Arduino-كۆكچىش ئارقىلىق كونترول قىلىنىدىغان كىچىك ماشىنا

e-chewendaz

ئەسسالامۇ ئەلەيكۇم ئالىپ تورىدىكى بارلىق ئېلېكتىرون،Arduino ھەۋەسكارلىرى! ھەممىڭلارغا كەمىنە ئېلېكتىر چەۋەندازدىن ئوتلۇق سالام!
ئاردىينوغا بولغان قىزقىشىم بىلەن تۇنجى قېتىم ياساپ چىققان قۇرۇلمام «كۆكچېش ئارقىلىق كونترول قىلىندىغان ماشىنا» بولسىمۇ،تاكى بۈگۈنگە قەدەر بۇ توغرىسىدا كۆپچىلىككە بىرەر تېما يازماي كەلگەنىدىم(ئەسلى مەن تېخىمۇ مۇككەممەل تېمىدىن بىرنى يېزىپ بالدۇرلا ئىلان قىلماقچى ئىدىم،مۇككەممەللىكنى قوغلىشىپ،مۇككەممەل قىلالماي ئاخىرى باشتىكى ئىزدىنىشىم بويىچىلا بۇ تېمىنى كۆپچىلىكنىڭ ھوزورىغا سۇندۇم،قالغان مۇككەممەللەشتۈرۈشنى قېرىنداشلىرىمغا سۇندۇم،ئەيىپكە بۇيرىمىغايسىزلەر!   )
ئەسلى بىرىنچى بولۇپ،قۇرۇلمىنىڭ سىنىنى يوللىماقچى ئىدىم،سىنغا ئېلىش ئۈسكۈنلىرى بولمىغاچ يوللاشقا ئامالسىز قالدىم.توغرا چۈشەنگەيسىلەر!
كۆكچىش ئارقىلىق كونترول قىلىندىغان ئويۇنچۇق ماشىنىنى ياساشنىڭ قەدەم باسقۇچى توك يولنى قۇراشتۇرۇپ چىقىش،ئاردىينۇ پروگىراممىسىنى تۈزۈش ۋە يانفۇندا ئىجىرا قىلىندىغان پروگراممىسىنى تۈزۈپ چىقىشتىن ئىبارەت ئۈچ باسقۇچقا بۆلىنىدۇ.
ياساشقا كېرەكلىك دىتاللار: بىر دانە سىمسىز كونترول قىلىندىغان ئويۇنچۇق ماشىنا(بۇزۇلغىنى بولسىمۇ بولىدۇ،بۇ ماشىنىنى بىز يانفۇن ئارقىلىق كونتىرول قىلىدىغان قىلىپ ئۆزگەرتىپ چىقىمىز،ماشىنىنىڭ ئالدى ئىككى چاقى ئوڭ-سولغا قايرىلدىغىنىدىن بولسۇن)،تۆۋەندىكى رەسىمدىكىدەك:

ئاردىينۇ توك يول تاختىسى(خالىغان تىپىدىن بولسا بولىۋىرىدۇ،نانو ياكى مىكرو تىپلىقى بولسا بىر قەدەر مۇۋاپىق،ئەمما توردىن مىكرو تىپلىقىنى سېتىۋالسىڭىز،چوقۇم پروگىرامما چۈشۈرۈش بۆلىكىنى بىرگە سېتىۋىلىڭ،ياكى ئامال بار مىكرو تىپلىق تاختىنى سېتىۋالماڭ،ئەرزان بولغان بىلەن ئاۋارچىلىقى كۆپ)دىن بىر دانە،كۆكچېش مودىلىدىن بىر دانە،قوش يوللۇق ماتور قوزغىتىش توك يولىدىن بىر دانە.(بۇ دىتاللار توغرىسىدا ئىلگىركى تىمىلىرىمدا چۈشەنچە بىرىپ بولۇنغان)
مۇناسېۋەتلىك دىتاللارنى تەخ قىلىپ بولغاندىن كىيىن،ئالدى بىلەن توك يولنى قۇراشتۇرىمىز.
توك يولىنى قۇراشتۇرۇشتا ئويۇنچۇق ماشىنىنىڭ ئىچىدىكى ئەسلىدە بار بولغان توك يولىنى سۆكۈپ ئىلىۋېتىمىز،ئەمما ماتورنى ساقلاپ قالىمىز.تۆۋەندىكى رەسىمدە كۆرسىتىلگەن قىسىم:

