ئەسسالامۇ ئەلەيكۇم ئالىپداشلار، ئاللاھنىڭ سالامى سىزلەرگە بولسۇن. مەن يېڭى يىلدىن باشلاپ،ئۆزۈم يازغان رۇبائىيلاردىن 3قىسىم يوللاپ، كەڭ دوستلىرىمنىڭ ھوزۇرىغا سۇنغان ئىدىم. ئارىدا بىر مەزگىل ئالىپ تورى ئېچىلمىدى. ...
مانا، ھازىر مۇنبەرنىڭ تولۇق ئەسلىگە كەلگەنلىكىدىن سۆيۈنۈپ، يۇقارقى تېمامنىڭ داۋامىنى4-قىسىم قىلىپ يوللىدىم. بەھىرلەنگەيسىلەر...
ئۆزەم يازغان رۇبائىيلار(4)
(151)
ھەرئىشتا بول ئېغىر، قىلغىن پۇختىلىق
ئاقمايدۇ ئاقىۋەت ئالداش-ساختىلىق
ھەق ئىشقا يول ئوچۇق،قارىغىن قېنى
ساختىلىق ئېپكەلگەن كىمگە ياخشىلىق.
(152)
ئاچچىققا سەۋرى قىل، تاتلىقى باردۇر،
قايغۇنىڭ ھامان بىر شادلىقى باردۇر.
كۆردۈڭمۇ بەزمىدە شاراب كەينىدىن،
لەززەتلىك«زاكۇسكا»ئاتلىقى باردۇر.
(153)
بەزىلەر يېتىدۇ مەنزىلگە ئويدا
ۋەلېكىن يۈرىدۇ باشقا ئىش-كويدا.
قاقشالنى كۆكلىتىش خام خىيال ،دېمەك
سەۋەبسىز سۇ تۇرماس،غەلۋىر-چويلىدا!
(154)
كۆرەڭلىك ئېپكەلمەس ئادەمگە ئامەت
تەكەببۇر نەدە بار-شۇيەردە ئاپەت.
كەمتەرلىك تاجىنى كىيەلىسە كىم
قولىدا ئەڭگۈشتەر- شۇدۇر ھەقىقەت!
(155)
شىپالىق تىلىسەڭ، نىمجان كۈلىدۇ،
شاپائەت ئەيلىسەڭ، بىر جان كۈلىدۇ.
ئۇلۇغ بىل ئاۋامنى، قىلغىن ياخشىلىق
شۇچاغدا كائىنات-ھەرجان كۈلىدۇ!
(156)
ئاقىلسەن، ئەل ئارا پىتنە تېرىما
ئۆملۈك دەرىخىدىن شاخنى يىرىما.
بىر بۇيۇك جەڭ ئۈچۈن ئاتلانسا ئاۋام
سەن ئۇنىڭ قارشىغا تىزگىن سىيرىما!
(157)
ئەي مەيخور دوستۇڭغا تەڭلەپ رۇمكىنى
دەيسەن ھەم:«بۇ كۆڭلۈم، ئالە، ئىچ ،قېنى»
دوست بىلسەڭ دوستۇڭغا شاراپ تەڭلمە،
دۈشمەنگە تەڭلىگىن، قېنى ئىچكىنى!
(158)
ياخشى سۆز-زەر ھالقا، قۇلاققا ئاسقىن
يامانغا سۈكۈت قىل، ئۆزۈڭنى باسقىن.
ئىبرەتتۇر يامان سۆز ،زەرەر يەتمەستە
ئۆزۈڭنى پىنھان قىل، ۋەياكى قاچقىن!
(159)
ھالاللىق مىزانىڭ بولسۇن ،ئەي ئادەم،
ھاياتىڭ مەزمۇنغا تولسۇن، ئەي ئادەم،
ھارامدىن لوقما يەپ، تىرىك يۈرگىچە
ھالالدىن زەھەر يەپ ئۆلگىن، ئەي ئادەم
(160)
دوستقىمۇ مۇئەييەن بوشلۇق ساقلىغىن
ھەقىقى دوستلۇقنىڭ بۇرچىن ئاقلىغىن
كۈن ئۈتۈپ، ئايلانسا دۈشمەنگە، دوستۇڭ،
پۇشمان يەپ بىر ئۆمۈر دەردكە پاتمىغىن!
(161)
ھاياتلىق ھىكمىتى چەكسىزدۇر، بىلسەڭ،
ئادەمنىڭ ئۆلمىكى شەكسىزدۇر، بىلسەڭ
مەنىلىك ياشىماي تۇرۇپ، ئۆلۈمگە-
تەييارمەن دېگىنىڭ ئەپسىزدۇر، بىلسەڭ!
