arduino-ناخشا،مۇزىكا قويۇش

e-chewendaz

ئەسسالامۇ ئەلەيكۇم ئالىپ تورىدىكى بارلىق ئېلېكتىرون،Arduino ھەۋەسكارلىرى! ھەممىڭلارغا كەمىنە ئېلېكتىر چەۋەندازدىن ئوتلۇق سالام! كەچۈرۈڭلار بۇ سالامنى بەك ئۇزاقتىراق دەپ سالدىم،«ئارمانغا چۇشلۇق دەرمان يوق» دىگەندەك،تۈرلۈك سەۋەبلەر تۈپەيلىدىن يېڭى تېمىلىرىمنىمۇ ۋاقتىدا يوللىيالمىدىم،ئالدىڭلاردا خىجىلمەن.(ئالاھىدە شىتاتلىق ئوقۇتقۇچىلارنىڭ ئىمتىھاندىن بۇرۇنقى سالاھىيىتىنى بىكىتىش خىزمىتى،مەكتەپتىكى ئالى ئۇنۋان ئېلىش خىزمىتى قاتارلىقلارنىڭ ھەلەكچىلىكىدە بىر ئايدىن كۆپرەك ۋاقىت ئالدىراش يۈرۈپ قالدىم،ئەيىپكە بۇيرىمىغايسىلەر)
بۈگۈنكى بۇ تېمىدا ئاردىينودىن پايدىلىنىپ ناخشا،مۇزىكا قويۇش (خۇددىي MP3 دە قويغاندەك) توغرىسىدا توختىلىمەن.
ئالدى بىلەن سىن ھۆججىتىنى كۆرۈپ،ئۈنۈمىنى ھېس قىلىپ بىقىڭلار،ئاندىن ياساش جەرىيانى بىلەن تونۇشۇپ چىقىڭلار.(فىلىمنى يانفۇندىلا ئالغاچقا تازا سۈزۈك چىقمىدى،ئۆيدە ئاۋاز ياڭراتقۇ يوق بولغاچقا،بىۋاستا كانايغا چاتتىم،شۇڭا ئاۋاز سەل تۆۋەن چىقىپ قالدى،توغرا چۈشەنگەيسىلەر)

1.كىتەرلىك ئۈسكۈنىلەر: بىر دانە ئاردىينو توك يول تاختىسى (خالىغان تىپىدىن)،ئاۋاز ياڭراتقۇ،يىتەرلىك ئۇلاش سىمى،SD كارتا ئوقۇش مودىلى(،توردىن سېتىۋىلىش باھاسى 3يۈەن ئەتراپىدا،ئەلۋەتتە بۇنى يالغۇز سېتىۋالساڭلار تەننەرخى ئېشىپ كىتىدۇ،شۇڭا توردىن ئېلېكتىرون دىتاللىرىنى سېتىۋالغاندا ئۆزۈڭلارغا كېرەكلىك بولغىنىدىن بىر قانچىنى بىراقلا سېتىۋالساڭلار بولىدۇ،ئەلۋەتتە يەنە بۇنى ئۆزۈڭلار ياسىۋالساڭلارمۇ بولىدۇ)
2.توك يولىنى قۇراشتۇرۇش.توك يولنىڭ ئۇلىنىش سىخېمىسى تۆۋەندىكى رەسىمدە كۆرستىلدى.

