|
|
ئۆيدە خوتۇن بولمىسا
غاجىغىنىڭ قاتتىق نان، ئۆيدە خوتۇن بولمىسا،
قىينلىدۇ تەنھا جان، ئۆيدە خوتۇن بولمىسا.
دۆۋىلىنەر كىر چاپان، ئۆيدە خوتۇن بولمىسا،
بىرەر نەرسەڭ كەم ھامان، ئۆيدە خوتۇن بولمىسا.
خوتۇن دىگەن ئۆيۈڭنىڭ چىرىقىدۇر، بەركىتى،
نۇر سېپىدۇ خانەڭگە، تاتلىققىنە ھەركىتى.
ياشارتىدۇ يۈرەكنى، تومۇزلاردا شەربىتى،
ھالۇ-كۈنۈڭ بەك يامان، ئۆيدە خوتۇن بولمىسا.
يالغۇز يىگەن تائامدا ھوزۇر بولماس، تەم بولماس،
بالا-چاقا، خوتۇنسىز، كۈلكە-چاخچاق جەم بولماس.
قارا باسار ئۇخلىساڭ، بۇندىن ئارتۇق غەم بولماس،
رەڭگى-روھىڭ كۈل،سامان، ئۆيدە خوتۇن بولمىسا.
ئاغرىپ قالساڭ ئۆشنەڭنى تۇتۇپ چىقار تۈن بويى،
بىرنى ئىككى ئەتمەكتۇر كېچە-كۈندۈز ھەم ئويى.
ساداقەتتە يەكتادۇر،سۆيۈندۈرەر شۇ خۇيى،
ئوخشىمايدۇ يات جانان، ئۆيدە خوتۇن بولمىسا.
قەھرىتاندا ئوت يېقىپ، مەش قاقىدۇ بىچارە،
غەملىرىڭدە ئۆرتىنىپ، يۈز ياقىدۇ بىچارە.
دەرياسىدا تۇرمۇشنىڭ تەڭ ئاقىدۇ بىچارە،
بوپ قالىسەن خار-خازان، ئۆيدە خوتۇن بولمىسا.
دەشنام ئىشىتسە سېنىڭدىن، چاندۇرمايدۇ ياتلارغا،
ئۆيۈم-بالام دەپ يۈرۈپ، چىداپ كەلدى داتلارغا.
مېھىر بىلەن قارىساڭ چۆمدى دىلى شادلارغا،
كۈنۈڭ تەستۇر ئەي نادان، ئۆيدە خوتۇن بولمىسا.
يىللار ئۆتتى، ئايەمدە يېڭى ياغلىق ئارتمىدى،
ئەجرى ھالال، تېرىقچە ساختىلىقنى قاتمىدى.
ئىپپەت دىگەن مۇقەددەس، ئىمانىنى ساتمىدى،
ساڭا تاردۇر يەر-جاھان، ئۆيدە خوتۇن بولمىسا.
قوۋۇرغاڭنىڭ يېرىمى، تۇز چىشلىگەن خوتۇنۇڭ،
مۆدۈرىسەڭ يۆلەنچۈك، ھارارەتكە ئوتۇنۇڭ.
ياغ چاينايسەن راھەتتە، مالغا توشقاچ قوتۇنۇڭ،
قاينىمايدۇ مىس قازان، ئۆيدە خوتۇن بولمىسا.
ياخشى خوتۇن ئەركەككە يارىشىدۇ باشقىچە،
ۋاپادارلار ئىلاھىم كىرگەي يۈز ئون ياشقىچە.
ئايرىمىسۇن خۇدايىم تاغ-داۋاندىن ئاشقىچە،
يولۇڭ كاتاڭ ھەر زامان، ئۆيدە خوتۇن بولمىسا.
ئاياللارنى ماختىغان ئەخمەق دەيدۇ بىرلىرى،
دەل ئاشۇنداق دەيۈزلەر كەلمەس ئەسلا ئىلگىرى.
خوتۇن دىگەن بىلىپ قوي، ئائىلەڭنىڭ دىلبىرى،
يۈرەلەمسەن شادىمان، ئۆيدە خوتۇن بولمىسا؟
ئاياللارنى ئەزىز دەپ، پىچىرلايدۇ قەلىمىم،
مەھبۇبەڭنى سۆيگىن دەپ، ئالدىرايدۇ قەدىمىم.
ئۆيدە خوتۇن بولمىغاچ، يېتىپ ئاشتى ئەلىمىم،
مەنزىللىرىم باياۋان، ئۆيدە خوتۇن بولمىسا. مەنبە ：روھلان تورى |
|
دېۋان تالىشىش
ئۇنداق بولسا كىچىككىنە ۋاقىت چىقىرىپ مۇنبىرىمىز ياكى مۇنبىرىمىزدىكى بىرقانچە دوستلارنى قېتىپ بىر شىئىر يېزىۋەتمەمسىز؟…تالانت ئىگىلىرى كۆمۈلۈپ قالمىسۇن…来自: Android客户端