(162)
بىلىملىك كىشى ئۇ ئاقىل بولىدۇ،
چىۋىندە چىۋىنچە ئەقىل بولىدۇ،
قارىما ئادەمنىڭ سۈرىتىگىلا-
پىل ساناپ يۈرگىنىڭ گاھ قىل بولىدۇ!
(163)
دانانىڭ ئېغزىدا دانانىڭ گېپى
ناداننىڭ ئېغىزىدا ناداننىڭ گېپى
ھەركىشى ماختىنار ئۈلپىتى بىلەن،
ياخشىنىڭ يامانغا قوشۇلماس ئېقى!
(164)
ئائىلە –بىلگىنكى خىسلەتلىك زېمىن،
ئايالىڭ ئۇندىكى بىر مۇنبەت تۇپراق.
سۆيگۈدىن سۇ ئىچكەن ئەرلەر گوياكى-
شۇمۇنبەت تۇپراقتىن ئوخچىغان بۇلاق!
(165)
بەختسىزلىك-قەيسەرنىڭ پەلەمپىيىدۇر
ئۆرلەيدۇ قانچىلىك بولسىمۇ قىيىن.
ئۈمىدسىز يىقىلسا تۇرمىقى مۈشكۈل،
قىلىدۇ چۈشكۈنلۈك روھنى بىر تىيىن!
(166)
تەقدىرنىڭ چاقچىقى باردۇر بەزىدە،
نى بالا-ئاپەتلەر ياردۇر بەزىدە.
ۋاقىتلىق ئامەتتىن كۆرەڭلىگەنگە
شۇكەڭرى جاھانمۇ تاردۇر بەزىدە..
(167)
ئادەمنىڭ ھىممىتى ئۆزىگە باغلىق،
سېنىڭمۇ، مېنىڭمۇ بىلگىنىم چاغلىق.
ھاياتلىق دەرسى كۆپ، ئەمما مۇھىمى-
بىلگەننى ئەمەلدە ئىشلىتىش جانلىق!
(168)
سەھرانىڭ قوينىنى گۈل قىلار دېھقان،
كۈز پەسلى بېغىنى مول قىلار دېھقان.
سەھرانىڭ قوينى ئۇ- دېھقان جەننىتى
شۇجەننەت قوينىنى نۇر قىلار دېھقان!
(169)
قىلمىغىن دوستۇڭنىڭ يامان گېپىنى
تۇتماستىن ئاساسنى،پاكىت-سېپىنى
مىش-مىش سۆز، ئاخىرى ئارىنى بۇزۇپ
ئۈزىدۇ دوستلۇقنىڭ مەزمۇت يىپىنى...
(170)
گەر بولسا يارىڭنىڭ چىرايى سۈزۈك
شۇنچىلىك ياراشسۇن، ھەم ئالتۇن ئۈزۈك
قىلالماس كۆڭلۈڭنى بىر ئۆمۈر مەپتۇن
پەزىلەت ،ئەخلاقى بولمىسا تۈزۈك...
(171)
ھەرئىشقا پەم قىلغىن، بولما پىلانسىز،
ئۆتمىگىن دۇنيادىن ،ئىزسىز-نىشانسىز..
سېلىپ قوي ھاياتقا چىغىر بولسىمۇ،
ئەۋلادقا يول بولار سېلىپ قويغان ئىز...
(172)
جىدەلدىن نېرى قاچ، ئۆزۈڭنى ئاتما،
ياماندىن نېرى بول، يېنىڭغا تارتما،
«يامانغا يولۇقساڭ يارىسى يۇقار»
بۇنى سەن ھەردائىم ئېسىڭدە ساقلا...
(173)
ئەقلىڭگە گۇۋاھلىق بېرىدۇ لەۋزىڭ،
ئەمەل قىل ۋەدەڭگە بۇزمىغىن ئەھدىڭ
راستچىللىق ئەڭگۈشتەر،ساڭا ئۆمۈرلۈك
دىيانەت نۇرىغا چۆمۈلسۇن قەلبىڭ...
(174)
يىمىدىڭ، يىققىنىڭ قالدى بالىغا
ئۇ خەجلەپ تۈگەتتى باقماي ھالىغا.
ئەگەردە ئىلىمنى مىراس ئەيلىسەڭ
ئۇ ئەقىل ئۈگىتەر دىتى چالىغا!