رەسىمدە كۆرستىلگىنى بويىچە SD كارتا ئوقۇغۇچ بىلەن ئاردىينۇ توك يول تاختىسىنى ئۇلايمىز،بۇ ئوقۇغۇچ چوڭ SD كارتىنى ئوقۇيدىغان ئوقۇش مودىلى بولۇپ كارتا جازىسى ئارقىلىق مىكرو كارتىلارنىمۇ ئوقۇشقا بولىدۇ،ئەسكەرتىش:ئاردىينۇ ئارقىلىق SD كارتا ئىچىدىكى ھۆججەتلەرنى ئوقۇش،يېزىش مەشغۇلاتى ئىلىپ بىرىشقا بولىدۇ.
3.ئاردىينۇدا قويىدىغان ئاۋاز ھۆججىتىنى تەييارلاش
ئاردىينۇ بىۋاستە ھالدا نۆۋەتتە كەڭ قوللىنىۋاتقان ناخشا،مۇزىكا فورماتىدىكى ھۆججەتلەرنى قويالمايدۇ،بۇنىڭ ئۈچۈن بىز قويماقچى بولغان ناخشىنىڭ فورماتىنى ئاردىينو قويالايدىغان ھالەتكە ئۆزگەرتىشىمىز كېرەك.
بىرىنچى باسقۇچ: قويماقچى بولغان ناخشىنىڭ فورماتىنى ئايلاندۇرۇش قوراللىرى ئارقىلىق wav فورماتىغا ئايلاندۇرۇڭ.(فورمات زاۋۇتى قاتارلىق قورال يۇمشاق دىتاللاردىن پايدىلانسىڭىز بولىدۇ)
ئىككىنچى باسقۇچ: ئايلاندۇرۇپ بولغان ھۆججەتنى ئاردىينۇ قويالايدىغان ھۆججەتكە ئايلاندۇرۇش.مەزكۈر قورال پروگراممىنى ئالىپ تورىنىڭ بوشلۇقىغا يوللىغىلى بولمىغاچقا ئاردىينۇ چ چ توپنىڭ ھۆججەت بەھرىلىنىش بوشلۇقىغا چىقىرىپ قويدۇم،تەجرىبە قىلماقچى بولغانلار شۇ يەردىن چۈشۈرۋالغاي،توپ نۇمىرى:316836607
ھۆججەتنى چۈشۈرۈپ،پرىستىن يەشكەندىن كىيىن،ئاردىينۇ توك يول تاختىڭىزنىڭ چاستوتىسىغا ئاساسەن ئايالاندۇرماقچى بولغان ناخشا ھۆججىتىنى سۆرەپ ماس بولغان توپ بىرتەرەپ قىلىش ھۆججىتىنىڭ ئۈستىگە تاشلىسىڭىز تاشلىسىڭىز،بىردەمدىن كىيىن ئۆزگەرتىپ بىرىدۇ.



مىنىڭ ئىشلەتكىنىم 16مىگا ھىرتىسلىق ئاردىينۇ UNO  تىپلىق تاختا بولغاچقا FullRate@16MHzMono
تۈرى بويىچە ئۆزگەرتتىم،بۇ يەردىكى mono ۋە  stereo ئايرىم-ئايرىم ھالدا ستىرولۇق ۋە تاق يوللۇق دىگەن مەنىنى بىلدۈرىدۇ.ھۆججەت مۇۋاپىقىيەتلىك ئايلانغان بولسا \tools\Arduino with 16 MHz\converted مۇندەرىجىسى ئاستىغا afm.* نامىلىق ھۆججەتتىن بىرىسى قۇرۇلىدۇ.ئەمدى بىز بۇ ناخشا ھۆججىتىنى SD كارتىغا كۆچۈرمىز،ئەسكەرتىش:كارتا سىغىمى 2Gb دىن تۆۋەن بولسۇن،كۆچۈرۈشتىن ئاۋال SD كارتىنى FAT ھالەتتە فورماتلاش ئىلىپ بىرىڭ.بولمىسا ئاردىينۇ توك يول تاختىسى تونىيالماسلىقى مۈمكىن.
4.ناخشا قويۇشقا ئالاقىدار ئامبار ھۆججىتى ۋە پروگىرامما ھۆججىتىنى چۈشۈرۈش.
ئالدى بىلەن بۇ ئامبار ھۆججىتىنى چۈشۈرۈڭ. SimpleSDAudio.rar (347.6 KB, چۈشۈرۈش سانى: 51)

2014-6-22 11:14 چىقىرىش

ھۆججەت ئىسمىنى بېسىپ قوشۇمچىنى چۈشۈرۈش
پرىستىن يەشكەندىن كىيىن،ئۇنى ئاردىينۇ توپلاشما ئىجادىيەت موھىتى قاچىلانغان مۇندەرىجە ئىچىدىكى D:\Arduino\libraries مۇندەرىجىسى ئاستىغا كۆچۈرۈڭ.D:\Arduino\libraries\SimpleSDAudio\examples مۇندەرىجىسى ئاستىدىن MostFunctionDemo.ino نامىلىق پروگرامما ھۆججىتىنى ئىزدەپ تېپىپ،ئاردىينۇ ئىجادىيەت موھىتى ئارقىلىق ئېچىڭ.تەكشۈرۈپ،ئاردىينۇ توك يول تاختىسىغا يوللاڭ.

مۇۋاپىقىيەتلىك يوللىنىپ بولغاندىن كىيىن،ئارقىمۇ-ئارقا ئۇلىنىش ئىغىزىنى نازارەت قىلىش كۆزنىكىنى ئېچىڭ،تۆۋەندىكىدەك ئۇچۇر كۆرنىدۇ.

