Arduinoدىن تۇنجى دەرس LEDلامپىنى چاقنىتىش

ئەسسالامۇ ئەلەيكۇم! ئالىپ تورىدىكى ئېلېكتىرون ۋە Arduino ھەۋەسكارلىرى!
ئالدى بىلەن كۆپچىلىكىڭلارنى ساقلىتىپ،ۋاقتىدا تېما يوللىيالمىغانلىقىمدىن كەچۈرۈم سورايمەن.
بۈگۈن مەن سىلەرگە Arduino تىزگىنلەش توك يولىنى ئىشلىتىپ،LED لامپىنى يىقىپ،ئۆچۈرۈشنى ئاپتۇماتىك كونتىرول قىلىدىغان تۇنجى پروگىراممىنى تونۇشتۇرىمەن.
پروگىراممىنى باشلاشتىن ئاۋۋال مەندىن «كىچىك ئېيىقچاق» توك يول تاختىسى سېتىۋالغان قېرىنداشلىرىمىزغا ئازىراق چۈشەنچە بىرىپ ئۆتۈپ كىتىشنى توغرا تاپتىم.ئالدىنقى «كىچىك ئېيىقچاق توك يول تاختىسى» دىگەن تېمامدا مەزكۈر توك يولنىڭ تۈزلۈشى،ئالاھىدىلىكى توغرىسىدا چۈشەنچە بىرىپ ئۆتكەن بولساممۇ،ئەمما بۇنى كومپىيۇتىرغا ئۇلاپ قانداق ئىشلىتىش توغرىسىدا چۈشەنچە بىرىپ ئۆتمىگەن ئىدىم.مەزكۈر تاختىنىڭ پروگىرامما چۈشۈرۈش ئىغىزىغا يانفۇننىڭmini USB لىق ئۇلىنىش ئېغىزى قوللىنىلغان بولۇپ،سىزدە يانفۇنىڭىزنىڭ USB سانلىق مەلۇمات سىمى بولسىلا كومپىيۇتىرغا چېتىپ پروگىرامما چۈشۈرۈش،كومپىيۇتىر بىلەن ئۆز-ئارا ئالاقە قىلىش مەشغۇلاتىنى تاماملىيالايسىز،شۇڭا مەن مەزكۈر توك يول تاختىسىنى تەمىنلىگەندە ئايرىم پروگىرامما چۈشۈرۈش سىمىنى تەمىنلىمىدىم. بۇنىڭدىن باشقا توك مەنبەسى يوق شارائىتتا باتارىيەگە ئۇلاپ ئىشلىتشىكە قۇلاي بولۇشى ئۈچۈن،بىر دانە  9v لۇق باتارىيەگە ئۇلاش سېمى تەمىنلەندى.
تاختىنى تۇنجى قېتىم كومپىيۇتىرغا ئۇلىغان ۋاقىتىڭىزدا،كومپىيۇتىرىڭىز يېڭى قاتتىق دىتالنى بايقىغانلىق ئۇچۇرىنى كۆرىسىتىدۇ،بۇ چاغدا سىز مەزكۈر تاختىنىڭ تونۇتۇش پروگىراممىسىنى قاچىلاڭ. USB2.0-Ser! HL-340.rar (141.8 KB, چۈشۈرۈش سانى: 111)

