Arduino غا ئالاقىدار تەسەۋۋۇرلار(1)

e-chewendaz

ئەسسالامۇ ئەلەيكۇم ئالىپ تورىدىكى بارلىق ئېلېكتىرون،Arduino ھەۋەسكارلىرى! ھەممىڭلارغا كەمىنە ئېلېكتىر چەۋەندازدىن ئوتلۇق سالام!
ئالدىنقى تېمام «Arduino-توردىن كېرەكلىك ماتىرىياللارنى سېتىۋىلىش»تا كۆپچىلىككە ئاردىينۇنىڭ مۇناسېۋەتلىك سەزگۈچلىرى توغرىسىدا چۈشەنچە بىرىدىغانلىقىمنى ئىيىتقانىدىم.بۈگۈن بۇ تېمام ئارقىلىق ئازىراق بولسىمۇ ئاردىينونىڭ قوشۇمچە سەزگۈچلىرى توغرىسىدا تۈرلۈك قۇرۇلما تەسەۋۋۇرلىرىغا بىرلەشتۈرۈپ چۈشەنچە بىرىشنى توغرا تاپتىم،قېرىنداشلىرىمىز توردىن مۇناسېۋەتلىك دىتاللارنى سېتىۋالغاندا پايدىلانغاي(سەزگۈچ نامى،قانداق ئورۇنلاردا ئىشلىتىلدىغانلىقىنىلا ئوتتۇرىغا قويدۇم،ۋاقىت مۇناسېۋىتى بىلەن قالغان تەپسىلى پارامېتىرلارنى كىيىنگە قالدۇردۇم،ئەمەلى تەجرىبە تېمىلىرىدا ئوتتۇرىغا قويارمەن).بۇلارنىڭ كۆپىنچىسنى مەن توردىن يىغىپ توپلىغان،بەزىلىرىنى ئۆزۈم تەجرىبە قىلىشقا ئۈلگۈرمىگەن،لىكىن بۇلار بىزنىڭ ئىجادىي تەپەككۈرىمىزنى قوزغايدۇ،ئىشەنچىمىزنى ئاشۇرىدۇ.بەزى قۇرۇلمىلار ئاساسىدا يەنە باشقا بىر قۇرۇلمىنى ياساپ چىقىشقا بولىدۇ،شۇڭا قېرىنداشلىرىمىزنىڭ ھوزۇرىغا سۇندۇم:
1.نەمىلىك سىزىش مودىلى

بۇ سەزگۈچ تۇپراقنىڭ نەملىكىنى سېزىش ئىقتىدارىغا ئىگە بولۇپ،ئاپتۇماتىك سۇغۇرۇش ئۈسكۈنسى(گۈللەرنى،دەل-دەرەخلەرنى سۇغۇرۇش) ياساشتا قوللىنىشقا بولىدۇ.تۆۋەندىكىدەك:


2.RFID كارتا ئوقۇش مودىلى

بۇ خىل كارتا ئوقۇش مودىلى سىلەرگە ناتونۇش بولمىسا كېرەك،يەنى ئاپتۇبوسقا چىققاندىكى سىمسىز پۇل تۆلەش(بىلەت سېتىۋىلىشنى دىمەكچى)،مىھمانخانىلاردىكى ياتاق ئىشكىنى كارتا ئارقىلىق ئېچىش دىگەندەك نۇرغۇن جايلاردا ئىشلىتىلىدۇ.ھەربىر كارتىنىڭ ID نۇمىرى بار بولۇپ،ئوخشاش بولمىغان ID نۇمىرى ئارقىلىق يوقلىما قىلىش دىگەندەك ئىشلارنى قىلىشقا بولىدۇ.مىسال سۈپتىدە تۆۋەندىكى ئىشىكىنى RFID كارتىسى ئارقىلىق ئېچىش تەجرىبىسنىڭ رەسىمى كۆرىستىلىدى.


بۇ تەجرىبىگە ئالاقىدار ئەسلى تېمىنى (بارلىق ياساش جەرىيانى،ئەسلى كودى چۈشەندۈرۈلگەن) كۆرمەكچى بولسىڭىز بۇ يەرنى بېسىڭ.
بۇنىڭدىن باشقا بۇ كارتا مودىلى ئارقىلىق ئامراق ماشىنىمىزنىڭ ئىشكىنى ياكى ئۆيىمىزنىڭ ئىشكىنى سىمسىز ئىچىش قۇرۇلمىسىنىمۇ ياساپ چىقىشقا بولىدۇ.
3. كۆكچېش مودىلى
بۇ مودىل توغرىسىدا ئىلگىركى تىمامدا چۈشەنچە بىرىپ ئۆتكەنىدىم،«مەن Arduinoغا ئاشىق» ناملىق كىتابىمدىمۇ چۈشەنچە بىرىلگەن،مىنىڭ بۇ يەردە ئوتتۇرىغا قويغان تەسەۋۋۇرۇم شۇكى كۆكچىش ئارقىلىق ئىشىكنى ئېچىش(ماشىنا ئىشكىمۇ بار)،كۆكچىش ئارقىلىق ئۆي ئىچىدىكى بارلىق ئېلېكتىرون ئۈسكۈنلىرىنى كونتىرول قىلىش ئۈسكۈنىسىنى ياساپ چىقىشقا بولىدۇ،(بۇ خىل قۇرۇلمىدا كۆكچىشتىن باشقا رىلى مودىلىمۇ مۇھىم رول ئوينايدۇ)
مۇناسېۋەتلىك رەسىم: كۆكچىش ئارقىلىق ئىشىك ئىچىش قۇرۇلمىسى

