|
|
♥ئەزھەر♥ يوللىغان ۋاقتى 2014-3-21 15:22 
ئىنسان ئەقلى يەتمىگۈدەك دەرىجىدە تەرەققى قىلدى.
ماۋۇ گ ...
ئالدى بىلەن سىزنىڭ ئىسلامى جەھەتتىن ئىنكاس يازغىنىڭىزغا تەشەككۈر !
ئۇيغۇرتىلى گىرامماتىكىسىدا ئىستىلىستىكىلىق ۋاستىلەر دېگەن ئۇقۇم بار ، ۋە ئۇنىڭ ئىچىدە مۇبالىغە دېگەن بىر تۈرمۇ بار .
ئىستىلىستىكىلىق ۋاستىلەرنىڭ جۈملىدىكى رولى - ئىپادىلەش كۈچىنى ئاشۇرۇشنى مەقسەت قىلىدۇ !
مەسىلەن : كۆزنى يۇمۇپ ئاچقۇچە نەچچە يىل ئۆتۈپ كەتتى دېيىلسە ، ھەرگىزمۇ ئەمەلىيەتتىكى شۇ كۆزنى يۇمۇپ ئاچقان ۋاقىتتا نەچچە يىل ئۆتتى دېگەنلىك بولماستىن بەلكى شۇ يىللارنىڭ شۇنچىلىك تېز ئۆتكەنلىكىنى ئىپادىلەشنى مەقسەت قىلىدۇ !
قوشۇمچىلارنىڭ رولى _ يازمىدىكى «ئىنسان ئەقلى يەتمىگۈدەك دەرىجىدە» ئىبارىسى روشەن ھالدا _
ئىنسان ئەقلى يەتمىدى ، ئىنسان ئەقلى يەتمەيدۇ ، ئىنسان ئەقلى يېتىشى مۇمكىن ئەمەس ، ئىنسان ئەقلىدىن ھالقىپ كەتتى ، ئىنسان ئەقلى يىتەمتى ؟ ئىنسان ئەقلى قانداقمۇ يەتسۇن ؟ ئىنسان ئەقلى يىتىشتىن قانداقمۇ سۆز ئاچقىلى بولسۇن ؟ قاتارلىق كېسىپ ئېيتىلغان جۈملىلەردىن پەرقلىنىپ تۇرماقتا !
يازمىدا « ئىنسان ئەقلى يەتمىگۈدەك دەرىجىدە » ئىبارىسى ھەرگىزمۇ ئىنسان ئەقلىنىڭ يەتمەيۋاتقانلىقىنى بىلدۈرمىگەن ، مەن ھەم ئۇنداق مەقسەت قىلمىغان ...
دەل ئەكىسچە بولۇۋاتقىنى شۇكى دىيارىمىزدىكى كىشىلەرنىڭ ئۆزلۈكىدىن بۇ نۇقتىنى ئىسپاتلاۋاتقانلىقى بولدى _ نۇرغۇنلىغان كىشىلەرگە ئەقلىفون تەۋسىيە قىلىپ كېلىۋاتىمەن ، تەڭدىن تولىسى شۇ تاغ تۇرا كونۇپكىلىق يانفوندىن باشقىسىغا « ئەقلى يەتمەيدىغان » لىقىنى ئېيتتى ...
يۆلىنىۋېلىش پىسخىكىسى _ 30 ئاەمنىڭ ئارىسىدا بىرى كومپىيۇتېر ۋە يانفون بىلىملىرىگە پۇختىراق بولسا ، تەبىئيلا ئاۋۇ 29 ى يولۇققان مەسىلىلىرىدە شۇنى ئىزدەيدۇ ، ۋە بۇ ھالەت ئۇزۇنغىچە داۋام قىلىدۇ . بىر نەچچەيلەن بىلەن بىرلىككە كەلدۇق ، دائىم بىزنى يولدا كۆرسىمۇ تۇتۇۋېلىپ يانفونىنىڭ سائىتىنى تەڭشىگىلى سالىدىغانلارغا _ ئەگەر شۇ ئىشنىمۇ قىلالمىساڭ ، يا ئۆگىنىشكە قىزىقمىساڭ ! بولدى قىلىپ بەرمەيمىز ! دەيدىغان بولۇشتۇق . شۇ كىشىلەرمۇ ئۆزىنىڭ «ئەقلى يەتمەيدىغانلىقىنى» تەبىئىي ئېتىراپ قىلغان كىشىلەر بولسا كېرەك ...
3 يىل ئاۋۋال بانكىغا كىرسەم ، ئادەم بەكلا جىق ، ئالدىمدا تۇرغان بىر ئايالغا نۆۋەت كېلىپ ، كارتىسىنىڭ مەخپى نومۇرىنى ئۇنتۇپ قالغانلىقىنى ھىجىيىپ تۇرۇپ دېدى ، شۇ ھامان كاللامدا ئاجايىپ بىر ئاچچىق خىيال پەيدا بولدى ، غەربلىكلەر تەرەققىي قىلىپ نەلەرگە كەتتى ؟ بىزچۇ ؟ ئۇلار موتۇسىكىلىت ، ماشىنا ، ئايروپىلان ھەممە نەرسىنى ياساپ بىزگە سۇندى . بانكىلارمۇ تامامەن شۇ غەربنىڭ تېخنىكىسىنىڭ مەھسۇلى . ئەمدى بىزنىڭغۇ بۇ تەرەققىيات كەشپىياتلارغا «ئەقلىمىز يەتمىگەن» ھېسابتا بولۇپ تۇرسۇن ، ئاشۇ 6 خانىلىق مەخپى نومۇرنىمۇ ئەستە ساقلىيالمىغۇدەك دەرىجىدە كاللىمىز يوق بولۇپ كەتتىمۇ ؟ |
|
