توك پۇلىنى يان تېلېفۇن ئارقىلىق تۆلەش كەسپى يولغا قويۇلدى

يېقىندا، دۆلەت ئېلېكتر تورى ئۈرۈمچى توك بىلەن تەمىنلەش شىركىتى بىلەن جۇڭگو تېلېگرافى شىنجاڭ شىركىتى بىرلىشىپ، توك پۇلىنى يان تېلېفۇن ئارقىلىق تۆلەش كەسپىنى يولغا قويدى. بۇنىڭدىن كېيىن، ئۈرۈمچى شەھىرىدىكى دۆلەت ئېلېكتر تورى ئەقلىي ئىقتىدارلىق IC كارتىسىدىن پايدىلىنىدىغان توك ئىشلەتكۈچىلەر يان تېلېفۇنى ئارقىلىق ھەر ۋاقىت توك پۇلىنى تاپشۇرالايدۇ.

تونۇشتۇرۇلۇشچە، جۇڭگو تېلېگرافىنىڭ يان تېلېفۇن ئارقىلىق پۇل تاپشۇرىدىغان ئابۇنىچىلىرى يان تېلېفۇن ئارقىلىق پۇل تاپشۇرۇش تور پونكىتى ۋە يان تېلېفۇن ئابۇنىچىلار مۇلازىمەت سۇپىسىدىن ئىبارەت ئىككى خىل ئۇسۇلدا ھىسابات نومۇرىنى كىرگۈزۈش ئارقىلىق ئۆز ئۆيىنىڭ توك ئىشلىتىش ئەھۋالىنى ھەر ۋاقىت سۈرۈشتۈرەلەيدىكەن ھەمدە بانكا كارتىسى ياكى «يان تېلېفۇن ئارقىلىق پۇل تۆلەش» ھېساباتىدىكى قالدۇق پۇل سوممىسى ئارقىلىقمۇ ھەر ۋاقىت توك پۇلىنى تاپشۇرالايدىكەن. بۇ كەسپ-- ئاپتونوم رايونىمىزدىكى سۇ، توك قاتارلىق خەلق تۇرمۇشىغا زۆرۈر بولغان ساھەلەردە يان تېلېفۇن ئارقىلىق پۇل تاپشۇرۇش جەھەتتە بۆسۈش ھاسىل قىلغان.

نۆۋەتتە، ئۈرۈمچى شەھىرىنىڭ بېيجىڭ يولى، غەربىي شىمال يولى، جۇڭسەن يولى قاتارلىق جايلىرىدىكى 10 تېلېگراف تىجارەت زالىدا، دۆلەت ئېلېكتر تورى كەسپىدە يان تېلېفۇن ئارقىلىق پۇل تۆلەش مۇلازىمىتىنى ئورۇنلاشتۇرۇش خىزمىتى ئورۇنداپ بولۇندى. بۇنىڭ بىلەن، ئۈرۈمچى شەھىرىدىكى دۆلەت ئېلېكتر تورى ئەقلىي ئىقتىدارلىق IC كارتىسىدىن پايدىلىنىدىغان توك ئىشلەتكۈچىلەر يان تېلېفۇن ئارقىلىق پۇل تۆلەشنىڭ قۇلايلىق مۇلازىمىتىدىن بەھرىمەن بولىدۇ.

ئىگىلىنىشچە، يان تېلېفۇن ئارقىلىق پۇل تاپشۇرۇش-- جۇڭگو تېلېگراف شىركىتى يولغا قويغان بىر تۈرلۈك مۇلازىمەت بولۇپ، جۇڭگو تېلېگرافى ھەر بىر ئابۇنىچى ئۈچۈن «يان تېلېفۇن ئارقىلىق پۇل تاپشۇرۇش» ھېساباتى تەسىس قىلىدىكەن. ئابۇنىچىلار بۇ ھىساباتنى رەسمىي ئاچقاندىن كېيىن، پۇلنى مەزكۇر ھېساباتقا كىرگۈزىدىكەن. دېمەك، بۇنداق بولغاندا ئېنتىرنت تورى، يان تېلېفۇندا تورغا چىقىش، قىسقا ئۇچۇر، ھەمتۈرتكە شەكىلدىكى ئۆز ئارا سۆزلىشىش ئارقىلىق پۇل تاپشۇرۇش قاتارلىق يۈز- تۇرانە مۇلازىمەتسىزمۇ توك پۇلىنى تاپشۇرغىلى بولىدىكەن.                                                                                                                                                                                                                                                    مەنبە : لەگلەك خەۋەر تورى

بەك ياخشى خەۋەر ئىكەن.

