پادىچى:پىروگىراممىرلىق خاتىرەمدىن [8]

Padichi

ئەسسەلامۇ ئەلەيكۇم!

ئىسىڭلاردىمىكىن ئالدىنقى قېتىم »پىروگروگىراممىرلىق خاتىرەمدىن« نامىدا بىر يۈرۈش ماقالىلەر بىلەن تونۇشقان ئىدۇق. قىممەتلىك پىكىرلەر ، ئىسىل مۇنازىرىلەر،كىشىنى خۇشال قىلىدىغان ئاجايىپ ئۆتكۈر كۆز قاراشلار مەيدانغا كەلگەن ئىدى مانا ئەمدى بىر مەزگىللىك ئالدىراشچىلىقتىن كىين ئەشۇ سۈيۈملۈك مۇلاھىزىلەرنى سېغىنىش سەۋەبلىك،يەنە بىر قېتىملىق ئىلمىي مۇھىت يارىتىش ئىستىكىدە ماقالىمىزنىڭ داۋامىنى يىزىپ ئولتۇرۇپتىمىز. ئەلىۋەتتە كود يىزىشتىن چىققان پىروگىرامما نەتىجىسى قانچىلىك سۈيۈملۈك بولسا،چىققان نەتىجىلەرنى ئورتاقلىشىپ ئىلمى مۇھاككىمىلەرنى ئېلىپ بېرىش شۇنچىلىك لەززەتلىكتۇر! نىسىپ بولسا مەزكۇر زەنجىرسىمان ماقالىلىرىمىزنى قۇربىمىزنىڭ يىتىشچە داۋاملاشتۇرۇش ئارمانىدىمىز.گەپنىڭ تۈگەنچىسى ھەممىمىز مەيلى بۇ توغرىسىدا خەۋەردار بولايلى ياكى بولمايلى ئازدۇر كۆپتۇر پىكرىمىزنى ئوتتۇرغا قويساق ئىلمى مۇزاكىرەلىرىمىز بىزنى تېخىمۇ كۆپ يېڭى ئىديەلەرگە ئېرىشتۈرگۈسى!

ئەسكەرتىش : ئاساسى مەزمۇننى باشلاشتىن بۇرۇن ئەسكەرتىدىغىنىم مەزكۇر ماقالە جەنجىرسىمان بولۇپ 0 سەۋيەنىڭمۇ ئاستىدىن، بەك،بەك تۆۋەندىن باشلىنىپ يىزىلغان كۆپىنچە بۇرادەرلەر ئۇ ياقلارنى ئايلىنىپ بولغان ئەگەر ئالدىنقى قىسىملىرىنى ئوقۇپ باقمىغان قېرىنداشلار بولسا،ئەڭ ئاۋال بۇ قىسىمنى ئوقۇماي تۇرۇپ شۇ قىسىملىرىنى بىر ئوقۇپ تۈگەتسە دىگەن ئۈمۈدتىمەن،ئەگەر ئالدىنقى قىسىملىرىنى ئوقۇماستىنلا مەزمۇننى چۈشەنمىدىم دىسىڭىز بۇ مىنىڭ سەۋەنلىكىم ئەمەس ھەم سۇئالىڭىزغا جاۋاب بېرىلمەيدۇ.
مۇلاھىزىمىزنىڭ ئالدىنقى قىسىمى يەنى 7-بۆلىكى كومپىيۇتېرنىڭ قىسقىچە تەرجىمھالىنى يىزىش بىلەن ئاياغلاشقان ئىدى، ئەنە شۇ تىمىمىزدا بىر قىسىم قېرىنداشلىرىمىز بۇلارنىڭ بىز يازىدىغان ۋە ئۆگىنىۋاتقان پىروگىرامما يەنى كود بىلەن نىمە مۇناسىۋىتى دەپ سورىغانىدى،ھەتتا بۇ ھىكايىدەك يازمىلارنىڭ كۆپچىلىككە ھىچقانداق ئەمەلى نەپ ئېلىپ كېلەلەلمەيدىغانلىقىنى دىگەن قېرىنداشلارمۇ بولدى، بۇلاردىن كىين بىر مەزگىل ئويلىنىپ توختاپ قالدىم، ئەمما مەيلى نىمىلا بولمىسۇن ئەينى ۋاقىتتا بۇ ئىشنى پىلان كۈنتەرتىپىگە كىرگۈزگەن ئىكەنمەن مەيلى بۇ ماقالىلەرنىڭ قىممىتى بولسۇن-بولمىسۇن يىزىشنى داۋاملاشتۇرۇشنى قارار قىلدىم. بولدى گىپىمىزنى قىسقارتايلى!

