بارلىق ئايفونغا ئۇيغۇرچە كىرگۈزگۈچ

         مەزكۇر يازمىنى دۇنيا ئانا تىل كۈنىگە بېغىشلايمەن !
      
       سەمىمى ئەسكەرتىش ، مەزكۇر ئۇيغۇرچە كىرگۈزگۈچنى قاچىلاشتىن بۇرۇن ، مەزكۇر يازمىنى تەپسىلىي ئوقۇپ چۈشىنىپ ئاندىن مەشغۇلات قىلىڭ ، توغىرا مەشغۇلات قىلالمىسىڭىز سۆز قالدۇرۇڭ ، كۈچىمىزنىڭ يېتىشىچە جاۋاب بىرىمىز ، توغىرا مەشغۇلات قىلالماسلىق سەۋەبىدىن مەشغۇلات سېستىمىڭىزنى بۇزۇۋالسىڭىز ، تور بېتىمىز ۋە مەزكۇر كىرگۈزەۈچنى ئۆزگەرتكەنلەر مەسئۇل بولمايمىز .          
     
       تېما ماۋزۇسىدا ئېيتىلغاندەك بارلىق ئايفونغا ئەمەس ، بەلكى نەشىرى  iOS4.1-5.0.1 غىچە بولغان ، تـۈرمىدىن مۇكەممەل قاچۇرۇلغان (ھازىر پەقەت iOS4.3.5 لا تۈرمىدىن مۇكەممەل قاچۇرۇلمىدى)، iPhone3/3GS/4/4S لاردا نورمال ھالەتتە ئۇيغۇرچە يېزىقنى بىۋاستە كىرگۈزگىلى بولىدۇ ، شۇنداقلا ئايرىم -ئايرىم ھالدا 4.1 نەشىردىكى شۇنداقلا iPhone3/3GS ۋە 4.3.3 نەشىردىكى iPhone4 ، ھەم يەنە 5.0.1 نەشىردىكى iPhone4/4S لاردا نورمال سىناق قىلىندى . ئۇيغۇرچە ، خەنزۇچە ، ئىنگىلىزچە يېزىقلارنىمۇ بىۋاستە نورمال كىرگۈزگىلى بولىدۇ .
       ساقلىنىۋاتقان مەسىلىلەر : تورداشلارغا مەلۇم بولغىنىدەك ، بۇندىن بۇرۇنقى بىر قانچە يازمىلاردا بۇ كىرگۈزگۈچ توغۇرلۇق ئۇچۇرلارنى بەرگەن ئىدىم ، لېكىن شۇنچە زور تىرىشچانلىقلارنى كۆرسەتكەن بولساقمۇ ، نۇر بەلگىسىنىڭ ئورنىنى ئوڭدىن سولغا توغۇرلاش ئىمكانىيتى بولمىدى ، يەنە بوشلۇق كونۇپكىسى بىلەن ئىزدەش (ياكى ئالماشتۇرۇش) كونۇپكىسىنىڭ ئارلىقى يېقىن بولغاچقا چاپلىشىپ قالدى ، بۇ بەلكىم سەۋىيىمىزنىڭ چەكلىك بولۇشىدىن ، بىزنىڭ بۇ ساھەدە كەسپى بىلىملەرنى تولۇق ، ئەتىراپلىق بىلمىگەنلىكىمىزدىن بولدى دەپ قارايمەن ، بۇ ساھەدىكى كەسپى ئەربابلارنىڭ ۋە ئۇستازلارنىڭ بىلىدىغانلىرى بولسا ئايىماي ،يىتەكچىلىك قىلىشىنى چىن كۆڭلىمىزدىن ئۈمىد قىلىمىز . شۇ سەۋەبلىك ۋە باشقا زۆرۈر ئامىللار سەۋەبىدىن مەزكۇر كىرگۈزگۈچكە مەخسۇس قاچىلاش بولىقى ياسالمىدى ، پەقەت بۇ كىرگۈزچكە مۇناسىۋەتلىك بولغان بەيدۇ كىرگۈزگۈچىنى cydia دىن چۈشۈرۈپ قاچىلاپ ، ئۇنىڭ مۇناسىۋەتلىك ھۆججىتىنى بىز ئۆزگەرتكەن ھۆججەتكە ئالماشتۇرۇش ئارقىلىق سېستىما يادروسىغىلا ئۇيغۇرچە كىرگۈزگۈچنى قوشۇش ئۇسۇلى تەمىنلەندى ، شۇڭا ئىشلەتكۈچىلەر يازمىنى ئەستايىدىللىق بىلەن ئوقۇپ چۈشىنىپ ، يازمىدا كۆرسىتىلگىنى بويىچە مەشغۇلات قىلسا نورمال قاچىلاپ ئىشلىتەلەيدۇ  . مەخسۇ بولاق ياسىماسلىقىمىزدا ، يەنە بۇ كىرگۈزگۈچتە ئۇيغۇرچە قىسمىغا ئائىت بىر - ئىككى تۈرلۈك bug بولغاچقا ، بىز مۇشۇ بۇگنى تۈزەتكەندىن كېيىن ئاندىن رەسمى قاچىلاش بولىقى ياساپ ئاندىن تارقاتماقچى ، شۇڭا مەزكۇر ئۇيغۇرچە كىرگۈزگۈچنى ئىشلىتىشكە ھېرىسمەن بولغان ئايفونداشلار ئەگەر خالىسا ئالدىن مۇشۇ يازمىدا كۆرسىتىلگەن تەرتىپ بويىچە قاچىلاپ ئىشلەتكەچ تۇرسىمۇ بولىدۇ .
      خوش ، ئۇنداقتا ، نەق كىرگۈزگۈچ مەسىلىسىگە كىلەيلى  .
      تەييارلىق باسقۇچلار  :
       بىرىنچى ، ئايفونىڭىز iOS4.1-5.0.1 غىچە (پەقەتiOS4.3.5 دىن باشقا  )تۈرمىدىن مۇكەممەل قاچۇرۇلغان iPhone3/3GS/4/4S نىڭ خالىغان بىرسى بولسۇن ، تۈرمىدىن قاچۇرۇش ئۇسۇلىنى بىلىك كۇلۇبى ، ئالما ھەۋەسكارلىرى كۇلۇبى ، ئالىپ تورى ، خالاستان بلوگى ، پاسىبان كۇلۇبى قاتارلىق تور بەتلەردىكى مۇناسىۋەتلىك يازمىلاردىن كۆرۈۋىلىڭ .
      ئىككىنچى ، ئايفوندا cydia نى قوزغىتىپ ، مەنبەگە باشقۇرۇش (管理) ئەپ مەنبەسى (软件源) دىكى تەھرىرلەش (编辑) نى بېسىپ ، قوشۇش (添加) نى بېسىپ بىرنچى خەنزۇچە مەنبە (第一中文源) نىڭ ئادرېسى apt.178.com نى قوشۇڭ ، جەزىملەشتۈرۈڭ ، ئەگەر cydia دىكى ئەپ مەنبەسىگە يۇقارقى مەنبەنى قوشۇپ بولغان ئايفونداشلار بولسا بۇ باسقۇچتىن ھالىقىپ ئۆتۈپ كەتسىمۇ بولىدۇ .
      ئۈچىنچى ، cydia دىن ئىزدەش (搜索) نى بېسىپ ، ئىزدەش رامكىسىغا خەنزۇچە ياكى ئىنگىلىزچە يېزىقتا baidu ياكى 百度输入 دەپ كىرگۈزسىڭىز ، بىر قانچە تۈرلۈك ئىزدەش نەتىجىسى چىقىدۇ ، شۇنىڭ ئىچىدىن تۆۋەندىكى سۈرەتتە كۆرۈنگەن نەشىرنى تاللاپ ئايفونغا قاچىلاڭ .

