380V تىرانسفورماتورلۇق ئىئونلۇق كىسىش ماشنىسى

   مۇشۇ كۈنلەردە سەل ئالدىراش بولساممۇ بىر ئەمىلى قوللىنىشچان تېخنىكىنى يوللاپ قۇيۇشنى مۇۋاپىق كۆردۈم. ھازىر جەمىيتىمىزدە كۈپىنچە ھاۋانى پىرىسلاپ شۇ ھاۋا ئىقىمىدىن پايدىلىنىپ مىتاللارنى كىسىدىغان ئەسۋاپلارنى ئۇچرىتىپ تۇرىمىز، بۇرۇن مەن ‹‹ئىلىكتىرىك كەپشەر ۋە ئىئونلۇق كىسىش ماشنىسى ›› دىگەن تىمىنى يوللىغان ئىدىم. ئۇ تىمىدىكىسى يۇقىرى چاستوتىلىق قوزغىتىلغان كىسىش ماشنىسى ئىدى. ئەتىگەن بىر ئىش بىلەن ئۇستامنىڭ ئۈيىگە بارغىنىمدا 380 ۋولىتلىق تۇراقسىز توكتا ئىشلەيدىغان ئادەتتىكى تىرانسىفورماتورلىق چوڭ قۇۋۋەتلىك كىسىش ماشنىسى  باركەن،  قاراپ باقسام ئىش پرىنسىپى بەك ئاددى ئىكەن.


  بۇنىڭدا ئۈچ فازىلىق 380 ۋولىت بىسىمنى ئايرىغۇچى تىرانسىفورماتور ئارقىلىق 220 ۋولىتلىق چوڭ ئىقىملىق ئۈچ فازىلىق بىسىمغا ئايلاندۇرۇپ، ئالتە تال ئىككى قۇتۇپلۇق لامپىدا رەتلىگەندىن كىيىن ب 6 يۇقىرى چاستوتىلىق تىرانسىفورماتوردا(ئەمىليەتتە ب 2 تىرانسىفورماتور بىلەن ئىككىسى بىر) يۇقىرى چاستوتىلىق سىگنال بىلەن بىر قىسمىدا سۇقما يۇقىرى بىسىم ھاسىل قىلىپ شۇ ئارقىلىق كىسىش بىشى ئىچىدىكى بوشلۇقتا ئاجىز ئۇچقۇن ھاسىل قىلىدۇ، ئاندىن قىزىتىلغان ھاۋا 215 ۋولىتلىق تۇراقلىق توكنى ئۈتكۈزۈشكە باشلاپ تىخىمۇ قىزىپ نورمال ئۈتكۈزۈشچان ھالەتكە( چوڭلېرىدا تىمپىراتورىسى 8000 گىرادوسقا يىتىدۇ) ئۈتىدۇ. بۇ تەرپى مىنىڭ تۇراقلىق توكتا كۈن نۇرلۇق لامپا يورۇتۇش . دىگەن تىمامدىكىدەك، نىونلۇق لامپىنى يورۇتۇشقا ئۇخشاپ كىتىدىكەن. نىونلۇق لامپىدا نىون گازىنى قىزىتىپ ئاندىن سۇقما توكنىڭ پەيىتلىك يۇقىرى بىسىمىدا گازنى ئۈتكۈزۈشچان ھالەتكە كىرگۈزىدۇ. بۇنىڭدا بولسا يۇقىرى بىسىم بىلەن ئۈتىۋاتقان ھاۋانى ئۈتكۈزۈشچان ھالەتكە كىرگۈزىدۇ.