   ئالدىنقى قىسىملاردا قاتتىق دىتاللار ھەققدە مەلۇم چۈشەنچە ھاسىللىغاندىن باشقا يەنە يۇمشاق دىتال ، پىروگىرامما تىللىرى ۋە ئۇلارنىڭ ئىشلىتىلىش ئورنى ھەققىدە بىلگىنىمچە بىرقىسىم ئاددى چۈشەنچىلەرنىمۇ ئوتتۇرغا قويغان ئىدىم.ئاشۇ گەپلىرىمنى قايتىلاپ تەكرارلاپمۇ يۈرمەي،مەنبەسى:
/forum.php?mod=viewthread&tid=29563
ئەمدى ئاشۇ تونۇشتۇرۇشىمىزنىڭ داۋامغا كېلەيلۇق! ئەلىۋەتتە بۇنىڭدىن كىيىنمۇ ئەگەر زۆرۆر دەپ قارىساملا تىمىللىرىمىز ئارسىغا قاتتىق دىتاللار ھەققدە بىلىشىمچە گەپ قىستۇرۇشۇم مۇمكىن،ئۈمۈدكى بۇنىڭ ئۈچۈن ئەيىبلىنىشكە ئۇچىرمىسام.

يۇقاردىكى تىمىلاردا دىيىلگەن مەزمۇلار بولسا ئاساسلىقى بىز كۆرىۋاتقان توربەتلەرنىڭ كۆرۈنمە يۈزىنى لاھىيەلەيدىغان لاھىيە تىللىرىدۇر. يەنى بىر مۇكەممەل توربەتنى ئادەم بەدىنىگە ئوخشاتساق،
……   CSS  HTML
قاتارلىقلار بۇ ئادەمنىڭ بەدىنى ۋە كىيىملىرىدىن ئىبارەت.بۇ توغرىسىدا يۇقىردا بېرىلگەن مەنبەدە ناھايىتى تەپسىلى ئۇچۇرلار بېرىلگەن.ئەمدىكى مۇلاھىزىمىز جاۋا سىكرىپىت ئۈستىدە بولىدۇ.

«JavaScript بولسا سىكرىپىت قوليازما تىلى بولۇپ ...» دەپلا سۆزلەپ چۈشۈپ كەتسەم نۇرۇغۇنلىرىڭلار ھاڭۋېقىپ قېلىشىڭلار مۇمكىن ،  شۇ ھامان قايتۇرۇلىدىغان سۇئال «نىمە ئۇ سىكرىپىت قوليازما دىگەنلىرىڭ؟؟» بولار ھەقىچان. شۇڭا بۇ گەپنى زاغىرلاشتۇرۇپ دىسەك: خۇددى باشتىكى ئىككى تىلنى ئادەمنىڭ قۇرۇق جىسمىغا ۋە كىيمىگە ئوخشىتالىغىنىمىزدەك مەزكۇر تىلنى ئادەمنىڭ ھەركىتىگە ياكى گۇمپىسىغا ئوخشاتساق بولىدۇ. ئەگەر سەل تېخنىكىغا يېقىنلاشتۇرۇپ مىسال ئالساق ئالىپ تورىغا ئەزالىق ئاكونتىڭىزنى خاتا تولدۇرۇپ كىرىش كونۇپكىسىنى باسسىڭىز چىقىدىغان ھېلقى بەتبەشىرە ئاگاھلاندۇرۇش كۆزنىكى دەل مۇشۇ سىكرىپىت تىلىنىڭ ناھايىتى بەك،بەك ئاددى بىر گۇمپىسىدىن ئىبارەت!