ئەسكەرتىش ، نەشىرنى چوقۇم توغىرا قاچىلاڭ ، بولمىسا خاتالىق كىلىپ چىقىدۇ ، سىز قاچىلايدىغان نەشىرى 百度手机输入法iPhone（完美兼容4S）2.1.6.2  بولۇشى كېرەك ، باشقىسى بولسا قەتئىي بولمايدۇ .
     ئۈچىنچى ، 百度手机输入法iPhone（完美兼容4S）2.1.6.2 نى ئايفونىڭىزغا قاچىلاپ بولغاندىن كېيىن ، ئۇنى سېستىما كىرگۈزگۈچلىرى قاتارىغا قوشۇڭ ، ئۇسۇلى مۇنداق :
设置>通用>键盘>国际键盘>添加新键盘 نى بېسىپ 百度输入法نى تاللاڭ ، شۇنداقلا چېكىنىپ چىقىپ ئۇچۇر ياكى ئەڭ باش بەتتىكى ئىزدەش رامكىسىغا كىرىپ 百度输入法 نىڭ نورمال قاچىلانغان قاچىلانمىغانلىقىنى سىناڭ ، ئەلۋەتتە بىرىنچى قېتىم قوزغاتقاندا سۈرەت سەللا ئاستا (ئىككىنچى قېتمدىن كېيىن ئۇنداق بولمايدۇ )شۇنداقلا بۇ كىرگۈزگۈچنىڭ سۈرەتلىك چۈشەندۈرۈشى چىقىدۇ ، ئىكراننى ئوڭغا سۈرۈش ئارقىلىق ئاندىن رەسمىي ھالدا 百度输入法 نورمال چىقىدۇ . ئۇيغۇرچە سەپلىمە ھۆججىتىنڭ بىرىنچى ئىكراندا كۆرۈنۈشى ئۈچۈن ئۈستەل يۈزىدىكى 百度输入法 نى بېسىپ قوزغىتىپ ، 输入法方式 نى بېسىپ ، تۆۋەندىكى سۈرەتتىكى تەرتىپ ۋە ھاللەت بويىچە تەڭشەپ قويسىڭىز بولىدۇ ، چۈنكى ئۇيغۇرچە سەپلىمە ھۆججىتى بىرىنچى كونۇپكا كۆرۈنۈشىگە ئۇيغۇرچە كىرگۈزگۈچ كۆرۈنىدىغان قىلىپ ، سۈكۈتتىكى قىممەتتتە تەڭشەلگەن .




ئايفونغا 百度输入法  نى ئوڭۇشلۇق قاچىلاپ بولدۇق ھەم سۈكۈتتىكى قىممەتتە تەڭشىۋالدۇق .
        تۆتىنچى ، ئايفوننى كومپىيۇتېرغا چېتىپ ، iTools ياكى 91手机助手 for iPhone (نۇرغۇن ئايفونداشلا 91 چوماقچىسىدىن يېرگىنسىمۇ ھازىرقى يېڭى نەشىردىكى 91 چوماقچىسىنىڭ ئىقتىدارى خېلىلا كۈچلۈك ، بۇرۇنقىدەك ناچار تەرەپلىرى تۈزىتىلگەن ، ئىقتىدارى ئوخشاش ئىقتىداردىكى قوراللارغا قارىغاندا خىلىلا كۈچلۈك )ۋە ياكى ifunbox قاتارلىق ھۆججەت باشقۇرغۇچى قوراللارنىڭ خالىغان بىرىنى ئىشلىتىپ  تۆۋەندىكى مۇندەرىجىنى ئېچىڭ :
/var/mobile/Library/Keyboard/BaiduInputMethod/默认皮肤  
        يۇقارقى مۇندەرىجىنى ئېچىپ ، شۇنىڭ ئىچىدىكى skin دېگەن ھۆججەت قىسقۇچنى پۈتۈنلەي يۇيىۋىتىڭ . تۆۋەندىكى سۈرەتكە قاراڭ :

