Apk دىكى ئېلانلارنى يانفۇندا تازىلاش

ئەسسالامۇ ئەلەيكۇم ! پېقىر سەۋرىياردىن مۇنبىرىمىزدىكى ئىزدەنگۈچىلەرگە سالام.
Android مەشغۇلات سىستېمىسىدىكى ئۈسكۈنىلەرنىڭ ئومۇملىشىشىغا ئەگىشىپ مۇنبىرىمىزدە بۇخىل مەشغۇلات سۇپىسىدا ئىجرا بۇلىدىغان پىروگراممىلارنى ئۇيغۇرچىلاشتۇرۇپ كۆپچىلىككە سۇنىدىغان ھەۋەسكارلار كۆپەيدى، بۇ بىر ياخشى ئەھۋال ئەمما كۆپىنچىمىزنىڭ دائىملا كومپىيوتىر ئالدىدا ئولتۇرۇپ مەشغۇلات قىلىشقا ۋاقتىمىز ياربەرمەي يانفۇندا ئۇيغۇرچىلاشتۇرىمىز. ئەمما يانفون دېگەن سەپلىمىسى ھەرقانچە يۇقىرى بولسىمۇ مەشغۇلات سۇپىسى ئوخشىمىغانلىقتىن ياكى باشقا سەۋەپلەر سەۋەبىدىن كومپىيۇتېردا ئېلىپ بېرىلغان مەشغۇلاتلارنى نورمال ئېلىپ بارالماسلىق چەكلىمىسىگە ئۇچرايدۇ. مەن تۆۋەندە Apk ھۆججەتلىرىدىكى ئېلانلارنى Android مەشغۇلات سىستىمىلىق يانفۇندا تازىلاش ۋە ئۇيغۇرچىلاشتۇرۇش تەجرىبەمنى سۆزلەپ ئۆتەي.
Apk ھۆججەتلىرىدىكى ئېلانلارنى كومپىيۇتېردا تازىلاش ئۈچۈن قاراخان بۇرادىرىمىزنىڭ ماۋۇ تېمىسى ئەڭ ياخشى دەرىسلىك بولالايدۇ، يانفۇندا تازىلاش ئۈچۈنمۇ يەنىلا مۇشۇ دەرىسىنى ئۆرنەك قىلىمىز دەرىسىنى تەپسىلىي كۆرۈڭ.
كېتەرلىك قوراللار: Apk تەھرىرلىگۈچ، مۇنبەردىن ئەپ تەھرىرلىگۈچ ياكى Apk تەھرىرلىگۈچ دەپ ئىزدىسىڭىز تاپالايسىز. ئەگەر تاپالمىسىڭىز بۇنى ئىشلىتىڭ تەھرىرلىمەكچى بولغان ئەپنى ئۈسكۈنىمىزنىڭ ھۆججەت باشقۇرغۇچىدىن پايدىلىنىپ مەلۇم ھۆججەتدانغا كۆچۈرۈپ تەييارلىۋالغاندىن كېيىن Apk تەھرىرلىگۈچ ئارقىلىق يېشىمىز ۋە يۇقىرىقى دەرىسلىكتە سۆزلەنگىنى بويىنچە يېشىلگەن ھۆججەتدانداننىڭ ئىچىدىن resناملىق ھۆججەتدانغاكىرىپ layoutنامىلىق ھۆججەتداندىكى بارلىق xmlھۆججەتلرىنى Apk تەھرىرلىگۈچ ئارقىلىق بىر-بىرلەپ ئېچىپ تەكشۈرىمىز...