  يۇقارقى ئىككى تىمىدا تەۋرىنىش سىگنالىنى لامپا ۋە توپلاشتۇرغان توك يوللېرى ھاسىل قىلغان ئىدۇق، بۇنىڭدا بولسا باشقىچە، يەنى يۇقىىرى چاستوتىلىق تەۋرىنىشنى ھاسىل قىلىدىغىنى بولسا ئايرىم بىر 2500 ۋولىتلىق توك ھاسىل قىلىدىغان تىرانسىفور تەييارلىنىپ ،  (بىرىنچى رەسىمنىڭ ئاستىنقى قىسمى)  ئۇچقۇن ھاسىل قىلىش(مەلوم بىسىمغا يەتكەندە ئۇچقۇن ھاسىل بۇلۇش بىلەن بىرگە ھاسىل بولغان ئۇچقۇن تەسىرىدىن ئىككى مىتال ياپراقچە ئارسىدىكى ھاۋانىڭ ئۈتكۈزۈشچانلىقى ياخشىلىنىپ توك بىسىمىنى تۈۋەنلىتىۋىتىدۇ، ئاندىن بىسىم چۈشكەندە ئۈزۈلۈش ھالىتىگە كىرىدۇ. شۇنداق قايتىلاپ تەكرارلىنىشىغا بەك قىسقا ۋاقىت كەتكەچكە چاستوتىسى تەخمىنەن 25 كىلو گىرتىس ئەتراپىدا بۇلىدۇ. شۇنىڭ بىلەن بىرگە بۇ يەردىكى يۇقىرى چاستوتىلىق ئىلىكتىر دۇلقۇنى س12 كوندىساتوردىن ئۈتۈپ ب 2 ئىنچىكە سىملىق ئورامدىن ب 6 ئورامغا ئىندوكسىيلىنىپ ب6 ئورامدا پەيىتلىك يۇقىرى بىسىم ھاسىل قىلىدۇ. دىققەت قىلىشقا تىگىشلىكى شۇكى 2500 ۋولىت يۇقىرى بىسىم ئۇچقۇنلىنىدىغان ئىككى مىتال ياپراقچىنىڭ ئارلىقىنى خالىغانچە ئۆزگەرتىشكە بولمايدۇ، يىراقلاپ كەتسە ھاسىل بۇلىدىغان تەۋرىنىش چاستوتىسى تۈۋەنلەپ كىتىدۇ ۋە كىسىش بىشىدىكى 215 ۋولىت توكنىڭ كىسىش بىشى ئىچىدىكى ھاۋا ئىقىمىدىن ئۈتىشى تەسىرگە ئۇچرايدۇ. يىقىن بۇپ كەتسە 2500 ۋولىت توك ھاسىل قىلىدىغان تىرانسىفورماتورنىڭ يۈكى ئىشىپ كىتىپ كۈيۈپ كىتىدۇ.
  ئەمدى بۇ يەردە نىمە ئۈچۈن 215 ۋولىت توكنى رەتلەپ تۇراقلىق توكقا ئايلاندۇرىدىغانلىقىمىز ئۈستىدە تۇختالساق چۈشىنىشلىك بۇلىدۇ. ئەگەردە كىسىش بىشى ئىچىدىكى ھاۋانى ئۈتكۈزۈش ھالىتىگە كىرگۈزۈشتە تاينىدىغان يۇقىرى بىسىم ئۇچقۇن تەتۈر يىنىشتىن ساقلايدىغان ئىككى قۇتۇپلۇق لامپا بولمىغان ھالەتتە بىۋاستىلا 215 ۋولىت توك ھاسىل بۇلىدىغان ئورامدا قىسقا يول بۇلۇپ كىسىش بىشى ئىچىدە ئۇچقۇن ھاسىل قىلىش مەقسىدىمىزگە يىتەلمەيمىز. شۇڭا ئىككى قۇتۇپلۇق لامپا بىسىمى 2000ۋولىتتىن يۇقىرى تەتۈر بىسىمغا چىدىيالايدىغان بۇلىشى ھەم تىرانسىفورماتورغا ئورالغان 215 ۋولىتلىق ئوراممۇ تۈمۈر ئۈزەك چە باشقا توك ئۈتكۈزىدىغان دىتاللاردىن يۇقىرى دەرىجىدە ئىزۇلياتسىيلىنىشى كېرەك. مەنمۇ بۈگۈن مۇشۇ خىلدىكى كىسىش ماشنىسىنى كۆرگەندىن كىيىن بۇرۇن يازغان تىمىدىكى يۇقىرى چاستوتىلىق كىسىش ھالىتىدىمۇ ئەمىليەتتە توك يۇلى تاختىسىدىكى ئۇچقۇنلىتىش بولمىسا كىسىش بىشى ئىچىدە ئۇچقۇن ھاسىل بولمايدىغانلىقىنى بىلدىم.