ئەگەر ئوڭۇشلۇق بولغان بولسا كۆزنەكتە SD كارتا ئىچىدىكى ناخشا ھۆججىتىنىڭ نامى كۆرنىدۇ،سىز بۇ ھۆججەت نامىنى يوللاش كۆزنىكىگە كىرگۈزۈپ يوللاش كونۇپكىسنى باسسىڭىز تۆۋەندىكىدەك ئۇچۇر چىقىدۇ.

ئاندىن ئىنگىلىزچە ئۇچۇردا كۆرستىلگىنى بويىچە P نى كىرگۈزۈپ يوللىسىڭىز ناخشا قويۇلۇشقا باشلايدۇ،S نى يوللىسىڭىز توختايدۇ.....
ھەربىر ناخشىنى قويۇشتا ئىسمىنى يوللاپ بىرىسىز.ئۈنۈمى باشتا كۆرگىنىڭىزگە ئوخشاش.
ئىش-تامام ۋەسسالام!
خوش،ۋاقىت مۇناسېۋىتى بىلەن تېمىنى مۇشۇ يەردە ئاخىرلاشتۇراي،تېما مەزمۇنى بىر قەدەر كۆپ بولۇش،سەۋىيەمنىڭ چەكلىكلىكى،ۋاقىتنىڭ قىسلىقى تۈپەيلىدىن تېمىدا ئازدۇر-كۆپتۇر خاتالىقلار،چۈشنىكسىز نۇقتىلار ساقلانغان بولۇشى مۈمكىن،قانداق مەسىلە،تەكلىپ-پىكىرلەر بولسا ئىنكاس شەكلىدە ئوتتۇرىغا قويغايسىلەر.
Arduino توغرىسىدا ھىچقانداق چۈشەنچىگە ئىگە ئەمەس قېرىنداشلىرىمنىڭ ئالىپ تورىدىكى «ئاپتۇماتىك كونترول قىلىش» دىگەن سەھىپىدىكى يازمىلارنى كۆرۈپ چىقىشنى ياكى «مەن Arduinoغا ئاشىق» ناملىق كىتابىمنى كۆرۈپ چىقىشىنى تەۋسىيە قىلىمەن.
بۇ تېمىدىكى بەزى مەسىللەرگە ئاپتۇرنىڭ  «مەن Arduinoغا ئاشىق» ناملىق كىتابىدىن جاۋاب تاپالايسىز.
بىز ئۆز-ئارا ئۈگىنىشكە،ھەمكارلىشىشقا مۇھتاج! قېرىنداشلىرىمىزنىڭ ياخشى تەكلىپ-پىكىرلىرىنى،قىممەتلىك بىلىملىرىنى،تەجرىبىلىرىنى ئايىماسلىقىنى سورايمەن!
ھۆرمەت بىلەن:ئېلېكتىر چەۋەنداز
2014-يىلى 6-ئاينىڭ  22-كۈنى يېزىلىدى
سەمىمي ئەسكەرتىش: بۇ تېما مەخسۇس Arduino  ئۈچۈن يېزىلدى،شۇڭا باشقا جەھەتتىن ياردەم سورىماقچى بولغان قېرىنداشلىرىمىزنىڭ ئالىپ تورىنىڭ ياردەم سەھىپىسگە ياكى مۇناسېپ ھالدىكى باشقا تېمىلارغا ئىنكاس يېزىشىنى،قالايمىقان ئىلان ۋە ياردەم خاراكتىرلىك ئىنكاسلارنى يازىماسلىقىنى سەمىمىيلىك بىلەن ئۆتىنىمەن.

kudung

مەن پەقەت چۈشۈنەلمىدىم  شۇنداقتىمۇ كىرىسلودا ئولتۇرۇپ باقاي

Gerip520

15214974710

مەن پەقەت چۈشنەلمىدىم

e-chewendaz

مەن پەقەت چۈشۈنەلمىدىم  شۇنداقتىمۇ كىرىسلودا ئولتۇرۇپ باقاي

ئەسسالامۇ ئەلەيكۇم قېرىندىشىم! پەقەت چۈشۈنەلمىگەن بولسىڭىز،كرىسلودا بىكار ئولتۇرغۇچە،ئالىپ تورىنىڭ ئاپتۇماتىك كونتىرول قىلىش[url]/forum.php?mod=forumdisplay&fid=174[/url] سەھىپىسىدىكى ئاردىينۇغا ئالاقىدار ماقالىلەرنى كۆرۈپ چىقىڭ.قىزىقمىسىڭىز،كۆرۈپ ئاۋارە بولمىسڭىز بولىدۇ.