Ctrl+Shift+j   كونۇپكىسىنى باسقاندىن كىيىن تور كۆرگۈ ئاستىغا چىققان رايونغا تۆۋەندىكى كودنى چاپلاپ ھىس قىلىپ
--- بولىدۇ ،

1. alert("alip.biz");

مەزمۇننى كۆچۈرۈۋېلىش

بۈگۈن تۇنجى كۈنىلا سىلەرنى زىرىكتۈرۈپ قويماي،قالغىنىنى ئەتىگە كىچىككەندە ئۆگۈنگە قالدۇرايلى!كىيىنكى تىمىمىزدا داۋاملىق بۇ مەزكۇر تىل ھەققدە مۇلاھىزە قىلىمىز.

مەزكۇر زەنجىرسىمان ماقالىلىرىمنىڭ ئەڭ ئالى مەقسىدىنى يەنە بىر قېتىم تەكرار ئەسكەرتىمەن. مەقسەد مەلۇم پىروگىرامما تىلىنى ئۆگىنىش ئەمەس،بەلىكى مەزكۇر ساھە يەنى ئۇچۇر تخنىكا ساھەسىدىن ئىبارەت نۆۋەتتە بۇ پىلانىتتا ھۆكۈمران ئورۇندا تۇرىۋاتقان سۈيۈملۈك كەسىپنى كۆپچىلىككە بىلگىنىمچە تونۇشتۇرماقچى. ئەگەر ئۆمۈرۈم يار بەرسە،نىسىپ بولسا ئۇشبۇ ماقالىلىرىمىزنىڭ داۋامىغا ئۇلاپلا مەلۇم مەلۇم بىر تىلنى(مۇشۇ سىكرىپىت تىلى بولۇش ئېھتىمال ، ئاڭغىچە شۇ سەۋيىگە يىتەلىسەملا!) تۇتۇپ تۇرۇپ سىنلىق دەرىس بىلەن قوشۇپ تۇرۇپ سېستىمىلىق دەرىس سۆزلىشىم مۇمكىن،بۇلارنى ئەسكەرتىشىم ئاز بىرقىسىم قېرىنداشلار سەبىرسىزلىك قىلىپ قايناپ كەتمىسەڭلا! بىر باشتىن ئالدىرماي كىلەيلى!



مەزكۇر زەنجىرسىمان ماقالىلەر ھوقۇقى مونوپۇل قىلىنمىغان. توغرا يولدا بولسىلا خالىغان تورلارغا تارقاتسىڭىز ، خالىغانچە پايدىلانسىڭىز ئەلىۋەتتە بولىدۇ.

سىلەرگە - ھەممىڭلارغا كۆپ رەھمەت!
2014.6.18
-مەركىزى شەھەر ئۈرۈمچى
-پادىچى

مايور

رەھمەت

ئەلكىزە

رەھمەت  قۇللايمەن ھەم داۋاملىق ئاخىرنىي يۇللاپ تۇرىشىڭىزني ئۇمىد قلمەن

MSM

ئەمدى باشلاپ بولغۇچە تۈگەپ كەتتىيا

تەۋەككۇل

رەھمەت سىزگە ،پادىچىنىڭ تىمىلىرىنى بەكمۇ ياختۇرۇپ ئۇقۇيمەن .

خۇمار520

رەھمەت داۋامىغا تەشنامىز

خۇمار520

ئاۋۇ كودنى  سىناپ باقسام  تۆۋەندىكىدەك چىقىتىغۇ؟

Padichi

خۇمار520 يوللىغان ۋاقتى  2014-6-18 17:18
ئاۋۇ كودنى  سىناپ باقسام  تۆۋەندىكىدەك چىقىتىغۇ؟

ئاۋۇ ئەڭ چەتتكى  console  دىگەن كۆزنەكتە سىنىغانسىز؟ - بىر دانە ئەسكەرتىش رامكىسى چىقار ئىدى!

abdurahman1864

رەھمەت قېرىندىشىم، مەن بۇ تىمىدىكى ماقالىلىرىڭىزنى تۇلۇق ئۇقۇپ، ساقلاپ ماڭدىم، داۋاملىق يېزىشىڭىزغا تىلەكداشمەن!

