لىيەنشاڭ 2 مىليارد900 مىليون دوللارغا Google دىن موتورولانى سېتىۋالدى

لىيەنشاڭ گوروھى بۈگۈن رەسمىي ھالدا Googleدىن موتورولانىڭ يانفون تارمىقىنى 2مىليارد900مىليون دوللارغا سېتىۋالغىنىنى جاكارلىدى.بۇنىڭ ئىچىدە 660 مىليون دوللار نەق پۇل ۋە 750مىليون دوللار لىيەنشاڭنىڭ ئادەتتىكى پېيى،ئاشقان 1مىليارد 500 مىليوننى بولسا ئۈچ يىللىق خاس چەككە بۆلۈپ تۆلەيدۇ.
بۇ قېتىملىق موتورولانىڭ يانفون تارمىقىنى سېتىۋېلىش ئارقىلىق لىيەنشاڭ 2000دىن ئارتۇق كۆچمە خەۋەرلىشىش پاتنېتىغا ئىگە بولىدىكەن،لىيەنشاڭ يەنە Googleبىلەن ئۇزۇن مۇددەتلىك ھەمكارلىق قۇرۇپ مۇناسىۋەتلىك پاتنېت ۋە باشقا  ئەقلىي مۈلۈك ھوقوقىغا ئىگە بولىدىكەن.
  ئۇندىن باشقا ھازىرقى موتورولا يانفون تارمىقىنىڭ 3500 نەپەر خادىمى،ماركا ۋە مەھسۇلات نامىنىڭ (مەسىلەن Moto Xۋە Moto Gيەنە DROIDقاتارلىق مەھسۇلات نامى)ئىشلىتىش ھوقوقى ۋە دۇنيادىكى 50دىن ئارتۇق تېلگراف شېركەتلىرى بىلەن بولغان ھەمكارلىق مۇناسىۋىتىنى لىيەنشاڭ كۆچمە كەسىپلىرى گوروھىغا يەنى لىيۇۋ جىجۈننىڭ باشقۇرىشىغا ئۆتكۈزۈپ بېرىلىدۇ.
بۇندىن بۇرۇن لىيەنشاڭنىڭ CEOسى ياڭ چىڭزېڭ 2014 يىلى ئامېرىكا ۋە ياۋروپانىڭ يانفون ۋە تاختا كومپىيۇتېر ساھەسىگە كىرىدىغانلىقىنى ئېيتقانىدى.ئۇزۇندىن بېرى كومپىيۇتېر بىلەن شۇغۇللىنىپ كەلگەن بۇ شېركەتنىڭ ئالىي دەرىجىلىك كۆچمە ئۈسكۈنە ئوبرازى كەم بولۇپ كەلمەكتە.
بۇلتۇردىن باشلاپ لىيەنشاڭ كۆچمە ئۈسكىنە ساھاسىگە كىرىشكە ئىرادە باغلاپ،بىرتەرەپتىن ھوللىۋود چولپىنى Ashton kutcherنى ئوبراز ۋەكىلى قىلدى، يەنە بىر تەرەپتىن 9-ئايدا يېڭى يانفون ماركىسى Vibeنى ئېلان قىلدى،بۇ قېتىم موتورولا يانفون تارمىقىنى سېتىلىۋېلىشى ئالىي دەرىجىلىك كۆچمە ئۈسكۈنە ئوبرازىنى يارىتىشقا پايدىلىق.
لىيەنشاڭ ئىلگىرى يانفوننىڭ مەزكۇر شىركەتنىڭ كومپىيۇتېر ساھەسىدىكى ئۇتۇق قازانغان تەجىربىسىنى قوللىنىدىغانلىقىنى ئوتتۇرىغا قويغان ئىدى.بۇ قېتىملىق موتورولا يانفون تارمىقىنى سېتىۋېلىش ئەينى ۋاقىتتىكى IBMنىڭ شەخسى كومپىيۇتېر مۇلازىمىتىنى سېتىۋالغانغا ئىنتايىن ئوخشىشىدۇ.IBMنىڭ شەخسى كومپىيۇتېر مۇلازىمىتىنى سېتىۋېلىش لىيەنشاڭنى دۇنيادىكى ئەڭ چوڭ كومپىيۇتېر بىلەن تەمىنلىگۈچى قىلغانىدى.يەنە بىر تەرەپتىن، Google2012يىلى 12مىليارد 500مىليون دوللارغا موتورولا يانفون تارمىقىنى سېتىۋالغان،شۇ يىلى 2مىليارد 350مىليونغا تېلۋىزور ئۈستى قۇتىسى مۇلازىمىتىنى سېتىۋەتكەنىدى.بۇ قېتىمىلىق يانفون تارمىقىنى لىيەنشاڭغا سېتىپ بېرىش Googleنىڭ ئېيىتقىنىدەك موتورولانى سېتىۋېلىش Googleنىڭ تېخىمۇ كۆپ پاتنېتقا ئىگە بولىشى ئۈچۈن ئىكەنلىكى ھەم لىيەنشاڭغا  سېتىپ بېرىش ئارقىلىق يادرولۇق بولمىغان كەسپىنى چىقىرىپ تاشلىغانلىقىنى ئىسپاتلىدى.   