yoluqi-arwah

نىمانچە مۇرەككەپتۇ، بۇنەرسىدىن پايدىلنىپ كىچىك تىپتىكى ماشىنا ئادەم ياساشقا بۇلامدىغاندۇ

e-chewendaz

نىمانچە مۇرەككەپتۇ، بۇنەرسىدىن پايدىلنىپ كىچىك تىپتىكى ماشىنا ئادەم ياساشقا بۇلامدىغاندۇ

ئەلۋەتتە بولىدۇ.

uynurali

دوسلار ماڭا يازغان ئىنكاسنى تارتىپ ئەكىلىپلا تىگىگە ئىنكاس يىزىشنى ئۈگۈتۈپ قويغان بۇلساڭلار مەن قىلالمىدىم بىلدىغانلار چ چ نۇمۇرىڭلارنى قالدۇرۇپ قويغان بولبولساڭلاڭل ياكى 2655168969بۇ چ چ نى قىتىڭلار يانفۇندا قەتئىي قىلالمىدىم

تەۋەككۇل

uynurali يوللىغان ۋاقتى  2014-6-22 13:32
دوسلار ماڭا يازغان ئىنكاسنى تارتىپ ئەكىلىپلا تىگىگە ئ ...

بەكلا ئاددىغۇ ،

saeid

uynurali يوللىغان ۋاقتى  2014-6-22 13:32
دوسلار ماڭا يازغان ئىنكاسنى تارتىپ ئەكىلىپلا تىگىگە ئ ...

يېزىلغان ئىنكاسلارنىڭ ئاستىدىكى _ئىنكاس_ دىگەن خەتنى كۆردىڭىزمۇ؟ شۇ خەتنى بېسىپ چىققان كۆزنەككە ئىنكاس يېزىۋىرىڭ.

nurdunjan1122

بىكاچىلارنىڭ ھەممىسى كىرىۋالدىمۇ بۇتورغا   يەنە بىردەم تۇرساق  بۇنى قىلغاندىن تەييارسىنى ئالساقلا بولمىدىمۇ دەيدىغان سەبى ماڭقىلاردىن نەچچىسى چىقىدىغاندەك تۇرىدۇ ............ئەسكەرتىش چۈشەنمىسىڭىز ئىزدىنىڭ ئەخلەت ئىنكاسنى ئاز يىزىڭ

1xohygit

مەن Arduino نى تازا چۇشنىپ كەتمەيمەن بۇنىڭغا 1 دانە كومپيۇتېر بولمسا بولمامدۇ نمە
ھازىر بازاردا 15 يۋەنگە sd كارتا ئۇقۇيدىغان قويغۇچ ئالغىلى بۇلىدۇ بۇنى خالغان يەرگە ئېلىپ بارغلى بۇلىدۇ
بىر قېتىم زەرەتلسە كەچكىچە بمالال توك يوق جايلاردىمۇ ئشلتىشكە بۇلىدۇ
بۇنىڭغا كتىدىغىنى پەقەت 1 دانە  sd كارتا

uynurali

saeid يوللىغان ۋاقتى  2014-06-22 14:23:25


يېزىلغان ئىنكاسلارنىڭ ئاستىدىكى _ئىنكاس_ دىگەن خەتنى

saeid شۇ سىزگە ئوخشاش يازالمىدىم

uynurali

saeid يوللىغان ۋاقتى  2014-06-22 14:23:25


يېزىلغان ئىنكاسلارنىڭ ئاستىدىكى _ئىنكاس_ دىگەن خەتنى

مەنمۇ بىلىۋالدىم رەھمەت سىزگە

kudung

nurdunjan1122 يوللىغان ۋاقتى  2014-06-22 14:30:15
بىكاچىلارنىڭ ھەممىسى كىرىۋالدىمۇ بۇتورغا   يەنە بىردە

سىز بەك چۈشۈنۈپ كەتكەن ئوخشىمامسىز  ماڭقا دەپ كەتكىنى تېخى ئەينەككە قاراپ بېقىپ ئاغزىڭلارنى چايقىۋېتىپ گەپ قىلىڭلار چۇشەنىمىگەن بولسام تىما ئىگىسى شۇنىڭغا مۇناسىۋەتلىك تىمىلارنى يوللاپ قۇيۇپتۇ كۆرۆپ چۇشەنمەمدىم