كىتاب مودىغا ئايلانسۇن!

Padichi · ۋاقتى: 2014-4-17 18:42:15

بۇ يازمىنى ئاخىرىدا Padichi تەھرىرلىگەن. ۋاقتى 2014-4-17 18:46

دوستىمىزنىڭ ئايالى يەڭگىگەن ئىدى، يوقلايلى دەپ ئالتە پارچە كىتاب ئالدۇق. مېۋە-چېۋە ئالساقمۇ، بوۋاققا كىيىم-كېچەك ئالساقمۇ بولاتتى، لېكىن يەنىلا كىتاب ئالدۇق، ئاتا-ئانا دېگەن بىز قىلمىساقمۇ بالىسىغا دۇنيادىكى ئەڭ ياخشىسىنى كىيگۈزۈپ يىگۈزىدۇ. كىتاب-ئۇ بىلىم كانى، بىر كىتاب بىر ئالەمدۇركى كىتاب ئوقۇش تولىمۇ ئەھمىيەتلىك بىر ئىشتۇر، داھىيلارمۇ ئوقۇڭلار ئۆگىنىڭلار دەپ ئېيتقان. ئۈمىدىمىز شۇكى كىتاب ئوقۇش، كىتاب سۆيۈش، كىتاب سوۋغا قىلىش شۇنداق بىر ئادەتكە ئايلانغان، ھەممىمىزنىڭ تەشەببۇسى ۋە سوۋغا قىلىشمىز بىلەن يۇرت يۇرتلاردا شۇنداق بىر مەنزىرە شەكىللەنسۇنكى توي تۆكۈندە ئانىلار داستىخانلاردا تۇز، قەنت، ناۋات ئورنىغا كىتاب سېلىپ قويىدىغان، قىز يىگىتلەر توي مۇراسىملىرىدا ئىسراپ ۋە قەدىرسىز قىلىپ، دوپپا ياغلىق ئورنىغا كىتاب تارقىتىدىغان،خانىم-قىزلار چايلاردا دوستلىرىغا خىرۇستال، قاچا-قۇچا سوۋغا قىلغاننىڭ ئورنىغا كىتاب سوۋغا قىلىدىغان، كېسەلنى مىۋە، پۇل بىلەن ئەمەس، بىلىم-كىتاب بىلەن يوقلايدىغان، باللىرىمىزنىڭ سۈننەتلىرىدا مېھمانلارغا لۆڭگە ئورنىغا كىتاب ژورنال سوۋغا قىلىدىغان...
مەن كىتاب ساتقۇچى ئەمەس، لېكىن بىز قىزغىن ئۇيغۇر ئوقۇرمىنى، بۇ بىر تەكلىپ، زورلاش يوق، خالىسىڭىز قوللاپ قۇۋەتلەپ بۇ ئىشنىڭ بىر ئادەتكە ئايلىنىشىغا بىر كىشىلىك ھەسسە قوشۇڭ. بۇ تېمىنى ۋە ئۆزىڭىزنىڭ ئەمەلى ھەركەتلىرىنى تېما قىلىپ قىزغىنلىق بىلەن تارقىتىڭ. بىلمىگەنلەر بىلسۇن، كۆرمىگەنلەر كۆرسۇن. پايدىسى ئۆزىمىزگىدۇر!
نىسىپ بولسا پات ئارىدا شەھرى بۆرتالادا پىقىرنىڭ تەشەببۇسى بىلەن بۇ خىلدىكى توي، چاي، كېسەل يوقلاش پائالىيەتلىرى تېخىمۇ كۆپ بارلىققا كەلگۈسى...
ئۈمىدىم شۇكى، كىتاب ئوقۇش، كىتاب سوۋغا قىلىش، كىتابنى قەدىرلىۋېلىش مودىغا ئايلانسۇن!

يازغۇچى: wapadarim912
شەھرى بۆرتالا
20014-يىلى 4-ئاينىڭ 9-كۈنى

مەنبە : http://bbs.izdinix.com/thread-57912-1-1.html

تولۇقلىما مەزمۇن (2014-4-18 11:19):
ئەگەر ئۈرۈمچىدە بولسىڭىز مىنىڭ ھەدىيەرىمنى قوبۇل قىلىۋىلىڭ! (ھازىرچە پەقەت بىرلا ‹ياكى ئىككى› جۇمۇ)!

