ئوقۇغۇچى گۈزەلنۇرنىڭ ھاياتى جىددى ياردەمگە مۇھتاج!

[مۇراجەتنامە
جەمىيەتتىكى كەڭ ساخاۋەت ئىگىلىرى ۋە مېھىر-شەپقەت يەتكۈزگۈچىلەر سەمىگە:
ئاقسۇ شەھىرى قاراتال بازارلىق ئوتتۇرا مەكتەپنىڭ 8-يىللىق 1-سىنىپ ئوقۇغۇچىسى گۈزەلنۇر ئەخمەت 16-كەنت 4-دۈيدىن بۇلۇپ، بۇ يىل 15 ياشقا كىرگەن ئىدى. 2011-يىلى 7-ئايدا بۆرەك زەئىپلىشىش كېسىلى بىلەن ئاپتونۇم رايونلۇق تىببى ئىنىستىتوت دوختۇرخانىسىدا داۋالانغان بولسىمۇ، كېسەللىك ئەھۋالى ياخشىلانماستىن بۆرەك ئالماشتۇرۇش ئوپىراتسىيەسى قىلىشقا توغرا كەلدى. گۈزەلنۇرنىڭ ئاتا-ئانىسى دېھقان بۇلۇپ، ئاران 10 تېرىلغۇ يېرى بار بولغاچقا، ئىقتىسادى ئەھۋالى ياخشى بولماسلىق سەۋەبىدىن نۆۋەتتە بۇ سەبى ئوقۇغۇچىنىڭ ھاياتى خەۋىپ ئىچىدە تۇرماقتا.
تۈنۈگۈن مەن ئاقسۇ ۋېلايەتلىك 1-خەلق دوختۇرخانىسىغا بېرىپ، گۈزەلنۇرنىڭ  ئەمىلى ئەھۋالىنى ئۆز كۈزۈم بىلەن كۆردۈم. ئۇ ھازىر بىر ئادەم يۆلەپ تۇرمىسا ياتالمايدىكەن. ئاغرىق ئازابىدىن بىچارە قىز كېچىچە ئۇخلىماي چىقىدىكەن. بۈگۈن ئەتىگەندە بارغىنىمدا، بۇ مەسۇمە قىز بىچارە ھالەتتە ياتقان بۇلۇپ، مەسئۇل دوختۇرى بىلەن كۈرۈشسەم، دەرھال ئۈرۈمچىگە يۆتكىمىسە خەتەرلىك ئاقىۋەت كېلىپ چىقىدىغانلىقىنى ئېيتىپ، دوختۇردىن چىقىش رەسمىيەتلىرىنى پۈتتۈرۈپ قويغان ئىكەن. مەن كۆڭلۈم ئىنتايىن بىئارام ھالدا، بۇ سىڭلىمىز ۋە ئائىلىسىدىكىلەر بىلەن خوشلۇشۇپ يېنىپ چىقتىم.
نۆۋەتتە بازارلىق ھۆكۈمەت باشلىقى بۇ ئىشقا يۈكسەك ئەھمىيەت بېرىپ مەكتەپ بىلەن بىرلىكتە جەمئىيەتتىن، مەكتەپلەردىن، ئىدارە ئورگانلاردىن 30000 يىۋەندەك ئىئانە يىققان بولسىمۇ، لېكىن بۇ پۇل بۆرەك ئالماشتۇرۇشقا كېرەكلىك بولغان 200 نەچچە مىڭ يىۋەنگە كېپىل بولالمايدۇ.
مەن دوختۇرخانىغا بېرىپ مەزكۇر ئوقۇغۇچىنىڭ مۇناسىۋەتلىك ئىسپاتلىرىنى ئالغاندىن كېيىن، بۇ ئۇچۇرلارنى تورغا يوللىدىم.
بەلكىم سىزنىڭمۇ سىڭلىڭىز باردۇ، ۋە بەلكىم سىزنىڭمۇ قىزىڭىز باردۇ. ئازغىنە ياردىمىڭىز سەۋەپلىك كۈنلەرنىڭ بىرىدە سىزنىڭمۇ ئاشۇ ھەمشىرلىرىڭىز باشقىلارنىڭ ياخشىلىقىدىن بەھىر ئالسا ئەجەپ ئەمەس.
جەمئىيەتتىكى كەڭ ساخاۋەت ئىگىلىرى، مېھرى-شەپقەت يەتگۈزگۈچىلەر، ئاقكۆڭۈل قېرىنداشلار،مېھرىبان ئاتا-ئانىلار، ئاكا-ھەدىلەرنىڭ بۇ سەبى سىڭلىمىز، قېرىندىشىمىزغا مېھرى مۇھەببىتىمىزنى ئاتا قىلىپ، ئۇلارنىڭ ئىقتىسادى قىينچىلىقىغا تامچە بولسىمۇ ياردەم قىلىپ، بۇ ئوقۇغۇچىمىزنىڭ ھاياتىنى قۇتقۇزۇشقا قاتنىشىشىڭلارنى تەۋسىيە قىلىمەن ۋە گۈزەلنۇرنىڭ ئاتا-ئانىسى، گۈزەلنۇرغا ۋاكالىتەن ئۆتۈنۈپ سورايمەن.
گۈزەلنۇرنىڭ دادىسىنىڭ تېلېفون نومۇرى:
13999075460
سىنىپ مۇدىرى: ئايتىللا
تېلېفون : 13779419085