1 -رەسىم

2 -رەسىم

3 -رەسىم

4 -رەسىم

5 -رەسىم

6 -رەسىم


تەكشۈرۈپ قارايدىغان بولساق تۆتىنجى رەسىمدىكىدەك كودلار ئۇچرايدۇ، رەسىمدە كۆرسىتىلگەن a1502151a6cc55f بولسا دەل ئەپتىكى ئېلان كودى. مەن بۇنى a1502151a6cc55f.0.0.0.0 قىلىپ ئۆزگەرتىۋەتكەن، مۇشۇنىڭغا ئوخشاش ياكى ئوخشىمايدىغان ئېلان كودلىرى بىرقانچە xml ھۆججەتلىرىدە بولىشى مۇمكىن بۇلارنى تەپسىلىي تەكشۈرۈپ تېپىپ ئەشۇ گۆشىيىپ تۇرغان كودلارغا ئۆزىمىز خالىغانچە بىر ياكى بىرقانچە ھەرپ بەلگىلەرنى قوشۇپ قويۇپ ساقلىۋەتسەك ئېلانلارنىڭ كودى ئۆزگەرگەنلىكتىن ئۇ ئەپلەر تورغا ئۇلانغان ھالەتتىمۇ ئېلانلار تورغا ئۇلىنالمايدۇ. ناۋادا xml ھۆججەتلىرىدە ئېلان كودى يوق بولسا ئىككىلەنمەستىن classes.dex ھۆججىتىنى ئاچىمىز...

7 -رەسىم


ھۆججەتنى ئېچىپ قارىساق باش قاتتى دېگەن گەپ سەۋەبى: كىچىكرەك ئەپلەرنىڭ classes.dex ھۆججىتى 30~40 بەت يەنە بىر قىسىم ئەپلەرنىڭ بولسا بەشىنجى ۋە ئالتىنجى رەسىمدىكىدەك بىرەر يۈز بەت بولۇپ كۆرىنىدۇ بۇنىڭ ئىچىدىن يەنە بەشىنجى رەسىمدە كۆرسىتىلگەنگە ئوخشاش ھەرپ ۋە سانلار ئارلىشىپ كەلگەن كودلارنى ئىزدەيمىز بۇ يەردە دىققەت قىلىش كېرەككى بىر قىسىم ئەپلەرنىڭ classes.dex ھۆججىتىدىكى ئېلانلارنىڭ كودى بەشىنجى رەسىمدە كۆرسىتىلگەندەك پەقەت بىرلا قۇر بولۇپ قالماستىن بەلكى سەككىزىنجى رەسىمدە كۆرسىتىلگەندەك نەچچە قۇر ھەتتا نەچچە ئون قۇر بولىشى مۇمكىن

8 -رەسىم

مۇشۇ ئۇسۇل بويىنچە ئىزدەپ تاپقان ئېلان كودلىرىنى xml ھۆججەتلىرىدىكى كودلارنى ئۆزگەرتكەنگە ئوخشاش ئۆزگەرتىپ ماڭىمىز ئېلان كودلىرىنى ئۆزگەرتكەندە دىققەت قىلىدىغان مەسلە شۇكى سىستېما كودلىرى بىلەن ئېلان كودلىرىنى پەرىقلەندۈرۈش ناھايىتى قىيىن ئەگەر ئۇقۇشماستىن سىستېما كودلىرىنى ئۆزگەرتىۋەتسەك تەھرىرلىگەن ئەپلىرىمىز ئۈسكۈنىمىزدە نورمال قوزغالمايدىغان ياكى قوزغالغان ھالەتتىمۇ بىر قىسىم مەشغۇلاتلارنى نورمال قىلالمايدىغان پالەچ ئەپلەرگە ئايلىنىپ قالىدۇ شۇڭا كود تەھرىرلىگەندە ئىھتىياتچانلىق بىلەن ئىش كۆرىشىمىز كېرەك.

تولۇقلىما مەزمۇن (2014-2-25 03:00):
مەن بۇ تېمىنى ئىلان قىلماي ئورگىنال ساقلاپ مېڭىۋاتسام نىمىشقا ئېلان قىلىنىپ كەتكەندۇ؟؟؟

alip يوللىغان ۋاقتى  2014-2-25 10:48
داۋامىنى مۇشۇ ئىنكاسىڭىزنىڭ ئورنىغا يوللىسىڭىز بولى ...

تېمىنىڭ داۋامى...