(175)
ياش چېغىڭ، ئوينايسەن، قىلچە غېمىڭ يوق
ئائىلەڭ يۈلەكتۇر، ئەسلا كېمىڭ يوق.
ئەر يېتىپ،تۇرمۇشلۇق بولدۇڭ سەن قاچان
غەم تېغى باسىدۇ، غەمسىز چېغىڭ يوق...
(176)
ئەقىدە بىرلەشسە ھېسسىيات بىلەن
چىقىدۇ ئەسىرىڭ مەنالىق-تېرەن.
ھىس بولۇپ، ئەقىدە سىڭمىسە ئاڭا
تاپىدۇ ئوقۇرمەن بىردەمدە ئېۋەن!
(177)
دېھقانسىز ئاينىماس ھاياتلىق ھەرگىز
ئۇنىڭسىز تۇرمۇشۇڭ ئۆتەر مەنىسىز..
دېھقان ئۇ دۇنيانىڭ تەم-تېتىتقۇسى
تۇزسىز ئاش ھەرقاچان بولار مەزىسىز...
(178)
ئۈمىدلىك ياشىغىن، بولما دىل ئۈزۈك
تەپەككۇر ئەيلىگىن، تازا ھەم سۈزۈك،
ئۈمىدلىك ياشىساڭ، دۇنيا بەك گۈزەل
ئۈمىدسىز، شەيتانغا ئەل بولغان تۈزۈك!
(179)
دۇنيانىڭ راھىتى، جاپاسىدىن كۆپ،
ئادەمنىڭ ئىللىتى، ساپاسىدىن كۆپ
ئىللەتلىك بولساڭمۇ، بولسۇن ساڭا يار ،
ئىللەتنى تۈزىتىش-خاتاسىدىن كۆپ!
(180)
ھاياتلىق توختىماس، كۈندۈز-كېچىدە،
ھەرئادەم بىر تاۋلىنار ئۇنىڭ پېچىدە.
جاپاغا چىداشلىق ھەقىقى ئەركەك
تاۋلىنىپ چىقىدۇ مېھنەت كۈچىدە!..
(181)
ھاياتنىڭ مەنىسى مېھنەتتە-تەردە،
تاپىدۇ ئۇ قىممەت، ھەقىقىي ئەردە..
چىدىساڭ ۋاقىتلىق رەنجى-جاپاغا،
تەرىڭدىن گۈل ئۈنەر قاقاسلىق يەردە!
(182)
نى قىسمەت جاپاغا چىدايدۇ دېھقان،
شۇڭا ئۇ ھاياتلىق يولىدا چولپان.
دېھقاننىڭ ئەجرىسىز-ئويلا كۈنۈڭنى
دەل سېنىڭ بەختىڭچۈن دېھقان يارالغان!
(183)
سەھرا ئۇ بەئەينى ئۇلۇغ بىر ئانا
بولىدۇ دېھقانغا داۋام باشپانا.
دېھقاننىڭ ئۇنىڭدىن كەچكىنى ئوخشار
ئانىنى قاقشاتقان ناكەس بالىغا!
(184)
شائىرنىڭ بىر ئەسەر ئىجات ئەتمىكى
تولغاق يەپ ئانىنىڭ ھالدىن كەتمىكى...
ماھىيەت ئوخشاشتۇر، ئوخشىماس ئەمما
ئىجادكار قەدرىگە ئەلنىڭ يەتمىكى...
(185)
تەپەككۇر قىل ئىنسان، يارالدىڭ نىچۈن،
دۇنياغا بىر تەكشى تارالدىڭ نىچۈن...
سورايچۇ،ئەجرىڭدىن باغ بىنا قىلماي-
ئەشۇ تار ئۆيۈڭگە قامالدىڭ نىچۈن!
(186)
روھىڭدا ئادەملىك پەزىلەت بولسۇن،
ئۆمرۈڭنىڭ ئېتىزى نېئمەتكە تولسۇن.
تۆت كۈنلۈك پانىي بۇ، ئەنسىرەپ كەتمە-
ھاياتىڭ گۈلزارى ئەل ئۈچۈن سۇلسۇن....
(187)
ئاۋامنىڭ ئىشىغا كۈيۈن ئەر بولساڭ،
ئاۋامنىڭ غېمىنى ھەرچاغ يەر بولساڭ...
ئەل ئىش –ئەر ئىشى، ساۋاپ تاپارسەن
دۇنيادا،تۆكۈلگەن تامچە تەر بولساڭ!...