V_o_r_t_e_x · ۋاقتى: 2014-4-17 19:12:22

شۇنداق ياخشى گەپلەر ، مەن بەكلا ياخشى كۆرىدىغان گەپلەر‹مەن كىتاب ساتقۇچى ئەمەس، لېكىن بىز قىزغىن ئۇيغۇر ئوقۇرمىنى، بۇ بىر تەكلىپ، زورلاش يوق، خالىسىڭىز قوللاپ قۇۋەتلەپ بۇ ئىشنىڭ بىر ئادەتكە ئايلىنىشىغا بىر كىشىلىك ھەسسە قوشۇڭ. بۇ تېمىنى ۋە ئۆزىڭىزنىڭ ئەمەلى ھەركەتلىرىنى تېما قىلىپ قىزغىنلىق بىلەن تارقىتىڭ. بىلمىگەنلەر بىلسۇن، كۆرمىگەنلەر كۆرسۇن. پايدىسى ئۆزىمىزگىدۇر!›

بارى · ۋاقتى: 2014-4-17 19:32:54

كىتاب مودىغا ئايلانسۇن ، ياخشى گەپ

rohlan520 · ۋاقتى: 2014-4-17 19:33:14

تولىمۇ ئەھمىيەتلىك تىما يوللاپسىز! بولسا مودىغا ئايلانسا بولاتتى! ئاللاھ رازى بولسۇن!!!

amirdinov · ۋاقتى: 2014-4-17 19:39:29

قوللايمەن . ئۇيغۇر دۇنياسىدا مۇشۇنداق ئادەت داۋاملاشسا كاتتا ئۆزگىرىش بولار ئىدى . ئۆزىمىزدىن باشلايلى .
مەن بۇلتۇر بىر دوستتىمنىڭ تۇغۇلغان كۇنىدە كىتاپ سوۋغا قىلغان ئىدىم .

MSM · ۋاقتى: 2014-4-17 19:42:20

پادىچى دەرس سۆزلەشنى توختىتىپ كىتاب ئوقۇشقا چۈشتىمۇ نېمە؟

RonDoo · ۋاقتى: 2014-4-17 20:38:27

مۇشۇ باشقا مودا بۇلىۋاتقان ئىشلارنىڭ ئورنىغا كىتاب ئۇقۇش مودا بولغان بولسا

Padichi · ۋاقتى: 2014-4-17 20:56:09

MSM يوللىغان ۋاقتى 2014-4-17 19:42
پادىچى دەرس سۆزلەشنى توختىتىپ كىتاب ئوقۇشقا چۈشتىمۇ ن ...

سىز قېرىنداشلىرىم ، نىمىگە ئېھتىياجلىق بولسىڭىزلار پېقىر پادىچى شۇنى ئىزدەپ تېپىپ يەركۈزۈگۈم بار ، مەندە نىمە بولسا شۇنى سىز ئەزىزلەرگە تۆككۈم بار! ئالدىنقى ۋاقىتلاردا ئەڭ يېڭى بېلىملاردىن شۇ بار ئىدى ئىچىمگە سولاپ ياتقۇم كەلمىدى ، ئەمدى بولسا بۇ قىممەتلىك يازمىنى ئۇچراتتىم ئەمما قاراپلا ئۆتۈپ كەتكۈم كەلمىدى شۇ سەۋەبتىن بۇ يەرگىچە سۆرەپ ئەكەلدىم! ئاخىر -

marxal · ۋاقتى: 2014-4-17 21:40:07

مۇشۇ ئېسىل خىسلەت سەۋەبلىك پۈتۈن دۇنياغا سەرگەردان بوپ كەتكەن يەھۇد لار 100مىليۇنغا يېقىن ئەرەپلەرنىڭ بىشىغا دەسسەۋەتىدۇ .