ئاندىن تۆۋەندىكى توك يول سخېمىسى بويىچە توك يولنى قۇراشتۇرۇپ چىقىمىز:

قۇراشتۇرۇپ بولغاندىن كىيىنكى ھالىتى:

توك يول قۇراشتۇرۇشتا ئىنتايىن ئەستايدىل بولۇڭ،توك سېمى بىر قەدەر كۆپ،رەڭ ۋە تاختا ئۈستىدىكى ھەرىپ بەلگىلەرگە دىققەت قىلغان ئاساستا قۇراشتۇرۇڭ.ماتور قوزغىتىش توك يولىنىڭ مەنبە توك سىمىنى ئاردىينو توك يول تاختىسىغا ئۇلىماي،ئامال بار بىۋاستە توك مەنبەسىگە ئۇلىۋىتىڭ(باتارىيەگە ئۇلىۋىتىڭ)،بولمىسا ماتورنى قوزغىتىشقا توك يىتىشمەي قالىدۇ.
رەسىمدە كۆرسىتىلگىنى بويىچە توك يولىنى قۇراشتۇرۇپ بولغاندىن كىيىن،تۆۋەندىكى ئاردىينۇ پروگراممىسىسنى ئاردىينۇ توپلاشما ئىجادىيەت مۇھىتىدا ئىچىپ ئاردىينۇ توك يول تاختىسىغا يوللاڭ.

1. char val;
   
2. int dcpin=2;
   
3. int bcpin=3;
   
4. int rcpin=4;
   
5. int lcpin=5;
   
6. void setup()
   
7. {  
   
8. Serial.begin(9600);
   
9. pinMode(dcpin,OUTPUT);
   
10. pinMode(bcpin,OUTPUT);
    
11. pinMode(rcpin,OUTPUT);
    
12. pinMode(lcpin,OUTPUT);
    
13. }
    
14. void loop()
    
15. {  
    
16. val=Serial.read();
    
17. if(val=='1')  
    
18. {   
    
19. digitalWrite(dcpin,HIGH);   
    
20. }else if(val=='0'){
    
21. digitalWrite(dcpin,LOW);
    
22. digitalWrite(bcpin,LOW);
    
23. digitalWrite(rcpin,LOW);
    
24. digitalWrite(lcpin,LOW);
    
25. }else if(val=='3'){
    
26.   digitalWrite(bcpin,HIGH);
    
27. }else if(val=='4'){
    
28.   digitalWrite(dcpin,HIGH);
    
29.   digitalWrite(rcpin,HIGH);
    
30. }else if (val=='2'){
    
31.   digitalWrite(dcpin,HIGH);
    
32.   digitalWrite(lcpin,HIGH);
    
33.   }
    
34. }
    
35.   
    

مەزمۇننى كۆچۈرۈۋېلىش

پروگرامما كودىدىن كۆرۋېلىشقا بولىدۇكى،ئاردىينۇ توك يول تاختىسى كۆكچىش مودىلى ئارقىلىق «0،1،2،3،4» دىن ئىبارەت بەش دانە بۇيرۇق سانلىق مەلۇماتىنى قوبۇل قىلىپ ۋە ھۆكۈم قىلىپ،ماس بولغان ئۇلىنىش پۇتىغا يۇقىرى توك بىسىمى ياكى تۆۋەن توك بىسىمىنى چىقىرىپ بىرىدۇ،ماتور قوزغىتىش مودىلى كەلگەن ئۇچۇرغا ئاساسەن ماتورنى ئوڭ ياكى تەتۈر ئايلاندۇرىدۇ،ئەقىللىق قېرىنداشلىرىمىز پروگىرامما كودىنى تەھلىل قىلىپ كۆرگەي.
توك يولنى قۇراشتۇرۇپ،قوزغاتقاندىن كىيىن،ناۋادا يانفۇنىڭىزدا ئىلگىرى تىلغا ئېلىپ ئۆتكەن كۆكچىش تىرمىنال(blueterm.apk،ئىلگىركى تېمىلىرىمدا بار ياكى ئاردىينۇ چ چ توپنىڭ ھۆججەت بەھرىلىنىش بوشلىقىدىمۇ بار ) پروگىراممىسى بولسا،بىۋاستە ئۇنى قوزغىتىپ ئايرىم-ئايرىم ھالدا 1دىن تارتىپ 5 كىچە بولغان ساننى كىرگۈزۈپ سىناپ بىقىڭ.بۇ خىل ئۇسۇلدا يانفۇن ئارقىلىق كىچىك ماشىنىنى كونتىرول قىلغىلى بولسىمۇ،بىراق مەشغۇلات قىلىش قولايسىز،بۇنىڭغا مەخسۇس كونتىرول پروگىراممىسى بولسا تېخىمۇ قولاي بولىدۇ،تۆۋەندە مەن تۈزۈپ چىققان ئاندرويد پروگىراممىسىنىڭ كۆرۈنمە يۈزى كۆرستىلدى.(ئىلگىرىمۇ كۆرىستىلگەن)