  شۇنداق قىلىپ كود شەكلىدىكى ئېلان ئادرېسى توغرىلىق مەلۇم چۈشەنچىگە ئېگە بولدۇق. ئەمدى بۇيەردە يەنە بىرخىل مەسلە مەۋجۇت يەنى xml ۋە classes.dex ھۆججەتلىرىدىمۇ يۇقىرىقىدەك كود ھالەتتىكى ئېلان ئادرېسلىرى بولمىسا بۇ خىل ئەھۋالدا xml ۋە classes.dex ھۆججەتلىرىدىن توربەت ئادرېسلىرىنى تەكشۈرىمىز، كۆپىنچە ئەھۋاللاردا xml ھۆججەتلىرىدە توربەت ئادرېسلىرى شەكلىدىكى ئېلان كودلىرى ئاساسەن مەۋجۇت بولمايدۇ شۇڭا classes.dex ھۆججىتىنى تەكشۈرسەك كۇپايە...، ئەمما classes.dex ھۆججىتىدە يەنە ئەپنىڭ ئورگان بېتى ئادرېسى، مەلۇم ئەپ بازىرىدىكى چۈشۈرۈش ئادرېسى ۋە ئەشۇ بەتبەشىرە ئېلان قاتارلىقلارنىڭ ئادرېسلىرى بولۇپ بۇ ئادرېسلارنى بىر-بىرلەپ كۆچۈرۈپ ئۈسكىنىمىزدىكى تور كۆرگۈچنىڭ ئادرېس يازىدىغان ئورنىغا چاپلاپلا ئېچىپ كۆرۈپ باقساق ھەممىسى ئۆزىنى ئاشكارىلايدۇ. ئېلان ئادرېسلىرىنى يۇقىرىدا سۆزلەنگەن بويىچە ئۆزگەرتىۋەتسەكلا ئېلانلاردىن قۇتۇلالايمىز.
  ئەمدى ئەڭ قىيىن يەرگە كەلدۇق... بىر قىسىم ئەپلەرنىڭ classes.dex ھۆججىتىنى ئەپ تەھرىرلىگۈچ بىلەن ئاچساق توققىزىنچى رەسىمدىكىدەك خاتالىق چىقىۋېلىپ ئېچىلمايدۇ،

توققىزىنچى رەسىم


بۇنداق ئەھۋالغا دۇچ كەلگەندە يەنىلا Apktool غا مۇراجەت قىلماي ئامالىمىز يوق. Apktool نىڭ يانفون نەشرىنىڭ ئۇيغۇرچە نۇسخىسىنى ياكى باشقا نۇسخىسىنى چۈشۈرۈپ تەھرىرلىمەكچى بولغان ئەپنى يىشىپ ئىشنى باشلايمىز. يېشىلگەن ھۆججەتكە قارايدىغان بولساق قاراخان بۇرادىرىمىز ئېيتقاندەك كېڭەيتىلگەن نامى Smali بولغان نۇرغۇنلىغان ھۆججەتكە دۇچ كىلمىز. بۇنى تەھرىرلەش ئۈچۈن بۇ ئىىككى دانە ئەپ ئەڭ ئۈنۈملىك قورال بولالايدۇ.
ئەپ رەسىمى:

Droidedit بولسا مەن ئىشلەتكەن ئەپلەر ئىچىدىكى تېكىس تەھرىرلەشكە ئەڭ ماس كېلىدىغان ئەپ بولۇپ بىرەرمىڭ قۇر خەتلىك تېكىس ھۆججەتلىرىنىمۇ بىمالال ئېچىپ بىرەلەيدۇ.