ئاندىن يۇقارقى كۆزنەكنى تاقىماي تۇرۇپ ، بىز تەمىنلىگەن ئۇيغۇرچە سەپلىمە ھۆججىتى skin.zip نى چۈشۈرۈپ (يازما ئاخىرىدا تەمىنلەندى) پىرىستىن يېشىپ  ، skin نامىدىكى ھۆججەت قىسقۇچنى تۆۋەندىكى مۇندەرىجە ، يەنە بايا بىز يۇيىۋەتكەن مۇندەرىجە شۇ var/mobile/Library/Keyboard/BaiduInputMethod/默认皮肤   غا ئەكىرىپ ، سۆرەپلا ئەكىرسىڭىزمۇ ياكى ئۆلچەملىك ھالدا iToolsقورال رامكىسىنىڭ  ئۈستى سول تەرىپىدىكى 导入>文件夹 نى بېسىپ پىرىستىن يەشكەن ھۆججەتنى تاللاپ ئەكىرسىڭىزمۇ بولىدۇ . ئەگەر 91 چوماقچىسىنى ئىشلىتىۋاتقان بولسىڭىز 上传到设备>上传目录 نى بېسىپ چۈشۈرۋالغان skin.zip ھۆججىتىنى پىرىستىن يېشىپ چىقارسىڭىز بولىدۇ ، ئەگەر روت ھوقۇقى تەلەپ قىلسا 777 قىلىپ ھەممىنى تاللاپ قويۇڭ . تۆۋەندىكى سۈرەتكە قاراڭ ، تۆۋەندىكى سۈرەت 91 چوماقچىسى ئارقىلىق چىقىرىش ئۇسۇلى .( 4.1 نەشىردىكى iphone3GS گە قاچىلىغاندا skin@2x دېگەن بىر ھۆججەت ئارتۇق چىقىدۇ ، ھەرئىككى ھۆججەتنى ئۆچۈرۈپ ، بىز تەمىنلىگەن ھۆججەتنى چىقىرىپ نامىنى بۇرۇنقىغا ئوخشاش قىلىپ قويسىڭىز بولىدۇ . )

skin دېگەن ھۆججەتنى چىقىرىپ بولغان بولسىڭىز ، ئايفوننى كومپىيۇتېردىكى ئۇچۇر يەتكۈزۈش سىمىدىن ئاجىرىتىپ ، ئۆچۈرۈڭ ، ئاندىن قايتا قوزغىتىپ بىرىنچى بەتكە كىرىپ قاراپ بېقىڭ ، تۆۋەندىكى سۈرەت چىقىپتىمۇ ؟

يۇقارقىلارنى تاماملاپ بولغان بولسىڭىز ئايفونىڭىزدا ئۇيغۇرچە كىرگۈزگۈچ ئەمدى نورمال يۈرۈشىدۇ ، بۇنى ئىشلىتىش ئۇسۇلى بەكمۇ ئاددى ،ئۇيغۇرچە كونۇپكا تاختىسىدا كونۇپكىنى بىر باسسىڭىز شۇ ھەرپنىڭ ئۆزى ، بېسىپ تۇرسىڭىز (بەلكىم بىر سىكونتقىمۇ بارمايدىغۇ دەيمەن ) شۇ كونۇپكىنىڭ ئۈستىدىكى كىچىك ھەرپ ياكى بەلگە چىقىدۇ .  يەنى ئۇيغۇرچە كونۇپكا ئىكراننى ئوڭ ياكى سولغا يەڭگىل بېسىپ سۈرۈش ئارقىلىق ئۇيغۇرچە خەنزۇچە كىرگۈزۈش ھالىتىگە ئالماشتۇرغىلى ، ABC  نى بېسىش ئارقىلىق ئىنگىلىزچە كىرگۈزۈش ھالىتىگە كىرگىلى بولىدۇ .
        ئەمەلىيەتتە ، شۇنچە كۆپ سۆزلىگىنىمىز بىلەن ناھايتى شۇ بىر سەپلىمە ھۆججىتىنى ئالماشتۇرۇشلا جەريانى ، بىلىدىغانلارغا نىسبەتەن بەكلا ئاددى ، يېڭىدىن كىرىشكەنلەرگە نىسبەتەن سەل قېيىنغا توختايدۇ ، يولۇققان مەسىلىلەر بولسا ئىنكاس قالدۇرساڭلا كۈچىمىزنىڭ يېتىشچە مەسلىھەت بىرىمىز .
      