بۇ پروگراممىنىڭ رولىمۇ يانفۇن بىلەن ئويۇنچۇق ماشىنىنى باغلايدۇ،ھەربىر كونۇپكىنى باسقاندا 1دىن 5 كىچە بولغان سانلىق مەلۇمات كودىنى كۆكچىش ئارقىلىق ماشىنىغا يوللاپ،ماشىنىنى كونترول قىلىشىنى ئەمەلگە ئاشۇرىدۇ.(ئەسلى بۇ پروگىراممىغا تۈزىتىش كىرگۈزۈش،ئىقتىدارىنى ئاشۇرۇش ئويۇم بار ئىدى،يەنە تېخى ماشىنىنىڭ ئالدى چىرىقى،كەينى چىرىقىنى كونتىرول قىلىش،لابا بىرىش دىگەندەكلەرنى قوشماقچى ئىدىم،بىراق بۇنىڭغا ۋاقىت چىقىرالمىدىم)
تۆۋەندە ئاندرويد پروگىراممىسنىڭ ئەسلى كودى تەمىنلەندى،ئاندرويدقا پروگىرامما تۈزۈشنى بىلىدىغان قېرىنداشلىرىمىزنىڭ چۈشۈرۈپ كۆرۈپ بىقىشىنى،پايدىلىنىشىنى،ئۆزگەرتىپ تېخىمۇ مۇكەممەللەشتۈرۈشىنى ئۈمىد قىلىمەن.
سىناق پروگىرامما(قاچىلاپ كۆرۈپ باققۇچىلار ئۈچۈن)
btc.apk (72.04 KB, چۈشۈرۈش سانى: 44)

2014-5-10 18:26 چىقىرىش

ھۆججەت ئىسمىنى بېسىپ قوشۇمچىنى چۈشۈرۈش
ئەسكەرتىش:مەزكۈر ئەپكە مەن ئىشلەتكەن كۆكچىش مودىلىنىڭ ماك ئادرىسى بېۋاستە كىرگۈزۋېتىلگەن،بۇ ئەپ يالغۇز مەندىكى ماشىنىغا نۇرمال باغلىنىپ،كونتىرول قىلالايدۇ،باشقا كۆكچىش مودىللىرىغا باغلىنالمايدۇ،شۇڭا باشقىغا باغلاش ئويى بار قېرىنداشلىرىمىز ئەسلى پروگىرامما كودىنى چۈشۈرۈپ،كۆكچېش مودىلىنىڭ ماك ئادرىسىنى ئۆزگەرتىپ ئىشلەتكەي،يەنى پروگرامما كودىدىكى ماۋۇ قۇرنى:

1. private static String address = "00:11:10:18:00:55";

مەزمۇننى كۆچۈرۈۋېلىش

ئاندرويد پروگراممىسنىڭ ئەسلى كودى:
btc.rar (265.8 KB, چۈشۈرۈش سانى: 21, باھاسى: 3 ئاقچا)

