ئامازون جۇڭگوغا بىۋاسىتە مال سېلىش مۇلازىمىتىنى يولغا قويىدۇ

10-ئاينىڭ 29-كۈنى ئامازون بېيجىڭدا چەتئەلدىكى تور بېكەتلىرىدىن جۇڭگوغا بىۋاسىتە مال ئەۋەتىش مۇلازىمىتىنى يولغا قويىدىغانلىقىنى ئېلان قىلدى. ئىگىلىنىشىچە, ئامازون خەنزۇچە «چەتئەلدىن مال سېتىۋېلىش» (海外购) تور بېكىتىنى سىناق تەرىقىسىدە يولغا قويىدىكەن.
كېلىش ئالدىدىكى «11-ئاينىڭ 11-كۈنى» مەزگىلىدە, ئامازون جۇڭگو  تور بېكىتى 300 دىن ئارتۇق خەلقئارالىق ماركا بىلەن بىرلىشىپ سېتىشنى تېزلىتىش پائالىيىتى ئېلىپ بېرىش بىلەن بىر ۋاقىتتا, شۇ كۈنىدىن باشلاپ ئامازون ئامېرىكا, گېرمانىيە, ئىسپانىيە, فىرانسىيە, ئەنگلىيە ۋە ئىتالىيە تور بېكەتلىرى جۇڭگوغا بىۋاسىتە مال ئەۋەتىش كەسپىنى ئېچىۋېتىدىكەن. ئىستېمالچىلار ئامازوننىڭ چەتئەلدىكى ئالتە چوڭ تور بېكىتىدىن 25 مىليون خىل ئامېرىكا مېلى, 12 مىليون خىل گېرمانىيە مېلى, 12 مىليون خىل ئىسپانىيە مېلى, 10 مىليون خىل ئەنگلىيە مېلى, 8 مىليون خىل ئىتالىيە مېلىنى ئۆز ئىچىگە ئالغان 80  مىليون خىلدىن ئارتۇق  مالنى تاللاپ سېتىۋالالايدىكەن.   بۇ ماللار ئاياغ, كىيىم-كېچەك, ئانا-بالىلار بۇيۇملىرى, ساغلاملىق ئوزۇقلۇقلىرى ۋە شەخسىي پەرۋىش بۇيۇملىرىنى ئۆز ئىچىگە ئالىدىكەن.
ئامازوننىڭ چەتئەلدىن بىۋاسىتە مال ئەۋەتىش مۇلازىمىتى ئىستېمالچىلارنىڭ ماللارنى  تاموژنىدىن ئۆتكۈزۈش رەسمىيەتلىرىنى ئاددىيلاشتۇرۇپ بېرىدىكەن. يېقىندا ئامازون ئامېرىكا تور بېكىتى جۇڭگوغا بىۋاسىتە مال ئەۋەتىش ھەققىنى تۆۋەنلەتكەن, مال يەتكۈزۈش ۋاقتىنىمۇ زور دەرىجىدە قىسقارتقان بولۇپ, ماللارنىڭ ئوتتۇرىچە يەتكۈزۈلۈش ۋاقتى 9-15 كۈنگىچە, ئەڭ قىسقا بولغاندا 3 خىزمەت كۈنىدە ئىستېمالچىلارنىڭ قولىغا يەتكۈزۈپ بېرىلىدىكەن.
مەنبە:ئەرقال تاراتقۇسى

ئاخىرى سۈپەتلىك ماللار بىلەن ئۇچرىشىدىكەنمىز دە

دەپ كەتكەلى بولماسمكى

ئەگەر ھەقىقەتەن شۇنداق بولدىغان بولسا ،ياخشى بولاتتى  .

سىتۋىلىش ئادرىسىنى يوللاپ قۇيۇڭە

ئامازون نىڭ ماللىرى تاۋباۋ تورىدىكى ماللاردىن جىڭ چىقارمۇ