- جۇغلانما
- 2278
UID15898
تىزىملاتقان2013-4-16
ئاخىرقى قېتىم2015-2-23
توردا1216 سائەت
ئالىي ئەزا
- نادىر
- 0
- جۇغلانما
- 2278
- ئاقچا
- 0
|
تېڭشۈن تورى خەۋىرى, نۇر تورى تەرجىمىسى:
يانفون كەسپى ساھەسىدىكى كاتتىباش ھېسابلانغان نوكىيا شىركىتى بۈگۈنكى كۈنگە كەلگەندە «مىكروسوفىت كۆچمە ئۈسكۈنە شىركىتى» گە ئايلىنىپ قالدى, بۇ «NOKIA» ماركىسىدىكى يانفونلارنىڭ بىز بىلەن مەڭگۈلۈك خوشلىشىشى مۇمكىنلىكىدىن دېرەك بىرىدۇ, ئەلۋەتتە, بۇ ئادەمنىڭ كۆڭلىنى يېرىم قىلىدىغان بىر ئىش. ھالبۇكى, نوكىيا باشقا شىركەتلەرگە قوشۇلغان بىلەن, ئۇ ئوتتۇرىغا چىقارغان 3210 ۋە 3310 لارغا ئوخشاش كىلاسسك يانفونلار ھەرگىزمۇ كىشىلەرنىڭ ئېسىدىن چىقمايدۇ.
3310ۋە 3210 يانفونلىرى بەلكىم ئەڭ ئالقىشقا ئېرىشكەن نوكىيا يانفونلىرى بولسا كىرەك, ئۇلارنىڭ لايىھەسى ئاددىي, ئەمما مودا, يانفون گەۋدىسى پۇختا ۋە چىداملىق, ئىقتىدارى بولسا شۇ ۋاقىتلارغا نىسبەتەن ئىنتايىن ئىلغار ھېسابلىنىدۇ. ئاددىي سۆز بىلەن ئېيتقاندا, نوكىيا شىركىتى 3210 قاتارلىق يانفونلىرىغا تايىنىپ, زامانىۋى يانفون ياساش ساھەسىدىكى ئورنىنى مۇستەھكەملىگەن, ئۇنىڭغا سەپلەنگەن نۇرغۇنلىغان ئالاھىدە ئىقتىدارلار ھازىرغىچە مۇھىم ئەھمىيەتكە ئىگە دەپ قارالماقتا. شۇنىڭ ئۈچۈن, كىشىلەرنىڭ نوكىيا يانفونلىرىنى سېغىنىشى ھەرگىزمۇ ئۇنىڭغا ھېسداشلىق قىلىش يۈزىسىدىن ئەمەس, بەلكى ئۇنىڭغا سىڭدۈرۈلگەن يېڭىلىق يارىتىش روھىغا بولغان ھۆرمەت يۈزىسىدىندۇر؛ شۇنداق دەپ ئېيتىشقا بولىدۇكى, ھازىر بار بولغان بارلىق ئەقلىي ئىقتىدارلىق يانفون ياساش كارخانىلىرى ئەينى ۋاقىتتىكى نوكىيا يانفونلىرىدىن ئىلھام ئالغان بولغاچقا, ھازىرقىدەك كىشىلەرگە ھوزور بىغىشلىغۇدەك ئېسىل يانفونلارنى مەيدانغا چىقىرالىغان.
كىشىلەر نوكىيا يانفونلىرىنى ئەسلىگەندە, ئۇنىڭ تۆۋەندىكىدەك ئالاھىدە تەرەپلىرىنى چوقۇم تىلغا ئالماي قالمايدۇ:
1. دەرىجىدىن تاشقىرى توك سەرپىيات ئىقتىدارى
مەيلى iPhone5s ياكى Galaxy S5 بولسۇن, بۇلارغا سەپلەنگەن باتارىيە ئەڭ ئۇزۇن بولغاندا بىر كۈن ئىشلىتىشكە يېتىدۇ, بىراق, نوكىيانىڭ 3210 قاتارلىق يانفونلىرى بولسا, يالغۇز توك سەرپىيات ۋاقتى ئۇزۇن بولۇپلا قالماستىن, بەلكى يانفون باتارىيىسىنى ئالماشتۇرۇشمۇ شۇنداق قولايلىق ئىدى. ئەلۋەتتە, يانفون توكىنىڭ ئۇزۇن يېتىش-يەتمەسلىكى ئۇنىڭ ئىكران چوڭلۇقى ۋە ئىقتىدارى قاتارلىق ئامىللار بىلەنمۇ مۇناسىۋەتلىك, بىراق, نۆۋەتتە يانفون ئىقتىدارى يۇقىرى كۆتۈرۈلگەن بىلەن, باتارىيە قۇۋۋىتى ئۇنىڭغا ماسلىشالمىدى.
