ئابدۇسەمەت مامۇتنىڭ يېڭى ھىكايىسى

pinhan

شۇنداق قىلىپ بۇ پىرسۇناژىمىز بولغان ئابدۇسەمەت مامۇت بىرەر چوڭ ئىش قىلىشنىڭ كويىدا ئۆيدىن چىقماي رۇقىيە ھاشىمنىڭ ئەتكەن تامىقىنى يەپ ئۈندىداردا بوران چىقىرىپ يۈردى . ئۇنىڭچە بولسا ھازىر ئۈندىدار ئارقىلىق نام چىقىرىش تولىمۇ ئاقىلانە تاللاشتەك تۇيۇلدى . ئۇ دەسلەپتە ئۈندىدارنىڭ نىمىلىكىنىمۇ بىلمەستە رۇقىيە ھاشىمنىڭ نەۋرە ئىنىسىنىڭ قولىدا يانفۇننى كۆتىرۋېلىپ بۇرنىغا توغىرلاپ ئۇنى بۇنى دەۋاتقىنىنى ، تۇرۇپلا يانفۇنغا مەستانىلەرچە قاراپ ئولتۇرۇپ كېتىشلىرى ۋە تۇرۇپ كۈلۈپ كېتىشلىرىدىن ھەيرانە بولۇپ ياقىسىنى چىشلىدى . بىراق نەچچە ئايدىن بۇيان يۇيۇلمىغان قوي يۇڭى مايكىسىنىڭ تەرلەشكەن ۋە كىرلەشكەن ياقىسى شۇنچىلىك سېسىق ئىدىكى ، ئۆزىمۇ تۇيمىغان ھالدا كۆڭلى ئېلىشىپ ياندۇرۇپ سالدى ۋە شۇ ياندۇرغانچە ئەتىگەن يىگەن تاماقلىرىنىمۇ پاك پاكىز ياندۇرۋېتىپ ، شۇ ياتقىنىچە ئۈچ كۈنگىچە قوپالماي قالدى . ئۇ بۇ ئىشنى ئۆزىچە ئۈندىداردىن كۆرۈپ ، ئۈندىدارغا تېخىمۇ ئۆچ بولۇپ يۈگەن كۈنلەرنىڭ بېرىدە ، يىگىلەپ قالغان سويمىدەك چىرايغا ئىگە بىردوستىنىڭ قاتتىق نام قازىنىپ كەتكىنى ئاڭلىدى ۋە سۈرۈشتۈرۈپ يۈرۈپ ئۇنىڭ دوستلار چەمبىركىدە توختىماي ، توڭلاتقۇدا پىچىنە پىشۇرماڭ ، ھاۋانىڭ تۇتۇلغىنى ئېچىلغىنى ئەمەس ، يول يىراق بولسا مۇساپىمۇ ئۇزۇرايدۇ دىگەندەك ھېكىمەتلىك سۆزلەرنى يېزىپ تارقىتىپ يۈرۈپ داڭ چىقىرىپ كەتكىنى بىلدى ۋە ئۆيىگە قايتىپ كېچىچە ئۇخلىماي ئۈندىدار ئويناش پىلانىنى تۈزۈپ چىقتى . ئەتىسى ئۇ ئەتتىگەن تۇرۇپ ئۆزىنىڭ قوتا تېلفۇنىنى سېتىۋېتىپ ، ئۈندىدارنى سايرىتۋېتىدىغان تېلفۇندىن بىرنى ئالماقچى بولۇپ تېلفۇن بازىرىغا بېرىپ نىمكەش تېلفۇن يىغىۋالدىغان بىرسىگە تېلفۇنىنى كۆرىستۋېدى ، ھېلىقى تېلفۇنچى ئالقاپ ئابدۇسەمەت مامۇتقا لاپپىدە قارىۋېتىپ :
- مېنى ئەتىگەندە ناشتا قىلۋالسۇن دەپ تېلفۇنىڭىزدا ياڭاق چېقىپ بەرگىلى كەلدىڭىزمۇ ئاكا - دېۋىدى ، نىمە دىيىشنى بىلەلمەي گاڭگىراپ قالغان ھالىتىگە قاراپ پىخلداپ تۇرغان ئەتراپتىكى ئالقاپلارمۇ چاچما چاقچاقنى باشلاپ كەتتى .