ataman0998 · ۋاقتى: 2014-4-17 21:45:14

كىتاپ ئوقوش ياخشى لىكىن ياخشىسىنى تاللاپ ئوقۇش بەك مۇھىم. ياخشى كىتاپ بولسا تەۋسىيە قىلىڭلار

alimka · ۋاقتى: 2014-4-17 21:58:32

بۇ يازمىنى ئاخىرىدا alimka تەھرىرلىگەن. ۋاقتى 2014-4-17 21:59

ئەگەر ئۇيغۇرلادا كىتاپ ئوقۇش مودا بولغان بولسىدى ، ........... ياشاش بۇنچە ئەلەملىك بولماس ئىدى ، ................. ھەي قۇرئاندىن مۇنداق بىر كەلىمىنى ئوقۇپتىم «ئىنسان بۇ دۇنيادا يولۇققان ئىشلىرغا ئۆزنىڭ قىلغان ئىشلىرى سەۋەپلىك بۇلدۇ » دىگەن مەزمۇندا كىتاپ مۇدىغا ئايلانسۇن دىيىلسە كىتاپ سوۋغا قىلىشنى مودا قىلىپ ئوقۇماي يۇرىدۇدە يەنە قۇرئاندا «ئوقۇ» دەپ تۇنجى ئايەت نازىل قىلىندى قىرىنداشلا ئاللانىڭ سۆزى بولغان قۇرئاننىڭ ھۆكىمىگە ئەمەل قىلساق دۇنيا ۋە ئاخىرەتتە زىيان تارتمايمىز،

NaTsis · ۋاقتى: 2014-4-17 22:12:58

ياخشى سۆز ، ياخشى ئىلھاملار ئىكەن ، ياخشى تىمىلىرڭىز ئۈزۈلمىسۇن! سىز گە ئامەت ۋە ئۇتۇق تىلەيمەن.....

guzal120 · ۋاقتى: 2014-4-17 22:36:07

مودىغا ئايلىنىشقا تىگىشلىك بولغىنى كىتاپنىڭ مەزمۇنى بولسا ياخشى،نەپ بەرمەي ۋاقىتنى ئوغۇرلاپ،شەيتان ۋەسۋەسە قىلىدىغان كىتاپلاردىن نېرى تۇرغان ياخشى.

guzal120 · ۋاقتى: 2014-4-17 22:38:04

ياخشى كىتاپلارنىڭ مودا بولىشىنى چىن دىلىمدىن ئۈمۈت قىلمەن.

alimka · ۋاقتى: 2014-4-17 22:57:21

سىز ئوقسىڭز مەن ئوقسام ئاندىن يىقىنلارغا تەۋسىيە قىلساق شۇندىلا مودا بولدۇ . مۇشۇ ئىنكاس يازغاندىلا ۋاي بەك ياخشى تىما يوللاپسىز، ۋاي مەن شۇنداق بولشىنى ئۇمۇد قىلمەن ، دىگەندەك ئىنكاسلارنى يىزىپ قويۇپ ئۆزىمىز ئوقىماي يۇرسەك مەڭگۇ مودا بولماسلىقى مۇمكىن شۇڭا ئاۋال مۇشۇ تىمىنى قوللايدىغانلا ئۆزمىزدىن باشلاپ باقايلى ئوقۇڭلا قۇرئان ئوقۇڭلا ھەدەس ئوقۇڭلا ۋە ياكى باشقا تەپسىر دىننى كىتاپلارنى ئوقۇڭلا ياكى تارىخى كىتاپ بولسىمۇ ھىكايە ،رومان،پوۋسىت بولسىمۇ ئوقۇڭلا مۇھەممەد ئەلەيھى سالامنىڭ‹س ئە ۋ› ئۇممەتلىرگە ئاللاھدىن تۇنجى چۇشكەن بۇيرۇق «ياراتقان پەرۋەردىگارىڭنىڭ ئىسمى بىلەن ئوقۇغىن» ئاۋۋال ئۆزمىزدىن باشلايلى

ھېسابات		ساقلاش	پارول قايتۇرىۋېلىش
پارول			ئەزا بولۇش

كىتاب مودىغا ئايلانسۇن!

باھا سۆز

باھا سۆز