2014-1-10 08:01 چىقىرىش

ھۆججەت ئىسمىنى بېسىپ قوشۇمچىنى چۈشۈرۈش (بۇ قوزغىتىش پروگىراممىسى Arduino نىڭ  QQ توپ بوشلىقىغىمۇ يوللاندى)
كومپىيۇتېرىڭىز توك يول تاختىسىنى مۇۋاپىقىيەتلىك تونىسا،قاتتىق دىتال تېزىملىكىدە يېڭىدىن بىر  COM ئېغىزىنىڭ كۆپىيىپ قالغانلىقىنى بايقايسىز.
ئەمدى توردىن چۈشۈرۋالغان  Arduino نىڭ توپلاشما ئىجادىيەت مۇھىتىنى قوزغىتىڭ. قايتا چۈشۈرمەكچى بولسىڭىز،ماۋۇ تېمىغا نەزەر سېلىڭ.
بەزى تەپسىلاتلار ئىلگىرىكى تېمىلاردا ئوتتۇرىغا قويۇلغان بولغاچقا بۇ يەردە قايتا تەكىتلەپ يۈرمىدىم.
يەنە بىر قېتىم ئەسكەرتىپ ئۆتەي: Arduino غا پروگىرامما تۈزگەندە،پروگىرامما تۈزۈش،ئىجىرا قىلىش تەرتىپى تۆۋەندىكىچە:
>> توك يولى خەرىتىسى بويىچە توك يولنى قۇراشتۇرۇپ چىقىش.
>> USBئۇلىنىش سىمى ئارقىلىق Arduino توك يول تاختىسنى كومپىيۇتىرغا ئۇلاش
>> Arduino توپلاشتۇرۇلغان ئېجادىيەت مۇھىتىنى قوزغىتىش.
>> توپلاشما ئىجادىيەت مۇھىتى كۆزنىكىدىن نۆۋەتتىكى ئاردىينو تاختا تىپىنى ۋە ئۇلىنىش ئېغىزىنى تاللاش.
(ئىجادىيەت مۇھىتىنىڭ قورال تېزىملىكىدە تاختا تىپىنى ۋە ئۇلىنىش ئىغىزىنى تاللايدىغان قوشۇمچە تېزىملىكى بار بولۇپ،كىچىك ئېيىقچاق توك يول تاختىسنىڭ تىپى Arduino UNO تاختىسنىڭكى بىلەن ئوخشاش،ئۇلىنىش ئىغىزىغا قايسى ئىغىزنى تونىغان بولسا،شۇنى تاللاپ قويساق بولىدۇ،مۇشۇلار توغرا تاللانمىسا پروگىراممىنى مۇۋاپىقىيەتلىك چۈشۈرگىلى بولمايدۇ)

>> پروگىرامما كودىنى يېزىشنى باشلاش.
>> تۈزگەن پروگىراممىنى Arduinoغا يوللاش.
LED نى چاقنىتىش پروگىراممىسنى يېزىش
  ئەمدى سىز كومپىيۇتىرىڭىزدىن Arduino IDEنى قوزغىتىڭ،تېزىملىكتىن File/Newتاللاش ئارقىلىق يېڭىدىن كۇپىيە ھۆججىتى(Sketch) قۇرۇڭ (ياكى بولمىسا نۆۋەتتىكى تەھرىرلەش كۆزنىكىگە بىۋاستە يېزىۋەرسىڭىزمۇ بولىدۇ)،ھەمدە ئىسمىنى «Blinking LED»دەپ قويۇڭ،ئاندىن «OK»نى بېسىڭ. Arduino توپلاشما ئېچىش مۇھىتىنىڭ پروگىرامما تەھرىرلەش كۆرۈنمە يۈزىدە يېڭىدىن بىر پروگىرامما تەھرىرلەش كۆزنىكى ئېچىلىدۇ،(تۆۋەندىكى «مىسال-1» دىن پايدىلىنىڭ.)
پروگىرامما كودى:

1. //Example 01:Blinking LED
   
2. #define LED 13  //نىڭ ئۇلىنىش پۇتىنى 13-پۇت قىلىپ بەلگىلەش LED
   
3. void setup() {               
   
4.   pinMode(LED, OUTPUT); // 13-پۇتنى چىقىرىش ھالىتىدە قىلىپ بەلگىلەش
   
5. }
   
6. void loop() {
   
7.   digitalWrite(LED, HIGH);   // نى ياندۇرۇش LEDيۇقىرى ئېلېكتىر ئېقىمى ئارقىلىق
   