مەن ئۇزۇندىن بىرى مۇنداق بىر ئشنى ئويلاپ كەلگەن ئىدىم يەنى. توك سىكىلىتقا يۇقىرى بىسىمدا توك چىقىرالايدىغان دىنام(فادىيەنجى)ئورۇنلاشتۇرۇپ توك سىكىلىت ماڭغاندا ئۆزىنى ئۆزى توك بىلەن تەمىنلىيلەيدىغان قىلىشنى ئويلاشقان لىكىن سەۋىيەمنىڭ چەكلىكلىكى  ۋاقتىمنىڭ قىسلىق سەۋەپلىك بۇ ئىشلا ئۈچۈن ئزدىنىپ بولاممىدىم.بۇ خىيالىم ئەخمىقانىلىكمۇ ياكى ئەمەلگە ئاشامدۇ بىلمىدىم. مۇشۇ توغرىسىدا تەجىربىسى با ئىلىكتىر ئۇستاملا ھەم قىزىققۇچىلا بوسا ئورتاقلاشساق.

Sinak Enakas

پايدىلىق تىما ئىكەن،مەنغۇ بەكمۇ چۇشنىپ كەتمىدىم

مەن ئۇزۇندىن بىرى مۇنداق بىر ئشنى ئويلۇشۇپ كەلگەن ئىدىم. يەنى توك سىكىلىتقا يۇقىرى بىسىمدا توك چىقىرالايدىغان دىنام(فادىيەنجى)ئورۇنلاشتۇرۇپ توك سىكىلىت ماڭغاندا

anwar26 يوللىغان ۋاقتى  2014-10-15 00:03
مەن ئۇزۇندىن بىرى مۇنداق بىر ئشنى ئويلاپ كەلگەن ئىدىم  ...

ئۇندا  قىلغىلى  بولماسمىكى  چىقارغان توك  توك  چىقرشقا كەتكەن توكتىن  ئاز  بوپ  قالامكى

anwar26 يوللىغان ۋاقتى  2014-10-15 00:03
مەن ئۇزۇندىن بىرى مۇنداق بىر ئشنى ئويلاپ كەلگەن ئىدىم  ...

پەقەت تورمۇزلىغاندا ۋە ئويمانغا ماڭغاندا سۈرئەت چەكلىگەندە توك چىقىرىپ زەرەتلىسە بۇلىدۇ، ئايرىم گىنراتور ئورناتسا تەننەرخى ئىشىپ كىتىدۇ، ھازىر ئىشلىتىۋاتقان چۇتكىسىز ئىلىكتىرماتورلاردا توك چىقمايدۇ، چۇتكىلىقىدا چىققان توكنى دس-دس توك يۇلى بىلەن بىسىم ئاشۇرۇپ زەرەتلەشكە ئىشلەتسە بۇلىدۇ.

anwar26 يوللىغان ۋاقتى  2014-10-15 00:03
مەن ئۇزۇندىن بىرى مۇنداق بىر ئشنى ئويلاپ كەلگەن ئىدىم  ...

قايتىلىنىپ كىتىپتۇ.

