEO) تىم كۇك (Tim Cook) نى ئۆز ئىچىگە ئالغان مۇدىرىيەت ئەزالىرىنىڭ يىللىق مائاشى ئاشكارىلانغان. ھۆججەتتە كۆرسىتىلىشىچە، كۇكنىڭ 2014-يىللىق جەمئىي مائاشى 9 مىليون 220 مىڭ دوللاردىن ئېشىپ، 2013-يىلىدىكىدىن بىر ھەسسە قاتلانغان.
ھۆججەت مەزمۇنىغا ئاساسلانغاندا، كۇكنىڭ 9 مىليون 220 مىڭ دوللار مائاشى ئۇنىڭ 1 مىليون 750 مىڭ دوللار ئاساسى ئىش ھەققى، 6 مىليون 700 مىڭ دوللار غەيرىي پاي خاراكتېرلىك مۇكاپاتى ۋە باشقا كىرىملىرىنى ئۆز ئىچىگە ئالىدىكەن. ئالما شىركىتىنىڭ بىلدۈرۈشىچە، ئالما شىركىتىنىڭ باشقا يۇقىرى دەرىجىلىك باشقۇرغۇچىلىرى ئىچىدە، 2013-يىلى 10-ئايدا ئالما شىركىتىنىڭ پارچە سېتىش كەسپى بىلەن شۇغۇللىنىشقا كىرگەن مۇئاۋىن باش لىدېر ئەنجىلا ئەرېندس (Angela Ahrendts) مائاشى 73 مىليون 350 مىڭ دوللار بولۇپ، بۇ مائاشنىڭ كۆپ قىسىمى ئۇ ئېرىشكەن 70 مىليونلۇق پاي مۇكاپاتىدىن كەلگەن.
ئۇنىڭدىن باشقا، ئالما شىركىتىنىڭ يۇمشاق دېتال ۋە مۇلازىمەت باشقۇرغۇچىسى ئېددىي كىيۇ (Eddy Cue) نىڭ 2014-يىللىق مائاشى 24 مىليون 450 مىڭ دوللار بولۇپ، ئۇنىڭ مائاشىنىڭ كۆپ قىسىمى 20 مىليون دوللارلىق پاي مۇكاپاتىدىن كەلگەن ئىكەن. ئالما شىركىتىنىڭ تىجارەت ئىشلىرىغا مەسئۇل مۇئاۋىن باش لىدېرى جېف ۋېليامس (Jeff Williams) نىڭ 2014-يىللىق مائاشى 24 مىليون 400 مىڭ دوللار بولۇپ، ئۇمۇ ئوخشاشلا پاي مۇكاپاتىغا ئېرىشكەن.
مەنبە : ۋاڭيى تورى | 
دېۋان تالىشىش