8.   delay(1000);               // بىر سىكۇنت كۈتۈش
   
9.   digitalWrite(LED, LOW);    // نى ئۆچۈرۈش LED تۆۋەن ئېلېكتىر ئېقىمى ئارقىلىق
   
10.   delay(1000);               // بىر سىكۇنت كۈتۈش
    
11. }  

مەزمۇننى كۆچۈرۈۋېلىش

بارلىق پروگىرامما كودىنى كىرگۈزۈپ بولغاندىن كېيىن،تەكشۈرۈش(Verify) دىگەن كونۇپكىنى باسىمىز،ئەگەر تەكشۈرۈش نەتىجىسى توغرا بولۇپ خاتالىق بولمىسا،كۆزنەك ئاستىدىكى قارا رەڭلىك كاتەكچىدە «Done Compiling»دىگەن ئۇچۇر كۆرنىدۇ.بۇ ئۇچۇر Arduino IDEنىڭ سىز تۈزگەن پروگىراممىنى ئۆزەكتە ئىجىرا قىلىشقا بولىدىغان پروگىراممىغا تەرجىمە قىلىپ بولغانلىقىنى بىلدۈرىدۇ.ئىجادىيەت مۇھىتىنىڭ كۆرۈنمە يۈزىنى يەنە بىر قېتىم ئەسلىتىپ ئۆتەي.

   يۇقارقى قەدەم باسقۇچلارنى تاماملاپ بولغاندىن كېيىن،كۆزنەكتىكى «يوللاش(Upload)» كونۇپكىسىنى بېسىش ئارقىلىق پروگىراممىنى Arduino توك يول تاختىسىغا يوللايمىز.پروگىرامما مۇۋاپىقىيەتلىك يوللانغان بولسا، Arduino IDE كۆزنىكىنىڭ ئاستىدىكى قارا رەڭلىك كاتەكچىدە «Done uploading»دىگەن ئۇچۇر كۆرنىدۇ.كىچىك ئېيىقچاق توك يول تاختىسنىڭ كۆزىگە توغرا كىلىدىغان جايدا ئىككى دانە LEDچىرىغى بار بولۇپ،ئۇلار يوللاش(TX) ۋە قوبۇل قىلىش(RX) ھالىتىنى كۆرسىتىپ تۇرىدۇ،ھەربىر بايىت ئۇچۇر يوللانغان ۋاقىتتا بۇ چىراغلار بىر قېتىم يانىدىغان بولۇپ،پۈتكۈل پروگىرامما يوللاش جەرىياندا توختىماستىن لاپىلداپ تۇرىدۇ.
پروگىراممىنىڭ ئۈنۈمى:ئەگەر سىز كىچىك ئېيىقچاق توك يول تاختىسىغا باشقا LED چىرىغى ئۇلىمىغان بولسىڭىز(ئىلگىركى تېمىدا باشقا LED چىرىغىنى ئۇلاش توغرىسىدا چۈشەنچە بىرىلگەن،شۇڭا قايتا تەكىتلەنمىدى)،توك يول تاختىسنىڭ ئاستى تەرىپىدە «L»  دەپ بەلگە سېلىنغان كۆك رەڭلىك چىراغ بىر سىكۇنىت ئۆچۈپ،بىر سىكۇنت يانىدۇ،مۇشۇ بويىچە توختىماي ئۆچۈپ يانىدۇ،ئەمدى سىز بۇ پىروگىراممىغا تەپەككۈرىڭىزنى قوشۇپ،ئۆزگەرتىپ باقماقچى بولسىڭىز،ھازىرچە يېنىپ،ئۆچۈش ۋاقتىنى ئۆزگەرتىپ بىقىڭ،يەنى ()delay فۇنكىسيىسىنىڭ قىممىتىنى ئۆزگەرتىپ بىقىڭ.ئادەتتە Arduino پروگىرامما تىلىدا 1 سىكۇنت 1000ئارقىلىق ئىپادىلىندۇ،بۇ قىممەتنى 5000غا ياكى 1000 غا ئۆزگەرتىپ بىقىڭ.چىراغ سىز بەلگىلىگەن ۋاقىت بويىچە ئۆچۈپ يانىدۇ.
ئەسىلى چۈشەندۈرۈشكە تىگىشلىك نۇرغۇن گەپلەر بار ئىدى،ۋاقىت مۇناسېۋىتى بىلەن مۇشۇنچىلىك يېزىپ تۇراي،تاختىنى يېڭىدىن قولۇڭلارغا ئالغانلار تۇنجى پروگىراممىنى سىناپ بىقىڭلار،مەسىلە كۆرۈلسە ئىنكاس يېزىڭلار ياكى مەن بىلەن ئالاقىلىشىڭىلار.
كىتابىم سىلەر بىلەن يۈز كۆرۈشكەن كۈنى مىنىڭ بۇ يەردە ئەزۋەيلەپ سۆزلەپ ئولتۇرۇشۇمنىڭ ھاجىتى قالمايدۇ.
كامالى ئىھتىرام بىلەن: ئېلېكتىر چەۋەنداز
2014-يىلى قەھرىتاننىڭ 10-كۈنى.