- ئاكاۋوي ، تېلفۇنىڭزنى جىڭلاپ ساتسىڭىزمۇ بولغۇدەكقۇ ،
- جىڭلاپ ئەمەس مىتىرلاپ ساتسىمۇ ھەرەمگە بارغۇدەك پۇل كەلگۈدەك .
- مەشەدىلا ئولتۇرۇپ پارچىلاپ ساتامسىز يا ؟
- ئەرزان بەرسىڭىز ئۆيگە ئاپىرىڭ كارىۋات قىلىۋالساممۇ بولغۇدەك .
- يېرىم كېچىدە تىتىرەپ كەتسە يەر تەۋرەپتۇ دەپ ئىشتانغا چىقىرۋېتەرسەن ...
- ۋەت .............
ئۇلار مۇشۇنداق ئۇزۇندىن ئۇزۇن تېتىقسىز چاقچاقلارنى قىلىپ ئابدۇسەمەت مامۇتنى تىرىكتۈرۈپ يۈرۈپ ئازغىنە پۇلغا سېتىۋالدىدە يېڭى تېلفۇن ئالامتىڭىز ئاكا دەپ كەينىدن باشلاپ تېلفۇن پوكىيىگە باشلاپ باردى . ئاخىرى ئۇنى تاللاپ ، بۇنى تاللاپ ، تاڭسىڭدەك تولا گەپ قىلىپ يۈرۈپ پارتىيەگە سادىق يۈرىكىنىڭ تارتىشىشى ئارقىسىدا دۆلەت ئچىىدە ئىشلەنگەن ، دۇنيا بويىچە ئەڭ داڭلىق ، كائىنات بويىچە ئاۋانگىرات ماركا بولغان كۇپەي تېلفۇننى سېتىۋالدى ۋە لاتنچە ماركىسىغا قاراپ كۈلپەت(Coolpad) دەپ ئات قۇيۇۋالدى .
شۇنىڭ بىلەن ئۇنىڭ ئۈندىدار ئويناش مۇساپىسى باشلىنىپلا كەتتى . دەسلەپتە كۈلپەتكە ئانچە كۆنەلمىگەن ئابدۇسەمەت مامۇت بىر نەچچە كۈن باشقىلاردىن ئۇنى بۇنى سوراپ يۈرۈپ ئۆگەندىكى . بىر نەچچە كۈندىلا ئۈندىدار دىگەندىن ئوت ، تېلفۇندىن بوران چىقىرىپ ئۈنداردىكى مەھەللىىسدە خېلى داڭلىقلاردىن بولۇپ قالدى . ھازىر ئۇ كىيىم كەيسىمۇ قەرىز ئېلىپ بولسىمۇ داڭلىق ماركىنى ئالاتتى ، ئۆينىڭ ئاستىدىكى كىچىك ئاشپۇزۇللاردىن تاماق يىمەيتتى . ئۇنىڭ خىيالىچە بولسا بۇنداق قىلىش ئۇنىڭ ئۈندىداردىكى سالاھىيتىگە ماس كەلمەيتتى . ئۇنىڭچە بولسا ئۈندىداردىكى سالاھىيىتىگە ماس قىلىپ شەخىسى ئايروپىلاندا ماڭغۇسى بارتى بىراق پۇل بولمىغاچقا كوچا ئاپتۇبۇسىنى شەخسى ئايروپىلان دەپ خىيال قىلىپ كوچا ئاپتۇبۇسىدا قاتنايتتى . پات پات تۇرمۇش ئۆگىنىش باھانىسى بىلەن قاۋاقخانىمۇ قاۋاقخانا ، دېسكوخانا ، بىر نىمەخانىلارغا بېرىپ ئۆزى يالغۇز ئولتۇراتتى . شۇنداق كۆڭۈل ئېچىش سورۇنلىرىدا ئۇچراتقان چىرايلىق قىزلارنى كۆرگەندە ئىختىيارسىز كۆزىنى ئۈزمەي قاراپ قالاتتى ۋە دەررۇ ئۆز كۆڭلىدە ئۆزىگە ئۆزى تەسەللى بېرىپ مەن ئۇلارغا تەنقىد نەزىرىدە قارىدىم دەپ ئويلايتتى ۋە نىمىشقا شۇنداق چىرايلىق قىزلارغا نەسىھەت قىلىش پۇرسىتىنىڭ كەلمەيدىغىندىن ئىچى پۇشاتتى .