بۇ كىسىش ماشىنىسىنىڭ ئىلىكتىرىك پىرىنسىپلىرىنى ئانچە چۈشەنمەيتىم، بۈگۈن كۈزۈم ئېچىلىپ قالدى، مەن بۇ نەرسىنى ئىشلىتىۋاتقىلىمۇ 3 يىل بوپ قاپتۇ بىراق ئىشلىتىشنىلا  بىلىدىكەنمەن، رەھمەت سىزگە ئابلىمىت ئەپەندىم، مۇشۇنداق پايدىلىق يازمىللىرىڭىزنى داۋاملىق كۈرۈپ تۇرۇشنى ئۈمىت قىلىمەن

ھېلىمۇ موتوسىكىلىت ئۆزىنى ئۆزى توك بىلەن تەمىنلەيدىغۇ،چىقارغان توك بېسىمى  ئېشىپ كەتسە لامپا ۋە ئاكىمىلىياتورنى كاردىن چىقىرىدۇ،سىز دىمەكچى موتوسىكىلىت مەلۇم سۈرەتكە چىققاندا ئۆزىنى ئۆزى توك ئارقىلىق دىيەنجىنى ھەركەتلەندۈرۈش ئارقىلىق ماڭىدىغان قىلىمەن دىمەكچىمۇ يا

Koc_DЁgiz يوللىغان ۋاقتى  2014-10-15 22:13
ھېلىمۇ موتوسىكىلىت ئۆزىنى ئۆزى توك بىلەن تەمىنلەيدىغۇ ...

موتۇ سىكىلىتقۇ توك چىقىردۇ لىكىن مىنىڭ دىگىنىم توكسىكىلىت. سىز دىگەندەك مەلۇم سۈرەتكە چىققاندا توك چىقىردۇ دىسەك سۈرئەتنىڭ ئوخشاش بولماسلىق بىلەن چىقارغان توك بىسىىممۇ ئوخشاش بولمايدۇ بۇنىڭدا توك قاچىلاش ئۈنۈمىگە ئرىشەلمەيمىز. ئەگەر 48 ۋات ئەتراپىدا توك چىقىرالايدىغان دىنام(فادىيەنجى)دىن بىرسى بولسا  بۇنۇڭغا 12ۋات ئەتراپىدا توك بىلەن يەنى بىر ئاكۇمۇلياتۇرنڭ توك بىسىمىدا ھەركەتلىنەلەيدىغان تىرانسىفۇر ماتۇر(دىيەنجۈ)بولسا بۇ ئارقىىلىق دىنامنى ھەركەتلەندۈرسەك دىنامدىن 48 ۋات توك چىقسا بۇ توك بىلەن توك سىكىلىتنىڭ ئۈزىنى ئۈزى زرەتلەپ مىڭىشىنى ئىشقا ئاشۇرغىلى بولاتتى ئۇ چاغدا  توك سىكىلىت مىنىپ ھەرگىز يولدا قالمايتۇق. لىكىن بۇ مىنىڭ خىيالىم شۇنۇڭغا كىرەكلىك ماتىرياللارنى تاپقىلى بولامدۇ يوق بىلىمىدىم.

anwar26 يوللىغان ۋاقتى  2014-10-15 23:00
موتۇ سىكىلىتقۇ توك چىقىردۇ لىكىن مىنىڭ دىگىنىم توكسى ...

ئۇلۇقۋار پىلانىڭىز ئەمەلگە ئاشقان بولسا ‹‹مەڭگۈلۈك دىۋىگاتىل›› دىگەن ئۆزى شۇتى.ئاۋۇ ‹‹ۋات›› دىگىنىڭىز خاتا بوپ قاپتۇ. ئەسلى ‹ۋولت› v ئېلىكتېر بېسىمى دىسەك توغرا بولاتتى.

anayurt123 يوللىغان ۋاقتى  2014-10-16 00:10
ئۇلۇقۋار پىلانىڭىز ئەمەلگە ئاشقان بولسا ‹‹مەڭگۈلۈك د ...