بۇ تەجرىبىگە ئالاقىدار ئەسلى تېمىنى (بارلىق ياساش جەرىيانى،ئەسلى كودى چۈشەندۈرۈلگەن) كۆرمەكچى بولسىڭىز بۇ يەرنى بېسىڭ
4. ئۇلتېرا ئاۋاز دولقۇنلۇق سەزگۈچ مودىلى
بۇ جەھەتتە ئالدىنقى تېمام «Arduino-ئۇلتېرا ئاۋاز دولقۇنلۇق مېتىر» گە نەزىرىڭىزنى ئاغدۇرۇڭ.
5. گاز سىزىش مودىلى

بۇ گاز سىزىش مودىلى ئائىلىلەردە ئىشلىتىلىدىغان تەبئى گاز،سۇيۇقلاندۇرۇلغان گاز قاتارلىقلارنى سىزىش ئىقتىدارى ئىنتايىن يۇقىرى بولۇپ،گاز چىقىپ كىتىشتىن مەلۇمات بىرىش قاتارلىق قۇرۇلمىلارنى ياساشتا پايدىلىنىشقا بولىدۇ.(ئەمەلى مىساللىرى كىيىنگە قالدۇرۇلدى)
6. Arduinoدىن پايدىلىنىپ ياسالغان باشقا قۇرۇلمىلار:
ئاپتۇماتىك دوسكا ئۆچۈرگۈچ

ئىز قوغلاش ئىقتىدارىغا ئىگە ئەقلى ئىقتىدارلىق ماشىنا

سۈرئەتنى wifi ئارقىلىق يوللاش ئىقتىدارىغا ئىگە  ئەقلى ئىقتىدارلىق ماشىنا

مىخاينىكىلىق بىلەك

ۋاقىت مۇناسېۋىتى بىلەن تېمامنى مۇشۇ يەردە ئاخىرلاشتۇراي،مەن Arduino مۇتەخەسىسى ئەمەس،بەلكى مەنمۇ قېرىنداشلىرىمىزغا ئوخشاش بىر ئۈگەنگۈچى خالاس،شۇڭا كۆپچىلىك قېرىنداشلىرىمىزنىڭ ۋاقتى بولسا Arduino توغرىسىدا ئىزدىنىپ كۆرۈشىنى قانداق ئىجادىي تەكلىپ-پىكىرلىرى بولسا ئوتتۇرىغا قويۇشنى،ياخشى تەجرىبىلىرى بولسا تېما شەكىلىدە ئوتتۇرىغا قويۇشنى ئۈمىد قىلىمەن.
Arduino توغرىسىدا ھىچقانداق چۈشەنچىگە ئىگە ئەمەس قېرىنداشلىرىمنىڭ ئالىپ تورىدىكى «ئاپتۇماتىك كونترول قىلىش» دىگەن سەھىپىدىكى يازمىلارنى كۆرۈپ چىقىشنى ياكى «مەن Arduinoغا ئاشىق» ناملىق كىتابىمنى كۆرۈپ چىقىشىنى تەۋسىيە قىلىمەن.
بىز ئۆز-ئارا ئۈگىنىشكە،ھەمكارلىشىشقا مۇھتاج! قېرىنداشلىرىمىزنىڭ ياخشى تەكلىپ-پىكىرلىرىنى،قىممەتلىك بىلىملىرىنى،تەجرىبىلىرىنى ئايىماسلىقىنى سورايمەن!
ھۆرمەت بىلەن:ئېلېكتىر چەۋەنداز
2014-يىلى ھۇتنىڭ 13-كۈنى يېزىلىدى
سەمىمي ئەسكەرتىش: بۇ تېما مەخسۇس Arduino  ئۈچۈن يېزىلدى،شۇڭا باشقا جەھەتتىن ياردەم سورىماقچى بولغان قېرىنداشلىرىمىزنىڭ ئالىپ تورىنىڭ ياردەم سەھىپىسگە ياكى مۇناسېپ ھالدىكى باشقا تېمىلارغا ئىنكاس يېزىشىنى،قالايمىقان ئىلان ۋە ياردەم خاراكتىرلىك ئىنكاسلارنى يازىماسلىقىنى سەمىمىيلىك بىلەن ئۆتىنىمەن.

tnhabora

مەن مىللىتىمىز دىن مۇشۇساھەدە تىخىمۇ كۆپ تالانىتلىق كىشىلەرنىڭ بولىشىنى ئۈمىد قىلىمەن .