2. يانفون سىگنالى ئالاھىدە كۈچلۈك
نوكىيا يانفونلىرىنىڭ ھەممىسىگە دىگۈدەك ئىچكى قىسىمغا ئورۇنلاشتۇرۇلىدىغان ئانتىنا سەپلەنگەن بولسىمۇ, بىراق, بۇ يانفونلارنىڭ سىگنالى ئالاھىدە كۈچلۈك ئىدى, بۇنىڭدىن نوكىيا شىركىتىنىڭ ئاساسىي ئالاقە ئىشلىرىدىكى تېخنىكا كۈچىنىڭ قانچىلىك يۇقىرى ئىكەنلىكىنى كۆرۈۋالغىلى بولىدۇ. ھالبۇكى, ئەقلىي ئىقتىدارلىق يانفون دەۋرىگە قەدەم قويغاندىن باشلاپ, يانفون سىگنالى ئاجىز بولۇش ناھايىتى ئوموملاشقان بىر مەسىلىگە ئايلاندى. يانفون ھەرقانچە تەرەققىي قىلغان بىلەن, ئۇنىڭدا تېلفون ئۇرغىلى بولمىسا بىكار, شۇنىڭ ئۈچۈن, مەلۇم مەنىدىن ئېلىپ ئېيتقاندا, ئەمەلىي قوللىنىشچانلىق جەھەتتە iPhone 4 مۇ نوكىيا 3210 گە يەتمەيدۇ.
3. T9 شەكىللىك خەت كىرگۈزۈش ئۇسۇلى ياراتقان مۆجىزە
سېزىمچان ئىكرانلىق يانفونلار كەڭ كۆلەمدە مودا بولغاندىن تارتىپ, كىشىلەر يانفونغا ئورۇنلاشتۇرۇلىدىغان كۇنۇپكا تاختىسىغا ئىھتىياجلىق بولمايدىغان بولدى, ھالبۇكى, ئۇلار يەنىلاT9 شەكلىدىكى خەت كىرگۈزۈش ئۇسۇلىدىن ئايرىلالمايدۇ, ئاساسەن ھەرقانداق بىر يانفونغا قاچىلانغان خەت كىرگۈزگۈچتە T9 شەكلىدىكى كىرگۈزۈش ئۇسۇلى بار. گەرچە T9 نى ئىجاد قىلغۇچى نوكىيا بولمىسىمۇ, بىراق, ئۇنى ئەڭ بۇرۇن ئىشلەتكەن شۇنداقلا دۇنيا مىقياسىغا كەڭ تارقاتقۇچى يەنىلا نوكىيادۇر.
4. ئالاھىدە خاسلىققا ئىگە بۇيرۇتۇپ ياسىتىش ئىقتىدارى
ئىلگىرى نوكىيا يانفونىنى ئىشلەتكەنلەر «يانفون قېپىنى ئالماشتۇرۇش تېخنىكىنىڭ ئاساسى» دىگەن ئېلان سۆزىنى دائىم ئاغزىدىن چۈشۈرمەيتتى, مەلۇم جەھەتتىن قارىغاندا, بۇمۇ نوكىيا شىركىتى ئابونتلار ئۈچۈن ئوتتۇرىغا چىقارغان بىر تۈرلۈك يېڭىلىق شۇنداقلا قولايلىق تېخنىكا. يانفون رەڭگى ۋە ئارقا قېپى بىرلا خىل ياسىلىدىغان زامانلاردا, نوكىيا شىركىتى باش بولۇپ, قېپىنى خالىغانچە ئالماشتۇرغىلى بولىدىغان شۇنداقلا رەڭلىك ئۇسلۇبتىكى يانفونلارنى ئوتتۇرىغا چىقارغانىدى, بۇ بۈگۈنكى كۈنگە كەلگەندە, ئەقلىي ئىقتىدارلىق يانفونلارنىڭ لايىھەلىنىشىگە زور ئىلھاملارنى ئاتا قىلدى.