دەل شۇ مەزگىللەردە ئۈندىداردا تونۇشۇپ قالغان بىر قىز بىلەن خېلى چىقشىپ قالدى . ئۇز قىزمۇ ئابدۇسەمەت مامۇتنىڭ <<ھېكمەت>> لىرىگە تەشنا ، نەسىھەت قىلىپ قۇيۇشىغا تەقەززادەك كۆرۈنەتتى . شۇنداق قىلىپ يۈرۈپ ئۇلار شەھەردىكى مەلۇم قەھۋاخانىدا كۆرۈشمەكچى بولۇشتى . كۆرۈشمەكچى بولغان كۈننىڭ ئالدىنقى كۈنى ئابدۇسەمەت مامۇت زادىلا ئۇخليالمىدى . ئۇ قىز ئورۇقمىدۇ ، سىمىزمىدۇر ، سەتمدۇر ، چىرايلىقمىدۇر دىگەنلەرنى خىيال قىلاتتى ۋە يېنىدا پۇشۇلداپ ياتقان رۇقىيە ھاشىم بىلىپ قالىدىغاندەك ۋەھىمىگە چۈشەتتىيۇ ، ھاياتىدىكى تۇنجى قېتىملىق ساھىپجاماللارغا نەسىھەت قىلىش پۇرسىتىنىڭ كەلگىنىدىن ھاياجانلىناتتى . ئۇنىڭچە بولسا مۇشۇنى بىر باشلىۋالسا ئەتە ئۆگۈن چىرايلىق قىزلار ئۇنىڭ ئىشىكىدە ئۇنىڭ نەسىھەت قىلىپ قۇيۇشىنى كۈتۈپ ئۇنى ساقلاپ كەتسە ، ئۇ ئالدىرماي چىقىپ بالكوندىن كۈزىتىپ ئەڭ چىرايلىقىنى چاقىرىپ نەسىھەت قىلسا ، نەسىھەت ئاڭلىغىلى كەلگەن قىزلار ياش تۆكۈپ يىغلاپ ، ئابدۇسەمەت مامۇتقا ئۇچراشتىن بۇرۇنقى ھاياتىنىڭ ھىچنىمىگە ھىساب ئەمەسلىكىنى ئېيتسا ۋە ئۆزىنى ھەر قاچان ئابدۇسەمەت ماماۇتقا تولۇق بېغىشلاشقا تەييار ئىكەنلىكىنى ئېيتسا دىگەنلەرنى ئويلاۋېتىپ رۇقىيە ھاشىمغا بىر قارىۋېتىپ ئېغىر ئۇھسىنىپ قويدى . شۇنداق قىلىپ ئۇ تاققا - تۇققا خىياللارنى قىلىپ يۈرۈپ ئۇخلاپ قالدى . ئەتىسى ئۇ كۆرۈشىدىغان ۋاقىتقا قارىتا چىرايلىق كىيىنىپ ، چېچىنى شاپاقتا قاتۇرۇپ ، شىبلىتىنى تۈكۈرۈكتە مايلاپ پاقىرتىپ ئۇ قىز بىلەن كۆۈشمەكچى بولغان ئۇرۇنغا قاراپ ماڭدى ۋە ئۈندىدارغا ئۇ قىزغا ئۆزىنىڭ ئاق كۆينەك ، پادىچىلار ئىشتى كىيىۋالغىنىنى ئېيتىپ قويدى . ئۇلار دىيىشكەن قەھۋەخانىنىڭ قارشىسىدىكى ئاپتۇبۇز بىكەتنىڭ يېنىدا كۆرۈشۈپ تۇرىشىغا تەلەي شۇنچىلىك كاج كەلدىكىن ، تۇيۇقسىزلا ئاسماننىڭ ئەلپازى بۇزۇلۇپ تاراسلىتىپ يامغۇر يېغىپلا كەتتى . ئۇلار شۇنچە تېز مېڭىپ قەھۋەخانىغا