ئىئانە قىلغانلار تىزىملىكى ئايرىم ئېلان قىلىندۇ.
گۈزەلنۇرنىڭ سالامەتلىك ئەھۋالى داۋاملىق تورداشلارغا يوللىنىدۇ...

دوختۇرخانا ئىسپاتى ۋە بۇ قېرىندىشىمىزنىڭ رەسىملىرىنى تۆۋەندىكى ئۇلانمىدىن كۈرۈڭ
http://www.maxal2010.com/forum.php?mod=viewthread&tid=847

ئاللا شىپالىق بەرسۇن

ئاللاھ  شىپالىق بەرسۇن      

ئاللا بۇ سىڭلىمىزنىڭ كېسىلىگە شىپاتلىق بەرگەي، نامىزىمىزدا خالىس دۇئا قىپ قويايلى!  قولىمىزدىن كېلىشىچە ياردەم قىپ قويايلى قېرىنداشلار

ئاللاھ  شىپالىق  بەرسۇن  

مېھرىبان ئاللاھ ئۇ مەسۇمە سىڭلىمىزغا نىجاتلىق،سالامەتلىك،ئۇزۇن ئۆمۈر ئاتا قىلغاي.....
دوختۇرخانىلارمۇ ھازىر كېسەللەرنىڭ ئاغرىق ئازابىدىن جېنى قاتتىق قاقشاپ بولالمايۋاتقانلىقىدىن پايدىلىنىپ،پۇلنى قاراقچىلارچە(قاراقچىدىنمۇ ۋەھىشىيراق) ئالىدىغان بولۇپ كېتىۋاتىدۇ.مۇشۇنداق ئامالسىز قالغان بىچارىلەرگە بولسىمۇ بىر ئاز ئىنساپ قىلسا بولاتتىغۇ.....

سىڭلىمىزنىڭ كىسىلىگە ئاللاھ شىپالىق بەرسۇن  !!!!!! ھەي..... دۆلىتىمىزدە قاچانمۇ داۋالىنىش ھەقسىز بۇلار

مەنچە بالىنىڭ كېسىلى بەك ئېغىردەك قىلىدۇ ،قىسقا ۋاقىت ئىچىدە شۇنچە كوپ ئىئانە پۇلنى توپلاش سەل قىيىن . شۇڭا ھەممەيلەن تەڭ كۈچ چىقارساق ، ئۇنىڭدىن باشقا مۇشۇ يېقىندا بىر ياخشى خەۋەرنى ئاڭلىغان ئىدىم ، 16ياشتىن توۋەن بالىلارنى داۋالىتىش توغرىسىدا ، بۇ قىزنىڭ ئاتىسى بىلەن دەرھال ئالاقىلىشىپ باقاي.

16 ياشتىن تۆۋەنلەرگە ياردەم بېرىلدىغان چىڭلۇڭنىڭ بۇ فۇندى بىلەنمۇ ئالاقىلەشتۇق. تېلېفوننى ئېلىپ، گەپنى باشلاپ بولغۇچە پائالىيەت ئاخىرلاشتى دەپ تېلېفوننى قۇيۇۋېتىشتى.