(188)
بەزىلەر بېجىرىم تېنى ساق تۇرۇپ،
ماڭالماس ھېچقانداق ئىشنى ئاقتۇرۇپ.
مۇھتاجلىق ئۆيىگە ئەسىردۇر ئۇلار،
ئۆتكەچكە كۈنلىرى قۇرۇق لاپ ئۇرۇپ.
(189)
تىلەمچى باي بولماس يىغقاچ تىيىنلاپ،
بارغانچە قاچىسى قالار يېرىملاپ،
مېھنەتسىز ياشاشنى قىلساڭ ئىختىيار،
زىغىرچە ئىشلارمۇ بارار قىيىنلاپ.
(190)
بىر دوستۇم پۇلنى دەپ ئازدى بىردەمدە
ھەقىقەت يولىدىن تەزدى بىردەمدە
بۇلغىغاچ پۇل ۋە مال ئۇنىڭ ئەقلىنى
مېھنەتسىز ھاياتتىن بەزدى بىردەمدە.
(191)
تىنچىماس تەخسىكەش ئادەم ئازدۇرۇپ
بىرسىگە ھىجىيىپ،بىرسىگە يالۋۇرۇپ،
ئويۇننى ئوينايدۇ پىنھاندا،لېكىن-
ئاخىرى بىركۈنى قويار چاندۇرۇپ.
(192)
ھەركىمنىڭ ئۆزگىچە خۇلقى-خۇيى بار،
تىلسىزنىڭ نى ئالىي تىلەك-ئويى بار،
بۇ جاھان بەئەينى قايناق بازاردۇر،
ھەركىمنىڭ ھاياتتا تۇتقان يولى بار.
(193)
ياشلىقتا ئىزدىنىپ، خىزمەت قىپ ئەلگە،
قالدۇرغىن ئۆمرۈڭدىن بىر نىشان بەلگە،
ئېغىزىڭدا مىڭ ۋەدە قىلغىنىڭ بىكار،
ئەمەلدە قىلمىساڭ، تەڭ بولۇر يەلگە.
(194)
مېۋىلىك كۆچەتكە چۇشىدۇ قۇرت،
بولغانچە مېۋىسى شېرىن ۋە بولۇق.،
تۆھپىكار بار يەردە ھەسەتخور بىللە،
تۆھپىگە كۆز يۇمۇپ قىلىدۇ شۇملۇق.
(195)
ئۆزگەرگەچ بەزىلەر مۇھىتقا قاراپ،
بەزىبىر باشلىققا قالىدۇ ياراپ،
ئەگەردە«باشلىق»ى چۈشسە مەنسەپتىن،
قانىتى قايرىلىپ، بولىدۇ خاراب!
(196)
مەست بولسام كۈلىمەن، كېلەر يىغلىغۇم
نامەردلەر باغرىنى يارغۇم-تىلغىغۇم
مەن كەبىي مەرد-سېخى دوستلارنى بۇ دەم
ھەييامنىڭ بەزمىسى تامان چىللىغۇم.
(197)
مەنسەپكە ئېرىشتىم، كۆك بولدى بېشىم
ۋەلېكىن ئاۋامغا ياقمىدى ئىشىم
دەم ئۆتمەي يىقىلدىم، چۈتۈم نەزەردىن
يىقىلىش بىلەنلا تۆكۈلدى چىشىم.
(198)
ھەميانىم توم چاغدا ئۇلپەتلەر تولا
قول قۇرۇق، بېشىمدا كۈلپەتلەر تولا
باشقىدىن ئەمەس دەل ئۈلپەتتىن ماڭا
ياغدىغۇ ئازارلىق تۆھمەتلەر تولا.
(199)
مەستلىكتە تۇتقانتىم دوستۇمغا شاراپ
ۋە لېكىن ئۇ ماڭا قويمىدى قاراپ.
زورلىسام«كۆڭلۈم»دەپ، دېدىكى دوستۇم،
بولالماس مەست كۆڭۈل دوستلۇققا جاۋاب!
(200)
ھەق سۆزگە سەن ھەرگىز يالغاننى قاتما
زەررىچە نەپنى دەپ ۋىجداننى ساتما.
ھەقىقەت دۇلدۇلى سەپەردە ھامان
سان ئاڭا پۇتلىشىپ دەسسىلىپ ياتما.
مەنبە: ئىجادىيىتىم.
| 
دېۋان تالىشىش
قۇللىرىڭىزغادەرت بەرمىسۇن. بۇنىڭدىن كىينكى ئىجادىيەت ئىشلىرىڭىزغا،
来自: Android客户端
来自: Android客户端