ئەسكەرتكىنىڭىزگە كۆپ رەھمەت. مەن ئلكتىر ساھەسىدە بىر ھەۋەسكار قىزىققۇچى خالاس بۇ جەھەتتە كۆپ بىلىمىم ئەملىى تەجىربەممۇ يوق.ياسىغانلىرىمدىن بۇزغانلىرىم كۆپرەك. ماي موتۇ مىنسەم تۇتۋالدۇ. ماشىن ھەيدەي دىسەم پىراۋا يوق. توكسىكىلىت مىنسەم يولا قويىدۇ. شۇگا توكى تۈگمەيدىغان موتۇسكىلتىم بوسا دەپ ئارزۇ قىلاتتىم. ئەلۋەتتە بۇ پىلاننى ئشقا ئاشۇرۇش ئۈچۈن كىتەرلىك ماتىريال ھەم شۇنداقلا يىتەرلىك بىلىم كاللاك كىتىدۇ. بۇنى قىلالايدىغانلا ئۈچۈن بەلكىم تەسمۇ ئەمەستۇ. بۇدىن بۇرۇنمۇ  ئۇيغۇرلىرىمىز يەل بىلەن ماڭىدىغان موتۇ. سۇ بىلەن ماڭىدىغان ماشىنا. ئىنىرگىيەسىز ئۇچىدىغان ئايرۇپىلان دىگەندەكلەرنى ياسىغان.  لىكىن دۆلىتىمىز بۇنداق پۇللۇق ئىنرگىيە سەرىپ قىلمايدىغان قاتناش ۋاستىلىرىنى قوللىمايدۇ. شۇڭا بۇنى ئۈزىمىز ياساپ ئادەتتىكى تۇرمىشىمىزدا ئىشلەتسەك بولىدۇ. ئەگەر بۇ پىلان ئەمەلگە ئىشىپ قالسا سىز دىگەندەك مەڭگۈلۈك دىېگاتىل بولاتتى ھەم بۇنىڭ   قوللىنىشچالىقى كۆپ بوغان  بولاتتى.

anwar26 يوللىغان ۋاقتى  2014-10-16 11:24
ئەسكەرتكىنىڭىزگە كۆپ رەھمەت. مەن ئلكتىر ساھەسىدە بىر  ...

دىگەنلىرىڭىز دۇرۇس. ھېلىقى قەشقەرلىق دېھقان ئۇيغۇر يىگىتى ياسىغان بىر يۈرۈش ھاۋانى يېقىلغۇ قىلىپ ئايلىنىدىغان ماتۇر، سۇ ئارقىلىق ھەركەتلىنىدىغان ماتۇر .... دىگەندەكلەرگە پاتېنىت ھوقۇقى ئالىدىغان ئىشلار قانداق بوپ كەتكەندۇ؟

anwar26 يوللىغان ۋاقتى  2014-10-16 11:24
ئەسكەرتكىنىڭىزگە كۆپ رەھمەت. مەن ئلكتىر ساھەسىدە بىر  ...

  سىز دىگەنلەرنىڭ ھەممىسى بار، پەقەت شۇ ئۆزىنى ئۆزى توك بىلەن تەمىنلەش دىگەن گەپ ئاقمايدۇ، ئالدى بىلەن سىز ئورۇندۇقتا ئولتۇرۇپ ياقىڭىزدىن تۇتۇپ ئۆزىڭىزنى ئۆزىڭىز كۈتۈرۈپ بىقىڭ، شۇ چاغدا مەن سىزگە مىنسىڭىز تۇختىماي ماڭىدىغان ئەمەس ، ئۇچىدىغان ئايرۇپىلان بىلەن مىڭىشىڭىزغا كاپالەت بېرىمەن.
  ئاۋۇ دۆلىتىمىز قوللىمايدۇ دىگەن بالىلارچە گەپلېرىڭىزگە نىمە دىيىشنى بىلمەي قالدىم.
سىز ئالدى بىلەن سىيەك يېزىسىدىكى ئالىمجاننىڭ قىلغانلېرىنى بۇ يەردىن ئىنكاسلېرى كۆرۈڭ. ئاقماس پاراڭنى ئاز قىلغان ياخشى...