كىرگەن بولسىمۇ يامغۇردىن قېچىپ كىرىۋالغانلار كۆپ بولغاچقا ئۇلارغا ئۇرۇن يەتمەيدىغاندەك قىلاتتى . ئۇلار ئامالسىز سىرتقا چىقىپ پاراڭلىشىپ تۇردى . ئەتىيازنىڭ ھاۋاسىدا ھۆل يېغىندا قالغان ئابدۇسەمەت مامۇت ھېلىدىن ھېلىغا چۈشكۈرەتتى ، توڭلاپ تىتىرەيتتى . ھەتتا بىر نەچچە قېتىم بۇرنىدىن لامپۇچكا ئېتىلدۇرۇپمۇ ئۈلگۈردى . چاچلىرى بۇزۇلۇپ ، شىبلىتلىرىغا لاي چاپلىشىپ ، ئىنتايىن ئوسال روھى ھالىتى بىلەن يۇندىغا موللاق ئاتقان مۈشۈككىلا ئوخشاپ قالغان ئىدى . بىراق قىز بولسا شارتتىدە يېنىدىن يامغۇرلۇق چاپاننى چىقىرىپ كىيىپ ، سالاپىتى ۋە تۇرقىنى بۇزماستىن ھىچنىمە بولمىغاندەك تۇرۇپ پاراڭ سېلىۋاتاتتى . ھازىرقى پەيتتە بولسا ئابدۇسەمەت مامۇت ئۇ قىزغا ئەمەس ئۇ قىز ئابدۇسەمەت مامۇتقا نەسىھەت قىلىۋاتاتتى . نەسىھەتنىڭ ئاساسلىق مەزمۇنى ، سىرتقا باشقىلار بىلەن كۆرۈشكىلى چىققاندا ھاۋارايىغا دىققەت قىلىش ۋە ئالدىن بېرىلگەن ھاۋارايىغا دىققەت قىلىپ تەييارلىقنى پۇختا قىلىش ھەقىقىدە ئىدى . ھەتتا ئۇنىڭ تۇرقىغا قاراپ بىر نەچچە قېتىم مەسخىرلىك كۈلۈپمۇ قويدى ۋە قوشنىسىنىڭ ئوغرى مۈشۈكىگە ئوخشىتىپمۇ ئۈلگۈردى . بۇ ئوخشىتىش ۋە مەسخىرلىك كۈلكىلەردىن جېنى سىقىراپ كەتكەن ئابدۇسەمەت مامۇت ئىچىدە قان قان يىغىلسىىمۇ ، چىرايى تارتىشىپ قالغان ھالەتتە ئىنتايىن بىر ئوسال چىراي ئىپادىسىنى چىقىرىپ ھىجىيىپ تۇرۇشقا مەجبۇر بولدى .
ئۇ ئاخىرى غەيرەتكە كىلىپ ئۇ قىزدىن ھاۋارايى مەلۇماتىنى قەيەردىن بىلگىنىنى سورىغاندا ، ئۇ قىز كۈلۈپ تۇرۇپ ئىزدىنىشقا چىقسىڭىز <<ئانا تىلىمىزدىكى ئۇيغۇرچە ھاۋارايى مەلۇماتچىسى >> دىگەن تېمىدىن چۈشۈرۋالسىڭىزمۇ بولىدۇ . ياكى hawa123.com تىن بىۋاستە چۈشۈرۋالسىڭىزمۇ بولىدۇ دەپ ئېيتىپ بەردى .
ئابدۇسەمەت مامۇت ئاخىرى يانفۇنغا ھاۋارايى مەلۇماتچىسىنى قاچىلاشنىڭمۇ مۇھىم ئىكەنلىكىنى تولۇق ھېس قىلدى ۋە قىز بىلەن خوشلىشىپ ماڭغاچ ئۆيگە بېرىپلا hawa123.com نى ئېچىپ ئۇيغۇرچە ھاۋارايى مەلۇماتچىسىنى چۈشۈرۋېلىش قارارىغا كەلدى . hawa123.com نى تېلفۇنىڭىزدا ياكى كومپىيۇتېرىڭىزدا ئېچىپ چۈشۈرۋېلىڭ

