مەرگەن مېدىئا قويغۇچىسى (splayer نىڭ ئۇيغۇرچە نۇسخسى)

yarghol

splayer ھازىرقى مودا بولىۋاتقان قويغۇچلارنىڭ بىرى . ئۇنىڭ باشقا قويغۇچلاردىن ئەڭ چوڭ ئالاھىدىلىكى شۇكى ، ئۇ سىز كۆرۈۋاتقان كىنونىڭ ئىسمىغا ئاساسەن ئەقلى ھالدا توردىن شۇ كىنىونىڭ ماس خەت ھۆججىتىنى تېپىپ ( ماس خەت ھۆججىتى توردا بولسىلا ) سەپلەپ بېرىدۇ . باشقا تىلدىكى كىنولارنى كۆرگەن ۋاقتىڭىزدىكى چۈشۈنەلمەسلىك مەسىلىسىنى ھەل قىلىپ بېرىدۇ .
ئۇنىڭ سېستىما بايلىقىنى ئىگەللىىشى ناھايىتى تۆۋەن بولۇپ ، ئىشلىتىش ئاسان ھەم قولايلىق .
تۆۋەندە بىر قىسىم رەسىملىرى بېرىلدى

چۈشۈرۈش ئادرىسى : چۈشۈرۈش

لەرزان

مەن مەزكۇر دېتال يۈزىدىكى تەرجىمىلەرنى تەپسىلىي كۆرۈپ چىقىپ، كاللامدا بىر تۈگۈن پەيدا بولۇپ قالدى، مۇشۇ يەردىلا ئوتتۇرىغا قويۇپ باقسام:
مەن يېقىندىن بۇيان تەرجىمە قىلىنىۋاتقان دېتاللارغا دىققەت قىلىپ كېلىۋاتىمەن، دېتال يۈزىدە 1.، 2. ، 3. شەخىسلەرنىڭ ھەممىسى تەڭ قوللىنىلغان ئەھۋاللار دىققىتىمنى خېلىلا تارتتى(ئەلۋەتتە، يالغۇز بۇ دېتال ئەمەس)، مېنىڭچە ئاپتورلار (تەرجىمانلار) شۇ مۇھىتقا ئاساسەن، تىلنى جانلىق ۋە قىسقا چىقىرىش ئۈچۈن شۇنداق قىلغان بولىشى مۇمكىن، بۇ ئەھۋالنى مەنمۇ چۈشىنىمەن، چۈنكى مەنمۇ دېتال تەرجىمە قىلىپ باققان. بىراق ، مەن بىر دېتال يۈزىدە ئۈچ شەخىسنىڭ ھەممىسى ئىشلىتىلسە تازا ياخشى بولمامدۇ، قانداق؟ دېگەن ئويغا كېلىپ قالدىم، «ئۇنداق قىل، بۇنداق قىل» دەپ كېلىپ، بىردەمدىلا «ئۇنداق قىلىش، بۇنداق قىلىش»قا ئۆزگىرىپ قالسا، ئاخىرىدا يەنە «ئۇنداق قىلاي، بۇنداق قىلاي»غا ئۆزگىرىپ قالسا ، كۆرگەن كىشىگە  بىر خىل قالايمىقان تىل مۇھىتىدا تۇرغاندەك ئۇقۇم پەيدا قىلىپ قويۇشى مۇمكىن، شۇڭا مۇشۇ ئىش ئۈستىدە مۇشۇ پۇرسەتتىن پايدىلىنىپ مۇشۇ يەردە مۇنازىرىلىشىپ باقساق. (بۇ ئارقىلىق ھەرگىزمۇ بۇ دېتالنى ياخشى تەرجىمە قىلالماپتۇ، دېمەكچى ئەمەسمەن، يارغولنىڭ مەقسىتىمنى توغرا چۈشىنىشىنى ئۈمىد قىلىمەن)
مېنىڭ پىكىرىم، ئوخشىمىغان شەخىس تىلىنى ئامال بار  ئاز ئىشلەتسەك.
ئەمدى، كۆپچىلىكنىڭ پىكىرىنى ئاڭلاپ باقسام......

Tirix-qan

رەھمەت ئاللاھ قۇلىڭىزغا دەت بەرمىسۇن .

ئۇچقۇر

رەھمەت چۈشۈرىۋاتىمەن

ratna

تەرجىمە ياخشى چىقىپتۇ. ھارمىغايسىز!

turkzat007

تەشەككۇر  بارىكاللا

amir

بۇنداق ياخشى قويغۇچنىڭ بارلىقىنى بىلمەپتىمەن...رەھمەت سىزگە چۈشۈرشۋاتىمەن.

abdulla350

ئەسسالامۇ ئەلەيكۇم  ئۇيغۇرچىغا تەرجىمە قىلىنغان مۇنداق قويغۇچمۇ باردەڭ رەھمەت مەن چۈشۈرىۋاتىمەن!