مەنبە:نۇر تورى

ئەجەپ جىق شىركەتلە ئالدى.  بۇ موتورۇلانى ،گوگۇل ئالغانتى باشتا ،ئەمدى لىيەنشاڭ ئالامدىكەن.

لىيەنشىياڭ موتوروللا نامىنى ساقلاپ قېلىپ تەرەققى قىلدۇرامدۇ ياكى موتوروللا نامىنى يوق قىلىپ لىيەنشىياڭغا ئۆزگەرتەمدۇ گوگۇل موتوروللانى سېتىۋىلىش ۋە سېتىپ چىقىرىشتىكى بۇ سودىدا زىيان تاتتىمۇ قانداق ؟

دۆلىتىمىز شىركەتلىرىمۇ باشقا شىركەتلەرنى سېتىۋالغۇدەك بوپتۇ   ..  

موتورولانىڭ ئىناۋېتى سەت چۈشۈپتۇ دە ئەمدى....

amirdinov يوللىغان ۋاقتى  2014-1-31 11:40
دۆلىتىمىز شىركەتلىرىمۇ باشقا شىركەتلەرنى سېتىۋالغۇدە ...

ئەجدىھا دەم تارتىۋەرگەندىكىن يوغىنىغاندۇ.......

سېتىۋالسىمۇ مەيلىتى لىكىن سەپلىممىلىرىنى تۆۋەنلىتىۋەتمەي يانفۇننىڭ بىر بۈرجىكىگە
LENOVOدەپ چاپلاپ قويۇپلا ياساۋەرسە

مەن ئەجەپ بەك ئۆچ ئۇ Lenovo دەيدىغان ماركىغا،ھۆ!

ئەمدى موتورللانىڭ كۈنى كېتىپتۇ بۇ يولداشلارنىڭ قولىغا چۈشكەن نەرسە بىر نەرسە بوپ كېتىدۇ زادى. ئەمدى موتوروللانىڭ خىزمەتچىللىرى ئاچچىق يۈتۈپ ئېسىلۋالماس ھە بىچارلەر  بىچارە موتورروللا ئەمدى لىيەنشەڭغا ئوخشاش ئەخلەت قاتارىغا ئۆتەپ كېتىدىغان بولدىدە.来自: Android客户端

lenovo نىڭ كومپىيوتىرى بىر ئاز بۇپ قۇيىدىكەن.

oygan567 يوللىغان ۋاقتى  2014-1-31 11:32
لىيەنشىياڭ موتوروللا نامىنى ساقلاپ قېلىپ تەرەققى قىلد ...