بۇنىڭ  ئەپ   نۇسخىسى  بارمىكەن

ئۈرۈمچىنىڭ توك پۇلى تۆلەش ئىشلىرى سەل قالايمىقاندەك ھىس قىلدىم، مەن ئولتاغان ئۆيگە ئىدارىگە بېرىپ توك پۇلى تاپشۇرىدىكەن. توك پۇلى يېغىدىغانلار پەقەت جۇمە ۋە دۈشەنبە كۈنى ئىشلەيدىكەن، ئالدىنقى ئاينىڭ بىر سەيشەنبە كۈنى توك پۇلى تۈگەپ قىلىپ نەچچە كۈن قاراڭغۇدا ئولتاغان.

بەك ياخشى بوپتۇ  قولايلىق

پاھ خوتەندىمۇ شۇنداق بولسا

بۇ ئىشقۇ ياخشى بوپتۇ قېرىندىشىم ، ھازىر كۆپ قىسىم توك سائەتلىرى كارتىلىق بۇلۇپ كەتتى ، توك سائەتنىڭ كارتىسىنى پۇل قاچىلاش ماشىنىسىغا سۇركىمەي تۇرۇپ كارتىغا قانداق پۇل قاچىلىغىلى بولىدىكەن ، توك سائەت كارتىسىغا پۇل قاچىلىغىلى بارساق ، پۇل قاچىلاش ماشىنىسىغا كارتىنى سۇركىمسە كارتىغا پۇل چۇشمەيدىغان تۇرسا ، بولسا  مۇشۇ ھەقتە بىر تەپسىلى چۈشەنچە بىرۋەتكەن بولسىڭىز .

ئۈرۇمچىدلاممۇ يا  شىنجاڭنىڭ ھەممە يىردە بۇلامدىغاندۇ

ئۈرۇمچىنىڭ قىسمەن جايلىردا بولىدۇ تىخى

مەن مۇ بىلمىدىم

تىمىغا مۇناسىۋەتسىزبىرئۈتۈنۈشۇم بارئىدى. بىر-ئىككى سائەتلىك كىنونىڭ ناچار يەرلىرىنى كىسىپ ئېلىۋەتكىلى بۇلۇدىغان ئەپ بولسا تەۋىسسىيە قىلساڭلار

تەنھا886 يوللىغان ۋاقتى  2014-10-10 13:05
بۇ ئىشقۇ ياخشى بوپتۇ قېرىندىشىم ، ھازىر كۆپ قىسىم توك س ...

مەنمۇ ئوخشاش ئويدا ، مەن تېخى يانفۇن ھەققى يىغىدىغان ھەم توك پۇلى تولۇقلايدىغان ئورۇندىن بىرنى ئاچاي دەپ ئويلىشىۋاتقان .

ھازىر يىزىلاردا بەيشېلىيەن  تۇڭسىخەي دىگەندەك ئۇرۇنلاردا تىلفۇن پۇلى ،تۇك پۇلى ،ئايرۇپىلان بىلتى،QQ پۇلى قاتارلىق نۇرغۇن تۇرلەرنىڭ پۇلنى تاپسۇرغىلى بۇلدىقان ئۇرۇن بار، تۇك پولغا كەلگەندە كارتىنىڭ ئۇستىدىكى نۇمۇرنى كىرگۇزۇپلا تۇك پۇلى قاچىلاپ بىرەتتى،

http://www.baishilian.cn/ww.asp    بۇتۇرغا كىرىپ قاراپ بىقىڭلاچۇ دۇسلا مىشادا تۇلىگىلەبۇلامدۇ يە

ئالماس001 يوللىغان ۋاقتى  2014-10-11 02:15
http://www.baishilian.cn/ww.asp    بۇتۇرغا كىرىپ قاراپ بىقىڭلاچۇ دۇسل ...

تەشۋىقات ئۇچۇرىكەن ئۇ