s41157018

ئەسسالامۇ - ئەلەيكۇم! يازمىلىرىڭىز بىر - بىرىدىن ئېسىل چىقىۋاتىدۇ...
   موشۇ JavaScript تىلىنىڭ ئىشلىتىلىش دائىرىسى بارغانسىرى ئېشىۋاتىدۇ. ھەرقانداق مەشغۇلات سېستىمىسىدا نۇرمال ئىجرا بولىدىغان ئابونىت يۈزى پىروگىراممىلىرىنى(مەسىلەن تور بەت، تور بەت ئويۇنى…) ئېچىشتا كەڭ ئىشلىتىلىپلا قالماستىن ئەپ ئېچىش ساھەسىدىمۇ بەكلا قوللىنىشچان. يەنە كېلىپ بۇ خۇددى ئىنگىلىزتىلىدەك بىر تىل، يەنى گىرامماتىسىكى ئاددىي، ئېنگىلىزچە مەقالە يازغاندەكلا يازىدىغان گەپ.
   بىز ئۇيغۇرلارنىڭ يۇمشاق دېتال خىرىدارلىرى بىرقەدەر ئاز، بۇنداق ئەھۋالدا زور مەبلەخ بىلەن بىرەر دېتال ياكى ئەپ خارەكتېرلىك ئويۇن پىروگىراممىلىرىنى ئېچىش قىيىنغا توختايدۇ. بۇنى كۆزدە تۇتقاندا JavaScript+HTML5 ئارقىلىق كىچىك – كىچىك ئويۇنلارنى ئاچقاندا ئۈنۈمى ياخشى بولىدۇ دەپ ئويلايمەن. ئىشقىلىپ ئوبدان بىر ئۆگىنىشكە ئەرزىيدۇ بۇنى…

Padichi

s41157018 يوللىغان ۋاقتى  2014-6-18 21:07
ئەسسالامۇ - ئەلەيكۇم! يازمىلىرىڭىز بىر - بىرىدىن ئېسىل  ...

شۇ ، ھەربىر بۇيرۇق كودىنىڭ ئادەم تىلىغا نەقەدەر يېقىنلىقى كىشىنىڭ ئامراقلىقىنى كەلتۈرىدۇ. — مىنىڭچە ئەمدىكى تەرەققىياتى تېخىمۇ قالتىس بولىدۇ ، چۈنكى بۇلۇت سۇپىسىنىڭ ئومۇملىشىشىغا ئەگىشىپ ئىلگىرى يەرلىككە ئاتاپ لاھىيەلىندىغان يۇمشاق دىتاللارنىڭ ئورنىنى مۇلازىمىتىردىن تور ئارقىلىق مەشغۇلات قىلىندىغان بۇلۇت سۇپسىغا ئاتاپ لاھىيەلىندىغان يۇمشاق دىتاللار ئىگىلەيدۇ. بۇ دىگەنلىك سىز يۇمشاق دىتالىڭىزنى تور كۆرگۈ ئارقىلىق ئىشلىتىسىز دىگەنلىكتۇر. دىمەك ئەمدىكى پىروگىرامما تىللىرى ئىچىدە توركۆرگۈنى ئەيۋەشكە كەلتۈرۈشتە كىمنىڭ گۇمپىسى ئەڭ يامان بولسا شۇ جاھان سورايدىغان گەپ. —- يەنە كىلىپ بۇ تىل ئارقىلىق ۋىندوۋس ، ئالما ۋە ئاندىروئىت تىلىفۇن پەدلىرىگە ئەپ ئاچقىلى بولىدىغانلىقى تېخىمۇ قالتىس ، يەنى سىز ئەپنى توربەت شەكلىدە ياسىسىڭىز بولىدۇ. (ئەلىۋەتتە تېلىفۇننىڭ كامىراسىنى كونتىروللاش قاتارلىق يادرو ود قىسىمى باشقا گەپ)

zulpikar520

سىزنىڭ تىملىرىڭىزنى ئىز قوغلاپ ئوقۇۋاتىمەن ،داۋامىن تىزرەك يازارسىز ، ئادەمنى بەك تەقەززا قىلۋەتمەي

Sabirjan

ئەسسالاممۇ-ئەلەيكۈم.مەن بىلەن بىر ئالاقىلاشسىڭىز بولاپتىكەن...سورايدىغان سوئال بار ئىدى .رەھمەت.
چ چ:253933559

ABDU820

ناھايىتى زىرەك ،   قالتىس ئۆتكۈر كاللا !

ياشاڭلا بۇرادىرىم … داۋامىغا تەشنا بۇ قەلبىم

كەمىنە ئىلتەرش سىلىگە مۇۋاپىقىيەت تىلەيدۇ !