مۇزەپپەر

چۈشۈرۋالدىم

لەرزان

ئەجرىڭىزگە بارىكاللا، قولىڭىز ھارمىغاي.
شۇ كىنونىڭ ماس خەت ھۆججىتىنى سەپلەپ بېرىدۇ ،   دەپسىز ، ئۇيغۇرچە خەت ھۆججىتىنىمۇ سەپلەپ بېرەلەمدۇ؟

yarghol

لەرزان يوللىغان ۋاقتى  2012-2-23 16:07
ئەجرىڭىزگە بارىكاللا، قولىڭىز ھارمىغاي.
شۇ كىنونىڭ ما ...

ھازىر بىزنىڭ خەتلىك كىنو تەرجىمە قىلىۋاتقان تەرجىمانلىرىمىز شۇ پۈتكەن خەتنى مەرگەن ئورگان بېتىگە يوللاپ بەرسىلا ، ئۇيغۇرچە خەتنىمۇ تېپىپ سەپلەپ بېرەلەيدۇ . لېكىن بىر كىنو تەرجىمە قىلىش خېلى قوش تۇتىدىغان ئىش بولغاچقا ، ئۇيغۇرچە خەتنى يوللاپ بېرىش بەرمەسلىك تەرجىمانلارنىڭ ئىختىيارلىقىدا...بۇ قويغۇچ تېپىپ بەرگەن ئاشۇ خەنزۇچە خەتلەرنىمۇ خەنلەرنىڭ تەرجىمە گۇرۇپپىلىرى ياكى شەخىسلەر ئورگان تورىغا يوللىغان خەتلەر ...  ...

yarghol

لەرزان يوللىغان ۋاقتى  2012-2-23 16:31
مەن مەزكۇر دېتال يۈزىدىكى تەرجىمىلەرنى تەپسىلىي كۆرۈپ ...

ئىنكاسىڭىز ئورۇنلۇق . دېگىنىڭىزدەك مۇشۇنداق ئەھۋاللار مەۋجۇت . مەن دەسلەپتە شۇ ' قىلىش ، ئىتىش ' دېگەندەك تەرجىمە قىلىدىغان ئىدىم .ئالىپ ئەپەندىمنىڭ تەشەببۇسىنى كۆرۈپ ، بويرۇق شەكلىدە ئالساقمۇ بولىدىكەن ، دېگەن قاراشقا كېلىپ ، ئامال بار بويرۇق شەكلىدە ئېلىۋاتىمەن  . لېكىن بەزى چاغلاردا بىلىپ-بىلمەيلا يەنە شۇ ' قىلىش ، ئىتىش' كە چۈشۈپ كېتىمەن .بۇنىڭدىن كېيىن ئىمكان بار تەرجىمىنىڭ بىردەكلىكىگە دېققەت قىلىمەن.
   ئەمما دېتال تەرجىمە قىلغاندا ، تەرجىمىنىڭ ئۆلۈك بولىشىنى تەشەببۇس قىلمايمەن . بەزى جايلاردا بىرىنجى شەخىس ، بەزى جايلاردا ئىككىنچى شەخىس ، يەنە زۆرۆرىيىتى بولسا ، ئۈچۈنچى شەخىس تىللىرىنىمۇ ئارىلاشتۇرۇپ ئىشلىتىش كېرەك . قانداق بولسا ، شۇنداق تەرجىمە قىلىمەن دەپ ئۆلۈك تەرجىمىگە ئېسىلىۋالساق ، بەلكىم بەزى تەرجىمىلىرىمىز مۈجىمەل چىقىپ قېلىشى مومكىن .دېتالنىڭ تىلىنى ئۇيغۇرچىغا ئۆرۈش بىلەنلا بولماي ، يەنە چۈشىنىشلىك بولىشىغىمۇ ئېتىبار بەرمەي بولمايدۇ .

لەرزان

yarghol يوللىغان ۋاقتى  2012-2-23 20:50
ئىنكاسىڭىز ئورۇنلۇق . دېگىنىڭىزدەك مۇشۇنداق ئەھۋال ...