hawa123.com

yantakxahar

ياخشى يېزىپسىز.ماۋۇ تېما يوللاشنىڭ يېڭىچە ئۇسۇلىكەن.

t@xway

مەن تېخى قالتىس مۇھەببەت ھىكايىسى ئوخشايدۇ دەپ گېلەمدە ئولتۇرۇپ ئاڭلاپ كىتىپتىمەن

android.

پەچەت تېما ئىكەن ھېېې

tulpar0007

ياخشى تېما  بۇلۇپتۇ  ئۆگەنسەك بولغۇدەك  

HamNaPaS

تىما يوللاش  قىزىقارلىق بوپتۇ كىتىدىغان بولدىدە، بۇندىن كىيىن،

abliz85

بەك  ياخشىغۇ  بۇ  تىما  شۇ  ھاۋارايى ئىچىلمىسا  يا  بۇ  تىلپۇندا

abliz85

بۇ  ھاۋارايى  سىلەنىڭ  كىدە  ئىچىلدىمۇ  دوسلار

ablahat0903

ئالامەت ياخشى  بۇلۇپتۇ  ئاداش سىلە ھىكايە يازساڭلىما  بۇلغۇدەك  بەكلا  قىززىقكەن  ئاخىرى بارمۇ  يەنە

Enjoy

ھا ھا ھا    كۈلىۋالدىم  يامان ئەمەسكەن.

听天由命

مەمتىمىن ھوشۇردەكلا قابىليەت باركەنغۇ سىزدە

Xperia

ھىكايە ياخشى چىقىپتۇ

زىندان

ھاۋا رايىنىڭ ھىكايىسىغۇ ياخشىكەن ،    لىكىن ماۋۇ گوگىل دىگەن ئاداشنىڭ تور بىتى نەچچە كۈن بولدى ئىچىلمايۋاتىدۇ، قايسىڭلار بۇنىڭ سەۋەبىنى بىلىسىلە باللوووووو......

sada0998

ئېلاننىڭ سەۋىيىسى ئۆسۈپتۇ جومۇ!، ئالامەت تېما بوپتۇ بۇ. مەن گەرچە بۇ ئۇيغۇرچە ھاۋا رايىنى چۈشۈرمەكچى بولۇپ، چۈشۈپ %50 بولغاندا، بىر چېكىنىپ كىتىپ، 5مىگابايىت زىيان. يەنە قايتا ئىش  باشلاپ مەن ئالدىرايمەن ماڭغىلى، ئىشىكىم ئالدىرايدۇ ياتقىلى دېگەندەك. بۇ ئەپنىڭ چۈشۈپ بولالمىغىنى... ئاخىردا چۈشۈپ %99 بولغاندا تېلفۇنۇمنىڭ توكى تۈگەپ، ئۆچۈشى....
يەنە 9مىگابايىت تور ئېقىم زىيان. قىماۋاز ئۇتتۇرغانسىرى جىلە بولغاندەك چىدىمىساممۇ چىداپ ئاچچىغىمدا ماي ئالماشتۇرۇپ  قايتىدىن چۈشۈرۈشكە باشلىدىم ۋە موۋاپپىقىيەتلىك چۈشۈرۈپ قاچلاپ يامان ئېغىر ئىچلىشى تېخى. ئېچىپ قارسام ئۇيغۇرچە ئىكەنلىكىدىن خوش بولدۇميۇ. ئۇ يەرنى باسمەن بۇ يەرگە قارايمەن، ئىزدەيمەن  يەنە شۇ ئىقتىدار... خەنزۇچىلىرىغا سېلىشتۇرغاندا  ئىقتىدارى ئەڭ ئاددى.  بوپتۇلا يۇيۋېتەي دىسەم بەك قىممەت توختاپ كەتتى ماڭا، چىدىمىدىم. مانا شەنبە چۈشلەر ئەتىراپىدا ئېچىلمىدى. نىم بولغاندۇ بۇنۇڭغا دەپ قويۇپ قويدۇم. چۈشتىن  كېيىن ئىچىلدى.« يېڭلاندى  چۈشۈرىمسىز.؟» ياق چۈشۈرمەيمەن قانداقمانا ئەمدى بۇ ھېكايىنى ئاڭلاپ چۈشۈرۈش ھىسياتىم راستىنلا قوزغالدى  يەنە چۈشۈرمەيمەن  قانداق؟