osmanli

ھەققىقەتەن قالتىسكەن

intizar.2

مەنمۇ قېززىقىپ قالدىم ، ئەمما مەن ئانا تىلىم دىن باشقىنى بىلمەيدىغان گاچا .يەنە مىنىڭ ئاتا ئانام مىنىڭ مۇنداق ئىشلارنى قىلىشىمغا يول قويمايدۇ .

muj@hit

ھەقىقەتەن قىممەتلىك يازما، بۇنداق تېمىلار ئۇيغۇر مۇنبەرچىلىكىدە يوق دىيەرلىك…

begmurad

پاھ ھەقەقەتەن قالتىسكەنغۇ！！！ ئىلىكتىر چەۋەنداز سىز بۇلارنىڭ كوپىنچىسىنى قىپ سىناپ باققان شۇنداقمۇ？  
ياش-ئۈسمۈرلەرگە مۇشۇ ھەقتىكى بىلىملەر كوپرەك تۇنۇشتۇرساق بولغۇدەك.

amirdinov

داۋاملىق تېرىشىڭ  . قالتىس ئىشكەن   . مەنمۇ قىزىقتىم  ،بۇ ھەقدە ئىزدىنىپ كۆرەي  

ssabir

باركاللاھ قېرىندىشىم

$BashbugH$

مەن Arduino غا بارغانسىرى قىزىقىپ قېلىۋاتىمەن. ئەسىلىدە كىچىككىنە توك يولى تاختىسى بىلەن خېلى جېق ئىشلارنى قىلغىلى بولىدىكەنغۇ... تېما ئىگىسى تېمىلىرىڭىز ئۈزۈلمىگەي.
باشقۇرغۇچىلار نادىرلاپ قويسا بولغۇدەك تېمىكەن...

بۇنىڭ كودىنى قانداق يازىدۇ؟ بۇنىڭمۇ تەپسىلىي چۈشەندۈرۈشلىرى بارمۇ؟

1937216203

خاپا بولماي ئېنىقراق چۈشەندۈرۈپ قويسىڭىز

پادىچى001

ئاللاھ رەھمەت قىلسۇن قرىندىشىم ،داۋاملىق تىرشىڭ .ئاللاھ سىزنىڭ مۇشۇ ساھادە ئۇتۇق قازىنىشقا نىسىپ قىلسۇن.

kadirjan999

ئەسسالام ئەلەيكۇم تېما ئىگىسى يۇقۇردىكى ئۆسۈملۈك سۇغۇرۇش ئۈسكۈنىسىگە قىزىقىپ قالدىم بۇنى يېزا ئىگىلىكىگە بۇلۇپمۇ تېمىتىپ سۇغۇرۇشقا بەك ماس كىلدىكەن،مىنى چچ غا قېتىڭە1140191196

e-chewendaz

خاپا بولماي ئېنىقراق چۈشەندۈرۈپ قويسىڭىز

ئەسسالامۇ ئەلەيكۇم قېرىندىشىم! نېمىنى چۈشىنەلمىدىڭىز؟ سىزمۇ سۇئالنى ئېنىقراق ئوتتۇرىغا قويمامسىز؟ تېما ئاخىردىكى كۆك رەڭدە بويالغان جاينى كۆردىڭىزمۇ؟ كۆرمىگەن بولسىڭىز تېمىنى يەنە بىر قېتىم ئوقۇپ چىقىڭ.

بۇنىڭ كودىنى قانداق يازىدۇ؟ بۇنىڭمۇ تەپسىلىي چۈشەندۈرۈشلىرى بارمۇ؟

كود توغرىسىدا «مەن Arduinoغا ئاشىق[url]/thread-24810-1-1.html[/url]» ناملىق كىتابىمنىڭ قوشۇمچە بابىدا چۈشەنچە بىرىلگەن ناۋادا قولىڭىزدا بۇ كىتاب بولمىسا بىرنى سېتىۋىلىپ كۆرۈپ بىقىڭ،بۇنىڭدىن باشقا داۋاملىق ھالدا ئالىپ تورىدىكى يازمىلىرىمغا دىققەت قىلىپ تۇرۇڭ.

sadir102

بەلگىلىك بىلىم ھاسىل قىلغاندىن كېيىن مۇشۇنداق تەسەۋۋۇرلار بولغاندا ئاندىن يېڭى نەرسىلەرنى بارلىققا كەلتۈرگىلى بولىدۇ. بولسا مۇشۇنداق تەسەۋۋۇر ئارقىلىق يېڭى بىر تۈر ئوتتۇرغا قويۇپ بىرلىكتە تەتقىق قىلىپ باقساق بولىدۇ. رەھمەت قېرىندىشىم. تىمىلىرىڭىزنى ئىز قوغلاپ ئوقۇۋاتىمەن.

mehman001

ئاللاھ ئىشلىرىڭىزنى ئاسان قىلغاي،
مەن تىمىلىرىڭىز غابارغانسىرى قىزىقىپ قىلۋاتىمەن.
رەھمەت سىزگە،