پىكىرىمنى توغرا چۈشەنگىنىڭىزگە رەھمەت، سىز دېگەندەك تەرجىمىنىڭ توغرا، چۈشۈنىشلىك بولىشى دېتال تەرجىمىدىكى ئالدىنقى شەرت، بىراق جانلىق تەرجىمە قىلىمەن دەپلا ھەممە يەرگە «قىل، ئەت» دەپ ئېلىۋەرسەك تازا ياخشى بولماسمىكىن، مەسىلەن، 请输入文件名称 ,please enter file nameدېگەننى مىسىال قىلايلى، «ھۆججەت نامىنى كىرگۈزۈڭ» دېسەك مېنىڭچە ئەڭ مۇۋاپىق بولىدۇ، ئەگەر «قىل، ئەت» دەپ كېلىپ، «ھۆججەت نامىنى كىرگۈزۈڭ» دېسەك «سەن»دىن «سىز»گە ئۆتۈپ كېتىمىز، ئەگەر «ھۆججەت نامىنى كىرگۈز» دېسەك، نام كىرگۈزىدىغان ھەرىكەتنى ئۆزىمىز قىلىمىز، ھەرگىز كومپىيوتېر قىلمايدۇ، بۇ چاغدا ئالدىنقى يەرلەردە «قىل، ئەت» دەپ كومپىيوتېرغا بۇيرۇق قىلىۋېتىپ، بۇ يەرگە كەلگەندە ئۆزىمىزگە بۇيرۇق قىلغان بولۇپ قالىمىز، شۇنىڭ بىلەن تەرجىمىنى ئۆزگەرتىپ «ھۆججەت نامىنى كىرگۈزەي» دېگىلى بولمايدىغۇ دەيمەن، شۇڭلاشقا مېنىڭ پىكىرىم يەنىلا شۇ «قىلىش، ئىتىش» ياخشىراق بولامدىكىن دەيمەن......
قېنى سىلەرنىڭ پىكىرىڭلارنى ئاڭلاپ باقاي....

yarghol

لەرزان يوللىغان ۋاقتى  2012-2-24 13:38
پىكىرىمنى توغرا چۈشەنگىنىڭىزگە رەھمەت، سىز دېگەندەك  ...

ئەھۋالدىن قارىغاندا ،سىز مېنىڭ مەقسىتىمنى تازا تۇلۇق چۈشەنمىگەن ئوخشايسىز . دېتال تەرجىمە قىلغاندا جانلىق چىقىشى كېرەك ، دېگىنىم ھەرگىزمۇ قارا-قۇياق ھەممىلا يەرگە ' قىل ، ئەت ' دەپ تەرجىمە قىل دېگىنىم ئەمەس . ئەھۋالغا قاراپ ، ئەركىن تەرجىمە قىلىش كېرەك  دېمەكچىمەن (ئەلۋەتتە ، ئەركىنلىكمۇ ئۆلچەم ئىچىدىكى ئەركىنلىكنى كۆرسىتىدۇ) .
please enter user name ，  请输入用户名 دېگەندەك سۆزلەرنى ' قوللانچى نامىنى كىرگۈزۈڭ ' ياكى ' ئابونت نامىنى كىرگۈزۈڭ ' دەپ تەرجىمە قىلىمىز . بەزى جايلاردا كەلگەن ئايرىم سۆزلەرنى (جۈملە ئىچىدە كەلمىگەن) ، يەنە تىزىملىكتىكى بىرقىسىم پېئېللارنى بويرۇق شەكلىدە ئالغىنىمىز ياخشىراق ، دەپ قارايمەن . مەسىلەن :
open ， cut ， delete ， 打开 ， 剪切 ， 删除 دېگەندەك سۆزلەرنى ئاچ ، كەس ، ئۆچۈر دەپ ئالسىڭىز ، ھەم ئىخچام ھەم جانلىق چىقىدۇ . ئەلۋەتتە ئېچىش ، كېسىش ، ئۆچۈرۈش دەپ ئالسىڭىزمۇ خاتا ئەمەس . بۇنىڭغا كەسپى شەخىسلەر ياكى تىل- يېزىق كومىتىتى قاتارلىقلار بىر ئۆلچەم چىقارغىنى يوق (مېنىڭ بىلىشىمچە ) . شۇڭا قانداق ئېلىش ئىختىيارلىقىڭىزدا . لېكىن مەن يەنىلا جانلىق تەرجىمىنى تەۋسىيە قىلىمەن .
不要显示此对话框 دېگەننى  مېنىڭچە ' بۇ دىئالوگ رامكىسىنى كۆرسەتمە ' ياكى ' بۇ دىئالوگ رامكىسىنى كۆرگۈم يوق ' دەپ تەرجىمە قىلساقمۇ بولىۋېرىدۇ . (شەخسى قارىشىم )

sansiz7703

سەن دىگەننىڭ ئورنىغا  سىز دپ  ئالساق چۇ