ئۇندىن باشقا, 3210 يانفونىغا يەنە يانفون قوڭغۇراقلىق مۇزىكىسىنى تەھرىرلەش ئىقتىدارى قوشۇلغان بولۇپ, كىشىلەر بۇ ئارقىلىق ئۆزگىچە مۇزىكىلارنى ئىجاد قىلىپ, قوڭغۇراقلىق مۇزىكا ساھەسىنى رەڭدارلىققا ئىگە قىلغان, بۇنى ئىنقىلاب خاراكتېرلىك يېڭىلىق دەپ ئېيتىشقا تامامەن بولىدۇ.
5. چىدامچان ۋە پۇختا
«يەرگە چۈشۈپ كەتسىمۇ ھىچنىمە بولمايدۇ» دىگەن ماختاشلار پەقەت نوكىياغىلا خاس بولسا كىرەك. بۇنداق دىيىشنىڭمۇ ئەلۋەتتە ئاساسى بار. ئايفون يەرگە بىر قېتىم چۈشۈپ كەتسىلا ئىكرانى چىقىلىدۇ, ئۇنى ئالماشتۇرۇش ئۈچۈن 1500 يۈەن خەجلەشكە توغرا كىلىدۇ؛ لىكىن سىز نوكىيا 3210 يانفونىنى يەرگە تاشلاپ پارە-پارە قىلىۋەتسىڭىزمۇ, ئۇنى قايتىدىن قوراشتۇرغاندىن كىيىن, يەنىلا نورمال ئىشلىتەلەيسىز.
6. دەرىجىدىن تاشقىرى كۈچلۈك بولغان كۆڭۈل ئېچىش ئىقتىدارى
دەسلەپكى ۋاقىتلاردىكى نوكىيا يانفونلىرىغا تۇنجى بولۇپ كىلاسسك يانفون ئويۇنلىرى قاچىلانغان, گەرچە ئويۇنلارنىڭ كۆرۈنمە يۈزى قوپال ۋە ئاددىي بولسىمۇ, بىراق, بۇلار نۇرغۇنلىغان كىشىلەر ياقتۇرۇپ ئوينايدىغان ئويۇنغا ئايلانغانىدى. بۈگۈنكى كۈندە, كۆپ قىسىم يانفونلارنىڭ ئىچىگە ئۇنداق قىزىقارلىق ئويۇنلار ئالدىن قاچىلانمايدۇ. ھالبۇكى, كۆڭۈل ئېچىش بولسا ئىنسانلارنىڭ تەبىئىيتى, بىز شۇنىڭغا ئىشىنىمىزكى, نوكىيا بولغاچقىلا, ھازىرقى App Store غا ئەنە شۇنداق مول بولغان قىزىقارلىق ئويۇنلار قوشۇلغان.
خۇلاسە شۇكى, 3210 ۋە نوكىيا ھازىر ئۆتمۈشكە ئايلىنىپ قالدى, بەلكىم بۇندىن كىيىن قايتىدىن مودا سەھنىسىگە چىقالماسلىقى مۇمكىن. بۈگۈنكى كۈندىكى بىز چوڭ ئىكرانلىق, ئىقتىدارى كۈچلۈك شۇنداقلا رەسىمگە تارتىش ئىقتىدارى قالتىس بولغان ئايفون ۋە باشقا ئاندىرويىد يانفونلىرىنى تېخىمۇ ياخشى كۆرىمىز, بىراق, بىز شۇنىڭدەك بۇ يانفونلارنىڭ پۇختا ۋە چىدامچان بولۇشىنى, توكىنىڭ تېخىمۇ ئۇزۇن ۋاقىتى ئىشلىتىشكە يېتىشىنى, سىگنالىنىڭ تېخىمۇ كۈچلۈك بولۇشىنى ئارزۇ قىلىمىز, بەلكىم, «نوكىيا» دىگەن ماركا ئەمدى مەۋجۇت بولماس, بىراق, بىز يەنىلا نوكىيا يانفونلىرىغا سېڭىپ كەتكەن ئاشۇ يېڭىلىق يارىتىش روھىنىڭ مەڭگۈ داۋاملىشىشىنى ئۈمىد قىلىمىز.
مەنبە !نۇر تورى |
|
دېۋان تالىشىش