Droidgrep بولسا Droidedit نىڭ يانداشما قورالى بولۇپ مەلۇم بىر ھۆججەتدان ئچىدىكى ھۆججەتلەردىن ئىزدىمەكچى بولغان سۆزنى ناھايىتى تىزلا تېپىپ بىرىدۇ.
كۆرۈنمە يۈزى:

11 -رەسىم

12 -رەسىم

13 -رەسىم

11- رەسىمدە كۆرسىتىلگەن بىرىنچى كۆزنەككە ئىزدىمەكچى بولغان سۆزنى كىرگۈزىمىز، ئىككىنچى كۆزنەككە ئىزدىمەكچى بولغان ھۆججەتنىڭ كېڭەيتىلمە نامىنى كىرگۈزىمىز، ئۈچىنچى كۆزنەككە ئىزدىمەكچى بولغان ھۆججەتلەر ساقلانغان ھۆججەتداننى كۆرسىتىپ بىرىمىز، تۆتىنجى كۆزنەكنى بېسىپ ئىزدەشنى باشلايمىز. 12- رەسىم بىرىنچى كۆزنەك Apktool بىلەن يېشىلگەن ئەپ ساقلانغان ھۆججەتدان ئىككىنچى كۆزنەك مۇقىملاش. 13- رەسىم بىرىنچى كۆزنەك يېشىلگەن ئەپ ساقلانغان ھۆججەتدان ئىچىدىكى ئىزدىمەكچى بولغان ھالقىلىق سۆز ساقلانغان ھۆججەتدان، ئىككىنچى كۆزنەك ئىزدەپ تېپىلغان ھالقىلىق سۆز، ئۈچىنچى كۆزنەك ھالقىلىق سۆز ساقلانغان قۇرنىڭ رەت نومۇرى. يۇقىرىقى رەسىملەرگە قاراپ چۈشىنىۋېلىش قىيىن ئەمەس، ئېلان ئادرېسلىرىنى تەھرىرلەشتە قاراخان بۇرادىرىمىز چۈشەندۈرگەن دەرسكە بىرلەشتۈرۈپ 11~12~13- رەسىمدىكىدەك مەشغۇلات قىلساقلا ئىزدىمەكچى بولغان ئېلان ئادرېسلىرىغا ئېرىشەلەيمىز، ئېلان ئادرېسلىرىنى ئۆزگەرتىشنى ئەمدى سۆزلىمىسەممۇ بولا. شۇنىڭ بىلەن Apk ھۆججەتلىرىدىكى ئېلانلارنى تازىلاش ئاخىرلاشتى.
  ئەمدى تورداشلار سورىغان سوئاللارغا جاۋاب بېرەي: بىر تورداش بۇ تېمىدا Smali ھۆججىتىنى تەھىرىلەش توغرىلىق سورىغان ئىكەن بۇنىڭ جاۋابى توققىزىنچى رەسىمدىن مۇشۇ يەرگە كەلگىچە.
  سۇئال: يانفۇندىكى ئەپ تەھرىرلىگۈچ بىر قىسىم ئەپلەرنى ئاچالماي چېكىنىپ كەتتى بۇ قانداق ئەھۋال؟
جاۋاب: بۇنىڭ سەۋەبى تەھرىرلىمەكچى بولغان ئەپتە تىل رايونىنىڭ كۆپلىكىدىن بولغان ئىش، بۇنىڭ ئۈچۈن ئەپنى Apktool نىڭ يانفۇن نۇسخىسى ئارقىلىق يېشىپ يېشىلگەن ئەپنىڭ سۈكۈتتىكى تىل رايونى بىلەن تەھرىرلىمەكچى بولغان تىل رايونىغا مۇناسىۋەتلىك ھۆججەتدانلارنى قالدۇرۇپ باشقا تىل رايونىغا مۇناسىۋەتلىك ھۆججەتدانلارنى يۇيىۋېتىپ ئاندىن ئەپنى يەنە شۇ Apktool نىڭ يانفۇن نۇسخىسى بىلەن بولاقلاپ تەييارلايمىز، بۇ يېڭى