بۇنىڭغا ھازىر بىرنىمە دىگىلى بولمايدۇ،بىرنەەچچەيىلنىڭ ئالدىدا ۋولۋو ئاپتۇموبىل شىركىتىنى دۆلىتىمىزنىڭ جېلى شىركىتى قۇشىۋالغان ئەينى چاغدا بۇلار ئۈزىنىڭ قىلغان ئىششىدىن پەخىرلىنىپ تارىختىن بۇيانقى كىچىك بېلىقنىڭ چوڭ بېلىقنى يىيىشى دەپ ئۈزىدىن پەخىرلىنىپ شالۋاقلىرى ئېقىپ كەتكىچە نۇتۇق سۆزلەپ يۈرگەن، شۇنىڭ بىلەن بۇلار ۋولۋونىڭ نامىدا پىسپاس ماشىنىلارنى ياساپ ۋولۋونىڭمۇ نامىنى بۇلغىۋەتتى  شۇنىڭ بىلەن ۋولۋو شىركىتى نامىنى ئەسلىگە كەلتۈرۈش ئۈچۈن توختامنى بىكار قىلدى، ھازىرجېلى دەيدىغان ماركىمۇ يوق بولدى ئۇنىڭ ئورنىنى يىڭلۈن، دىخاۋ دەيدىغان (شەكلى ۋولۋونىڭكىگەئوخشايدۇ)ماركىلار ئالدى، ھېساپتا يىڭلۈن بىلەن دىخاۋ جېلىنىڭ ئانابېلەك دادا باشقا تۇققانلىرى ئىشەنمىسىڭىزجېلىنىڭ ماشىنا ساتىدىغان 4ئېس دۇكىنىغا كىرسىڭىز دىخاۋ بىلەن يىڭلۈندىن باشقا ماركا يوق، كىچىك بېلىق بۇغايەت زۇر بېلىقنى يۇتقان بىلەن ئېشى ئارتىپ كىتىپ ئۆلدى
بۇ تىلفۇن دىگەن نەرسە قانداق بولاركىن ئەمدى موتورولاغۇ2 مىليارد900 مىليون دوللارغا ياراپتۇ لىيەنشىياڭنى بازارغا سالسا نەچچە دوللارغا يارا.

mi2sc يوللىغان ۋاقتى  2014-1-31 13:45
بۇنىڭغا ھازىر بىرنىمە دىگىلى بولمايدۇ،بىرنەەچچەيىلن ...

بەك ئەتراپلىق تەھلىل قىپسىز بۇرادەر.... لىيەنشاڭنىڭ كومپيۇتېرى بوپ قويغان بىلەن، يانغۇنىنى ھەممەيلەن زاپەر دەۋاتسا....نىمە قىلغان بىلەن بىكارغۇ...

مەيلى زاپەر بولسۇن ياكى جىڭپەر بولسۇن،ئەسلىمۇ بەك تايىنى يوقتى لىيەنشىاڭنىڭ.ئەمدى بىچارا موتورولامۇ تۈگۈشۈپتۇ.ھەي ئىسىت......

لىيەنشىياڭ جوڭگۇدىكى چوڭ يانفۇن شېركىتى مەنچە گوگىل موتورولانى سىتىۋىلىشتىكى مەقسىتى موتورولانىڭ پاتنېت ھوقوقىغا ئېگە بولۇش ،ھازىر لىيەنشىياڭغا سېتىپ بەرگىنى پەقەتلا ماركا ۋە  كۆچمە ئۈكۈنلەر ھوقوقى ،لىيەنشىياڭ موتورولا يانفۇنىغا شۇ پاتنتلارنى ئىشلەتسە ئوخشاشلا ھەق تۆلەيدۇ دىگەن گەپ

ھەي مەنمۇ لىيەنشاڭ ئىشلىتمەن..مىنىڭ تىلفۇنۇمنىمۇ ناچارغا چىقىرۋەتتىڭلىمۇ ئەمدى..ئەمدى سىلەرغۇ سامسۇڭ..سونى..ئايفون ..دىن باشقنى ياراتمايسلەر..شىياۋمى..لىيەنشاڭ..جوڭشىڭلار..سىلەرنىڭ ئالدىڭلىدا زاپەر كىسەكلەر...بوپتۇ ئىشلىتىپ تۇراي....كىيىنچە ماۋۇ ئالىپتىكى چەتئەلچە ئىشلەتكەنلەر بىرلىشىپ ئۈزۈڭلارغمۇ بىزگمۇ يارايدىغان..ئەرزانراق تىلفۇن ئىشلىسەڭلار..بىزمۇ سىلەر بىلەن تەڭ بۇلاتتۇق来自: Android客户端