        خۇلاسە ئورنىدا
         يازمىنىڭ بېشىدا ئېيتىپ ئۆتكىنىمىزدەك ، مەزكۇر كىرگۈزگۈچنى بولاققا ئېلىپ بىۋاستە قاچىلىنىدىغان قىلىپ تەمىنلىسەك بولاتتى ، ئەلۋەتتە يەنە بىر قىسىم تۈزىتىلمىگەن تەرەپلەر بار ، شۇنداقلا باشقا ئوبېكتىپ ئامىللارمۇ بار ، لېكىن خەق چايناپ بەرگەن ناننىڭ تازا تەمى يوق ،ئۆزىڭىز ئازراق ئەجىر قىلسىڭىز iOS ئازراق بىلىمگە ئىگە بولۇپ قالسىڭىز ئەجەپ ئەمەس .
          كىرگۈزگۈچ ئۇيغۇرچە سەپلىمە ھۆججىتى : skin.zip (734.28 KB, چۈشۈرۈش سانى: 649)

2012-2-19 23:18 چىقىرىش

ھۆججەت ئىسمىنى بېسىپ قوشۇمچىنى چۈشۈرۈش
           مەزكۇر يازما ئالما ھەۋەسكارلىرى كۇلۇبى ، بىلىك كۇلۇبى ، ئالىپ تورىدا بىرلا ۋاقىتتا ئېلان قىلىندى ، مەنبەسىنى ئەسكەرتكەن ھالدا باشقا تور بەتلەردە تارقىتىلسا بولىدۇ .

ئەسسالامۇ ئەلەيكۇم
رەخمەت مەن قاچىلۋالدىم  نورمال ئىشلەۋاتىدۇ.ھاياجېنىمنى باسالمايۋاتىمە
تېخىمۇ بىلمىڭلار زىيادە بولغايئاللاھ ئەجىرىڭلىنى بەسۇن.
كۆپ رەخمەت...................

ئەسسالامۇ ئەلەيكۇم
بۇ دېتال ئاندرويد سېسىتمىلىق يانفۇنغا ئىشلەنمەمدۇ،مىنىڭ i9018 تى نەشىرى 2.2 كى،بۇنى كۆرۈپ بەك خوش بولغان ئىدىم.

گەرچە مېنىڭ ئالما تېلىفونۇم بولمىسىمۇ بۇ كىرگۈزگۈچنىڭ ۋۇجۇدقا كەلگىنىدىن خۇشالمەن .تېمىنى باھالاي دېسەم باھالاش دېگەن خەتنى تاپالمىدىم ...

ئەسسالامۇ ئەلەيكۇم
رەھمەت مەنمۇ قاچىلاپ سىناپ باقاي

kebj يوللىغان ۋاقتى  2012-2-20 11:28
ئەسسالامۇ ئەلەيكۇم
بۇ دېتال ئاندرويد سېسىتمىلىق يانفۇ ...

ئاندىرويىد يانفۇنغا ئاللابۇرۇن ئىشلىنىپ بولغان، سىز ئاندرويد بازىرىغا چىقىپ muliting keyboard دەپ ئىزدىسىڭىز چۈشۈرەلەيسىز.

بۇ يەردىن چۈشۈرسىڭىزمۇ بولىدۇ.
/thread-2759-1-3.html

بارىكاللا مايور ئەپەندى ئاللا ئەجرىڭلارنى بەرسۇن !قاچىلاپ ئىشلىتىۋاتىمەن بىر چاتاق يېرى بەزى بىر خەتلارنى خەنزۇچە ئىزدەشكە توغرا كەلسە خەنزۇچە كۇنۇپكىغا ئالماشتۇرغىلى بولمايدىكەن

font يوللىغان ۋاقتى  2012-2-20 12:59
بارىكاللا مايور ئەپەندى ئاللا ئەجرىڭلارنى بەرسۇن !قاچ ...

