|
|
بۇ يازمىنى ئاخىرىدا almac تەھرىرلىگەن. ۋاقتى 2014-12-10 20:13
ئالما شىركىتى بۈگۈنiOS 8.1.2 سىستېمىسىنى رەسمىي ئېلان قىلدى
تېڭشۈن تورى خەۋىرى، نۇر تورى تەرجىمىسى:
ئالما شىركىتى بۈگۈن سىستېما نەشىرىنى يېڭىلاپ، iOS 8.1.2 نۇسخىسىدىكى يېڭى سىستېمىنى ئېلان قىلغان، بۇ قېتىم يېڭىلانغان سىستېما ئاساسلىقى ئىلگىرى ساقلانغان iTunes ئارقىلىق سېتىۋىلىنغان مۇزىكىلىق قوڭغۇراقنىڭ سەۋەبسىز يوقاپ كېتىشى قاتارلىق مەسىلىلەرگە قارىتا تۈزىتىش كىرگۈزگەن ئىكەن، نۆۋەتتە جۇڭگو رايونىدىكى ئابونتلار بۇ سىستېمىغا يېڭىلاش ئۇقتۇرۇشىنى تاپشۇرۇۋالغان.بۇ قېتىم يېڭىلانغان سىستېما تۆۋەندىكى ئالما ئۈسكۈنىلىرىنى قوللايدىكەن:
·iPhone4s、iPhone 5、iPhone 5c、iPhone 5s、iPhone 6、iPhone 6 Plus·iPad 2、iPad 3、iPad 4、iPad mini、iPad Air、iPad mini 2、iPad Air 2、iPad mini 3 ۋە iPod touchبەشىنچى ئەۋلاد
ئىلگىرىكى بىلەن ئوخشاشلا، ئالما شىركىتى ئابونتلارنى سىستېما يېڭىلاشتىن بۇرۇن، ئالاقىدار ئۇچۇرلارنى ئالدىن زاپاسلىۋىلىشقا ئەسكەرتكەن، بۇنداق بولمىغاندا سانلىق مەلۇماتلار يوقاپ كېتىش مۇمكىنچىلىكى كۆرۈلىدىكەن.
تورداشلارنىڭ ئېيتىشىچە، ئالما iOS 8 سىستېمىسىنىڭ كىرگۈزگۈچ قىسمىدا خاتالىق باركەن، يەنى iMessage ئارقىلىق قارشى تەرەپكە ئۇچۇر يوللىغاندا، خەنزۇچە «چوڭ» دىگەن سۆزنى كىرگۈزگەندە، خەت كىرگۈزگۈچ تۇيۇقسىز تاقىلىپ قالغان، ئەپسۇسلىنارلىق يېرى، بۇ خىل Bug ئالما شىركىتى بۈگۈن ئېلان قىلغان iOS 8.1.2 سىستېمىسىدىمۇ يەنىلا مەۋجۇت ئىكەن.
ئالما شىركىتىنىڭ iOS 8.1.2 نى ئېلان قىلىشى iOS 8 سىستېمىسىنىڭ ئالما شىركىتى تارىخىدىكى يېڭىلاش قېتىم سانى ئەڭ كۆپ بولغان بىر مەشغۇلات سىستېمىسى ئىكەنلىكىنى يەنە بىر قېتىم ئىسپاتلاپ بەرگەن. سىستېمىدا ساقلانغان Bug لار ئۈزۈلمەستىن ئوتتۇرىغا چىقىۋاتقان بولغاچقا، ئالما شىركىتى بۇ سىستېمىنى 9-ئايدا ئېلان قىلغاندىن باشلاپ، داۋاملىق تۈردە ئۇنىڭدىكى خاتالىقلار تۈزەش بىلەن ئاۋارە بولغان. يەنە بىر ئۇچۇردا دىيىلىشىچە، WatchKit گە ماسلاشتۇرۇلغان نۇسخىدىكى iOS 8.2 سىستېمىسىمۇ ئۇزۇنغا قالماي ئېلان قىلىنىدىكەن، قارىغاندا ئالما شىركىتى يىقىندىن بۇيان سىستېما ئېچىش بىلەنلا ئالدىراش يۈرۈۋاتقان ئوخشايدۇ.
نۇر توردىن ئېلىندى |
|
دېۋان تالىشىش