تەييارلانغان ئەپنى يانفۇندىكى ئەپ تەھرىرلىگۈچ بىلەن ئاچساق نورمال ئېچىلىدۇ. ئاندىن خاتىرجەم ھالدا ئۇيغۇرچىلاشتۇرۇشقا تۇتۇش قىلساق بولىدۇ، ئۇيغۇرچىلاشتۇرۇپ بولغاندىن كېيىن يەنە Apktool بىلەن يېشىپ ئۇيغۇرچىلاشتۇرغان تىل ھۆججىتى ساقلانغان ھۆججەتداننىڭ ئىسمىنى values-ug قىلىپ ئۆزگەرتىپ تەييارلايمىز ۋە ئەسلىدىكى ئەپنى Apktool بىلەن يېشىپ values-ug قىلىپ تەييارلىغان ھۆججەتداننى يېشىلگەن ئەپنىڭ ماس ھالدىكى ئورنىغا قوشۇۋېتىپ يەنە Apktool بىلەن بولاقلاپ ئىمزا قويۇۋەتسەك ئەپنى ئۇيغۇرچىلاشتۇرۇش ئاخىرلاشقان بولىدۇ.
سوئال: مەنمۇ بۈگۈن 4تال سۆزنى رەسىم ۋە تىل بولاقلىرىدىن ئىزدەپ ھېرىپ قالدىم، نەدىن تاپىدۇ؟
جاۋاب: ئۇ سۆزلەرنى مەن يۇقىرىدا تونۇشتۇرغان ئۇسۇل بويىنچە ئەپنىڭ classes.dex ھۆججىتىنىڭ ئەڭ ئاخىرقى بىرنەچچە بېتىدىن ئىزدىسىڭىز تاپالايسىز، ئەڭ ياخشىسى توققىزىنچى رەسىمنىڭ ئاستىدىن باشلاپ سۆزلەنگەن بويىچە مەشغۇلات قىلىڭ ئىزدەش نوقتىسىنى xml ۋە Smali ھۆججەتلىرىگە قارىتىڭ، يەنىلا تېپىلمىسا جەزىملەشتۈرۈشكە بولىدۇكى تېپىلمىغان ئۇ سۆزلەر يانفۇننىڭ ئىچكى قىسىمىدىكى بۇيرۇقلارنى ئىبارەت. يانفۇننىڭ ئىچكى قىسىمىدىكى بۇيرۇقلارنى ئىشلىتىدىغانلىقى ئېنىقلاشنىڭ ئەڭ ئاددى ئۇسۇلى يانفون تىلىنى باشقا تىلغا تەڭشەپ ئاندىن سۆزلۈكلىرى تېپىلمىغان ئەپنى ئىشلىتىپ كۆرۈپ بېقىش.
سوئال: رەھمەت، بولسا مۇشۇ كىتاب ئەپلىرىنى تەرجىمە قىلغاندا مۇندەرىجە قوشۇش ھەم ئېلىۋىتىش توغرىلىق تەلىم بەرسىڭىز بەكمۇ ياخشى بولاتتى مەسىلەن رەسىمدىكىدەك ئەھۋال htmlھوججىتىنى يۇيۇۋەتكەن لېكىن مۇندەرىجە چىقتى...
جاۋاب: سىز كىتابنىڭ مۇندەرىجىگە مۇناسىۋەتلىك  html ھۆججىتىنى يۇيۇۋەتكەن بولسىڭىزمۇ يەنىلا مۇندەرىجە نورمال چىققان بولسا قىلچە ئىككىلەنمەي ئەپنىڭ classes.dex ھۆججىتىنى ئىزدەڭ، چوقۇم تاپالايسىز. سىزنىڭ يۇيۇۋەتكىنىڭىز بولسا مۇندەرىجىدىكى خەتلەرنىڭ چوڭ-كىچىكلىكى ۋە رەڭگىنى بەلگىلەپ بىرىدىغان ھۆججەت بولىشى مۇمكىن.
ئەمدى باشقا سۇئاللارغا جاۋاب بىرىشنىڭ ھاجىتى بولمىسا كېرەك چۈنكى؛ ئۇ سوئاللارنىڭ جاۋابى مەزكۇر مۇنبەردە بىرنەچچە يەردە تىلغا ئېلىنغان.

