قارىسام بۈگۈن 2345 دېگەن تور كۆرگۈچنى ياسىغانلارنىڭ "بىخەتەرلىك قاراۋۇلى" تارقىتىلىپتۇ. ۋىندوۋس8 چىققاندىن بېرى ئىزچىل تۈردە سىستېما ئۆزى تەمىنلىگەن ۋىرۇسخورى بولغان Windows Defender نى ئىشلىتىپ كېلىۋاتقان ئىدىم. قارىسام بەك پو ئاتقاندەك تۇيۇلدى. مانا ئەمىسە كومپيۇتېرىمغا چۈشۈرۈپ قاچىلىدىم(سىستېمام Windows 10). بىرىنچى قەدەمدە بۇ يۇمشاق دېتال كومپيۇتېرىڭىزغا قارىتا تەكشۈرۈش ئېلىپ بارىدىكەن. مېنىڭكىگە 100 نومۇر قويۇپتۇ(ئەلۋەتتە شۇنداق بولىشى كېرەكتە).
ئىككىنچى قەدەمدە بۇنىڭ "ياغاچ ئات" ۋىرۇسىنى ئىزدەپ تاپقۇزۇپ بېقىش ئۈچۈن تەكشۈرتۈشنى باشلاتقۇزۇۋەتتىم. ھىم، يوش!!! 51 مىنۇت سەرپ قىلىش ئارقىسىدا كومپيۇتېرىمنىڭ C دىسكا رايونىدىن "ئاتالمىش ياغاچ ئات" ۋىرۇسىنى ئىزدىدىيۇ، ھېچنېمە تاپالمىدى. دېمەك بۇنىڭ سەۋەبىنى تۆۋەندە سىلەر بىلەن ئورتاقلىشىپ ئۆتىمەن.
1. مەن سۆزۈمنىڭ بېشىدا دېگەندەك سىستېما ئۆزى تەمىنلىگەن ۋىرۇسخور Windows Defender نى ئىشلىتىمەن، شۇنداقلا ئۇنىڭ ۋىرۇس يېڭىلىنىش ئامبىرىنى ئۆزلۈكىدىن يېڭىلىنىدىغان قىلىمەن.
2. سىستېمىنىڭ Windows Opdate ئىقتىدارىنى ئېچىۋېتىمەن، شۇنداقلا ئۆزلۈكىدىن يېڭىلىنىدىغان قىلىمەن. چۈنكى ئىنسان قىلغان ھەرقانداق نەرسىدىن مەسىلە چىقىدۇ، شۇڭا سىستېمىدىن كۆرۈلگەن مەسىلىلەر ۋە يوچۇقلار مۇشۇ "ياماق ياماش" ئىقتىدارى ئارقىلىق ھەل قىلىنىپ ماڭىدۇ.
يۇقىرىقى ئىككى ئامالنىڭ پايدىلىق تەرىپى شۇكى:
بىرىنچىدىن سىستېمىنىڭ ئۆزى تەمىنلىگەن ۋىرۇسخورى كۈندە دېگۈدەك يېڭىلىنىپ تۇرىدۇ. شۇ ئارقىلىق خاككېرلارنىڭ كومپيۇتېرىمىزغا ۋىرۇس ھۆججىتى كىرگۈزۈۋېتىشىنىڭ ۋە كومپيۇتېرىمىزغا ھۇجۇم قىلىشىنىڭ ئالدىنى ئالالايمىز.
ئىككىنچىدىن يېڭىلانمىلارنى ياماپ تۇرغاندا سىستېمىنىڭ تېخىمۇ بىخەتەر، ئىجرا بولۇش ئۈنۈمىنىڭ يۇقىرى ھەمدە ھەممىدىن مۇھىمى سىستېمىدىكى ۋە يۇمشاق دېتاللاردىكى بەزى يوچۇقلاردىن خاككېرلارنىڭ يامان غەرەزدە پايدىلىنىپ كېتىشىنىڭ ئالدىنى بىر قەدەر ياخشى ئالغىلى بولىدۇ.
ئۈچىنچىدىن: 360، بەيدۇ ۋە ماۋۇ 2345 دېگەندەكلەرنىڭ قوشۇمچە يۇمشاق دېتاللىرى تەڭ قاچىلىنىپ، كومپيۇتېرنىڭ سۈرئىتى ۋە قوزغىلىشىغا تەسىر يەتكۈزۈشىنىڭ ئالدىنى خېلى ياخشى ئالغىلى بولىدۇ. دېمەك سىز ۋىندوۋسنىڭ ۋىرۇسخورى ئارقىلىق بىر چالمىدا بىر نەچچە پاختەك سوقتىڭىز دېگەن گەپ.
Windows Defender نى چۈشۈرۈش ئادېرسى: بېسىڭ
| 
دېۋان تالىشىش