رەھمەت   بۇنى  يىراقتىن   كونتىرول قىلىش  قولايمۇ

رەھمەت  ھە

مەن سىزنى قاچىلىچسام يا قۇقۇغا يا توپقا قوشمىدىڭىزغۇ…

رەھمەت 

ئاللا ئېگەم ئىشلىرىڭزغا ئاسانلىق بەرسۇن..

كېيىنكى دەرستە نېمە ئۆتىلىدۇ؟

يارايسىز، ئېلېكترونچىلىقنىڭ قوغدىغۇچىسى --- چەۋانداز، ھەركىتىڭىزنى داۋاملاشتۇرۇڭ.

ۋە ئەلەيكۇم ئەسسالام. ئىلىكتىر چەۋەنداز يىڭى بىلىملىرىڭىزگە.رەھمەت

توپ نۇمۇرڭىز  ئىزدەپ قاتسام كىرسەم قاتمىدىڭىزغۇ تېما ئىگىسى来自: Android客户端

چەۋەنداز دوستىمىز بەك ياخشى مەزمۇنلارنى بىزگە يوللاۋاتىسىز !  كۆپتىن - كۆپ رەھمەت ، بۇنىڭ تىلى س تىلى ياكى 汇编语言 گە قارىغاندا ئاددىيمۇ نىمە ؟ خاپا بولماي كۆكچىش ئارقىلىق كونتىرول قىلىدىغان ئۇسۇلدىن ئازراق مىسال كۆرسەتسىڭىز ، يېقىپلا قالسا دەرھال ئالاتتىم !

pdf نۇسخىسىدىكى كىتابىڭىز قاچان چىقا مەن بەكلا قىزىقىپ قىلۋاتمەن arduino غا كىچىگىمدىن بەك قىزقاتتىم ئىلىكتىر ئەسۋابلېرىغا.

      Arduino IDE نى قاچىلىغاندا كۆپىنچە ئېنگىلىزچە قاچىلىنىدۇ. ئۇنى تىل تاللاش تىزىملىكىدىن خەنسوچە تىلنى تاللاپ قويساق بولىدۇ. مەسىلەن:  File تىزىملىكىدىن Preferences نى تاللايمىز. ئېچىلغان كۆزنەكتىكى Editor language قۇردىن 简体中文 نى تاللاپ OK نى باسساق كۆزنەك تاقىلىدۇ. ئۇنىڭدىن كېيىن Arduino IDE دىن تولۇق چېكىنىپ قايتا ئاچسىڭىز خەنسوچە بولغانلىقىنى كۆرىسىز.
رەسىمدە كۆرسىتىلگەن Arduino IDE نىڭ قايسى نەشىر ئىكەنلىكىنى بىلەلمىدىم. تەمىنلەنگەن چۈشۈرۈش ئادرىسىدا Arduino IDE 1.0.5 بىلەن 1.5.5 ئىككى خىل نەشرى تەمىنلەنگەن. دەسلەپ ئۆگەنگۈچىلەر 1.0.5 نى قاچىلاپ ئىشلەتسەڭلا بولىدۇ.