ئانا تىلنى قەدىرلەش مەقسىدىگە پەقەت يانفۇن قاتارلىق ئۈسكىنىلەرنى ئانا تىلدا ئىشلىتىش بىلەنلا يەتكىلى بولمايدۇ، ھەرقانداق بىر ئىنسان ئۆز تىل-يېزىقىنى قەدىرلەيمەن دەيدىكەن چوقۇم ئۆزى ئۈچۈن مۇقەددەس ھىسابلانغان تىل-يېزىقىنى ئۆگىنىش ۋە ئۆگىتىشنى ئاساس قىلىشى كېرەك!

تېمىنىڭ ئاخرى يەنە بار ئىدى، تېمىنى يازغاچ رەسىملەرنىڭ رەت-تەرتىپىنىڭ توغرا بولغان بولمىغانلىقىنى كۆرۈش ئۈچۈن ئورگىنال ساقلاپ قويۇپ كۆرۈپ بولغىچە ئورگىنال يۇللىنىپ كېتىپتۇ. ئەمدى تېما تەستىقلانغاندىن كېيىن داۋامىنى باشقا تېما قىلىپ يوللاي.

sewriyar يوللىغان ۋاقتى  2014-2-25 03:11
تېمىنىڭ ئاخرى يەنە بار ئىدى، تېمىنى يازغاچ رەسىملەرنى ...

داۋامىنى مۇشۇ ئىنكاسىڭىزنىڭ ئورنىغا يوللىسىڭىز بولىدۇ.

بەك ياخشى تىماكەن،ئۇگنىشكە ئەرزىيدو،مۇشۇنداق ئۇگنىش تىپتىدكى تىملار كۆپرەك يوللانسا.

ياخشى تىما  يوللاپسىز  تىلفۇندا  بەكلا سەت ئىلانلار  چىقۋالدىكەن  رەھمەت مەن  سىنەپ  باقاي

ۋەئەلەيكۇم ئەسسالام . رەھمەت قېرىندىشم بەزى ئەپلەرنى ئېلاننىڭ تۇلىلىقىدىن ئىشلەتكىلى بولمايتتى .

ناھايتى ياخشى قىلىپسېز رەھمەت

ماۋۇ ھەقىقىەتەن ياخشى بىلىمكەن ...

مەن ئەپ تەرجىمە قىلىشنى بىلمىسەممۇ يەنىلا رەخمەت ياخشى بىلىمكەن

رەھمەت قېنى سىناپ باقاي来自: Android客户端

ئاخىرى يوللاپسىزدە… تەشەككۈر ئاكا…来自: Android客户端

sewriyar يوللىغان ۋاقتى  2014-02-25 03:11:15
تېمىنىڭ ئاخرى يەنە بار ئىدى، تېمىنى يازغاچ رەسىملەرنى

ئاكا class.dexنى تەھرىرلىسەم ئاشۇ دىتالدا قىلغان ئىدىم، ساقلانماي ئۆزگەرتكەن يەرنى كۆرسىتىپ تۇرۋالدى، ئېلاننى ئەمەس، ئىچىدىكى خەنچە خەتنى تەرجىمە قىلغان ئىدىم…来自: Android客户端

altun يوللىغان ۋاقتى  2014-2-25 14:55
.dex ھۆججەتنىڭ ئىچىدە بىرخىل سۆز ئىككى قېتىم تەكرارلان ...

ئادەتتىكى ئەپ تەھرىرلىگۈچتە بولمايدىكەن. apktoolنىڭ يانفۇن نۇسخىسى بار دەيدۇ، شۇنىڭدا بولىشى مۇمكىن… لېكىن مەن ئۇنى ئىشلىتىپ باقمىدىم…

بوپتۇ  بەك ياخشى ئىشكەن رەھمەت

رەھمەت، بولسا مۇشۇ كىتاپ ئەپلىرىنى تەرجىمە قىلغاندا مۇندەرىجە قوشۇش ھەم ئېلىۋىتىش توغۇرلۇق تەلىم بەرسىڭىز بەكمۇ ياخشى بولاتتى مەسىلەن رەسىمدىكىدەك ئەھۋال htmlھوججىتىنى يۇيىۋەكەن لىكىن مۇندەرىجە چىقى来自: Android客户端