ھەرگىزمۇ سىز دېگەندەك ئەمەس ، تامامەن ئالماشتۇرغىلى بولىدۇ ، ئىكراننى ئوڭ ياكى سلغا سېيرىسىڭىز خەنزۈچە كىرگۈزۈش ھالىتىگە ئالمىشىدۇ ، شۇ چاغدا سول تەرەپ ئاستىغا قاراپ بىقىڭ ، كىچىككىنە يۇمىلاق يەر شارى بەلگىسى بارمۇ يوق . ئەمەلىيەتتە بۇ كىرگۈزگۈچنى قاچىلىغاندىن كېيىن سېستىما ئۆزى تەمىنلىگەن كىرگۈزگۈچكە ئاساسەن كۆپ ئىھتىياج چۈشمەيدۇ . يەنە كىلىپ ئۇيغۇرچە تور بەتلەرنىڭ ئىنكاس ، تېما يېزىش كۆزنىكىدە ئۇيغۇرچە ، خەنزۇچە ، ئىنگىلىزچە يېزىقلارنى ئارىلاش كىرگۈزەلەيسىز ، بۇ ناھايتى قولايلىق تەرىپى . ئەمەلىيەتتە بەت سېستىمىسىدا ئۇيغۇرچە كىرگۈزگۈچ تەمىنلىگەن مۇنبەر ، تور بەتلەرگە ئىنكاس يازغاندا ئايفوننىڭ سېستىمىسىدا تەمىنلىگەن ئىنگىلىزچە كىرگۈزگۈچ ئارقىلىق بىۋاستە ئۇيغۇرچە كىرگۈزگىلى بولىدۇ ، ئەمما ئىنگىلىزچە يېزىقلارنى شۇ كۆزنەككە بىۋاستە كىرگۈزەلمەيسىز ، پەقەت باشقا يەرگە يېزىۋىلىپ كۆچۈرۈپ ئەكىلىپ چاپلاشقا توغىرا كىلىدۇ . ئەمما مەزكۇر كىرگۈزگۈچتە ئۇنداق ئەمەس ، ئۇيغۇرچە يېزىۋىتىپ تاسادىپى ھالدا ئىنگىلىزچە يېزىش ئىھتىياجى چۈشۈپ قالسا سول تەرەپ ئاستىدىكى ABC دېگەن كونۇپكىنى بېسىپلا ئىنگىلىزچە بىۋاستە كىرگۈزۈش ھالىتىگە كىرەلەيسىز ، لېكىن سېستىما تەمىنلىگەن ئىنگىلىزچە كىرگۈزگۈچتە بۇنداق قولايلىق يوق . شۇڭا بۇ كىرگۈزگۈچ سىزنىڭ ئۈچ خىل يېزىقنى ئارلاشتۇرۇپ يېزىش ئىھتىياجىدىن تامامەن چىقالايدۇ ، سېستىما كىرگۈزگۈچىگە ئالماشتۇرۇش ئقھتىياجى ئاساسەن يوق دىيەرلىك ، ئەگەر بەك زۆرۈر بولسا مۇشۇ ئىنكاسنىڭ بېشىدا ئېيتىلغادەك مەشغۇلات قىلسىڭىز بولىدۇ .

mayor يوللىغان ۋاقتى  2012-2-20 13:05
ھەرگىزمۇ سىز دېگەندەك ئەمەس ، تامامەن ئالماشتۇرغىلى  ...

رەخمەت  ئەمدى بولدى

بەك بەلەن بوپتۇ.دوستلارنىڭ تېرىشچانلىقى بىلەن ئانا يېزىقىمىز يەنىمۇ تەرەققى قىلغۇسى!

رەھمەت مايور ئەپەندى ئاللا ئەجرىڭلارنى بەرسۇن !قاچىلاپ ئىشلىتىۋاتىمەن. بەك ياخشى ئىش بۇپتۇ

ھەقىقەتەن ئېسىل ئىش بوپتۇ. جاپا چەكتىڭلار.

مانا... مەن تۆت كۈزۈم بىلەن ساقلاۋاتقان تېما.... رەھمەت دوستۇم. بۇنىلىق بىلەن دۇنيا ئانا تىل كۈنىمىزنى خۇشاللىق ئىچىدە ئۆتكۈزىدىغان بولدۇم.. باركاللا. ياشاپ كېتىڭلار پىدائىيلار!!!