      چەۋەنداز قېرىندىشىم، كۆپ ئەجر قىپسىز. ئالدىراشلىق ئىچىدىن ۋاقت چىقىرىپ دەرسلىك تەييارلىغىنىڭىزغا رەھمەت. سىزنىڭ بۇ يولدا تارتقان جاپايىڭىزغا مەن ھەم باشقىلار جاۋاپ قايتۇرۇپ بولالماسلىقىمىز مۇمكىن. ئەجرىڭىز بىزدىن يانمىسا ﷲ تىن يانار. ھارمىغايسىز. تۇنجى دەرسلىكىڭىز مۇۋەپپىقىيەتلىك چىقىپتۇ. كېيىنكى قېتىملىق دەرسىڭىزنىڭ تېخىمۇ چۈشىنىشلىك بولۇشى ئۈچۈن ئىزدىنىپ باقسىڭىز. بۇ دەرسىڭىزدە بەزىلەر گاڭگىراپ قالغان بولۇشى مۇمكىن.

بۇ دەرسىڭىزدە بەزىلەر گاڭگىراپ قالغان بولۇشى مۇمكىن.

سىزنىڭمۇ قىممەتلىك تەكلىپ-پىكىرلەرنى بەرگەنلىكىڭىزگە كۆپتىن-كۆپ رەھمەت! مۈمكىن بولسا سىزمۇ قوسقىڭىزدىكى ئۇماچنى كۆپچىلىكتىن ئايمىغايسىز!
Arduino IDE نى ئۇيغۇرچىلاشتۇرۇش پىلانىممۇ بار ئىدى،بىراق ئۇنىڭغا ۋاقىت چىقىرالمايۋاتىمەن،دەرسلىكتىن بەزى قېرىنداشلىرىمىزنىڭ گاڭگىراپ قىلىشى ئېنىق،چۈنكى مەلۇم بىر يېڭى شەيئىنى تولۇق چۈشىنىش ۋە چۈشەندۈرۈش ئۈچۈن ئۇنىڭغا ۋاقىت ۋە جەرىيان،قىزىقىش كىتىدۇ،مەنمۇ ئامال بار دەرسلىكىنى كۆپچىلىككە چۈشىنىشلىك قىلىشقا تىرىشىمەن،يەنە شۇنداقلا سىزدەك قېرىنداشلىرىمىزنىڭ قىممەتلىك تەكلىپ-پىكىرلىرىنى ئايىماسلىقىنى ئۈمىد قىلىمەن.
يەنە شۇنداقلا بەزى قېرىنداشلىرىمىزنىڭ مەخسۇس يېزىلغان مۇزاكىرە تېمىسىغا باشقا مەزمۇنلارنى ئارىلاشتۇرماسلىقىنى سەمىمىيلىك بىلەن ئۈمىد قىلىمەن.

e-chewendaz يوللىغان ۋاقتى  2014-1-11 12:15
سىزنىڭمۇ قىممەتلىك تەكلىپ-پىكىرلەرنى بەرگەنلىكىڭىزگ ...

ئەسسالامۇ ئەلەيكۇم كىچىك ئىيىقچاقنىڭ ئۇلىنىش پۇتلىرى توغىرسىدا ئازدۇر كۆپتۇر چۈشەنچە بەرگەن بولسىڭىز؟
مەسىلەن: AREF , RST , GNDپۇتلىرىنىڭ قانداق ئىقتىدارى بار دىگەندەك.