2014-5-10 18:31 چىقىرىش

ھۆججەت ئىسمىنى بېسىپ قوشۇمچىنى چۈشۈرۈش
ئەسلى كود
ئاردىينۇ تەتقىقاتى ئۈچۈن بۇ قوشۇمچىنى ھەقلىق تەمىنلەشنى قارار قىلدىم،باھاسى يۇقىرى ئەمەس،قىزىققۇچىلار ئاز-تولا بەدەل تۆلەپ پايدىلانساڭلار بولىدۇ.مۈمكىن بولسا ئاندرويد ئۇستىلىرى بۇ پروگىراممىنى تېخىمۇ مۇككەممەللەشتۈرگەيسىلەر.
خوش،ۋاقىت مۇناسېۋىتى بىلەن تېمىنى مۇشۇ يەردە ئاخىرلاشتۇراي،تېما مەزمۇنى بىر قەدەر كۆپ بولۇش،سەۋىيەمنىڭ چەكلىكلىكى،ۋاقىتنىڭ قىسلىقى تۈپەيلىدىن تېمىدا ئازدۇر-كۆپتۇر خاتالىقلار،چۈشنىكسىز نۇقتىلار ساقلانغان بولۇشى مۈمكىن،قانداق مەسىلە،تەكلىپ-پىكىرلەر بولسا ئىنكاس شەكلىدە ئوتتۇرىغا قويغايسىلەر.
Arduino توغرىسىدا ھىچقانداق چۈشەنچىگە ئىگە ئەمەس قېرىنداشلىرىمنىڭ ئالىپ تورىدىكى «ئاپتۇماتىك كونترول قىلىش» دىگەن سەھىپىدىكى يازمىلارنى كۆرۈپ چىقىشنى ياكى «مەن Arduinoغا ئاشىق» ناملىق كىتابىمنى كۆرۈپ چىقىشىنى تەۋسىيە قىلىمەن.
بۇ تېمىدىكى بەزى مەسىللەرگە ئاپتۇرنىڭ  «مەن Arduinoغا ئاشىق» ناملىق كىتابىدىن جاۋاب تاپالايسىز.
بىز ئۆز-ئارا ئۈگىنىشكە،ھەمكارلىشىشقا مۇھتاج! قېرىنداشلىرىمىزنىڭ ياخشى تەكلىپ-پىكىرلىرىنى،قىممەتلىك بىلىملىرىنى،تەجرىبىلىرىنى ئايىماسلىقىنى سورايمەن!
ھۆرمەت بىلەن:ئېلېكتىر چەۋەنداز
2014-يىلى 5-ئاينىڭ  10-كۈنى يېزىلىدى
سەمىمي ئەسكەرتىش: بۇ تېما مەخسۇس Arduino  ئۈچۈن يېزىلدى،شۇڭا باشقا جەھەتتىن ياردەم سورىماقچى بولغان قېرىنداشلىرىمىزنىڭ ئالىپ تورىنىڭ ياردەم سەھىپىسگە ياكى مۇناسېپ ھالدىكى باشقا تېمىلارغا ئىنكاس يېزىشىنى،قالايمىقان ئىلان ۋە ياردەم خاراكتىرلىك ئىنكاسلارنى يازىماسلىقىنى سەمىمىيلىك بىلەن ئۆتىنىمەن.

سانغۇن

پايدىلىنىش قىممىتى يۇقىرى تېمىكەن.بىراق مەن پايدىلنالمىغۇدەكمەن....

e-chewendaz

پايدىلىنىش قىممىتى يۇقىرى تېمىكەن.بىراق مەن پايدىلنالمىغۇدەكمەن....

ئەسسالامۇ ئەلەيكۇم!قىلالمايمەن دېسىڭىز مەڭگۈ قىلالمايسىز،تىرىشىپ بىقىڭ قېرىندىشىم!

تەرەققىيات  زور غۇ   ،،،تىلفۇندا ماششىنا ئوينايمە دەپ ئاۋارە بولغىچە ئۇيۇنچۇق ماششىنا ئېلىپ نەخمەيداندىن بىركۈرنۈش ئوينىسا بولغىدەك

ئەمىلىيەتتە بىز تەرەققىياتنىڭ بارغانسېرى كەينىدە قىلىۋاتىمىز،ئىنكاسىڭىزغا رەھمەت!

ئوغلان132

ئەسسالامۇ ئەلەيكۇم.ئېلىكتىر چەۋەنداز مەن دەل مۇشۇ ماشىنىغا ئىشتىياق باغلاپ تىزگىنەكلىك ماشىنىنىڭ كونىسىدىن بىرنى ساقلاپ قويغان .توردىن كۆكچىش مودىلى سېتۋالالسام چوقۇم بۇ تەجرىبىنى ئىشلەيمەن

ئوغلان132

murxad.1330997344ئىسىملىك قېرىنداشلىرىم سىلەر تىمنىڭ ماھىتىنى خاتا چۈشنىۋالدىڭلامۇ ياكى قەستەن دەۋاتامسىلەر؟بۇيەردە كىچىك بالنىڭ ماشىنىسىنى ئويناش ئۈچۈن ئەمەس بەلكى يېڭىلىق يارىتىش ئۈچۈن يوللانغان تېمابۇ.  سىلەرگە نىمە يوللاپ بەرسە بولىتى.يۈگرەپ كىرىپلا ئىنكاس يېزۋالدىكەنسىلەر.

ئالپدار

مەن چۇشىنەلمىدىم نىمى دىگەن مۇرەكەپ

sanjar

باشقا نەرسىلەرنى قويۇپ ئەمدى مۇشۇ پىروگراممىسىنى قانداق يېزىشنى تونۇشتۇرسىڭىز بۇلاتتى ! قارىسامغۇ ئاددىيدەك قىلىدۇ ، شۇنداقتىمۇ بىر قور تەپسىلىي چۈشەندۈرۈپ ئۆتكەن بولسىڭىز ياخشى بۇلاتتى ! پىروگراممىسىنى يېزىشنى بىلسىلا قالغان ئىشنى قىلىپ بېقىشنى ئويلايدىغانلار كۆپ چىقاتتى

nurdunjan1122

بۇ مۇنبەرگە بىرسى قىلغىلى ئشتاپالماي تىما يوللىمايدۇ بۇيەردە كاللىڭىز ئوبدان ئشلەتسىڭىز چەكسىز بىلىم ۋە كۈچ سىزنى كۈتۈپ تۇرىدۇ  ئەڭ ئاددى سىزبۇنىڭدىن پايدىلىنىپ  ئشكىڭىزنى تۇتماي تۇرۇپ ئىچىپ ياپالايسىز تەسەۋۋۇر قىلسىڭىز چۆكۈپلا كىتىسىز  بۇشىرىن تىمىغان  شۇڭا ئادەمنىڭ ئوغىسىنى قاينىتىدىغان گەپقىلماڭ

nurdunjan1122

مەنچە مۇشۇ قالايمىقان ئىنكاس يازىدىغان دوسلارنى  راۋرۇس بىرپارچە  ئالىپقا تىىزىملىتىش ئىلتىماسى يازغۇزۇپ قاملاشتۇرۇپ يازالىغانلارنى ئاندىن ئىنكاس يىزىشغا يول قويغان بولساق تىمايىزىشنىڭ ئۇنچە ئاسان ئەمەسلىكىنى بىلەتتى شۇچاغدا ھىچ بولمىغاندا باشقىلارنىڭ تىمىسىنى تولۇق ئوقۇپ ئاندىن ئىنكاس يازامدىكىن دەيمەن

murxad

ئوغلان132 يوللىغان ۋاقتى  2014-05-10 21:34:34
murxad.1330997344ئىسىملىك قېرىنداشلىرىم سىلەر تىمنىڭ ماھىتىن

ئەمەلىيەتتىمۇ كىچىك بالىنىڭ ماشىنىسىكەنغۇ بۇ

ئىنتىل°

تېخىمۇ تىرىشىڭ قېرىندىشىم

baghrax

مەن بۇ تېمىنى كۆرۈپ پەن تېخنىكىدى سەۋىيەمنىڭ نەقەدەر تۆۋەنلىكىنى ھېس قىلدىم. ھەر قايسىمىز ئارىمىزدىن چىقىۋاتقان e-chewendazدەك پەن تېخنىكا ئۈستىدە ھارماي ئىزدىنىۋاتقان ئوغلانلىرىمىزدىن پەخىرلىنەيلى، ئۇلارغا مەدەت بېرەيلى！ھارمىغايسىز قېرىندىشىمىز چەۋانداز！！！

فەخرىي

sanjar يوللىغان ۋاقتى  2014-5-10 22:04
باشقا نەرسىلەرنى قويۇپ ئەمدى مۇشۇ پىروگراممىسىنى قاند ...

مەنمۇ شۇ ئويدا

فەخرىي

ھەي مەنمۇ ئاردىينودىن بىرنى ئېلىپ تەجرىبە قىلىشنى ئويلاشقىلى ئۇزۇن بولدى ، ئەمما ئەڭ يامان بولغىنى مۇشۇ پروگرامما كودىنى قانداق يېزىشنى بىلمەيمەندە ، بولسا مۇشۇ ھەقتە بىر تەپسىلىي توختالسىڭىز بولاتتى .....

YASN

ئاللاھ  رەھمەت  قىلسۇن  قېرىندىشىم   مەن  سىزنىڭ   تېمىڭىزغا  تەشنا